石仔記粥麵 (已結業)

經過此粥麵店食品選擇挺多，想不到也有豬扒、雞翼麵或飯，更意料不到鎮店的其中一款食品是南乳豬手。此店推介下午茶餐中的「南乳豬手飯」是必吃選之一。下午茶吃飯？真的感到「十年唔逢一閏」。可是，因很少來這區，同時也吃得下，最後也要了「南乳豬手飯，加配熱夠薑奶茶（$5）」。「夠薑奶茶」聽起來讓我感到有點繪形繪聲，原來是「薑蜜混奶茶」，有創意。喝下，薑味中有微甜，又滲出不澀的順滑奶茶味，又可吃到少許薑絲，味道挺奇妙，好喝而令人留下印象，值得讚賞及推介。至於南乳豬手飯，豬手肉軟入味，汁料拌送軟綿的飯好吃。總的來說，食品質素是合理的價格。

一踏入店裡，對住門口有２人位，我地就坐落去，另外的都係長枱４人以上嘅位，都係全用上木枱木櫈，加埋店裡裝修，感覺就更老店。餐牌方面都好多款式，除了有是日飯餐外，更有石仔自選粥餐／麵餐，都係粥／麵+小食+飲品，睇下圖中餐牌就知都有多款野可揀嘅。本來我都想揀個粥餐食，點知只有豬紅魚片粥我係食嘅，但我又唔食魚片呢，最後都係放棄啦，最後我地揀左以下野食：① 自選粥餐：杞子滑雞粥+京醬豬紅+熱檸茶 ($52)② 生滾豬肚粥 ($28)③ 油炸鬼一條 ($10)Total= $90其實食粥嘅都唔算平，不過份量係足料嘅，食完都幾滿足，雖然店的隔離都有間更舊底粥鋪，價錢平３份１，不過呢間都算係用心製作，可以返轉頭。 熱檸茶：細細杯，紅茶味好重，檸檬好似唔使錢咁有好多片，比出面飲果Ｄ好飲！京醬豬紅：餐牌寫係「秘方」喎，本來都驚會油油的，因為出面食開潮洲打冷都係油油的，點知上菜見到又唔係喎，雖然細細碗，不過份量都算幾多，深棕紅色醬汁只有小小辣帶甜，豬紅質感微實帶滑，估唔到係好食嘅。生滾豬肚粥：其實我以往出街食粥唔係白粥就豬紅粥，今次比我見到有豬肚喎，好想試下白灼豬肚會係咩味？米粒已被煮開嘅粥底好綿唔會水汪汪

晚上6點30分，由於未到晚餐高峰時間，不用等位便可入座。店內整潔，大概可以容納25人。門外的是日特價餐牌。石仔自選粥餐及麵餐，價錢$38-50，包指定粥品/麵食1碗，指定小食1客及凍豆漿1杯或指定熱飲，凍飲另加錢，價錢會較單點便$5左右。招牌及第粥$45連凍豆漿及三絲炒面所有米粒已被煮開，吃一口，粥綿密，水米比例剛好，一路吃一路攪拌都不會出現變成水的狀態，證明真材實料。粥底還帶著有種好鮮甜的味道，光吃它的粥底已可以大滿足，有少許的薑絲、蔥絲，令到粥底鮮中帶少少辛，好開胃。粥的配料有豬肚、豬腸、豬潤、豬肉丸、豬心。豬肉丸吃得出是手打的，表面帶點粗糙，肉的鮮味十足，咬下去口感略帶爽口，可惜碗內只有一粒。豬潤非常爽口，不會過熟；另外，豬心也同樣爽口，好味。豬肚及豬腸相對地較為普通，没有令人有難忘的感覺。豬紅魚片粥$42連凍豆漿及椒鹽黑魚丸吃了一啖友人點的豬紅魚片粥，粥底一樣鮮甜。店家非常大方，整碗粥滿滿的豬紅及魚片，由於粥底煮得够靚，只要加上自己喜歡的配料，已經是非常美味。椒鹽墨魚丸，表面被炸至微微金黃色，咬下去，香口紮實，墨魚肉味道清晰，味道不俗。份量十足的三絲炒面，不油膩，麵的柔軟度適中

我同太太最愛食宵夜，佐敦宵夜選擇多，但過左晚上11點仲有開的就唔多啦。石仔記係我同太太最愛去既地方之一，因為食物正，又近觀塘小巴站。今晚工作太夜，太餓了，又拉老婆去石仔食野啦。講到好味，佢地豬既野都好食，豬膶、豬手、豬扒、豬心、豬雜。我地點左下面的:1.) 淨豬手(小): 大概4隻，一如以往，南乳非常入味，夠林但又保番咬口，唔會似深水埗堅記咁林到爛。必食。2.) 及第粥: 勁大一碗，夠兩個人食，豬膶勁爽有鮮味，粥底綿滑。不過如果一個人吃可能會太大碗。3.) 石仔雜綿拼盤: 本來想叫豬扒，原來拼盤有豬扒、雞翼、墨丸等都係多$12，就叫了一個。豬扒真係好鬆軟，好軟好好味，出面茶記常常又乾又硬，石仔記真係食上癮，炸雲吞好脆皮。3樣加埋先$98埋單。愛豬既我，真係次次都無失望。想食公仔麵有揸豬膶既一定揀維記; 想食大地魚清湯鮮味豬膶，一定食石仔記。

在佐敦閒逛不知吃什麼, 到開飯search, 石仔記是好評不少一家, 三人吃了兩個餐... 有很多選擇可自由配搭~粥餐: (around $50)及弟粥 - 豬潤真是如其他好評說的一樣, 夠厚又爽口, 一碗兩大片是一流, 其餘的豬肚, 粉腸, 肉圓等.... 都吃得出新鮮~ 粥夠棉滑, 好正~豬紅 - 也是多人推介的, 蠻大一碗, 但略嫌唔夠入味....薑汁奶茶 - 必是冬季恩物, 還有一條條薑絲放底, 薑味恰到好處, 奶茶也算香滑, 不妨一試麵餐: (around $50)豬手河 - 豬手入味而稔滑, 件數算不少, 河粉索了湯汁又滑又好味~炒麵 - 店上餐牌說它是招牌又足料, 而其實是.... 本人覺得還ok吧~~薑(了什麼)蜜 - 比不上薑汁奶茶好喝家庭式經營, 出品不錯, 食品價錢合理, 質量比同區其他店可取, 只是地點有點吊腳..... 不過, 進餐其間他聽到電話不停响, 看來外賣order的生意也不少~好希望它長做長有, 別被連鎖集團餐廳代替

特意去吃豬潤面，沒有太大期望，只因沒有聽朋友提起過這家餐廳出名。餐比較抵吃，有面，有小吃還有餐飲,只是44完。最驚喜反而是這個腩汁蘿蔔整體來說，性價比還是很高的，下次ot完也會再來吃!

I live in Jordan and this is one of my favorite places for congee and noodles. I order take out here at least once per week. Love the wonton noodles and their congee. Im a congee fanatic, so im quite picky about congee. Many places add starch to thicken and use very low grade rice. Other places make their congee like soup and watery. Overall this place is a good congee spot.

是日在躲懶, 全日都不煮食, 亦沒什麼特別活動, 就是在外食算了。在佐敦逛逛見到石仔記粥麵, 在「開飯」搜尋過, 評語都OK的, 又想吃粥麵, 就進去了。 有各款的飯、粥、麵、米線、湯飯、小食, 種類繁多, 價錢合理。 自選套餐有粥/ 麵+小食+飲品, 比散叫便宜數元。 咸豬骨芥菜粥 - 粥底好綿, 豬骨都幾淋可吃, 芥菜新鮮, 煮完之後都呈翠綠色。腩汁蘿蔔 - 份量幾多, 腩汁惹味, 蘿蔔有少少渣但都幾清甜 南乳豬手麵 - 好有水準, 豬手炆到好淋, 麵質亦爽口令我想起以前很喜歡去深水埗新香園吃它的豬手麵, 這裡有新香園那麼好吃。白灼芥蘭 - 一向我都不太喜歡吃大棵的菜, 相對下較愛吃苗, 這裡的大棵芥蘭又幾好吃, 無渣, 好爽脆! (沒拍照)「石仔記」的老闆是個三十出頭的年輕人, 據說曾四處找老師傅學師, 學會後加以改良, 所以有著傳統的口味, 我們光顧這天都有見到老闆, 星期日中午時份, 客人不多, 不知是否受佔中影響, 很想支持這些美味及有著傳統味道的小店, 不希望只剩連鎖餐廳和大財團, 有機會會再光顧啊!

是晚和友人到了佐敦找東西食,而佐敦和尖咀的附近向來是不少好食的食肆的XD今次就嘗試了這間石仔記粥麵。豆漿嘛...正正常常,但似甜了一點~如果是女生就可能不太受落的了XD及第粥感覺上和連鎖店的差不多,但用料似乎略為少了一點...但豬潤做得不錯,相當爽口~而且應該算是厚切豬潤,口感相對飽滿XD自家製藍莓布甸居然有甜品的出現....但似啫尼多一點@@而且藍莓布甸和花奶...真的不太襯...但都是一種好的嘗試來的,而且布甸內亦加入了藍莓粒,所以都算是OK的~

來了這兒不下十次。 每次都係叫豬潤麵， 每次都沒有失望。先來一碟油菜。地區小店做街坊生意， 落手絕不手軟。你看十元便差不多給了你整棵生菜。豬潤粗麵 ($30)我說這是豬潤厚切。 數大塊豬潤攤開的話可以鋪滿整個碗仔。豬潤灼煮的時間百份百剛剛好。放在嘴裡嚼嚼時你絕對可以感受到豬潤厚切的爽滑及嚼勁。加上薑絲吊味，絕對是出得大場面的民間杰作。不需要有太多選擇。 只要有一道好的拿手菜， 便立可俘擄了你， 誘使你再三光顧。

去親佐敦食粥其實我靜係識得去廟街o個邊，今次想試下第二間。石仔記除左粥仲有粉、麵、飯，好多選擇。下午茶時段叫$22以上粥品加$5/$8可以有飲品/小食。望到有齋粥我二話不話就決定到啦！南瓜粟米粥，唔係好多粥鋪有齋粥。再加左杯蜂蜜薑茶。媽咪就叫左及底粥同南北杏梨茶。我問咩係及底粥，原來係豬腸，豬腰，豬心，豬肉丸。所有豬o既野集於一粥。佢地d粥都幾大碗下午茶黎講，南瓜粟米粥好清甜，南瓜綿粟精都幾甜。蜂蜜薑茶都唔差,好夠薑味。及底粥媽咪話d豬腸、腰、心等內藏好姆喉,可能係用太多梳打粉黎洗d內藏。南北杏梨茶就唔係咁好味，因為好酸。

話說呢2日豬仔同我腸胃唔係咁好..打算食啖粥清下腸胃...上OP一search..就搵到呢間..見d人讚d豬雜做得好..@@我既豬仔大人一向好鍾意食d呢d內臟野, 一於今晚就試下啦!!!我地差唔多成9點先去到..所以一入去就有位睇睇menu...果然四寶粥係首位排列...就叫一個試下啦~~我再要左碗牛根河, 豬仔就要多個薑蔥及弟豬什麵第一個上場係牛根河!嘩, 真係有d surprise...28蚊一碗,但異常足料!!!除左牛根仲有少少牛腩添味道方面，入味得黎唔會過咸同搶味因為有時出面d牛腩一咬落去只係食到花椒八角個d濃烈既香料味..呢間反而仲保留到鮮味最加分係, 碗麵灑左少少韮黃, 個feel同有一間駐紮係d大型商場既連鎖既雲吞麵店好似!d牛根煮得夠哂稔, 呢樣真係做得好好!!!第二個係豬仔既薑蔥及弟豬什麵豬仔話, 碗麵好香薑蔥味~的確薑蔥用黎辟內臟既腥味係最有效的!佢食左啖豬潤, 話生熟度岩岩好, 冇怪味, 唔錯(豬仔對豬潤要求都幾高下的@@)至於另外個D材料... 佢就掛住食無俾評語喇XD第三樣係鎮店既四寶粥有豬潤, 蠔豉, 滑雞 同 肉丸一「畢」落去, D粥好綿喎!!味道都唔錯,

常常有人說笑地說「粥、粉、麵、飯」是中國四大發明，這或許是誇張和開玩笑，但無疑「粥、粉麵、飯」碗實是我們廣東人的四大主要食糧。如果向老外介紹香港地道美食，一定離不開炒飯、粥、雲吞麵或車仔麵、魚蛋河粉。由細到大，我特別鍾情於五榖類食品，最喜歡的是麵包、白飯、白粥，這天經過朋友邀請下，到此一嚐這店的粥麵。店子位於上海街接近佐敦那一段，與朋友在佐敦地鐵站A出口沿佐敦道轉入上海街，大概走5分鐘就到了這舖。雖然在這舊區，但門口的招牌和店內的裝修都屬於時尚新潮，並不像傳統的粥粉麵檔，店內燈光光猛，環境整潔。這店的面積不算太大，大概有十多張枱，門口的左手邊是收銀機，牆上貼了餐牌和有關之報導。我與朋友二人入坐於店裡中間的四人枱，枱與椅都是木造的，令這店的裝修格局在新穎之餘亦帶點傳統。細閱餐牌，可見餐牌亦做得很用心的，明碼實價，中英對照，部份食品還有加以描術，例如四寶粥包括甚麼食材等。在研究完餐牌後，與朋友各自點了一碗粥和一碗麵，再加兩碟小食和飲品。首先奉上來的是夠薑奶茶，這個奶茶屬這店的特飲類，這個寒冷的晚上我就是給這「夠薑」這兩隻字吸引住了。我這個人很奇怪的，喜歡喝西式茶（尤其是伯爵茶、薄荷茶），喜

我和朋友均來自澳門, 假期期間到香港旅遊並住在佐敦萬年青酒店, 夜深後想在酒店附近填填肚, 看了幾家不是川菜, 便是小炒, 太上火都不合心水. 逛到石仔記門口時, 看到他們的menu也挺有特色, 便在這偶然的機會下試了石仔記. 原本對石仔記也不抱期望, 希望水準平平便可, 但石仔記的食物質素和服務態度卻給了我們驚喜.我們甫進門後, 侍應姐姐便熱情地向我們打招呼和安排我們4人的位置. 當時約晚上10點, 店內的客人並不多, 大概有2,3桌客人. 餐牌提供的種類也挺多, 有清淡的也有比較濃味的京醬和酸辣系列. 最後我們點了以下的食物和飲料, 上菜的速度約10~15分鐘.飲品:南北杏蜂蜜梨茶x2 $9/杯朋友評語 味道一般, 蜂蜜和梨的味道都可嘗出, 但南北杏的味道不太突出.石仔夠薑奶茶 $9朋友評語 味道不錯, 薑茶就試得多, 薑和奶茶是個新鮮的配搭. 薑的味道適中, 不會把奶茶都蓋過, 在冬天喝挺暖身.檸檬西洋菜蜜 $9本人喝的便是檸檬西洋菜蜜, 一喝首先嘗到的是檸檬的味道, 再試到是淡淡的像西洋菜湯的味道, 兩種原料配合得不錯.食物:效外油菜 (生菜) $10上桌時淋了豉油在面作簡單的

本約好好友新兄晚上去打邊爐，但萬料不到他因工作纏身，過了約會時候他竟仍在公司。在街上遊蕩着等他的我自然也就沒有多大耐性再等下去了，於是唯有擇日再會吧....一個人在佐敦一帶，霎時間也不知要吃甚麼 (儘管選擇是多的是)。忽然想起在上海街的這間新街坊小粥麵店，之前因其有不少好評已很想去試了。今趟是真正擇日不如撞日，可以過來嚐嚐....肚子餓得作響，在叫嘢食方面當然就不會太吝嗇。先來一大碟的雲吞腩撈粗麵。麵是蠻有咬勁而沒帶很重鹼水苦澀味；雲吞則並非有散尾的傳統做法而且肉饀差不多全是細小的蝦來的，欠了肥膘肉的它入口自然不夠滑溜了，而蝦本身亦只得個爽字但並不鮮甜；牛腩有着很香濃的柱候醬味，調味偏甜的是頗合我個人的口味。瘦的部位少不免有丁點嚡口讓人容易黐牙的感覺但整體上也算是炆得淰軟的....伴麵吃的上湯是頗有水準的 --- 湯底是極之清澈亦有大地魚帶來的甜香。少許的鮮甜味應是來自放進去熬的蝦殼 / 蝦子一類的材料。美中不足的是呷落有些微的苦味，其中可能是蝦子煑得過久的關係吧....要了一碟芥蘭。致命傷是淥灼得太淰失去了爽脆的咬口。實在白白浪費了本應甚甜的它....再安哥多一小客叫作炸蝦膠肉丸的小