花園餐廳 (山東街)

營業中

休息中

用餐日期：2024/01/24用餐時段：午餐用餐費用(每人）：$118.5餐廳環境：環境整潔乾淨 冷氣足 室內有不少座位 檯與檯之間闊落 坐得舒服服務：服務員服務有禮貌態度好 味道：點了鮮茄焗牛脷飯+巨形T骨牛扒 2套餐有包1餐包+1牛油+2湯+2飲品1-麵包: 麵包鬆軟 配牛油+湯味道不錯2-湯：選了羅宋湯 大大碗份量足 湯足料不鹹微辣味道好 推薦3-鮮茄焗牛脷飯$75: 份量足 飯上有不少新鮮番茄 番茄汁調得剛好不過酸味道好 茄汁下有5大塊牛脷 牛脷醃得入味牛味十足 牛脷焗得夠稔超軟滑香口 質感好得有點像食牛扒的感覺 牛脷下的飯份量足也炒的夠稔夠香 味道非常好 這是我暫時食過味道最好的鮮茄焗牛脷飯 超推薦 4-巨形T骨牛扒$162: 如下圖手掌對比可見份量超級大 選了7成熟+黑椒汁 這T骨牛扒牛味十足 牛扒煎得外香口內嫩滑 味道超好 超推薦 另服務員在淋黑淑汁前細心地提醒客人用紙巾遮擋以防彈到醬汁 是服務加分的地方 5-薯條：這是T骨扒餐配的 薯條切得粗條狀炸得外脆內軟 點茄汁味道好 推薦 6-飲品：選了熱檸水 味道正常 總結：這家扒房在香港已開了很多年 歷史悠久 香港長大的大多

扒嘅餐廳提供的菜品非常美味。以下是對扒嘅餐廳好食的描述：1. 肉質鮮嫩：扒嘅餐廳以提供優質的肉類為主打，無論是牛扒，還是豬扒，它們的肉質都非常鮮嫩，咬下去時帶有豐富的肉汁，讓人回味無窮。2. 烹調技巧高超：扒嘅餐廳注重烹調技巧，能夠將肉類烤得剛剛好，外表金黃酥脆，內裡保持著柔軟的口感。他們的廚師熟練掌握火候，使肉類保持最佳的食用狀態。3. 醬汁搭配恰到好處：扒嘅餐廳通常會提供多種不同的醬汁，讓客人可以按照自己的口味喜好進行搭配。這些醬汁的風味獨特，能夠提升肉類的風味，讓每一口都更加美味。總的來說，扒嘅餐廳以其肉質鮮嫩、烹調技巧高超和醬汁搭配恰到好處而受到人們的喜愛。

今日同伴叫左黑椒牛柳三成熟黎左個十成熟明明比附近兩枱早落單先而且同樣都係扒，但係係最後先上我嗰台。明白假日會比較多客丶會忙啲,唔係全部服務員態度都差,甚至見到有幾位態度都算唔錯，但係個棕色長髮阿姨態度惡劣丶語氣特別差。我同伴問佢野佢第一下聽到但無視，講野臭串之外仲要聽到佢對其他客發脾氣講粗口。咁唔願意serve客不如唔好翻

今日去咗旺角呢一邊一個人食飯，見到呢一間細細個食到大嘅花園餐廳就決定入去試吓港式鋸扒餐，打開餐牌都真係有好多唔同嘅選擇，本身想叫什扒餐，但係店員推介t bone, 就決定試吓，叫咗五成熟，跟餐仲有一杯凍飲餐湯同埋麵包！餐湯係普通羅宋湯冇乜特別，餐包就都係平時嗰啲冇特別，T骨反而幾特別，我就叫咗黑椒汁，落去個鐵板度炸一聲，牛肉嘅肉質ok, juicy, 唔會太鞋！反而覺得佢個黑椒汁唔係太辣都幾好食，有啲童年嘅回憶！塊扒嘅份量都好大，加埋餐湯非常飽，我就叫咗薯菜，加埋黑椒汁食都好食，有機會會再返嚟食！

雖然食評好多都話佢唔係太好，但係我就有一啲另外嘅意見。今日我嚟食西冷牛扒，鑊仔牛柳同焗豬扒飯非常有水準，我啲屋企人都係噉講，可能疫情之後，大家都對食店有唔同嘅要求，但係其實我覺得，佢係我細細個嘅一間專食牛扒嘅地方，疫情之後已經冇乜分店了，所以好希望大家都會支持下，多啲包容！！

D間花園餐廳野食係唔錯的，叫左個牛扒配薯菜，牛扒夠大份，又淋，有少少肥糕，薯條新鮮炸起，熱辣辣，脆卜卜，野食值90分，服務及態度就.......40分啦，趕客咁款，個經理對住D員工又呼呼喝喝咁，一D禮貌都冇，聽到都慘

首先，唔該餐廳寫明唔比人掉口罩，我已經放係碟上，仲要比個老女侍應話。第二，埋單時個老女侍應飛張單比我，個經理仲要冇反應，老侍應唔認錯，仲要鬧返我轉頭，又叫我快D走我問咗佢唔係老細，打工都可以咁惡？

花園餐廳有多間分店, 我多次光顧位於旺角山東街38號2樓的一間分店. 店內提供的是經典懷舊的牛扒餐, 我曾經嘗試過西冷牛扒餐(紐西蘭), 特色海陸空三拼餐, 巨形T骨牛扒套餐等. 我們通常兩人同行, 可分享兩套餐, 感覺上西冷牛扒是最合乎口味的, 比較同類同價格級數的牛扒餐廳, 花園餐的牛扒是性價比最高了. 牛扒大件肉厚, 肉質嫩滑可口, 建議五或七成熟最佳. 汁方方面本人只愛黑椒, 剛上枱時待應會在你面前淋在鐵板上, 跟著你便要拿起紙巾遮擋飛濺的醬汁了. 另加$42可享法國田螺半打.

今日嚟到花園餐廳,叫咗個西冷扒,5乘熟。先來個紅湯,覺得只係用茄膏加水加糖加啲雜菜,無乜肉嘅味道。餐包如果加番牛油刀相信會俾客人好印象啲,碟炸薯條加番少少鹽,就唔使淨係靠支茄汁吊味;最後塊西冷,啲肉嘅顏色覺得唔精神,唔似到用扒爐煎或燒,似係成塊擺落炸爐度炸,切開塊肉似熟非熟,比一般快餐店的鐵板扒餐更不如,咬落去更加失望到一個點,全無肉味,梳打粉嗱到件扒肉唔似肉,又唔似牛扒又唔似豬扒總之乜味都無,唉！又到支茄汁出場吊味先可以食完大半塊。希望花園餐廳可以的起心肝去改進食物質素,話晒响香港,呢類型嘅餐廳經已買少見少,唔希望呢間餐廳被市場淘汰。

黎到旺角成日見到花園餐廳，同朋友講起先知原來佢未食過😂而我上一次食都應該係初中既事，所以臨時決定試下呢間開左好多年又有香港特式既扒房🤔入到去見到裝潢好似番左80、90年代，有一種懷舊既感覺。我地叫左英國貴族豬扒餐🐷先黎餐包同餐湯，我地試完都好鐘意港式扒房既羅宋湯，將餐包點湯索哂湯汁好好味👍🏻黎到主角，唔知點解英國豬扒餐會插住支美國國旗😂而我地試完之後都對呢份豬扒好失望🥹肉味好淡、而且塊扒好榎歰歰👎🏻出名牙力好既我咬左好耐先吞到，唔講係豬扒我都唔知食緊乜野肉😅基本上只係得燒汁既味。最後我地冇食哂就埋單走人。🥲總結: 細個屋企人帶我黎花園餐廳，記得味道唔錯，唔係好好食，但每次食得好開心。但今次既體驗就不太良好。除左羅宋湯之外，主角都唔合格😤花園餐廳係香港都算係老字號，同佢同期既扒房好多都執哂，希望佢地可以有改善，畢竟香港呢類懷舊既港式扒房愈黎愈少😢

又大鄉里出城🤣已經有五十幾年歷史，喺香港幾出名嘅扒房，而家越來越少啦，亦都係一間平價親民嘅鋸扒，食牛就最鍾意食西冷，但係佢哋嘅西冷🥩唔算話好出色，只係比較重牛味，而且熟度啱啱好，反而佢哋嘅黑椒牛柳絲炒烏冬好惹味，好有鑊氣，比起出面嘅炒烏冬真係有唔同有分別，唯一缺點嘅係份量有啲小☹️

星期日去食童年回憶嘅味道，可以食物質素每況愈下，員工完全冇服務態度，經典餐廳已死亡。一入到餐廳已經有一陣古怪的味道，店長毫無表情既服務態度，我以為去咗”紅磡大酒店”，地下非常濕滑好跣，如果有老人家一齊去就真係要小心。食物方面：餐湯淡而無味，加錢既餐包係凍的，到主菜鐵板西冷牛扒order3成熟但已經over cook. 而且一D牛肉味都冇，只食到加上去既黑椒汁味，我寧願去”大X樂”，最後餐飲不過不失。最後總結，我應該唔會再考慮佢地

都算係童年回憶黎呀，每次最期待係拎過黎個下「磁磁声」，再加埋啲汁，每次去都好似睇表演咁😂 而且價錢都算平，包餐包同餐湯.西冷牛扒 叫左3成熟，塊肉好大塊😍 仲流著少少血咁😂 但鐵板關係，再燒一燒，就啱啱好😋 肉質就一定唔係最好嗰啲黎，但係大大啖肉係爽既鐵板耙海鮮 作為女仔，想食下扒，又想健康一下😂 (雖然炸，都唔太健康)可以叫呢個。有魚柳、帶子、青口、魷魚、大虎蝦。不過老實講，除咗隻虎蝦，其餘食材都好「急凍」Feel😅

除咗金鳳飛鷹等等 花園餐廳喺旺角太子都算係港式鐵板扒房嘅老字號 唔同嘅就係佢每間分店都大好多 話曬都集團經營呢方面點都有優勢旺角同太子加埋有成五間分店 你都咪話唔惹少價錢同同區嘅港式鐵板扒房餐廳差唔多 大家午市都有提供午餐比較相宜四五十蚊就可以食到一份話明係港式扒房嚟呢度就梗係食下港式鐵板😅😅 港式鐵板個風格就係用梳打粉醃製 因為用比較平價嘅扒去製作料理所以質素就一定係會差啲 但係當適當嘅醃製過後就係另外一回事 呢個就係港式鐵板嘅精髓👏🏻👏🏻👏🏻👍🏻花園餐廳都唔係第一次嚟唔同分店都食過唔同嘅扒 今日見到佢有個鐵板牛柳 冇錯係牛柳唔係以前賣開嘅鑊仔牛柳 咁當然要一試啦🥹🥹晏晝食呢個係A La carte 一佰中價錢合理食親港式鐵板都會額外加蒜蓉中和番個油膩感 燒汁係必然首選🥰🥰🥰不過今次個牛柳唔知係唔係梳打粉落得唔夠所以就係食到好多渣😅😅😅 一分錢一分貨算係咁啦🤣🤣🤣🤣🤣

良朋同聚，十幾年無食過，朋友塒提出想食即去，環境算ok, 一入去即刻有侍應問我哋幾多位，標準高速服務，坐低後我嗌咗一份羊扒，朋友牛扒，仲有一位嗌咗魚柳，但羊同牛竟然係同一個味道，食粉味，完全冇羊味不在話下，連魚柳亦處理得非常之差。唯一冇變嘅就係佢哋嘅黑椒汁同埋燒汁，餐湯冇驚喜但唔會失望。由於評分要寫200字搞到我多一次，因為失望到一個極點只能用一個差字來形容，可能食快餐店鐵板餐更加高興，起碼平一半有多。