翡翠拉麵小籠包 (已結業)

麵食類別係做得幾唔錯嘅，今次試一試小菜先因為個賽螃蟹實在唔錯叫左椒麻酸菜魚、老乾媽炒牛肉1.椒麻酸菜魚：um......10分黎講，值3分嘅，湯不過不失，普通野，魚肉唔係滑身，仲要好有趙口，唔通我食緊擦膠？2.老乾媽炒牛肉：嘩！嘩嘩嘩！！不得了呀！#&*¥垃圾級別！賣相已經唔吸引。算，牛肉炒到咁，真係唔得囉。你地唔係嘛！！收咁嘅價錢，茶記貨色？希望只係間中失手啦，但就非常之失望😞惡劣的一餐，以後叫返麵食算了

最近真係幾經常黎食小籠包堂食有七五折優惠，好抵食呀1.擔擔麵轉三角拉麵、少辣2.水煮牛肉麵轉三角拉麵、少辣1.本身食開好香濃辣味，但少左辣就真係冇咁好食喇，自己問題2.水煮牛肉麵本身個辣度算幾辣下，譚仔嘅大辣咁上下不過真係好香好惹味，配上滑牛，感覺一絕，有滿足嘅感覺。有優惠，叫多客小籠包，算係做得幾出色，湯汁鮮味，唔會話太咸，佐餐的確一流少少不足就係茶費7蚊位確係貴，同好少加茶，叫親都話轉頭要改善一下喇

約亞女去荃灣食晚餐， 太約19:00 到翡翠拉麵，等了幾分鐘就有枱，商量過後， 叫咗上海小籠包， 蒜蓉豆苗， 炸銀絲卷和上海炒年糕， 侍應 我講要等15至20分鐘， 到19:42 就搵另一位侍應查詢我落order到而家都未有， 反而見到其他遲過我地入座既枱已食整東西， 跟住這位侍應 好快就攞小籠包畀我哋， 其餘食物跟住上枱，但質數太差，蒜蓉豆苗好咸， 炸銀絲卷食倒粉粒和吾鬆軟， 年糕冇口感和死咸， 根本食不下去就叫埋單， 侍應認咗但又冇處理， 再叫經理 埋單， 佢就收咗咭去櫃枱， 跟住又冇人理， 我引吾住去櫃枱埋單就走人 (最尾發現經理係門口) PS: 這間食店管理好有問題， 原來埋單只可以經理做， 其他人係吾會跟進， 同埋安排人手做嘢好混亂

今日行街晚餐食飯地點係位於荃灣廣場， 喺廣場買到好多禮物，好多衫褲太多嘢拎住了，又想起好想飲酸辣湯， 所以就嚟咗翡翠拉麵度食了。 今日叫了幾樣嘢食：包括小籠包 ，紅油抄手，賽螃蟹，酸辣湯，糖醋骨，酸菜牛肉，甜品鴛鴦高力豆沙球，炒飯。酸辣湯真的很到位，少少啦好開胃，紅油抄手係我朋友嘅最愛，所以叫了兩客，賽螃蟹其實係炒雞蛋白，我都唔覺得特別好食好普通。 主角亦係最多人叫的小籠包都算皮薄， 食嘅時候都有好多豬肉汁流出嚟，甜品鴛鴦高力豆沙球，每個人都爭住食 ，糖醋骨睇落少但味道ok，酸菜牛肉都唔錯。

初嘗翡翠小籠包！！今日係呢邊返學🎒放學之後我哋食埋野先至走~ 小籠包係必食既， 味道都唔錯！夠晒熱辣辣中式炸醬麵！！我自己就唔太鍾意食啦！ 味道有啲偏重口味！ 有點鹹~ 不太推介！！！

去到坐低， 未坐滿人， 因為早去， 排左都唔算太長時間但明明望入去有位又唔放人？_? 入到去坐，態度已經好差， 舉手好耐都唔會有人應你唔知仲以為佢係老闆， 串到死落單由一個經理叫Penny 既負責， 勁大聲， 講野無尾音問佢有冇炸饅頭就答銀絲卷， 答有同無係咪真係咁難？之後唔覆單又大聲又燥。。。行嚟行去但唔覺佢有做其他野， 扮忙？之後叫左既送其實都好快上菜， 正常食飯7點幾都算快，但係d野食野嚟到唔夠熱！今次覺得，唔算平， 唔抵食， 仲要排隊， 明明有位又唔放人入， 態度又差， 下次唔會再去！

行完荃灣广場一田百貨後，在商場4樓找到一間翡翠拉麵小籠包食晚飯，我叫了我平時最喜歡的抄鱔蝴，可惜鱔蝴吃落覺得很梅，肉質不好，有雪味！我覺得香港現在很難找到一間煮得好味的抄鱔蝴！幸好有新鮮出爐的蘿蔔絲春卷，真係好熱，咬入肉有一絲絲蘿蔔，值得一試！當然還要試一試這裡的招牌菜，肉汁多多小籠包，這個沒有令我失望！再來一碗平平無奇的淡淡面，真係食落味道一般，淡如開水！手抓鮮餅太多油，有点兒燒焦，食落有些位置帶苦味！服務不太好，叫了幾次加茶，但沒有回應，要自己添加！

一直都無食過想食清淡d就揀左佢黎食叫左個燉雞面 係雞絲黎好細碗面條完全無咬口 又淋又幼湯底係史雲生開出黎😥小籠包係有驚喜嘅皮薄多汁個頂唔算厚回鍋肉跟手抓餅手抓餅質地完全唔酥又唔脆個汁都有d鹹高力豆沙好耐無食一般般啦 一個係豆沙 一個係花生餡

Came here for early lunch and it was empty but staff was still very kind and had good service even though it was just me. The double boiled soup was great and everything else was also good. Place gets more busy around 1pm but service continues to be well. Staff continues to fill your cup of tea continuously even after the bill and doesn’t pressure you to leave ASAP which a lot of chains do.

女人又說要去荃灣買衫，一打開衣櫃，竟然總是說"唉，無衫著，又要買衫"，我呆一呆，究竟是我幻覺，定係佢鬼揞眼，明明我見到衣櫃爆滿衫褲，迫得衣櫃門中間還奉送半條底底漏了出來...女人要不斷買衫的基因，我懷疑就是從堯舜禪讓時代開始，一代一代襌讓了下來，直到今天，女人買衫手法層出不窮(呢句咁熟悉既?)。女人總是說要著不同的靚衫給男人看，但我心想：男人最想看的不是著衫的女人羅(據聞這種男性基因也是由夏朝荒淫無道的夏桀開始傳下來的)...買完衫就去了荃灣廣場的翡翠拉麵小籠包填肚：上海小籠包(4隻)$40：當然不能不叫的菜式，皮薄湯多，“誘發著我那一秒悸動，其實想每個亦吻，理智迫使我”溫柔對待每一個小籠包，否則一不小穿了羊水，就不能體驗用口包著小籠包，湯水餡料在口中爆發的質感。酸菜牛肉$92：這個意見最少，但偏偏反而最貴，價錢都側重在牛肉之上，只能說性價比不高。炸銀絲卷$23：銀絲縷縷，炸得金黃，咬落頗為脆口，一條其實是不足夠，叫多兩條會更能滿足口腹之慾。雞火炒飯$84：雞是雞肉的雞，火是火腿的火，份量不大，炒得乾爽，混合蛋、雞、蔥花的口感，加上一條單薄的美腿，像仙女散花一般散落在炒飯上，除了要徹底

呢間小籠包係我首選之一黎架我鍾意原味小籠包，暫時未食過其他口味不過我鍾情於佢嘅原味小籠包，真係好好味好多汁！新鮮出爐熱辣辣仲有佢嘅海蜇清甜爽口彈牙，我每次食必叫的真係好鍾意食佢d小籠包環境又舒服好適合拍拖

今日帶我個好朋友佢係由澳洲返嚟嘅，因為佢好鍾意食小籠包上海嘢咁，所以我就帶咗佢嚟翡翠拉麵。主角小籠包~ 皮薄咬開嗰陣時爆肉汁酸辣湯 ~估唔到佢咁入味少少辣紅油抄手 ~係我每次去上海舖必食嘅嘢，因我愛吃辣。糖醋骨 ~一送嚟嗰陣時感覺上好細碟， 但係食落之後會覺得都好淋好容易咬開。賽螃蟹~滑捋捋幾好味酸菜牛肉~ 第一次喺度食 都唔錯炒飯 ~大人冇得食因為畀兩位小朋友食曬甜品鴛鴦高力豆沙球~ 嚟到將佢每樣剪開 ，一人都可以試兩個味道 ，仔仔食到想encall。

嘢食好快就黎到小籠包皮薄多汁，正！擔擔麵叫左少辣，麵條爽，果湯就唔會好辣，不過就嫌唔夠多花生碎雞絲粉皮就夠晒多麻醬瑤柱賽螃蟹嘅蛋白好香好滑百頁結烤肉嘅五花腩好淋，百頁結入晒味鴛鴦高力球就有兩款，一個係紅豆，一個係蓮蓉。個包好鬆軟，啲餡唔會太甜整體黎講，係值得再食嘅上海菜！

已經幫襯左好多次啦翡翠特色素炒飯炒得非常乾身，粒粒分明，食到底都唔見油，而且色彩繽紛又健康今日一嘗朋友讚口不絕的五香牛肉拉麵真係無得頂湯底好清，一點都不油膩。五香牛肉好似醃左海鮮醬/燒烤醬咁好好味呀完全入曬味，而且好林身…感覺有D似食緊叉燒😂酸辣湯拉麵是每次必叫的! 酸辣味很到位，配料又多，又大大碗幼麵好吸味清燉雞湯拉麵的雞湯好出味呀～飲得出無落味精，可惜精華都落在雞湯，雞肉好嚡又無味素菜包都好出色，包皮好滑，又唔會俾倒汗水攪到包底溶爛，餡料切到好幼細，正

4個人經過荃灣廣場 見未試過就試下尼間菜館叫左個4人套餐 環境都幾好個4人套餐食得飽 兼好好味😋最唔好味既就係醉雞 酒味重過頭最好味既就係個小籠包 好juicywaiter 服務態度都ok野食唔差下次會返黎～