陶源酒家

營業中

休息中

因為參加咗一個活動認識嘅一班波友，而家間唔中都會約食個lunch大家share啲八卦嘢今次就我哋呻無啦啦要開OT，連星期六都要，搞到打波嘅時間都冇埋。仲要趕頭趕命食完返去開會。我因為遲咗到，佢哋就揀晒食啲乜嘢啦！都OK嘅，冇乜所謂，啱食咪夾唔啱食咪食第樣囉！多人飲茶就有呢個好處，仲要有啲壯男包底。我哋叫咗鳳爪、排骨、叉燒包、叉燒腸 、龍躉籠仔蒸飯、春卷、牛肉同鹹水角五個人份量都啱啱好最失望係個籠仔飯，超級油，龍躉係滑嘅，炒飯都香嘅，不過佢應該臨尾淋咗啲蒜蓉炒嘅油落去個飯度，啲油多到浸住個飯。😮‍💨其他點心都正正常常每人$128

🍽️嘿囉！今次我黎到了陶源酒家，食全都係人間美味啊！首先，個乳鴿真係夠曬水準，皮脆肉嫩得嚟唔膩，咬落去肉汁四溢，好滋味😋！再講下嗰個太極鴛鴦飯，飯嘅每粒都包得住紅白汁，一丁點嘅雪味都冇，新鮮撈蝦冧死人！食落去啖啖都開心到彈起㗎！鴛鴦香煎臘腸卷又有講頭，三種味道融合得黎仲增加晒層次感，清甜芋頭同香滑臘腸交織，真係絕配！另外，呢度飲茶服務都幾貼心，茶水一冷都即刻幫你加水。😌佢哋今次嘅蒸點真係令我喜出望外，菇菌豬肉餃好有驚喜，唔同於平時嗰啲蒸餃，入口即化，輕輕噴香。糯米雞都好啖啖正，紅米嘅嘢點，健康得嚟又唔失味。乾炒牛河更加非凡，芝士汁芳香揪心，牛肉軟滑過癮，一個人都可以輕鬆搞掂！啱啱歡飽將至，今次陶源嘅美饌好正，令人食咗都特登想寫食評分享俾大家知，下次再黎食都唔驚冇新鮮感！🎉

陶源 - 我個人第一次食大閘蟹之最差經驗. 推廣中的任食大閘蟹 $528 一位, 未計茶未加一. 我哋兩個大人一個小朋友總共𠄘為$1809. 即係大概$600 位. 我自己覺得今次大閘蟹嘅質素… 極差! 首先係味道: 如果做 blind tasting, 我唔知道自己食緊咩! 個人覺得啲蟹完全冇味. 蟹膏 - 會以為自己食緊啲蛋黃, 仲要係過熟嘅蛋黃… 其實係比蛋黃更差! 因為如果買到啲靚嘅日本蛋係會有蛋味, 我地食到嘅呢堆大閘蟹, 我地覺得係絲毫味道都沒有, 蟹肉亦都係無味的… 其次就係大細: 唔知每隻有幾重, 好似下面張相所影, 淨係蟹身就係大概, 紙巾嘅一半size 咁大. 最後就係主食: 主食都煮好攤晒響枱度, 冇遮冇掩冇蓋, 顧客自己走出去攞. 好多係灘凍左, 連包填鴨塊皮都唔熱的. 我用同一個價錢去九龍城買返屋企自己蒸, 可以買到6隻足六兩嘅蟹, 相比起今次呢餐, 自己覺得會滿足好多. 是次成為我個人人生第一次食大閘蟹最差嘅體驗 ^以上純屬個人意見^

去完億京中心，再去 Megabox，路經陶源酒家，正是午餐時分，就 lunch 先。 正門睇落好似舊舊的，推開玻璃門，走入去又幾闊落，午餐時分座無虛席，幾有氣氛。早前下載咗個綜合會籍，正有陶源，於是 join 咗，新會員有暑期孖寶套餐：片皮鴨加 上湯浸菜苗，幾吸引就試下。坐落就問職員是否有呢個套餐，一開始話要要預定，可能問咗廚房轉頭話仲有最後一隻，咁樣就落單了。圖片上先，兩人食，夠晒，啖啖肉，兩籠餅皮食到最後一張仲係熱的，贊！白菜仔加上雜菇都唔錯，菜仔嫩！慢慢食，最後又加咗兩甜品：楊支甘露和紅棗糕。甜品唔錯，食到大半，先醒起影...幾好！

星期日十點幾，九龍灣想起上飲茶，megabox可能會多人，想起企業廣場的陶源酒家，竟然還有很多座位，星期日可能沒有人上班，還有30多元的孖寶可點。點了孖寶中的湯鮮竹卷和鯪魚球，鮮竹卷夠熱，有別於別人用芡汁，這陶源是滾熱的湯裏面有豬皮墊底，鮮竹卷有味道但不會過咸。鯪魚球等了好一會，旁邊一張二張枱都說漏單，好彩冇我份，鬼咁大個，這裏偏向白色，沒有太重的胡椒味，比較淋身，味道可以的。最後的特價早點蝦餃（$14.8），有蝦味, 有淡淡的蝦汁，外皮也沒有很厚。總結是雖然其他客人有漏單的情況,好幾枱但幸好我沒有，最後一個人三碟點心埋單價$70我覺得還是可以了，始終味道合格以上，星期日不用等位。總好過在茶餐廳食碟頭飯啦。

趕著去上堂，拿拿聲，搵間餐廳有得坐，做一陣野，食完就走啦！行過見到熟口熟面的「陶源酒家」。即刻入去，望見點心款式雖然不多，但夠食就得啦！孖寶（兩碟） HK$30.8 ~ HK$34.8，但配搭上有很多限制，若果夾不到喜歡的兩款，就要分開點。我就選擇分別點兩碟我最喜歡的：一碟是（HK$10.8）「香滑芝麻包」，份量剛剛好（兩個小饅頭的size），另一碟是必食例牌點心「時菜鯪魚球」（HK$17.8) ，三球大大粒，有菜有鯪魚，結結實實的，計埋一位茶錢，埋單 HK$45.0 有找。

去megabox睇戲之前， 梗係食個lunch先啦， 晏晝飲下茶食個精緻點心都唔錯所以喺附近揀咗呢間酒樓嘆下茶先秘製妙齡👑皇子乳鴿🕊話明係妙齡， 梗係細細隻容易食😅雖然侍應冇畀淮鹽但係都夠味道別有洞天鴛鴦腸見到就心思思好想試下有幾☆＜別有洞天＞☆黑色腸粉皮應該係用墨魚汁做，白色梗係平時食開嗰啲啦， 感覺有啲似春風得意腸嘅變奏版， 其實都唔錯， 墨魚汁做成嘅粉皮都幾好食安格斯和牛天鵝酥就一般般， 如果有下次寧願食蘿蔔酥🤣🤣春卷有驚喜大大條熱辣辣蝦餃 ／ 燒賣 ／ 山竹牛肉球， 冇特別正常發揮健康之選？紅糙米珍珠雞

服務一流，侍應姐姐又快手，又醒目！👍🏻👍🏻👍🏻有coupon，平日星期一至四，食足2小時，人均消費$580，抵！👍🏻👍🏻👍🏻無諗過竟然全乸，勁開心。三個人食左29隻蟹！蟹粉小籠包超好食👍🏻👍🏻👍🏻👍🏻👍🏻，可惜1人得1隻😞，豆苗👍🏻👍🏻👍🏻鹽焗，清蒸都非常好食，上蟹快，爆糕！其他小食都幾好食，最開心係有壽桃，正！糖水有三四款選擇，非常好。薑茶絕對係不二之選

久仰大名嘅陶源酒家，遲遲未幫襯嘅原因係佢哋個名後邊括住（鮑魚專門店）俾佢嚇窒咗😂今日同同事決定豪一次對自己好啲，即日訂位12:30準時入座，酒樓冷氣非常強勁，唔知係咪想啲人食完就走😵‍💫言歸正傳，睇餐牌發現妙齡乳鴿$35隻非常抵食，於是叫了兩隻試吓，個賣相非常靚仔，雖然個皮有少少冧咗但係鮮味搭夠不用華鹽也非常夠味。另外超好味嘅就係冰燒三層肉，個皮燒到卜卜脆肉味香濃而且仲有肉汁超正👍其餘點心都好好味，包括鮑汁扣鳳爪，蟲草花白玉棉花雞，叉燒腸粉&潮式蒸粉果。另外我覺得普普通通嘅點心包括龍蝦湯鮮竹卷～冇咩味，鮑汁叉燒包& 健康燕麥紅豆包正正常常冇驚喜，不過整體都非常滿意，食得非常開心嘅一餐😊

在Klook買了任食大閘蟹coupon, 平日夜晚光顧，怎料全晚只有蟹乸食，鍾意食大閘蟹的人，大部分都是鍾意食蟹公吧？失望......向職員查詢，他們都承認今晚全部只有蟹乸沒有公，萬萬想不到原來任食的只有單性別。全晚吃了20隻蟹，“有幸”夾雜了一隻公在其中，和先生對分每人叫做有半隻食，皇恩浩蕩。公道點說，食物質素整體是ok的，職員勤快有禮，就是材料供應，怎麼可能這樣？

兩個人偶爾黎到飲個茶，睇門面以為係啲好舊式嘅酒樓仔，但原來啲點心係好潮上菜有啲耐，但食物有驚喜點心拼盤 - 見二百蚊乜都有啲又唔算太貴就試吓，本身對呢啲得個樣嘅點心都冇乜太大期望，點知原來相當有驚喜！每樣點心都做得幾出色，蝦餃皮薄大隻、姬松茸餃好香菇味又特別、鮑魚燒賣大大隻、菜苗餃皮太散。和牛酥香口，但唔覺係和牛、咸水角賣相幾精美、奶黃包略嫌細咗啲。乳鴿 - 三十幾蚊隻好抵食唔算好細隻，而且都多肉！蘿蔔糕 - 太粉，有待改善。鮮竹卷 - 不過不失。

拆禮日加紅日，巨盒附近時見有動漫穿戴之靚仔靚女周街行，可能覓食，估計依佢哋造型唔會去品茶啩，又，橫掂大部分酒樓都唔會有特價點心各樣，索性揀間所有俾分位都中上嘅酒家，例如陶源。早上11點到，接近一整年冇幫襯，果然都維持到狀態。裝修係有啲顯舊，不過依然keep得地方乾淨。乳鴿皮脆肉嫩，窩心哋按人數奉上相應透明手套。咬開時油份肉汁緩緩滲出，難得冇其他地方嘅乳鴿咁鹹，如果鍾意偏淡味，連淮鹽都可慳番，更原汁原味，價錢$38隻算相宜，唔怪得旁邊幾枱客都嗌。別有洞天鴛鴦腸，質感係米網卷，黑色那邊估計用墨魚汁做成腸粉皮，內裡卷住剁碎豬肉、菇菌，白色那邊內裡係鮮蝦，中間縛住3條韮菜花做裝飾。食過幾間酒樓整嘅太極鴛鴦飯，最重料、多汁係呢間，白汁嗰邊用左剝殼新鮮蝦，冇乜雪味，紅白兩邊啲汁都夠包哂啲飯，所以口感會似食意大利飯。鴛鴦香煎臘腸卷（咁啱今次嗌三味餸都「鴛鴦」），唔止臘腸，仲有膶腸、芋頭切條，膶腸味搶過臘腸，油香帶甘，包同芋頭又吸收咗啲臘味味，包亦甘甜。雖然每枱冇保溫壺熱水，不過茶壺開蓋，待應五分鐘就會嚟加水。

雖然呢間酒樓個名好似成日聽但係第一次食一班人食所以叫咗個套餐呢個套餐真係超抵食喎最重要係幾好食🤭$688御品鮑魚四人套餐六個菜再加一個糖水👍🏻黑醋高山木耳酸酸辣辣好開胃👍🏻花膠老雞湯花膠好大隻、雞湯夠濃👍🏻御品鮑魚伴秋葵鮑魚鮮甜又彈牙👍🏻豉汁蒸沙巴仔肉質鮮甜爽滑👌🏻海味雜菜煲呢個普通咗少少但係都好足料嘅👍🏻清遠走地雞雞有雞味😂最緊要唔嚡我哋自己再額外叫咗乳鴿，乳鴿真係勁好食，一定要試呀👍🏻套餐來講呢個都算超班👍🏻大件夾抵食乳鴿最好提前預訂啊，我哋嗰日叫完一碟想再叫已經冇晒🙈

如果自己到九龍灣附近工作，而時間又可以的話，通常我會到陶源飲茶，一隻乳鴿加兩個點心，都係120元左右，坐得舒服又自在，出品又不錯，乳鴿特價食落鮮嫩，點心都可以，如想抵食啲，可以選擇早茶或下午茶，有興趣可以一試。

天寒地凍，尋日下午打去order定晚餐外賣回家兩人嘆。龍蝦自選小菜套餐，4位用。HKD 398 外賣自取價 （優惠價只限外賣自取）。 其實每款都做得唔錯。龍蝦份量略為小d, 如果4人食，真正食龍蝦肉，每人得一細舊， 因為係波士頓龍蝦，都係唔大只，但係真新鮮，彈牙，麵都好好食。另外兩款小菜都做得好出色，好食。 花膠雞湯極濃郁，多湯料，而炒飯略為遜色，冇咩材料炒的炒飯，為一好是真炒到粒粒分明。上湯龍蝦伊麵 100分菠蘿咕嚕肉100分椒鹽豬扒100分廚皇炒飯70分花膠老雞湯95分兩人食4人餐，明知食唔晒，將剩低炒飯及椒鹽豬扒留第日做lunch..... 椒鹽豬扒用氣炸鍋，好正呀。整體其實都ok底食。