滿潮 (已結業)

諗住同女女食大腸 點知佢地話冇 都唔知係唔係潮州野!!!鹵水鵝片 - OK D豆腐冇味煎蠔烙 - 好食 D汁好咸 不過太油方魚肉碎粥 - 好食 不過潮江春好食D

路過試吓川椒唔夠蟮 - 唔夠菜唔夠野味唔夠川椒感覺,,,,一般蠔仔粥 - 有潮洲粥的hei但Ｄ米爛到似廣東粥，不堪入口Salty肉九菜花 - 一般份量偏少二人$250，很貴又唔好食

來吃團年飯 滷水雜錦拚盤 海皇湯 四季豆炒蝦球 潮式蒸倉魚 香酥鴨 花枝卷、蝦球 沙薑鷄 紹菜海鮮包 飯 & 麵 甜品 & 果盤非套餐，樣樣都好味 bor！賣相、服務都好！但飲品就......啤酒超貴$24/細樽、汽水$18/細樽

當日放假, 特到來試午餐, 例湯味淡, 抬個中土型湯煲出來, 裝了兩小碗, 跟隨把湯料放在碟上, 只有兩件紅蘿蔔及兩小件豬肉做樣, 跟隨抬翻個中土型湯煲走, 交足戲, 但沒分加, 第一味菜, 鹵水拼盤, 半隻蛋, 還要切開一半, 即兩件"四分一"蛋, 四片紅腸, 四片鹵肉, 四件小豆腐, 第二味菜, 梅膏骨, 太大件, 困難入口, 味道一般, 份量太多, 第三味, 炒麵, 份量不多, 並非用一般炒粉麵碟裝上, 而是用較少的長身碟, 令人有感覺"小家", 而麵是用一般雲吞麵鋪的粗麵, 有蝦, 醃過時, 假彈口感, 六十八元一位, 好似無收加一, 價錢合理

7.6.2008 星期六由於要拎向肥佬昇拎部相機,故相約出黎順便吃個飯,又約埋娘子同大鼻一齊~榨左架車去紅磡,兜下兜下,唔知食乜好,路經哩間滿潮,見唔洗等位,裝修都不錯,求其啦,入去試下,誰知d野食又幾好o番。叫左個四人套餐,由於有位大食林生晌度,所以加多個滷水蛋、帶子炒西蘭花同埋海鮮粉絲煲。四人套餐有: 翅啦、排骨啦、川椒雞啦、唔知咩瓜炒雞條啦、津白啦、同埋糖水(唔知係綠豆定咩黎呢!)樣樣水準都幾好喎!!! 川椒雞好好味~係個津白唔知點解變左做絲狀,唔係應該係一塊塊咁架咩? 滷水蛋的蛋白有少少硬左...上菜速度快,唔會餓親肚仔,搞到成枱都係餸~~當晚客人唔多,所以好好招呼,仲好過籠,成個人楝晌度"監視"住我地咁...... -_-一家人黎食晚飯都係一個唔錯o既選擇!

食物, 服務 俱劣 !!昨晚母親節原本想同媽咪食一餐好的, 因為她喜歡食潮州菜, 所以揀咗呢間, 點知 母親節祇有指定的菜式, 沒有很多選擇, 價格又貴, 叫完後冇幾耐就即刻上菜, 好似食快餐咁, 味道又唔好, 真係唔掂當, 早排已經聽朋友講呢間野麻麻地, 依家親身感受, 我覺得我朋友已經好厚道

真是令人感到氣憤的一頓晚飯!我前晚與朋友約好在滿潮吃晚飯,因為我早到,所以先看餐牌,一坐下來,便有一位女部長問我要不要食凍蟹(這一道菜蠻貴,小小一隻便要三百多元)，我說不要，過了沒多久她又問我三次要不要凍蟹，我仍然說不要．約10分鐘後我朋友到達後，一坐下來那位女部長又過來問我朋友要不要凍蟹，真是火都來了! 我便很大聲說不要．我們開始點菜，首先點一個例湯，她說賣光了．當時祇有晚上6:45，居然賣光了，那位部長說中午已經賣光了，一個餐廳晚上居然沒有例湯，不是吧?然後那位部長又推介一道很貴的湯，我便推說祇想食一頓食常便飯，所以點了三道菜，其中一道涼瓜炒牛肉，上菜後便發覺牛肉居然看到有白色物體，便要求更換，他們拿進廚房後，不到一分鐘又端出來，對我們說他們的牛肉沒有用醬油，這是正常的．直至結帳埋單，那碟牛肉我們完全沒碰．這間餐廳，嘿嘿

是日試了個石榴雞，鹹魚炒白菜仔，同水晶包。石榴雞好特別，值得一試。白菜仔有點老，不過可能唔系季。水晶包唔得，皮很厚很厚。原本想要個鹵水鵝肝，但姐姐落完單番來話，因為進了法國鵝肝，所以價錢要比餐牌價多加20。我地話OK。之後拒又走來話其實系加30。感覺好似坐地起價0甘，所以最終無要到。服務員態度都唔錯，但當晚市比較多人時就要多叫幾次至落到單，埋到單。餐巾有點髒而且溶溶爛爛。我地坐窗口位元元，都好舒服好寬躺。

20070304正月十五上元夜，又是周日，不用想也知道人潮處處。經過這間“滿潮”，本來覺得環境嘈雜，又未必坐得舒服，不如再走走看。不過翻菜牌的時候被咨客姐姐的笑容與熱情所感染，竟決定留低。話說回來，這位咨客姐姐確實抵贊，言談舉動之間，令人覺得她真的很“enjoy”這份工，而且也能夠勝任。只見她一面不停手的開單調單，一面忙裏偷閒打電話給樓上的住客通知他們下樓開飯，又不時轉頭參與一下我和honey對菜式的議論，給人一種忙得很開心的感覺。後來發現，原來各個員工都深諳這種發自內心的待客之道。僅舉一例，一個阿姐在落單時提醒我們甜品不要這麼早落，吃得差不多了就叫她，她會幫我們催。後來見她忙，我們另外找人加了甜品，誰知她還記得，百忙之中抽身過來詢問。不計美食當前，心已經甜了一半了：）言歸正傳，是晚只叫了一碟百花石榴雞、一碟南瓜九肚魚烙、一碗潮式白粥和一碗福果芋泥。事實證明，這是對我們兩個人飯量的最佳答案：）九肚魚烙粉漿略有些多，不過其極軟滑的質感與南瓜搭配倒是別有一番風味，本身鹹度已夠，不需再點魚露。石榴雞是有驚豔之感的巧手小菜，蛋白攤成薄薄的圓餅，內放雞粒、筍粒等調成的餡料，一條青色菜絲紮起呈花狀

點心一律$18,唔超過二十款,好似好難選,不過都選咗四款,炒小菜又好似太誇張,諗住點心嚟咗食完睇吓點啦!叫咗蝦餃,煎薄罉,筍粿同炒蝦米腸. 蝦餃最差,啲蝦死死實實,一啲都唔爽,好唔得. 但其他都唔錯喎,個筍粿味道適中,啲筍好爽,外皮煎得好脆,好好食呀! 腸粉炒得好香,重有芽菜同韮王,正呀! 最後個薄罉煎得夠香,足料,有好多蝦米,咸菜頭,重有個皮好軟滑,未食過薄罉咁軟滑,個粉漿開得好好,真係唔錯. 四碟嘢食完好飽喇,唔使再加嘢喇. 加埋茶錢加一都只不過係一百大元,好抵食呀,都係貴精不貴多. 值得再去.另茶錢只係$6加咸菜$8,服務好好喎,我地食食吓見有隻蜜蜂,叫佢地幫我搞掂佢,好快咁整死隻蜜蜂,重幫我地換過哂啲碗碟,都算唔錯啦. 可能之前人多所以服務差咗啲啦.

2006年12月26日係狗狗雜技團最後一日於黃埔做公演,睇完頭場12:30,一點半到散場時當然要搵野食啦. 滿潮位於大街而又近演出地點,於是入去試下.一入去就俾左四杯功夫茶俾我倆飲(一個人要飲2杯??), 睇下個餐牌都唔多潮州野食,而最終叫左個"胡椒豬肚湯"及"潮式炒麵". 個湯都幾好幾夠味, 之不過果碟麵就差勁! 又油(已叫少油, 不過條條麵好似都俾D油包實咁)又冇配料,收人成六十幾蚊重未計加一真係好搵過咩.叫埋單時個服務員D態度更係差劣,我揮手叫佢埋單,佢一聲"咩"回番我,講左"唔該埋單"後粒聲都冇就走左, 咩態度! 要搵劉德華教下佢啦!總之唔會再去~~~另每人茶錢要$10噢.

昨天係我第一次去這間餐廳.....飯前飯後都有功夫茶.....我們兩人點了三個餸鹵水餓片- 味道適中，d肉好嫰..好味道芝麻炒魚鰾- 有點意外地，不是用芝麻炒是用芝麻醬..因為朋友不愛芝麻醬所以唔鍾意...個人就ok啦蒜蓉炒芥菜- 好清...幾好味

今次係我第一次係度寫食評，就講下我星期日去過嗰間「滿潮」啦~!第一要讚就係嗰度個洗手間。佢個洗手間比好多酒店還要清潔!!! ~ 值得一'大'讚。我地一行六人，選了一個非吸煙區的位置。地方清雅獨立，聊天最好!我地最唔鍾意嗰啲大酒樓，又嘈，服務又差，仲要計落個價錢都唔平添~ 所以都係好似「滿潮」依啲小店好~! 我地唔想煩，所以就咁點咗個套餐，有翅有魚，可算係大魚大肉啦~!傾得高興仲開咗支紅酒豪一豪!食物方面真係做得唔錯，但如果門口可以泊車就更好啦!離開前都唔好浪費- 去多次洗手間!