茶木‧台式休閒餐廳 (已結業)

放工同朋友黎左又一城shopping，經過新開既茶木cafe，坐低叫左一個小食金黃鹽酥雞同一杯奶蓋系列既紅蜜奶蓋茶。味道好清香，既甜甜又有奶香，台式的飲品中也算特別了!同朋友行左好耐，本來想搵間cafe坐低傾計，茶木cafe最適合不過既選擇，室內露天環境，好適合同朋友傾計聊天一番，值得推介!!!看到餐牌有好多款飲品都好想試下，我朋友叫左杯歐蕾系列既杏仁茶歐蕾，朋友都話好飲，好似去左台灣買台式飲品既感覺。下次再光顧，一定要試埋另外果茶同冷泡茶系列先得!

今天一行四個人，天氣熱得人也快要溶了不停地說想吃甜的甜的，而且要坐下來吃，在人多車多既銅鑼灣，找一個地方吃甜品，實在不容易，最終因爲友人想吃台式料理，所以到了茶木，上到去要等位，幸好不是等好耐，一進去坐下，桌面剛抺好，但總有種甜甜既味道🙈二話不說的我，立馬點了兩個甜品，而友人則點了兩個台式料理😂😂但由於我只吃甜，所其他食物沒有拍照🙈兩個甜品都好大份，麵包都很脆，水果很甜，一個人是不能完成既甜品，但下一次就不會再吃，因為有少許貴同好甜😂

星期五約咗個朋友食Lunch，兩個人又想坐得舒服啲，可以傾下偈，所以就揀咗去黃金廣場九樓間茶木，二人卡位坐得舒服。前菜我哋兩個都叫咗古早滷水蛋，主食我就揀咗芝麻醬手撕雞，朋友就揀咗梅子酒糟豆乳燜肉排，飯麵我就叫咗個古早肉燥飯，而朋友就食TeaWood紅燒牛肉麵，原本我都想食麵，不過原來茶木所有湯麵都含有牛肉成份，至於餐飲我就揀咗熱飲柚子茶，朋友就揀咗凍飲紅豆薏米水，我哋都覺得餐飲唔錯，唔會太甜，食飽後又可以坐係度慢慢飲埋杯嘢，傾下偈，坐到兩點，朋友夠鐘返公司為止。總結: 味道唔錯，而且食物價錢及水準都可以。唯一係人手唔夠，想加水，就要等耐啲，建議繁忙時間每張枱都擺一樽水，咁就方便好多，職員都可以唔使咁辛苦。以銅鑼灣地段及食晏時間，茶木都係一個唔錯嘅選擇!

今日同同事出job, 想食好啲， 坐得舒服啲， 但又唔想太貴， 當然都唔可以等太耐位， 行行下， 見到茶木， 平時都有食開， 感覺不錯， 又唔洗點排隊， 好， 就你啦。 平時都係夜晚食茶木， 今次lunch 黎食， 又幾抵播。 今日揀個午市自選套餐:我前菜就叫左金黃鹽酥雞， um, 比較喊， 個雞肉又乾， 麻麻地……主食就叫左地瓜燜牛肉腩， Wah, 睇圖都知， 大大碟， 肉夠淋， 又香， 不過份量太多，最後食唔曬……麵呢就揀左紅燒牛肉手作麵， 保持一貫水準， 麵條煙韌， 湯味濃郁， 牛肉中上另仲包埋飲品， 合計hkd66, 相比同樣份量的set dinner都算係幾抵食啦。

聽過未去過，今晚有機會一試。晚上接近 9 點，客人不多 (只坐了全店的一半)，所以唔駛取票等位。由於十五食齋，睇勻全個餐牌得 2 款 "叫做" 可以食，就係呀麻蔥油麵 ($71)，同埋黑松露白汁忌廉扁意粉 ($75)。餐牌上面有圖，見前者碗麵上面有一堆白色長條形東東，似係白雲鳳爪或牛柏葉的東西。後者個意粉應該有煙肉......諗了一諗，既然兩款都係 "一剔一點"，但前者都要 $71 的話，咁我寧願叫個意粉好似抵 D。賣相幾 OK，但味道方面......成個意粉冇乜味，既冇黑松露的鮮中帶腥，又冇忌廉汁的濃厚。不過杯黑糖珍珠奶茶幾好飲，調得好勻 (唔會似奶精或用粉溝開咁)，飲到尾都好濃郁，唔會因為係凍飲而冰淡了。D 珍珠粒粒分明，大細適中又煙韌！唔似街邊加盟 / 連鎖店那樣會結纏在一起，或有 D 太硬難咬，太稔唔夠圓潤而黐牙。

台灣野，好多分店，但食品味道偏咸，掩蓋食物本身嘅味道，啲蠔超腥，唔新鮮，無用胡椒粉去腥味。普通台灣野飛去台灣都好近姐香港人價錢偏貴，大家都知台灣食野幾平，不過出得黎食都要洗錢架喇環境唔錯，幾好坐，加分位

原本諗住同好友傾計消夜，佢話呢間茶木收1200，所以10點7上到去，當時有幾枱客都岩岩到。落完order，10點9同我地講last order，仲有無野要，甘我朋友就問其實佢地幾點收，個waiter話11點，我地“吓“,佢就再er er er口窒話11點er ，完全聽吾到11點幾?甘佢就再話1200要完全收晒。但當時10點9咋喎。甘我地同另外4枱客繼續食，11點未夠一一比單我地，但我地幾枱都未食完一半，佢就再一一催我地埋單，其中一枱客仲比佢地收未食完既雞，個客就話可吾可以比我食多幾舊先，好慘。又係我地旁邊食緊野既時候係甘掃地，好吾衛生。我地去個度都係因為佢寫收1200先甘夜都上去，如果係甘，我地不如去X華，吾洗比人趕同埋以前佢既水果茶係最經典既，我地分別叫凍同熱水果茶，熱既茶壺細左一半，但個杯無換，得反1杯多d，好淡。凍既係凍檸茶底加幾塊水果，同埋第一次見水果茶有西瓜同火龍果。

這次與家人一起來這間餐廳。一進門，我們尷尬的找尋員工為我們安排座位，感覺沒有人理的情況下，又見到很多空位（畢竟不是用餐時間）打算隨意選坐的想法開始的下一秒，有一位員工用「嚴厲的」眼神制止了我們，並帶我們去了一張臺坐下。那種感覺真的不是很好，我想著您大概是太累了吧，但我卻真的由於受到了不滿待遇而感覺不悅。用餐方面，桌子上並沒有為每一位客人安排一瓶「我自認為」每一桌都需要的水瓶，以便客人倒水。我很禮貌性的叫員工為我們提供，這次換了一位員工，感覺挺好的，畢竟會為我們倒水以及帶上禮貌性的笑臉。食物的味道是ok的，不過我覺得把每一碗盛出去給客人的食物最起碼的禮貌是把盤子邊的油漬或說是湯漬擦乾淨。不知你們覺得是嗎？

2點前到攞飛，有客人離開但唔叫人入，等到過咗2點，坐低同我講無午餐供應了⋯⋯局住喺menu楝個散餐--牛肉麵一碗。侍應好不耐煩咁話唔俾我坐下的原因係因為未抹好抬！好明顯佢地唔想做平啲嘅午餐啦。既然來了我亦不會在意嗰幾十蚊的difference。不過問題係個解釋實在爛，之後有好幾個客都投訴。我覺得如果你唔夠人手，(以下幾個字openrice censore 咗，），唔好攪到一撮黑面樓面對住啲客，仲一路執碗一路掉大大聲。碗麵係ok嘅，但佢地嗰句「歡迎光臨」讓我完全感受不到有台灣feel, 似去咗內地啲街頭鋪。請管理層好好反省。

茶木的分店越來越多，有時候想不到在哪裡用餐便會到茶木，因為坐得舒服，食物美味又抵食。個人大愛它的牛肉麵和蜜糖多士。是日一行4人在茶木吃晚飯，點了牛肉麵、炸雞扒肉燥飯及2個套餐。個人認為這牛肉麵絶對是水準之作，湯底香濃，牛肉又"淋"又入味，麵條則如刀削麵般有韌度牛肉麵可選辣或不辣(上圖是不辣的)，之前試過辣的覺得有點太辣，不太吃辣的人可能要留意一下。餐牌上有幾款肉燥飯可供選擇，這是炸雞扒肉燥飯。肉燥很香，不會很油膩，鹹鹹的很好下飯；炸雞扒外皮香脆，肉質嫩滑，沒有過多的肥膏。如果把全熟雞蛋換成溏沁蛋會更開心地瓜燉嫩牛腩套餐。牛腩很"淋"很入味。雖然牛腩是主角，但本人更愛它的配菜，蕃薯(地瓜)，不知是否有塗上蜜糖烤過，甜甜的很好吃三杯雞套餐。雞塊全都是雞翼斬半，所以肉質是滑的；味道中規中矩，鹹中帶點甜和辣。如果炒得有鑊氣便更好。套餐可選配沙律或甜品，我們2個套餐都選了甜品。紅桑子開心果蛋糕，慕絲部分不夠軟滑，開心果味不夠濃，但蛋糕底的杏仁餅片很好吃。開心果香橙蛋糕，外層的開心果味也是不夠濃，蛋糕中心的橙味夾心有點太甜。個人認為，在茶木要吃甜點的話還是蜜糖多士比較好啦

行街見到黃金廣場原來有間茶木，於是就上黎食個Tea香竽奶茶夠香夠熱，又唔會太甜，所以飲落唔會膩大蝦沙律好開胃，而且大蝦同沙律醬分量充足呢個手作麵要讚讚，松露夠香，汁剛剛好唔會太稀，每條麵都均占了松露香味，手作麵口感類似北京刀削麵，有種韌韌的口感每次到茶木必點的蠔餅，蠔仔夠大隻又唔會腥，不過如果炸粉無咁多會好d第一次食呢度既蜜糖磚，原來麵包已炸過及塗上一層蜜糖，配上冰凍的雪糕味道好夾，而且唔會過甜值得一讚係麵包已事先切開一粒粒較易入口埋單4人每人約120，價錢合理

今日lunch去食茶木，因為早到所以唔洗等位。坐低後便叫了個鹽酥雞扒肉燥飯。等了十分鐘左右就來了。雞扒熱辣辣，好脆，好入味，正！肉燥飯好香，唔會太漏，整體個飯分量好多，夠飽。埋單70蚊左右。

好耐之前經過茶木呢間以台灣美食做主題嘅餐廳,成日想入去試下,但遇到一個非常棘手嘅問題就係~排隊等位!每個時段都人山人海,真誇張!隨住分店越開越多兼喺非繁忙時段去幫襯,終於可以唔駛排隊。都係嗰句,去到叫番其中一樣鎮店之寶穩陣~紅燒牛肉麵湯底味好濃配埋好煙靭嘅粗身闊麵加埋三件牛腩,仲有蘿蔔(減低食肉獸呢個罪惡感)唔錯

都已經數唔出幫襯咗幾多次依間茶木，但今晚好失望…… 因為點了雞翼麵但麵嘅份量比之前少了最少三份一，起初我以為只有我依碗如此，但阿妹話她個碗都一樣比之前份量少了，原全食唔飽！再嬲嘅係，點了凍紅豆抹茶；落單時本來選了檸檬愛玉（少冰）但waitress 話係沙冰所以無得少冰（因為唔想飲太凍所以無點了）…… 所以就問了抹茶拿鐵同紅豆抹茶的分別（除了沒有紅豆）及邊一杯無咁多奶等問題…… 好了最後點了凍紅豆抹茶少冰…… 點知上枱時原來係沙冰…… 真激氣………… 本來就唔想飲太凍反而黎咗杯最凍！ 全碗就只有這點點點點麵

果日約左個好耐冇見嘅朋友喺CWB行街,行完就想搵個地方坐下吹下水,我就原本諗住去Starsbucks度嘅,但佢就建議去茶木,我聽都未聽過所以就抱住好奇心去見識一番,上去果陣喺 3 , 4 點左右.個場唔細但就得5 ,6 枱客,我就唔喺好肚餓所以就叫左個甜品淺嚐下,擺盤一流,雪糕好濃芒果味但就唔明如何義式法.奶酪微酸,啱曬我口味,邊食邊傾,傾左兩個幾鐘都冇比人趕,同人吹水揀茶木真喺一流.