鍾菜 (已結業) 查看

位置係返工地方，正常假期應該少人d，但最後幾乎坐滿。入到去環境可以，服務態度ok，茶有6款，我地揀左宮廷普洱，菊花羅漢果同翠芽龍井。中菜任食方面，每位送一隻炆鮑魚，乳鴿同半邊蒜蓉蒸龍蝦。鮑魚普通，乳鴿同龍蝦都ok，如果龍蝦每位送1隻更理想。任食小菜可以推介既有宮保蝦球，冰鎮咕嚕肉，蔥爆牛柳粒，花菇扣玉掌等，其他都普通。至於差既係烤夫硬身，顏色又暗淡；四季豆又黃，兩樣都似係翻整過咁；燒味唔好食；卡通包扮Minions，但好醜樣🤣，味道都一般。飯後甜品係芒果西米露，無咩特別。總括而言，咁既價錢係可以一試。之前睇其他人既食評話食剩唔俾人拎走，但我見其他枱都係任食既，個個一袋二袋，自備外賣盒，滿載而歸。不過無所謂啦，食得開心拎得開心就ok。埋單九折假日每位盛惠278。

第一次幫襯呢間餐廳，因為早前買了一些該集團的現金券要用。其中一個特色是要自助手機落單，都幾好用，上菜也很快茶方面較普通茶樓特別，我選了菊花羅漢果茶，清甜好飲點了一個套餐，炒河粉加椒，河粉的海鮮都算足料，大大隻蝦同帶子虎皮尖椒都煎得好食， 但較油膩， 想減肥就唔啱食叉燒酥一般，口感不夠酥化，有點失望，似係整起已經一段時間炸蟹鉗都幾香口，唔錯服務方面就一般，無咩服務可言衛生望落一般，尤其我坐得近茶水間，都唯有遊說自己當睇唔到

今時今日有食客特意來光顧，理性上應該多謝幫襯。但失望地説，今日鍾菜品牌已經跌級。食物冇問題仍然好味，樣樣點心都唔錯。但服務態度絕不友善，侍應如不高興同同事/上司講，唔好好似食客煩到佢咁。未坐低她已問食客飲咩茶，食客唔知有茶情牌去揀，叫了菊花茶，她已呈現不快，後來見到有特色茶即刻想改，侍應發脾氣話： 你諗清楚再講啦！！要發晦氣，要傲氣，不如回家啦，唔好發落食客身上！ Service is the key, 前線請注意！

午餐時間去飲茶，到門口，沒有人招呼，走了一大圈才找到服務員安排座位，下單的時候又找不到人，人手非常不足，必須改善一下！食物整體不錯，都是下單後才開始蒸，上枱都是新鮮熱辣！我們三個人，叫了一個午市套餐，加了一個點心同粉麵，份量多到食不完要打包！.這裡的茶會用一個爐一直熱著，這一點很特別！.套餐的小食川味白豬手十分之咸，薯仔沙律跟山藥都不錯，口味清淡！.沙薑雞的沙薑味不明顯，只是一點點咸，要點汁才有味，但雞的肉質是有咬口的，不錯！.酥皮叉燒包好食，皮夠脆，餡不會太甜！.其他的點心普普通通，就不特別介紹！

朋友生日，難得大家又聚一堂由於人數臨時加12人，所以冇提早訂套餐，大家按自己喜好散叫小菜～牛柳粒，我最愛一上枱，陣香味～查實一碟我自已都搞得掂ga人多，好快分洒宮保蝦球，雖然學緊食辣，但都唔係幾受到，所以要挑走啲麻辣野，剩食蝦球～大大隻，爽口彈牙師傅技術升呢左今期佢地賣ge陳皮系列之一，陳皮咕嚕肉，我都好鍾意陣陣陳皮香，留口水大閘蟹，半價$48/隻，鍾意食都打孖上，我敏感，得個睇字哩隻係鴨，唔記得名，食落乾乾地，但肉香濃郁，唔油膩腊味芥蘭，天氣涼，岩食另一陳皮系列，花尾躉，果口幾大肉質鮮美，混合陳皮，另一享受糯米飯，唔少得ge一道料足，大家分得好快

可能地點唔就腳所以好少人，不過就係咁先可以靜靜地傾下計，而且坐得好舒服。晚巿298套餐超值， 有冰鎮鮑魚， 龍蝦仔， 乳鴿。湯都有2款選擇。 好足料 另外 小菜任點任飲。 飽到食唔哂。不過點左菜先知餐廳唔比人打包食物，所以食得哂先好order。

一向星期日公眾假期飲茶都免茶免加一，所以即使位置唔方便都吸引唔少人假日泥飲茶甚至要排隊但近呢個月收左茶芥後吉位多左其實一向呢間啲嘢係幾好食因為係即整好食嘅有傳統包點都好食南乳雞翼雞絲粉皮魚湯烏冬牛肉球有4粒其他粉麵飯都ok不過要茶介後茶的確係好左不過客始終係要又抵又好食

整體食物賣相和味道都唔錯，但服務態度差。我地將點心紙交給店員後，店員兩次回來問，點心紙是我們這張枱。同隔離枱落既單可以掉亂多次，首先將隔離枱既單加到我既單，當店員了解後，卻將部分我落既單轉落隔離枱，同時當隔離枱既食客察看錯誤既單據時，店員一手將單據拿走，非常不尊重食客。

今日中午黎食解穢酒，親友之前已訂座。照專業人士講，嗌8道菜。咁就叫咗人黎落單啦，點知主要菜式 - 燒豬，冇！ 下？講到明係解穢酒/纓紅宴，點會冇燒肉？知客小姐話乜野燒味都冇，要預訂先會有。當客人打黎話要訂相關傳統宴席時，如何可以提下需要預定有關食品先會有嘅話，係咪好啲呢？親友知悉此事後，話會去鄰近德福自己購買，而知客小姐就表示：會收取一百元外來食物收費。在此勸喻各位，以後各位訂酒席時，要燒味嘅話，記得提醒茶樓方預留相關菜式，如果唔係要自行解決之餘，仲要被收取額外費用就無謂。如果 貴店會睇嘅話，希望可提醒訂座客人需預訂某些菜式，否則可能無法提供，從而避免以上事件再次發生就好喇。

朋友帶路，又一好介紹。之前路過幾次，今次特登去食啦✌🏻✌🏻✌🏻兩個人四個餸，從未試過🤣🤣🤣每人揀兩個餸，慣性揀雞吃，今次也不例外，這樣的烹調方法，雞仍是滑，冰鎮咕嚕肉也值得一試，外至贏晒，味道也很好，咕嚕肉的炸粉不厚，配以火龍果比菠蘿的味道更夾😋😋雜菜煲內的雜菜是不同菜而食，為這個煲而選，比其他店鋪的菜頭菜尾不一樣，最後係炒飯，老實說只是一般，賣相的確是很好，最重要係價錢屬抵食之列。

Came here after the Van Gough exhibition. There were eight of us so we ordered set menu for 6 (around $800+) and added a couple more dishes (duck and oysters). The portions are decent. Good value for money. The fish was outstanding. The oysters in casserole was also flavorful. Fried rice had good wok fragrant to it. I thought the goose was okay not great. The seafood with vegetables was quite good. The oxtail in wine sauce was more like in tomato sauce. The BBQ combo dish was average. On balanc

今年到鍾菜慶祝母親節， 之前都有介紹過這間中菜館， 我的屋企人很喜歡到這裏慶祝節日， 一圍御皇宴12位用$2388，星期一至五公眾假期除外。 套餐有淮石高溫乳豬， 松露醬蜜豆爆珊瑚蝦球， 金蒜銀絲蒸元貝， 田七汽鍋雞， 蠔皇扣花膠玉掌， 清蒸海虎斑， 鹽香脆皮乳鴿， 蟲草花雞湯浸菜苗， 瑤柱蛋白炒飯， 杏汁燉雪燕。淮石高溫燒乳豬，乳豬底下面仲有一塊鐵板用來保持乳豬的溫度， 另外仲有皮和青瓜， 類似片皮鴨的食法， 可以帶走油腻的感覺， 賣相又好睇。松露醬蜜豆爆珊瑚蝦球， 松露醬的味道好香， 蜜豆甜美， 蝦球大大粒。金蒜銀絲蒸元貝， 味道新鮮。田七汽鍋雞， 田七可以化瘀行血， 味道甘甘苦苦。鹽香脆皮乳鴿， 今次的脆皮乳鴿比起上次好得多， 外皮脆卜卜， 肉質鮮嫩。蠔皇扣花膠玉掌， 花膠份量好多， 質感又肥又厚好足料。清蒸海虎斑， 蒸的時間剛剛好， 魚肉新鮮。蟲草花雞湯浸菜苗～ 清清地幾好味。:瑤柱蛋白炒飯， 味道偏淡。:杏汁燉雪燕， 杏汁味淡， 味道普通。記得上次來的時候都是點同一個套餐， 今次套餐入面的菜式都有轉變， 令到客人保持新鮮感。

屋企人生日，成班親戚去左九龍灣食飯，呢度位置唔算方便，但勝在全日免加一，而且食物質素都好唔錯。特別推薦呢個冰鎮咕嚕肉。咕嚕肉於喺冰上面保持到好脆，而且啖啖肉，醬汁酸甜味調教得好好，仲有火龍果粒，夠清新。

呢到成日都好難拎位，可能近辦公室，味道唔係款款好食，但亦有好味道的，但價錢我就認為唔算便宜，今日成班人黎食呢個椒鹽豆腐，每次黎都必點，炸得香脆香口，外脆內軟，味道又唔會鹹，十分適中好吃呢款酸甜木耳亦係必點，微酸微辣又有點甜，比起外面吃到既好吃呢個亦好有特式，外面係用紅米做的米粉卷住炸卷，入面有蝦肉用糙米做的米膏亦係好煙韌有咬口，好吃又唔會好甜呢個浸湯雜菜亦好好吃，唔太鹹，菜清甜入味，個湯鮮，今次揀既亦不錯！加埋麻醬雞絲

今天出來工作，經過見到這酒樓門面漂亮，所以就進去試一試，一進去就有位置，了這酒樓的環境很好，座位也挺舒服，兩人的座位沙發，就是空調有點大，這也影響到食物，放久一點點也會很快就涼，一進來的時候服務員就推薦了一個田七雞湯，本來還有很大的期待可惜喝到進去，感覺就不太好，味道很淡，沒有預期的田七味。之後我們也加了幾個茶點，味道也一般般，沒有很好的感覺。最失望的就是這個甜點便宜，但是味道很差唯一值得一下的是服務態度很好