喜悅餐廳 (已結業)

甚少幫襯呢間 伏店！ 見咁耐 俾次機會。點知 ！ 又一次、這陷阱偏我遇上！今日為大家介紹 價值47 蚊 聲稱「滑蛋蝦仁」既美食 ！ 雞蛋好貴所以只可俾你淺嘗！見到個飯嚇一跳！ 用生粉水溝稀 變半透明既液體 加蔥 溝蝦仁 ！ 呢間野咁多年都無進步！煮既野都係咁難食！ 我地住呢附近既人望佢轉手好多年！ 但都仲係到生存緊！呢味其實叫 「暖精蝦人」更貼切希望呢到個廚 對工作要有一份尊重🙏🏼

附近無咩食， 趕時間諗住求其入一間茶記， 咁就中伏了...係我人生食過最難食既义燒通粉义燒係暗啡色， 極"鞋",唔知放左幾耐通粉係水煮， 完全無味。。。好難搵到有人煮得難食過佢。俾錢我都唔再幫襯

2020.8.20(四) 今天在家工作, 老細話要急聽briefing因為下星期一要去做presentation約左3點3佢家附近大興花園1期商場喜悅茶餐廳喎。 嘩!1期商場難唔難搵架。 原來1隻手數得哂=美容院/補習社/7-11/洗衣店/茶餐廳。現今, 下午茶都係個d平野架啦～煎蛋雪菜肉絲米粉+即磨咖啡。煎蛋雪菜肉絲米粉=煎蛋有燶邊雪菜肉絲=唔係隔夜米粉唔太淋即磨咖啡☕應該唔係即磨+奶(不是優質, 敬希各位食家留意)

一間茶餐廳嚟講，佢個水吧位好重要， 水吧師傅除咗要奶茶咖啡 茄飲品之外仲要負責埋公仔麵、蛋治、西多士諸如此類咁嘅嘢，所以要去一間茶餐廳嚟講個水吧師傅就係最重要。今日我就去咗一間茶餐廳，佢個水吧師傅係完全冇料到，點解我咁講呢，因為我好簡單咁叫咗一個沙爹牛肉麵就知道。沙嗲牛麵，係茶餐廳嘅重要菜式，沙爹牛肉多數唔係由廚房嘅師傅煮，而係由水吧師傅做，我唔係喺度教煮餸，所以烹調過程我就費事講，只係講呢碗麵。沙爹牛肉，牛肉比「師傅」 搞到肉質輕飄飄又冇曬肉味，沙嗲味道好求其，又不著重沙茶味又冇花生味，味道又過鹹。最離奇就係連個公仔麵都煮唔好，麵嘅質地過硬，即係話都未煮得透。就連公仔麵都未煮好，咁嘅功夫就夠膽闖蕩江湖，呢個水吧師傅真沙膽，小妹更加佩服呢間茶記嘅老闆，夠膽請呢種水吧。

曾經叫過外賣，當時要了個雞翼米粉，米粉完全沒有味道，就好像只用水煮熟而已，所以那次之後就沒有再要他們的外賣了。曾經親身去買個菠蘿油，外賣拿走，好像是$12左右。麵包一點都不溫不熱，所以中間夾著的就是一塊完好無缺的牛油，包與牛油就是那麼近，這麼遠。還有一次是在店內用餐，要了兩個餐：一份咸牛肉三文治(很普通，餡料可以放得再更加均勻)，配咸檸檬七喜。另一個餐是西多士(在這裡終於吃到了算是最美味的食物了)，配凍奶茶。總括就是非常普通的茶餐廳，沒有特別之處，要說的話就是食物方面很沒用心。

17:00 係一個下午茶尾，晚飯前嘅一個尷尬時間。作為一個專業嘅餓底，幫襯咗一個招牌椒鹽豬扒飯。色: 香黃色炸豬扒配炸黃蒜+蔥花香: 椒鹽香味+辣椒絲香味: 此仍重口味菜式，不過吃豬扒時不覺油膩，乾身入味，本人偏好醬汁，所以問姐姐攞咗少少豉油拌飯。炸蒜及蔥花，非常惹味。形: 普通豬扒厚薄，飯量足，件數量足。略嫌可以改為: 件數可減，厚切一點會更有口感。配 熱奶茶 = HKD45同一個名同一個地鋪，呢間餐廳都不知道已經換過幾多手老闆了。今次，都幾印象深刻，店內姐姐們都態度好，介紹下午茶;餓就食飯餐。主動傾偈，主動不吝嗇咁比多幾張紙巾我用，大家知㗎啦，茶餐廳問拎多張紙巾會心跳加速怯㗎嘛。街坊生意就應該是這樣吧！人情味♥️。

去喜悅最常食嘅唔係佢哋嗰啲常餐，而係麵包同蛋撻，過咗三點鐘之後會買二送一，原本$5嘅麵包，過咗三點鐘$10會有三個，好抵食。最鍾意食嘅係鮮奶球包同蛋撻，好香好好食。

就係住係樓上，住左廿幾年了，由細食到大。睇住佢改名同翻新。環境好左。食物質素係普通茶記水準囉。平時趕時間就會落去食。不過價錢越來越貴！性價比唔高。如非必要都唔會食喇！

Long ago I have tried this restaurant, after a visit to my friend. At that time it was really nice, especially the soup, it’s filled with taste but not seasonings, which is something many restaurants fail to do. After like few years, I visited my friend again, and decided to give it a try. I held high expectation to the soup as usual. But this time it was quite disappointing, the soup is tasteless, and for the rice I ordered, it’s fair, but just like other ChaChanTing outside. It was a disappoin

呢間野出名難食，但最近係得呢度，帶住小朋友吾行得遠，唯有食佢。每次都係，無可奈何之下食佢，但真係一次比一次失望，尤其而家轉左手，食過兩次，直情放吾入口，唉⋯⋯今次叫外賣， 點知⋯⋯唉，成個意粉，食左十啖左右，竟然可以一滴汁都無，成個白底意粉，請問我點食呢？？？嬲到爆炸，仲要外賣無仇報，吾通我攞返個粉落去叫佢加汁咩？ 唉，食杯麵無咁嬲！以後！我！吾！會！再！去！

一直都有光顧喜悅，以前確實可以支持，皆因大興花園佢都算是獨市，而且味道ok, 除非走多5分鐘路行去翠林花園附近，所以若要醫肚的話都會選擇這裡。明白茶餐廳是沒有所謂的service, 更加明白繁忙時間會搭枱，估唔到今日比我領略什麼是極差的服務！一日之計在於晨，偏偏給了這間所謂新喜悅破壞我愉悅的心情了！本來想安心地找個卡位坐下來食個早餐，舉手落單叫了幾次侍應，點解呀大姐可以見而不做, 叫了第二個人落單？好想知道佢係咪唔識字定唔想做？之後落完單無一分鐘想睇下電話，突然有一位短髮的女侍應走來要我調位，我唔介意人家搭枱, 但點解要迫我轉位，仲要叫我隨便搵張枱搭，但完全見唔到有位座！？而且張張枱都未執好？正常唔係你執好枱幫人安排？真的好不情願！嗰大嬸連一句唔好意思都無！仲要拿錯碟嘢，已經講左唔係我，點解可以聽到都照放？一間茶餐廳點解可以一年內轉變到咁？唔怪得成日聽到新不如舊！估唔到食了一肚氣，真的不想再幫襯！👎🏿👎🏿👎🏿👎🏿👎🏿👎🏿👎🏿👎🏿價格上漲得快！服務又極差！如何有信心的再支持！？

這食店已光顧了很多年，最近比較少來；今日到來，發覺大部分舊的面孔也不見了，據其中一個比較相熟的侍應所講，原來舖子最近剛剛易了手，連廚房也換上了另一批人。不知這廚房的新班底手㙯如何，還是叫些比較簡單的碟頭飯好了。叉燒炒蛋飯（$36）～ 叉燒偏瘦，所以比較韌也是正常，蛋炒得過熟，味道偏淡，而甜豉油的份量也比平常少很多，大部分也是白飯模樣，這是否會對我的健康加了一點分呢？🤔

屈指一算都有半年無上喜悅食早餐了.今天的時間夾到上去食返個才上班.本身諗住食炸菜,雪菜那些,點知睇睇個餐牌,啊~除左價錢加了一蚊雞之外,更加入了一款羅宋湯通粉.(!!!)呵呵呵.連眼睛都'笑'了起來 XD 然後不要火腿太陽蛋,改煎雙太陽蛋,多士走油和熱菜蜜.成為$20.講真一點也不貴的.看看太陽蛋,樣子勁靚仔囉.雖然我不吃蛋黃,但見到都會心微笑.而蛋白就嫩嫩滑滑.至於多士雖然是兩片薄薄的都包,但夠脆已經可以收貨了.主角的羅宋湯通粉有夠大碗的.有椰菜,紅蘿蔔,洋蔥,青椒,蕃茄件,超多超多~還有幾粒碎牛腩.甜酸味既充足和平衡,亦帶著最重要的濃濃蕃茄味道.真的令我開胃無窮!將湯飲到一滴不剩,加埋熱飲.飽~~~~又是一天活力的新開始.

今日午餐....又係外賣!之前老公都講過...依間茶仔真係麻麻地...今日我就親自試下先叫左個小菜- 川辣海鮮 嘩....咁細盒...都唔似一個小菜既分量既!有大量洋蔥,有青椒,半隻蝦X2,青口X2,鮮魷,魚肉X3,蚧柳,魚柳.....川辣???可能我太大期望...一D辣都冇!基本上佢係普通炒海鮮...個湯有浮物...可以係佢D瓜燶左!湯係凍既..所以起埋D白色油好唔抵呀!! $40 就係食依D!!!!

嗰日叫外賣, 本來叫開某間遠啲, 但想試下新野, 見佢近(頂多五分鐘步程)就叫個妙麵啦, 叫咗45分鐘可以未見, 可怒耶, 元朗都送到啦, 我打俾佢問, 條女人好晦氣話"就到啦"個意思好似話我唔著咁, 不知所謂, 我再俾多次機會佢, 再等多十五分鐘重未到, 我打去話唔要, 又無搞錯, 之後10分鐘度佢竟然送黎我叫佢走, 平時見佢食飯時間都無乜人宜家知咩啦