美心MX (已結業) 查看

位置鄰近上水站非常方便，早前裝修臨時關左，最近終於開返🕞輪後時間🕤快餐廳就系快所有人動作都好似好趕頭趕命甘🥢推介食品🥢1️⃣ 麻婆豆卜、京都肉排飯 $35味道酸甜😋😋，好好送飯，所以另外加左碗飯，肉排比較多骨，整體同碟頭飯差唔多，賣相一般，不過另外跟左個甜品，食哂好滿足味道 😋😋賣相 👱🏻‍♀️👱🏻‍♀️👱🏻‍♀️價錢 🏦🏦(5分最高）✨餐廳環境✨：餐廳佈置紅色為主題，多左高台，別具特色🧑🏻‍🍳侍應服務🧑🏻‍🍳：服務員態度中下，會不停催促客人選餐🔆總結一下🔆：一個字...好鬼平，平民恩物

美心max快餐店完全符合香港趕時間既打工仔而且，係正火車站度，一出閘，食完就可以返家休息我叫左蕃茄焗豬扒飯呢個焗豬扒飯，都吾係hea俾，佢有幾舊大蕃茄、好多紅蘿蔔，有好多蕃茄汁，面頭又有層芝士而且舊豬扒又真係幾大塊，飯既份量又多，仲有係用蛋炒過既飯，算有心機！但我一個人就食吾晒，有d浪費，但又無得叫少飯，如果有分size就好了！再加左杯冰鎮茶，keep住杯茶涼浸浸！食過另外個兩間快餐既焗豬，呢間個味最岩我，茄蕃汁又吾會太酸，岩岩好！

最近計劃未來搬到上水去，是日去視察環境，小妹其實人生第一次來到上水，首先環境上滿是拖喼大陸人已經心生不滿，經過美心一心想著先醫肚，殊不知付錢吃到垃圾先最令人氣難下餐牌與現實不相乎不是新聞，但現實的確相差太遠了吧是日點了個烈焰叉蛋包配脆炸雞翼份量少不在話下，包跟雞翼size都出奇地少，一個女孩子如我都難以果腹。叉燒又乾又韌，肉乾一般蛋份量只有大概半隻，離譜紫菜味雞翼，紫菜求其灑兩下，慘不忍賭希望美心改善一下質素，對消費者有個交代

好趕 好趕， 肚仔又打哂鼓， 怎麼辦。。。。緊係找一間最就腳，在火車站旁邊的美心集團旗下的美心 MX, 吃個快快快的快餐吧!坦白說, 在快餐文化裡, 真的不要放太高的要求, 務求不難吃, 份量足夠, 賣相不差, 又吃得飽便好 唉哟.... 這不就是要求嗎?! 真是一國兩制, 說一套... 做一套, 自己都想搓拳打一下自己了 不過誰人會沒要求呢?! 那就快快快點了 ＂翠芹藕片炒魚片"..... 怎麽說, 不過不失吧!老火湯,稍嫌肥腻.... , 就相信是沒加雞精吧! 隨著時代進步, 連鎖店大集團的誠意投資, 環境,清潔和快捷, 都是值得一赞的

早日經過上水港鐵回家, 正正係三點三, 未餓但就想飲杯野, 既然順路, 入美心MX單叫一柸飲下...講起, 多年無幫襯過美心快餐, 主要原因, 係佢近年既餐牌唔多掂..最記得有味叫做魔鬼雞扒, 下面一款天使雞扒.....我頂.....原來係黑椒/ 白汁, 咁就唔好放兩張餐牌啦,.....好, 既然單叫飲品, 無所謂啦. 下午茶單叫$11蚊返到屋企...打開...有少少懷疑....係咖啡嗎? 淺色, 無茶味....飲落,完全無茶味, 可能沖錯. 但問題係, 咖啡又唔合格喎, 得過苦字.諗落可能真係沖錯俾我, 見佢一杯"對"落部咖啡機, 兩條水柱就射, 段故紅茶唔會自動出卦,,,...但當時無為意, 中左招, 不過班C9做野唔係太合我心意.....心起上水廣場大快活, 大快活流暢D.可能上水站唔憂做, 又或者做到個個散0西, 由價錢,服務, 質素, 我下次都唔想再幫襯呢家分店...

聽講座前臨急食個快餐，其實在上水，四周也是強人，這裡更是表表者，嘈及污糟。講返食物，叫了一個上海豬扒麵，omg，仲衰過大x樂，勁重味精及咸，豬扒明顯用鬆肉粉之類醃製，勁重化學味……，麵又少…再配多杯勁稀的豆漿。本來我對快餐期望不高，而美心mx之前都算相對ok，經過今次，真係omg…

今天返大陸工作前吃個小早餐，於火車站口吃個美心，人不多，是關是早上8時賣相不吸引，29元一份的早餐。炒雞蛋冇味，雞蛋質素明顯地差，魚柳厚但只有雪味，蘿蔔糕正常。感覺有點差。總之食牛肉飯做早餐。

行過上水又未食晏晝餐, 咁喺上水港鐵站,見到美心mx,就入去睇下有乜野好食好, 咁我又好好彩,俾我搵到啲啱食嘅.就係望落去性價比都幾高嘅”特選便當下午茶餐”! 依一個餐嘅內容都幾豐富下,有吉列魚柳,咖哩魚蛋,肉絲碗仔素翅,配薯仔沙律,甜品,咖啡或奶茶或者汽水, not bad for $30.50!好啦,而家講下啲嘢食, 呢個吉列魚柳外層個皮都炸得幾香脆下, 魚肉方面,坦白講欠缺咗啲魚嘅香味, 同埋魚柳嘅厚度翩薄!咖哩魚蛋個咖哩味做得好好,咖哩味,辣味同埋甜味分均衡, 魚蛋彈牙! 但係就欠缺魚香味.個肉絲碗仔素翅, 其實調味做得唔錯, 都真係有啲肉絲係裏面,冇偷工減料! 味道唔會太鹹亦唔會太甜容易入口!佢個薯仔沙律, 係甜沙律, 味道都幾清新!甜品方面, 白色一舊野嘅應該係椰汁糕, 但坦白講食落去似一舊白色嘅大菜糕多啲因為冇乜椰汁味!總括嚟講去開上水港鐵站又想食高性價比嘅下午茶,依度係唔錯既一個選擇,但係亦都唔好寄望食物質素好高,點講都好,佢始終都係一間快餐廳!

早幾日去拜山， 同屋企人去左呢間美心食野。叫左個 煎蛋肉醬意粉，等左五分鐘先有，但係攞既時候已經唔係好熱， d意粉好濕，唔夠乾身， 碟底仲有少少水，意粉本身唔算太差，都幾彈牙，唔會太淋，但佢d 肉醬汁無乜味， 只係得少少酸味， 不過隻煎蛋唔會太熟，仲有少少流心，都加返唔少分。整體黎講雖然唔算太差，但係質素比以前係變差左。

今日下午我們去咗上水港鐵站嘅「美心MX」食下午茶！我們叫咗公司三文治配薯條同脆香洋蔥豬扒包配魚肉燒賣！公司三文治配薯條嘅餡料好豐富，鷄肉相當厚身，肉質都幾軟滑，青瓜同生菜好新鮮清甜，薯條炸得都幾香脆！脆香洋蔥豬扒包配魚肉燒賣嘅包質都算香脆，豬扒嘅肉質都幾鬆軟，但洋蔥嘅味道都幾惹味！魚肉燒賣都幾煙韌彈牙！

今晚1收工，就喺等車仲有廿分鐘嘅時間，仆去上水站間5美心mx食個快餐，醫肚才有氣力練歌嘛望左陣最吸引都係個海南雞飯，簡簡單單拎張50蚊出黎無多無少。等左都好一陣子，終於齊野埋枱開餐呢餐前菜湯飯都齊👍但湯好咸，味精野飲完會仲渴 舊冬瓜5錯，淋身好入味個啲柚子汁生菜都好好食 攞啲酸汁調味菜已經可以好開胃醒神至於個重頭戲，海南雞好好食，肉質鮮嫩可口，啖啖似入口即溶，而加埋薑蓉，豉油，酸辣汁，啲雞肉變得好惹味 一啖雞一啖煮得剛好嘅黃油飯，最佳配搭一個簡單又快捷嘅餐就咁一啖一啖俾我哂 走仲淨3分鐘飛去趕車 認真快靚

一早趕到上水開工，早餐都未食，先去火車站美心食個快早，去到見到爆場，先去門口落單，之後搵到位，同事幫我攞票去攞食物，我霸位，地方雖然紅白色裝修光鮮搶眼，但座位好迫，加個背包都無位，食物好快到！C1:榨菜肉絲米：細細碗，湯底濃但溫度唔啱，最憎嘅微溫，雖然榨菜爽口，米粉滑身，可惜個湯破壞晒！香腸+3.6牛乳炒蛋，多士：香腸太鹹，牛乳炒蛋明顯已炒好多時，微滑但份量唔多！多士已焗好再保溫，所以偏乾！一般！熱檸茶：唔夠熱，茶底正常唔澀！店員爽手，食到中段，落單人龍已經排到出門口！唔爽手唔得！好誇張！

今天要到廣州出差但同事遲到了只好在上水火車站找地方坐著等。我明明不太餓但看到燒味覺得不錯於是點了~叉燒拼燒鴨飯:師傅給的是瘦叉燒和鴨腿伴著一些四季豆,看起來超好的樣子,色澤又亮,但一咬~硬得不得了,而且飯又乾又硬但是很燙。。。金玉其外,吃得我愛不惜手!熱奶茶:茶味淡。。。不好喝!還是希望同事快點到吧！

如果有選擇的話，我一定不會選擇到美心MX吃早餐，因為我家樓下有一家，我已幫襯了廿年，山長水遠來到上水，當然想吃特別一點的，但時間匆匆，附近亦沒有更好選擇的情況下，北上遊玩前在港鐵站的美心MX吃個早餐。這店子不算太大，大概有十多張枱子，坐滿了人的。店內較有特色的是牆上有許多很漂票以心型為主題的畫，色彩繽紛，那天我五時多就被迫起床，本來沒有甚麼心情的，看見這些畫後即刻感到開懷舒暢。今天是星期五的例行齋日，可以選擇的不多，就選擇了個炸魚柳配炒蛋蘿蔔糕。熱奶茶的茶味不是太濃，對於愛奶味的我來說，奶可以多一點。美心的蘿蔔糕一向不俗，大概是因為中央製作，所以即使今次來到上水店，水準都是一樣，雖然吃不到蘿蔔絲，但有蘿蔔清甜味，不過如果可以多一點臘味而且臘味炒過後可能會更香。炒蛋有點過老，但還好蛋味頗濃。主角的炸魚柳令人有點失望，碟上是一塊很薄的炸魚柳，幸好那個炸皮不是太厚，所以還吃到有點魚柳肉，不過這薄薄的炸魚柳明顯的是已經炸得太長時間，魚塊已經炸至魚乾，要勉強配上他他醬才可以入口呢！

糯米雞的份量不少，吃一個糯米雞已差不多是半頓飯量。雖然用左荷葉包住一起蒸, 可惜都沒有荷葉味道餡料以肉碎為主，還有雞翼,冬姑片,蝦米, 芋頭餡料豐富, 肉碎醃後再炒後非常入味, 雞翼肉質嫩滑，有蝦米與肉碎一起炒令肉碎味道鹹香冬姑片厚身带蠔油味而且炆得好淋 糯米飯煮得夠軟綿綿加上丰富材料非常美味早餐