有晚在麥當勞吃了一個DOUBLE足三兩餐。
由於當晚有一個真實遭遇, 實在太好笑, 忍不住要分享一下。
「官方」規定要描述一下食物, 於是, 大家可以當以下一段描述, 是廢話, 跳過不看亦可, 可以直接看「題外話」:
這間麥當勞的薯條跟其他快餐店一樣, 是用薯仔做的, 切成一條條, 經過油炸, 再灑些鹽。如果不是切成一條條, 就應該是薯塊或薯角, 而不是薯條了。
雙層足三兩跟足三兩就有好大分別, 至少, 它有兩塊牛肉, 而足三兩只有一塊。其實它跟雙層芝士漢堡有甚麼分別呢? 就是牛肉厚一點, 肉汁多一點。不過, 由於現在的麥當勞的包是即叫即執(不是即即煎), 芝士往往未能跟牛肉融而為一, 所以呢, 吃之前可以等它焗一會, 芝士溶溶地會更好吃。
套餐非常好, 還有一杯汽水送, 雖然無益, 但仍然是好飲的。
題外話/補充資料：
循例order了一個double足三兩餐。這個餐本來就比較少人叫, 要等亦不出奇, 所以收銀隔了數分鐘才叫我等他拿給我, 我也沒有異議, 坐下吃薯條。吃了差不多一半, 一個戴眼鏡、神情呆滯的店員, 拿著一個足三兩(不是double, 個盒的顏色不一樣)周圍問人, 當然也沒有走過來問我, 而是在近門口一帶問來問去。有一家人, 有老有少, 本來說沒有叫, 後來個男人「竟然」厚住面皮說「係呀, 係我架」, 還要派人去拿了一紙袋, 一家人「歡天喜地」離開了
我見狀覺得不對路, 於是向一個應該不太懂廣州話的清潔阿姐提問, 說尚欠個包。然後, 有兩個男店員(其中一個為剛才拿著包問人的四眼人士), 走了出來, 「惶恐」地望了我一會, 又馬上閃縮回去。三分鐘後, 一個店員衝過來拿了個足三兩來, 放下, 我連叫停他的機會都沒有, 盒蓋即自動彈開了。
我唯有再同明明不懂廣州話的清潔阿姐講, 我是要double足三兩。她當然聽不明, 我再走去同收我銀的店員講, 原來佢打錯了單。我說, 補錢沒問題, 請你畀個double足三兩我啦。
補錢, 又要找錢。不幸的是, 負責拿錢去問女經理「個客要找錢」的又是那位四眼店員 ...... 我見狀, 先取走個包, 坐下吃, 否則不知他要問幾耐至找得到。然後, 他拿着散銀走來 ......... 哈哈, 碌咗個五蚊落櫈底! 執又執唔到喎! 恭喜晒!
再然後呢? 他又再問去問女經理, 又再拿着散銀 ......... 不錯, 你估中了, 佢又失跌過! 不過今次執到喇! 我叫佢, 擺低錢ok, 然後先用紙巾抹過個五蚊銀。
故事當然不會如此完結。
我差不多吃完個double足三兩, 「赫然」見到另一個男店員拿着一個double足三兩走出來, 又周圍問人 .......... 這一次, 沒有人好似之前那個一家之主貪心, 沒有人認頭 ........ 我實在笑死咗, 再度同開始識聽廣州話的清潔阿姐講, 佢哋好明顯整多咗啦 .........
小小一件事, 只好說, 麥當勞幾時先會檢討一下自己的制度? 你叫個客坐低等, 唔係應該叫佢keep住張單取食物嗎?你攞食物畀客, 認單不認人, 就可以避免貪心的人有機可乘, 真正叫了食物的人也不用白等。當然, 如此簡單的事, 不見得管理層會留意 ...
(以上食評乃用戶個人意見 , 並不代表OpenRice之觀點。)
影片
