興泉粥麵

營業中

休息中

傳統廣東粥舖真係買少見少，呢間坐落於西灣河太安樓內。唔確定有幾多年歷史，但店內裝修陳舊，保守估計應該有10多年（聽街坊講的😅）。知道呢間興泉粥麵小食最多人 幫襯 的 時間是早上，大部份係街坊， 亦 有 打工仔返工前買早餐外賣。除左價錢平夠吸引，相信老闆同好多街坊建立咗深厚嘅感情。小店大部份食物都係以粥為主(不同種類的粥，自由配搭) ，另外有幾款腸粉，炒麵，五香鹹肉粽，粢飯，各式油器，炸両。而飲品只有豆漿選擇。我今次揀左👇雜錦粥牛肉艇仔粥炒麵蝦米腸粉油炸鬼總結嚟講，價錢平，味道不過不失。但吃出舊香港的味道😌。

店內環境差，坐位小，店員又無咩衛生常識，餐具不清潔。服務態度可以，但店員人手不足。價錢算比較其他平。食物品質素差，賣相差。先講下粥，魚片無腥味，猪肚咬唔到，唔夠淋，粥好淡味。炒面好似像根，而且太油，無配料，賣相差，勁難食。炸兩散晒，賣相差，油炸鬼勁凍又難咬，超難食。堂食$9，外賣$17，但外賣炸兩用膠袋裝，勁驚訝。。。盒都無。。。總評，我唔會再食，因為無野值得再食，而且我覺得不衛生，免費乜不會再食怕肚痛。

有日早上要到附近工作, 唔想食麵包做早餐就諗起太安樓有間粥店有即叫即整粢飯食, 就叫一份粢飯連豆漿套餐 $14下單後, 店員即到蒸壚前取飯製作, 粢飯好大舊, 入面d餡料同樣多到包唔晒, 有炸兩/肉鬆/榨菜, 食既時候炸兩仲有少少脆, 每一啖都食到有料, 好飽滿. 而豆漿微凍, 有豆味, 甜度適中, 出面$14既價錢應該食唔到仲唔會連飲品除左粢飯,仲有即整腸粉同現場即炸油炸鬼, 不過店內油煙味比較勁, 企左一陣已經有油煙味.此店應該只做早午市, 放工時間店鋪已關門

西灣河無檔粥好食, 我情願自己煲或者誇區吃也很少去幫襯。呢間粥舖五年前幫襯過一次, 當時粥都可接受, 但係環境真的很差,貨物亂堆還要不潔的昆蟲四處爬。五年後再經過, 因為記得佢裝修過, 就俾次機會啦。叫了一個艇仔粥($11), 老女士很快就送上來, 而那個炸兩($6)就是門外的女士即製。炸兩送上檯, 因為即製關係非常熱的, 粉漿較厚, 味道不錯。粥稍為待涼了, 入口第一感覺是怎麼這樣鹹的?真係未試過食粥食咁鹹, 就算佢真係粒粒米花煲得怎靚,超鹹已經令我受不住。進食期間, 有人入去買腸粉, 而腸粉可能一早弄好入袋, 客人拿上手已怨凍的, 可惜錢已付, 老女士亦當聽不到。

是日keep fit 去,游水後想吃碗粥,便到了這間..順便買個早餐給哥哥...叫了, 皮蛋瘦肉粥 x2 荔灣艇仔弼 叉燒腸粉粥品是不錯,頗為綿滑不過有味精的,吃完很渴但我奇怪怎麼皮蛋瘦肉粥和荔灣艇仔弼是粥還粥,配料還配料?我看見店主弄時是把配料扔到碗底,然後放上粥,粥是這樣的嗎?但叉燒腸真的...憤怒了本身是叫了的,但後來看過店主弄粥的方法便打算不要.但店主盛意拳拳的說"今日的叉燒很好啊!''最後也要了,可惜,一失足成千古恨!賣相還可以的是....但叉燒腸內絕大部份是沒有叉燒的!!!皮又厚,又不滑!怎麼可以這樣呢?真的是憤怒了!!!這腸粉$9,不是貴,只是不值!再說服務,店內不算很多人,但店主就不停逼我們出到店外.凶神惡煞,不耐煩的,扣分!但當店主想我買腸粉時,態度180度大變身,馬上變得謙恭親切.一笑置之.人世間就是這樣的了.3碗粥1腸粉,索價$43,過得去吧...

二月十二‧雨粉粉 如果見有即拉腸粉，很容易便會吸引到我進來幫襯，因為總覺得水準會好一點的。是日就是見到門外那蒸氣騰騰的腸粉爐，阿姐在一碟一碟的拉腸粉，來試了一試。 看油條像放了幾個世紀的，就要叉燒腸。但回應卻說「叉燒要切」，但就了又沒有動作，似乎有排等，就有咩要咩，要了碟牛肉腸。 腸粉皮厚厚的，完全不滑，拉得遠離水準。內裡的牛肉像糊仔一般，杰杰的一pat，完全吃不到牛肉的質感及味道。這一碟牛肉腸，都可以用「難食」來形容。其中一個好處就是夠熱，當然即拉的腸粉，如果可以做得不熱，其實更難。 想吃碗白粥，阿姐說沒有，問「鹹白粥」要不要？ 對味精粥底沒有興趣，放下9蚊，而這就是另一好處，就是夠便宜。