炑八韓烤 (黃金廣場)

營業中

休息中

一向鐘意食韓燒，睇IG見倒炑八最近出左魷魚遊戲主題嘅套餐仲有超靚周邊可買！梗係要立即去試下！一到門口已經滿滿魷魚遊戲嘅氛圍！🚦紅綠燈魷魚遊戲套餐 🥩月見牛腹肉：牛腹肉味香濃，脂肉均勻紋路清晰；燒一燒就熟，油脂香盈；沾月見蛋汁一齊食更嫩滑！🥩和牛牛肋條：色澤亮麗，肉質軟嫩，脂香而不膩！🥩安格斯外裙肉：肉質紥實香口，口感帶嚼勁！ 🍖醬油五花腩：燒好估唔到超勁juicy而不肥膩，燒到微焦狀態，口感爽彈，脂香細膩！🦑 原隻燒魷魚 ：店員幫忙燒嘅魷魚，果然十分出色，啱啱好熟而且保留了海水嘅咸香味，口感彈牙超好食！🐟深海鱈魚既嫩滑又啖啖肉！輕易燒出外皮薄脆嘅口感，魚肉夠軟嫩！🥤紅燈沙冰綠燈沙冰：吸晴嘅沙冰分別係西瓜🍉味及石榴味，夠冰涼及解膩！🍦椪糖曲奇雪糕：食返魷魚遊戲主題，有大熱嘅椪糖，不過換左做曲奇，一樣可以玩！雲呢拿雪糕配搭酸甜嘅士多啤利！十分完美嘅一餐！炑八韓烤📍 銅鑼灣軒尼詩道502號黃金廣場6樓

佢個烤蛋好好味、加埋有泡菜係入面、令到個烤蛋味道多層次化、、有另外一款就用芝士、不過就比較芝士、旦都可以無限量添加、另外佢個火燒和牛壽司🍣、入口即溶、牛味十足🥰

叫了4人拼盤，數量之多，5個人都足夠有餘，抵食！肉類不會只有醬汁味道，或全是一款味道，海鮮包括蝦、魷魚等等都新鮮。泡菜、前菜、沙律都可以添加，而且好好食，要讚揚！店員沒有hard sell，點餐時還會告知夠了，先食，不夠才再添，令我感覺好好！而且店員換燒烤盤非常密，自動自覺的，不需要叫，這點太讚！加芝士、粟米都即叫即做，服務好好。可能晚餐時段食頭輪，餐廳內人數不多，不嘈吵！地方也寬敞，由於太耐沒有光顧這間餐廳，但今次的感覺好好，是推動我再來的誘因！

本身食過荃灣同沙田分店，都覺得唔錯，但銅鑼灣黃金廣場呢間真係更加令我有深刻印象金毛中年男店員（應該是主管/經理）態度奇差，當客人喺嚟攞着數，講用會員手機Apps換咗杯飲品半個鐘都冇人理；當員工係狗，用餐1小時全程聽到金毛男呼呼喝喝，完全為我帶嚟嶄新嘅餐飲體驗。食物質素極差，紅蝦臭嘅，食完個口都臭埋，烤肉又冇肉味，埋單500幾，仲衰過食茶餐廳唯一值得一讚除咗金毛男以外其他店員態度都幾好，但可惜一粒老鼠屎

餐廳今期主打以韓國超紅劇集魷魚遊戲作主題，食物的裝修及周邊物品都很貼題～紅綠燈魷魚遊戲套餐，非常豐富，內裡有新鮮魷魚、醬油五花肉、梨汁雞肉、深海鱈魚肉、韓式香腸、安格斯外群肉、和牛牛肋條及月見牛腹肉，醃肉醬汁相當惹味，而月見牛腹肉更有蛋黃跟醬汁拌勻同吃，特別嫩滑～碰糖曲奇雪糕～碰糖曲奇很香牛油味，雲尼拿雪糕溫度剛剛好，軟滑鬆軟，旁邊還有兩顆香甜的士多啤梨～紅燈沙冰及綠燈沙冰～味道甜甜的，很清爽，吃韓燒時喝一流～套餐還會附送限量貼紙及魷魚遊戲杯墊，吃滿500元更送2024年年曆卡，感覺上吃一頓飯都超多贈品送～

炑八韓烤- 紅綠燈魷魚遊戲韓烤套餐今日嚟到銅鑼灣一間燒烤專門店，主打韓國燒烤，喺港九新界都有分店，而家仲有Netflix魷魚遊戲嘅韓式燒烤主題，店員都著哂戲服，可以玩住咁食韓燒！紅綠燈魷魚遊戲韓烤套餐 $758新鮮魷魚、深海鱈魚肉醬油五花肉、韓式香腸梨汁雞肉安格斯外裙肉、和牛牛肋條、月見牛腹肉集齊海陸空既食材，一家有款岩你！FRONT MAN椪糖曲奇雪糕 $38椪糖曲奇的關卡最為人難忘，宜家可以親身試試！紅燈沙冰 $48綠燈沙冰 $48兩杯主題特飲，重現紅衣人同綠衣參賽者！最後重有魷魚遊戲既月曆同貼紙送，同埋好多週邊產品購買添！

魷魚遊戲幾咁緊張刺激，好睇到唔睇開韓劇嘅我都係Fans呀😜係等緊第二季出街之前，炑八韓烤竟然出左呢個咁正嘅套餐🤓呢日就拉埋同樣係Fans嘅我媽一齊過去食😈媽媽表示啲野唔得剩係得個樣😚可以打卡之餘仲好好味夠哂大滿足❤️就連任食嘅前菜都有11款，可以喪食芝士粟米、泡菜爐邊蛋❣️紅綠燈魷魚遊戲韓烤套餐✨新鮮魷魚🦑用左椒鹽醃過，鮮味又惹味！和牛牛肋條🐮肉質鮮嫩，牛味濃郁！月見牛腹肉🐮有嚼勁好有口感，牛味突出！安格斯外裙肉🐮夠肥美又多肉汁，我中意！醬油五花肉🐷烤到香脆嘅豬五花最啱包泡菜同生菜一齊食！梨汁雞肉🐥用梨汁醃過嘅雞肉口感更嫩滑！深海鱈魚肉🐟魚油香十足，魚肉帶點彈性 ！韓式香腸🌭食肉獸最愛嘅腸仔，燒香左就食得！未食之前勁想知道呢兩杯沙冰係咩味😆紅燈沙冰係西瓜味道，而綠燈沙冰番石榴味道💕FRONT MAN椪糖曲奇雪糕椪糖曲奇勁香牛油味，重點係啲圖案超得意，雪糕雲呢拿味道好香濃😋最爽皮係食呢個餐仲有魷魚遊戲嘅月曆同貼紙送😍炑八韓烤 (黃金廣場) (銅鑼灣)銅鑼灣軒尼詩道502號黃金廣場6樓

最近見到有韓燒餐廳和魷魚遊戲合作聯乘，如果點這個套餐即送貼紙和年曆卡。<紅綠燈魷魚遊戲韓烤套餐> $758一如既往，前菜可以無限refill，還有邊爐蛋和芝士粟米。魷魚遊戲套餐種類豐富，有新鮮魷魚、醬油五花肉、梨汁雞肉、深海雪魚肉、韓式香腸、安格斯外裙肉、和牛牛肋條、月見牛腹肉。食材質素不錯，雞肉香甜嫩滑、牛胸肉油脂香重，還可以點月見蛋汁，份量足夠兩人分享。<FRONT MAN椪糖曲奇雪糕> $38大家可以一起玩這個遊戲～模仿魷魚遊戲中的情節，小編抽中星形，毫無懸念地輸給拿著三角形的朋友。曲奇薄脆香口，有明顯牛油香，雪糕為雲呢拿口味，帶有雲呢拿籽，口感順滑。<紅燈沙冰> $48<綠燈沙冰> $48沙冰有點像波仔汽水味，紅綠相間，沒有不同顏色的啫喱，攪拌過後會沒那麼甜。餐廳除了魷魚套餐外亦都有提供打卡位/售賣周邊商品讓魷魚遊戲粉絲盡情打卡。

最近推出第二季《魷魚遊戲真人Show》炑八 聯乘 Netflix 佈置成魷魚遊戲嘅場景每位店員都穿著魷魚遊戲主角嘅服裝置身每一個關卡．好特別嘅主題試咗限定韓烤套餐造型好特式有心思套餐仲送上貼紙同限量版杯墊✨紅綠燈魷魚遊戲套餐有齊雞．牛．豬．魚．海鮮 份量好充足▫️魷魚▫️醬油五花肉、梨汁雞肉、深海鱈魚肉、韓式香腸▫️安格斯外裙肉、和牛牛肋條▫️月見牛腹肉✨紅燈沙冰 ✨綠燈沙冰沙冰打得好細膩，口感幼滑冰凍✨FRONT MAN 椪糖曲奇雪糕雪糕旁邊插上椪糖拎住塊曲奇都想玩，match哂個主題 店內仲有魷魚遊戲嘅精品可以購買留念推廣期內消費滿$500仲送出炑八x魷魚遊戲年曆咭朋友都話氣氛好正別出心裁的韓國燒烤

銅鑼灣的這家韓國菜餐廳午飯套餐絕對是物超所值的選擇。僅需90蚊的價格，不僅包含食物，還贈送樓下的飲品，給人一種經濟實惠的感覺。特別推薦的牛肉石頭窩飯，呈現出水準之上的美味。這道菜的牛肉質地鮮嫩多汁，每一口都散發著誘人的香氣。石頭窩飯的特殊烹飪方式保留了飯的香鬆口感，搭配著牛肉的滋味，令人回味無窮。更令人驚艷的是高水準的汁料，為整體菜色增色不少，使每一口都充滿層次感。值得一提的是，這家餐廳位於旺區銅鑼灣，讓人在繁華的都市中品味到地道的韓國美食。總的來說，這家餐廳的午飯套餐不僅抵食，更是味蕾的一場豐盛之旅。

呢隻醬油蟹真係令人驚艷！個身嘅大小啊，已經足夠一家人一齊享受美食啦！佢個蟹殼色澤深啡，煮好嘅時候已經散發出濃郁嘅醬油香氣。見到佢個鮮紅色蟹肉，實在令人垂涎欲滴。蟹肉嘅質感都十分優秀，入口即化，帶著微微咸香嘅醬油滋味，真係勾起味蕾嘅享受。佢嘅汁水亦都好豐富，每啖都係滋味十足，一啖啖食落去，真係令人停不住口。----大八爪魚嘅外形十分引人注目，八隻幼幼圓滾滾嘅觸腳，襯托住大大嘅圓眼，好討人喜歡。經過恰到好處嘅烹調，大八爪魚嘅肉質非常軟嫩，一叉就落，入口即化。佢嘅鮮味真係令人感動，帶著淡淡嘅海洋氣息，加上香港特有嘅廣東醬油調味，口感更加豐富。大八爪魚嘅肉質鮮美，加上燒烤過後嘅香脆觸感，真係一絕。加埋啲香料同蒜蓉，味道更加獨特，每啖都係一種享受。

返左一日工，攰到癲，放工要食好啲，一家三口去食韓燒，係open rice book位叫套餐有8折，基於個個餐都好多牛（我唔食牛，我老公同仔食），店員好好，自己主動話可以其中2款轉豬比我地，另外我地再加左1碟豬腸同2碗飯，賣單折埋1共540蚊，食到好飽肚。

星期日晚，經過銅鑼灣一天步行，非常疲憊，很想找一間，用餐時間寬鬆、氣氛輕鬆的餐廳用餐。所以又選擇了炑木烤肉。韓國烤肉，韓語稱불고기，此固有詞，“불”是火的意思，“고기”是肉的意思，即“烤肉”。是源自於蒙古的烤肉料理，據説古時蒙古士兵外出征戰，着裝輕便並無多帶炊具，就用金屬製的盾牌或頭盔烤熟肉類，所以韓國料理所使用的銅盤形狀，會與盾牌的形狀頗有神似之處。另一稱呼是貊炙，是高句麗固有的文化。通常在吃銅板烤肉時，食材多以醃漬的肉類與海鮮為主，與銅板周圍淺底凹陷累積醬料與蔬菜流露的湯汁和在一起烤食。這次的豬皮必須要說一下，處理得非常不好。原本烤豬皮是頗具特色的小菜，但是本次豬皮非常軟腍，缺乏彈性。而且皮下脂肪沒有處理乾淨，不但口感不好，而且有油脂不新鮮的味道。

炑八烤肉已光顧多次，今次首次落筆寫食評。店內座位相對充裕，每次光顧皆在1830至1900之間，均無須等位，可直接就坐。🥗🥗🥗泡菜、芽菜等涼拌小菜無限添加，芝士粟米、泡菜蛋擺烤盤邊緣加熱的小食同樣無限添加，是炑木最大賣點之一。需要提醒的是，泡菜蛋燒數需時較久，估計20至少二十分鐘。🥓🥩🍖本次希望多嚐試幾種口味，因此並未以牛為主，燒肉選擇了雞腿肉、豬五花肉、牛胸腹。🐔🍗🍗烤雞肉新鮮軟嫩，味道香甜，醃料中明顯加入了蜜糖。🥩🥩🥩牛胸腹味道品質不錯，肌間脂肪含量尚可，分布相對均勻，但是脂肪香味不明顯，整體味道尚可。🐖🐖🐷豬五花肉切片相對比較厚，五花三層、脂肪豐富，口感不乾、不柴。搭配蒜片和泡菜，用生菜包好，味道很不錯。🍤🦐🐚海鮮煎餅一份，表面煎得焦香，粉量與配料搭配比較均衡，不會咬落去滿口都是麵餅。

情人節搵地方食飯都幾頭痛，一嚟怕俾人斬到一頸血，二嚟怕無位。終於我地搵左lee間唔使book位食個快飯……因為要趕番去睇功課…………😑😑😑😑😑😑上次去過TKO分店，今次嚟CWB 節日有套餐都預左，! 價錢唔貴喎 $620食物有M8和牛肉眼、 大八爪魚、 L.A骨、 醬油五花肉、 蔥蒜牛五花、 韓國梅花肉、 梨汁雞肉 ：燒肉味道一般啦，係expected 嘅味道，但份量好大件，啱晒食肉獸🤣🤣 值得一提大八爪魚係成隻未剪咁上，成隻燒好攪笑🤣🤣套餐包心型炒飯，不過服務姐姐手腳太快，好快就幫我哋撈均晒， 你唔切影相🤷‍♀️🤷‍♀️