Moment Cafe

營業中

休息中

之前食過幾次，都只係覺得服務態度冷淡，但無影響我想食all day breakfast ge心。今日帶2個朋友一齊黎食，連杯咖啡都未飲晒，嬲到起身走左。同場只有另一位男士(相信是熟客，見到佢哋有打招呼)呢間餐廳室內空間好細，去過既都會清楚，佢一個人食早餐當然唔會講嘢，但朋友之間食早餐傾偈有講有笑係好正常吧，但該名熟客似乎係接受唔到歡笑聲，話我哋太大聲，我們繼而被佢罵，我們第一下反應都係表示歉意同佢講唔好意思，但佢繼續罵，而餐廳職員亦當視而不見。（相信正常顧客係唔會咁鬧人，正常ge餐廳亦唔會係咁處理)我地唔係攪事ge人，為咗唔同佢起衝突，所以起身離開。野食唔係特別好食，咖啡唔係特別好飲，但總括咁多次，服務確實係特別差！！以後都唔會再幫襯！！亦都唔會建議朋友食！！第一次寫評價，比差評你地絕對係實至名歸。

唔俾水，唔俾紙巾，只收現金，食物懷疑唔乾淨。之前話係因為環保唔俾水客人。如果係為環保咁唔主動比已經足夠啦，但係客人問佢拎水都係唔肯比，本人就係試過唔舒服想拎杯水食藥都唔俾。而家就要收兩蚊買支水，咁即係唔係為環保啦，浪費一個膠樽喎。見到我買完水口黑面黑，跟住解釋話嗰兩蚊要來助養兒童， sorry我都有助養兒童，你鍾意助養兒童，咪自己出錢助養兒童囉。你批發入啲水返嚟都要錢啦，你嗰兩蚊助養得啲乜？。唔收任何電子支付，仲試過喺客人背後埋怨點解而家啲人唔帶現金出街。今時今日， 印個二維碼已經可以收FPS， PayMe，支付寶，搵部舊電話已經可以收八達通啦，都唔肯做。算數，可能你認為萬惡嘅電子支付會洩漏個人私隱，要捍衛現金交易係你自己嘅事，但係唔好俾人聽到你背後話啲客啦。你自己唔肯改變，就唔好埋怨點解呢個世界唔跟隨你哋唔肯改變。食物質素一般，因為都係一啲簡單烹調菜式，但重點係試過幾次食完肚痛，懷疑係啲生菜沙律唔乾淨。名為Cafe但係咖啡難飲，雖然有即磨咖啡機但係因為唔識揀咖啡豆，只係普通茶餐廳齋啡味道。其實呢啲都可以接受，咁嘅價錢唔expect好高質素，亦都知道唔係做精品咖啡，只不過咁樣其實令我覺

元朗性價比高alldaybreakfast 依間舖面積細細，裝修充滿田園風坐室外會較為開揚。個alldaybreakfast 有法蘭克福腸 、辣肉腸同黑椒腸 ，3款特色腸，另外仲有一款coldcut 火腿 。流心 既班尼迪克蛋 連埋下面塊多士 一齊食已經好正。炸薯角 旁邊仲有我好鍾意食既#奶醬多 呀！最後食埋沙律 同橙 ，真係飽曬。出面食個alldaybreakfast 點都要過百蚊，反而依度只賣$85，真係好抵食 。

除咗喺元朗咁多年呢間位於街地嘅小店我都只係試過兩次，今次係第二次呢間小店主打嘅係牛角包同埋all day Breakfast包類都會加熱先上菜，所以上菜時係又熱又脆嘅腸仔，炒蛋薯格都係正常發揮，並冇太大特色沙律上面嘅醬比較有特色，酸酸甜甜有啲生果味並唔係一般餐廳試過嘅每個餐都有兩片橙，只係每次都要整污糟雙手嚟食，有啲麻煩，但係咁多年都冇改善一個小地方係朋友嚟到之後覺得室內空氣有啲唔流通響呢個咁着重衛生嘅日子，希望老闆可以注意下

2大1細去早餐，諗住叫兩個餐，佢話唔得，因為有最低消費，咁叫住兩個先，落單嗰陣佢冇講熱朱古力要加錢，第二次再去落單先講。因為坐出面好熱，問佢一陣入面有枱可唔可以轉入去，佢話唔得，得兩個人手比較忙（但其實落單都比埋錢，唔明轉枱會影響佢啲咩）落完單問佢拎杯熱水話冇，要買樽裝水，佢啲餐具冇蓋就咁放出面拎杯熱水洗下都好正常，如果要扮高級做好啲服務先啦。

去到坐低 因為餐廳太細 要坐戶外而同行有位老人家有一個背囊想放低問有冇位可以放袋正常其他餐廳都立刻搵個籃 或其他唔用既椅借來放下佢話：冇wor之後問佢後面 有啲冇用既枱及椅問下可唔可以放佢話：唔得🙄問佢係咪要背住背囊食 唔放得低？店員：唔得呀 係唔放得就唔放得嫁啦 （再加鄙視眼神）😒態度差到即刻唔想食以前印象中一直都好好 呢幾年已經越來越差兒家態度 及餐廳既設計都係極唔舒服原本咁熱天氣 要坐出面已經好熱態度咁差以後都唔想再來了

▪︎all day breakfast▪︎$88都好似隔左成年無黎，再黎既時候原來重新裝修左﹗都係出名食all day breakfast~以往都久唔久會黎食，不過都係坐得唔耐，但野食又真係幾好食既﹗嗌左大大份既all day，有花生醬麥包、eggs benedict、薯角、脆皮腸、沙津菜、橙、Ham因為都食過無數次，好食就一定。以往都會食下意粉類，都煮得幾好食。不過鋪內唔大，座位唔算多，所以都預唔會坐得好耐😂食完無耐就起身了。

有陪母親大人食早餐嘅習慣今日嚟咗元朗呢間出邊有好多花嘅moment cafeegg Benedict餐🥚🥚🥚$45（唔知有冇人同我一樣來cafe必食呢樣）評分：🌟🌟🌟🌟好欣賞呢間嘅Benedict 唔膩Poached egg 煮得啱啱好一切落去就有流心蛋配埋蕃茄同埋上面嘅cheese 仲有醬汁啊就係好鍾意附送嘅沙律有自家製嘅醬汁醬汁好搭令到沙律好好食Moment cafe 1號餐（唔記得咗佢叫咩）評分：🌟🌟🌟🌟$45母親大人嘅呢款就有奄列同腸仔仲有花生醬多士奄列入邊有好好食嘅蘑菇同埋蛋煎得啱啱好入邊仲有蛋汁腸仔香脆麥包多士都係鮮焗嘅配搭埋花生醬就係好好食嘅早餐系列(好啦因為母親大人話要食先所以今次冇影好多相😂😂）

務態度極差，唔講以為我求佢比我黎食野，問佢收幾點，唔講，再問話5點last order,4點不停吹，話要收工，咁即係請問收幾點？咁不如寫清楚彈性收工時間，你吹呀，不過唔想做生意，其實都可以唔開，收錢個女人，唔講我以為佢收我數，個樣黑到，都係食個晏姐，真係要受氣咩，如果佢係老闆，就仲大鑊，咁都未執笠，真係請我都唔會再黎，不知所謂，平時唔寫食評，但都真係忍唔住，垃圾之中既垃圾，我係依度強烈建議大家真係唔好黎，認真！

有如坐監一樣的服務態度，服務員可能覺得所有客人需要熟讀此餐廳所有規矩，才能享受美食，只要大家能忍受這一點，此餐廳的食物係可以的，本人應該比咗3次機會但未見有改善

平日下午4人3小狗約咗另一地方玩，見未夠鐘，諗住隨便係度飲杯嘢sip下時間，見旁邊有張長枱，問女店員可否坐，回覆話該枱係6人枱，當時係完全冇其他人等位，冇人食，要我哋4人3狗坐一張小小嘅4人枱，算，坐低叫完嘢，𨍭過頭話每人要低消50蚊，但見唔到邊度有標示，最貴果杯飲品又唔過50，焗住要加點食物，食物飲品都難食，女店員態度超差，到離開，張長枱都冇人坐過，呢度餓死都唔會再幫襯。

本身很喜歡支持小店，小店多用心經營，食物質素往往令人驚喜，服務態度亦多親切。但這店服務實在差勁，規矩多多都不說了，最令人難以接受的是店內那位女服務員經常黑口黑面，客人都未睇清楚餐牌，已急不及待黑著面的企喺度等係落order，還有其他讓人不快的經歷，就算食物再好也會令人卻步。

Small little cafe, quite basic, nothing fancy but offers a nice range of western fare. Popular for the breakfast sets but also saw alot of people ordering the pasta during lunch.Had B2 daily breakfast set (includes drink), includes scrambled eggs with green peppers and mushrooms, toast, and sausages.Liked how it is served with a small portion of fruit and salad. Toast is thick sliced (nice & crunchy) topped with drizzle of condensed milk and peanut butter. Sausages were spicy but overly 'hot'.V

Moment係元朗出名食All Day Breakfast嘅Cafe，全日都供應早餐之餘，仲有好多款式可以選擇，適合任何時候都想輕食的女士。在鬧市中竟然有間清新嘅Cafe，佢位於學校對面相對寧靜，門前種滿盆栽，花都開得好茂盛，七彩繽紛。每次嚟到都會想坐門前張枱，猶如置身於一個小花園嘆早餐一樣，好有田園feel。#班尼廸蛋 $45已經嚟食過幾次，唔知點解每次都係叫Egg Benedict，喺呢度食價錢真係超抵，已經包飲品、沙律同生果。不過食材方面就比較平實，English Muffin上面有片裝芝士、番茄、水波蛋。荷蘭醬煮得香濃，夾埋一刀切落水波蛋流出嚟嘅蛋汁一齊食，完美配合。#牛角包餐 $45大大個牛角包，夾住火腿芝士番茄生菜，一啖咬落去，牛角包好脆好多碎，配有法蘭克福腸同炒蛋。#雜菌奄列、法蘭克福腸、全麥多士 $45雜菌餡多，奄列煎得厚厚香味濃郁，切開中間有蛋汁，法蘭克福腸煎得夠香，奶醬全麥多士，仲有沙律同新鮮水果，今次水果係橙。#即磨咖啡即磨咖啡香濃，早餐價錢已經包咗熱飲，想添飲每杯加$15。#Moment Cafe地址：元朗鳳攸南街9號好順利大廈地下63B, C&D舖

————————————————————————Moment Cafe地址：元朗鳳攸南街9號好順利大廈地下63B, C&D舖元朗真的是臥虎藏龍，$50就可以食到高質量all day breakfast😇一個美味的all day breakfast開啟美妙的一天～🟠推薦食物 Recommended 🔹牛角包餐（$45）：性價比很高，包括芝士火腿牛角包🥐、法蘭克福腸炒蛋和沙律🥗牛角包非常鬆脆，推薦！🔸芝士流心西多士🍞（$42）：超級邪惡但是超級吸引，水果是2個橘子🍊，需要自行剝皮😂😂但非常甜🟡不推薦食物 Not Recommended 🔹無 No🟠員工 Waiters態度親切🟡環境 Environment 小店經營，田園風裝修🟠總評分Overall (8.5/10）💰$50/person#ezukokofood #ezukokoyuenlong #ezukoko元朗#ezukokowestern #ezukokocafe #ezukoko西式#foodiehk #foodie #hkfood #美食 #食好西 #隱世美食 #元朗餐廳