Tai-Parfait (已結業)

鯛魚燒是日本街頭小食的經典，加上雪糕和繽紛toppings就進一步俘虜甜品迷的心。 這次經團購買券，試試鯛魚芭菲的元祖-日本橫濱的Tai-Parfait！鯛魚芭菲有原味乳酪和雪糕两種選擇， 魚肚內餡可以挑綠茶、紅豆、吉士，紫薯，toppings有芭菲中常見的士多啤梨、香蕉等水果同綠茶紅豆，紫薯同黑蜜糖黃豆粉就是相對特別的配搭。立戶於food court, 舖頭空間小，但有open kitchen讓客人見證整個鯛魚芭菲的製作過程。據聞香港的Tai-Parfait會將員工送到日本培訓，並用上日產的烘烤模具，以保持老品牌的原味。三條鯛魚芭菲bb終於出世了。外形比常見的鯛魚燒更精緻立體，朋友所點的乳酪鯛魚融得很快，相機要食得快時，人也食得蠻狼狽的。自已點了紅荳綠茶鯛魚芭菲，鯛魚燒口中是軟滑的綠茶吉士，帶淡淡的甜香；紅荳泥味道一般沒有驚喜，而雲呢嗱雪糕用上了奶味頗重的A1。畢竟要配合鯛魚燒的size, 雪糕也相對細球，實在令人意猶未盡。還帶暖意的魚身由混合了九州麵粉和美國杏仁粉的粉漿烘烤而成，口感較厚實，味道沒有如本地格仔餅或韓國鯛魚燒的蛋香。魚腹中間就有像麻糬的煙韌質感，再加上豐富的紫薯餡料，

Tai-Parfait Strawberry & Frozen yogurt with chocolate sauce +purple potato filling 魚魚係即叫即製，所以外脆內軟。我一開始以為佢地用普通蛋加麵粉，但好似唔只咁簡單，魚好香而且入面有d qq。原本我係食完dinnerv過來追加個甜品，都驚會唔會食完太濟，但係topping原味既Yogurt 同strawberry小小酸，令到佢感覺好健康又唔膩~😋😋 食完反而仲想食多條入面filling可以任選-有紅豆／吉士／綠茶／紫薯...全部都好似好正😍，我係吉士紫薯苦惱左好耐，最後決定試下佢既紫薯係咪真紫薯（因為好多紫薯dessert 得個色，但味超假）結論係真係好香紫薯味，唔係沖粉假既味，相信佢地真係落左紫薯蓉😁😁幫我整既女仔好generous 咁把紫薯蓉fill到底,令我食到最後都好滿足，紫薯控應該會好like~~ 原本冬天食會驚愈食愈cold💙💙 但因為yogurt 只係topping, 到最後食紫薯魚身既時候感覺好暖粒粒🔥，😚😚😚好幸福不過呢個價錢比起其他魚魚有d貴 $38 hkfoodie: hunger.f

上次嘅經驗令我對鯛魚燒無咩expectation🙎今次反而感覺唔錯💁鯛魚燒攞上手夠哂熱辣辣🔥而且質感出面係脆但無唸過入面咁煙韌👅個人覺得配乳酪係一個好選擇👍酸酸地令到成個開胃咗，同其他配料都夾到另外揀咗吉士醬，正常地好食，所以整體比想像中好!

香蕉+原味乳酪配焦糖醬近期雪糕鯛魚燒在韓國丶日本等亞洲都好hit!之前係新加坡吃過始祖一來自日本的Tai-Parfait，真係超好吃。前排它抵達香港當然要放蛇試試。鯛魚燒即叫即整！魚身溫暖，外脆內軟。Yogurts 酸酸甜甜，焦糖味俾yogurt 蓋過哂！魚腹內餡有吉士丶抹茶和紅豆蓉選擇！我選了紅豆蓉，略微甜左小小！而且份量太細，吃一個好像不夠yogurt 上的醬容易流下來，吃時要小心！價錢HK38

同小小豬去銅鑼灣買嘢，見未夠鐘去上興趣班，所以就帶小小豬去食下午茶。路經見到有雪糕鯛魚燒，所以就買一份俾嚟試下啦~之前都聽朋友仔講過話銅鑼灣都有，不過直都冇機會嚟試，終於可以趁今次試下Tai-Parfait嘅鯛魚燒啦~依度鯛魚燒都有好多選擇哦~諗左好耐，最後小小豬就揀左雜果加原味乳酪雪糕鯛魚燒。落好單後就拎住個機仔準備等食啦~等食等到悶悶不樂嘅小小豬~其實都真係唔怪得小小豬，我地都等左差唔多20分鐘。不過啲鯛魚燒係即叫即整，再加上得一位姐姐負責做，落單...整魚仔...都係佢一腳踢呀~終於等到震機嘅時候，可以去拎鯛魚燒啦~單睇個賣相都好吸引呀~好一隻為食豬呀~上層雪糕就俾小小豬食晒，佢當然係話好好食啦，不過我眼見啲乳酪都溶得幾快，所以要快快食先得啦！下層嗰條魚仔就當然係我食，可能係即整關係，所以個鯛魚燒餅都幾脆口，而且亦唔會太厚身。內裡嘅紅豆餡都算幾多，而且又唔算太甜，所以口感同味覺都唔錯。唯一就係覺得整份雪糕鯛魚燒份量就細左啲啲，可以大份啲就更加好啦！

士多啤梨+原味乳絡配焦糖醬鯛魚芭菲(hk$38)，當時like 佢地既fb page再減$5，鯛魚燒係即叫即做，大約等左15分鐘，鯛魚燒內裏口感似麻糬，酸既乳絡好開胃，而魚身餡料可簡吉士、紅豆或綠茶，1個人食1個岩岩好! 值得下次再食試下其他口味！

經過看到鯛魚形的甜品，很是特別，價錢稍貴，原來是日本正宗鯛魚芭菲，看似美味豐富，很想嚐試。想了很久，選了一個，是黑蜜糖黃豆粉+雲呢拿雪糕，配綠茶餡鯛魚燒。店員給我一個小型電子籌機器，說響了便到店前取甜品，我覺得很好奇，未見過。未嚐過此款甜品，走到透明窗前看看店員怎麼做。看着綠茶餡鯛魚燒烘焗完畢並待冷卻，電子籌響了，顧客來到即加醬料和雪糕。安排得不錯，甜品不會在顧客未拿到前便溶掉。黑蜜糖黃豆粉忌廉醬料，有明顯的黃豆粉味，但不是濃，能配合黑蜜糖的微甜，雲呢拿雪糕是標準的好味夠濃質素。鯛魚燒夠熱，加上一樣熱騰騰的綠茶餡料，是柔軟的綠茶燒餅，與醬料和雪糕冰凍之感交錯，感覺特別，是好吃之配搭，值得嚐試，有機會的話可以再買。

是不是她們不喜歡你劈大個口個樣呀? 我卻覺得你好打!耳!呀!!!明明你是賣座的冰火組合還加上東西洋合壁，又有內涵，為什麼不紅? 放心呀現在我幫你說好說話 (雖然很少人看到..)試了幾款鯛魚芭菲，最喜歡的都是原味乳酪 ($33) / 士多啤梨+朱古力醬+原味乳酪 ($38) 配傳統的紅豆餡鯛魚燒。鯛魚燒一拿上手還是熱哄哄的，十分討好！先試了一口原味乳酪，很好呀乳酸味濃又不太甜，上面的朱古力醬又不會過多，雖然下面熱哄哄又不易溶，而且十分欣賞鯛魚燒和芭菲的比例，芭菲是大約是鯛魚燒一半的大小，吃到剛好過完雪糕癮的時候就吃到熱熱鯛魚燒了! 此時鯛魚燒還是熱的，伴著乳酪的吃鯛魚燒一冷一熱，一酸一甜，真是美味。它除了直接盛著乳酪的位置，其他部份都是外脆內軟的，口感濕潤煙韌像麻薯，還有很香的小麥粉和點點杏仁粉味，和中間甜度適中，粉粉的紅豆蓉配合著，我這澱粉狂找狂了!值得一提，鯛魚燒可以單買魚的 ($15)。也不要在收擋前買，魚會有點點著涼了。另外它是在food court內的，可以嘆著冷氣吃。吃完了.....更多食店足本推介請留意Scribbling Bread

朋友行街，提議試下鯛魚燒，我就叫有黑蜜糖黃豆Vanilla雪糕， 即叫即做，出到黎是熱辣辣，質感好幾煙韌，有咬口，中間就有一球雪糕，不過鯛魚太細雪糕裝唔落，雪糕勝在軟滑，加上黑蜜糖黃豆粉感覺好特別。價錢就35蚊，加上有得堂食，唔錯。

The fro-yo was average as it wasn't that special. There was too little caramel sauce so I couldn't taste it at all. As the fish was freshly made, the outside was crispy and the inside was chewy, just like mochi, which I really like.However, the green tea paste inside the fish didn't taste that good as it was just like custard instead green tea flavour.

老婆仔想食「鯛魚燒」，所以這天在附近吃過午餐後，在時代廣場流連一段時候之後，便來到這間 Tai-Parfait買「鯛魚燒」吃。雖然那些加了各款雪糕、原味乳酪、士多啤梨等材料的「鯛魚燒芭菲」看來更為吸引，但老婆仔不想食雪糕，所以我倆都沒有選擇那些材料更加豐富，顏色更加豔麗的「鯛魚燒芭菲」，只是在三款口味的「鯛魚燒」 ----紅豆、綠茶、吉士餡中，一同揀選了口味應該較為清新的「綠茶餡鯛魚燒」（$15）做飯後甜品。購買之後，找到座位，稍待七、八分鐘，我們的美味甜點已經準備好，可以拿取。小小的「鯛魚燒」，賣相酷似張開嘴巴的鯛魚，雖然這甜點的口中沒有雪糕和醬汁，但一咬開燒得香氣撲鼻的外層，裡面黏稠得來味道清甜的綠茶餡便可嚐到，這簡單的「綠茶鯛魚燒」勝在夠熱，味道又不過份濃甜，甜度恰可，作為簡單的小食，都不錯。

鯛魚燒大熱了一段時間，想像中應是雞蛋仔的口感，餡加入紅豆等，外脆內軟...這日途經City Super竟看見有得買，就來試試味道如何。它提供了很多選擇，餡可選擇紅豆，吉士，而雪糕就有原味乳酪，雲尼拿雪糕或綠茶雪糕，可有上面加入水果，蜂蜜等...選擇好了之後，店員會給你一張飛去隔離俾錢同時有個alarm，因製作需時你可周圍行下，到整好個陣個alarm會提醒你返去羅架啦。今天叫了個雜果加原味乳酪雪糕，由於下面熱上面凍，d乳酪都溶得幾快，要快快進食。雪糕不見了就見到條魚啦，吃下去淋滋滋，並不是外脆內軟，反倒有點像食麻糬既口感，帶點軟q的面團，內裡包了紅豆餡，還可以但不並去到驚艷。

第一次吃鯛魚燒是在長洲吧! 記憶中長洲的鯛魚燒是脆而dry dry的，今次朋友推薦的Tai-parfait HK，鯛魚燒口感QQ，今次實在不容錯過!重新裝修的CitySuper Food Court，木桌面上有色彩絢麗假花朵，感覺令人舒適，而且中間的花間隔增加了一些私人空間。鯛魚燒可以配乳酪或雪糕。普通味道既鯛魚燒 $15 (有紅豆/吉士/綠茶味)，鯛魚燒芭菲 $35起，多款口味選擇，我選了香蕉焦糖乳酪+綠茶鯛魚燒。鯛魚燒是熱騰騰的，上面的乳酪只有數口，香蕉兩片，可是一拍照便已經融化一手都是了，十分狼狽!個人認為配微酸乳酪很可口，鯛魚燒是精髓，綠茶口味奶味濃，不苦澀茶味，QQ的口感有如湯圓，令人難以忘懷!下次會回來!有儲分卡，多買多送。

經常留意潮流美食 咁岩工作上黎到銅鑼灣 決定去time square潮聖一下鯛魚芭菲我叫左人氣推薦嘅“士多啤梨+原味乳酪(朱古力醬) 而鯛魚我揀了綠茶函 仲有紅豆同吉士揀的佢係即叫即整 所以要等一段時間綠茶鯛魚上有朱古力醬乳酪加一粒士多啤梨乳酪分量不算太多 味道不錯 無咩特別因為鯛魚還熱 令乳酪溶得非常快 所以急著要將乳酪食完重點應該係鯛魚燒吧？還熱的 感覺好軟熟 入面滿滿綠茶函好味!!!!!$38元價錢都合理的 做緊優惠 每買一個鯛魚芭菲就可以草一個印集齊5個就可免費獲贈一個鯛魚芭菲

旺角那間超人氣鯛魚燒一直都無機會食到，個時仲話要排1.5個鐘，實在太誇張啦!.最近在銅鑼灣City Super內開了這間來自日本橫濱既 Tai-parfait HK。個日食完串燒後，便即刻過去食返個飯後甜品!.鯛魚燒仲有唔少味道揀，鍾意配乳酪或雪糕都得。普通味道既鯛魚燒 $15 (有紅豆/吉士/綠茶味)，鯛魚燒芭菲 $35，多款口味選擇，小妹就揀左士多啤梨乳酪味道既。剛好9點幾就截單，個時人流唔多，都要等20分鐘先拎到。.士多啤梨 + 原味乳酪配焦糖醬 $38面頭係原味乳酪(可揀配雪糕球)，乳酪唔會好易溶，入口微酸，正合我口味；個鯛魚燒外層質感好似蛋糕咁，內裡食落又帶有煙煙韌韌既質感，仲夾住吉士醬，最重要係熱辣辣既，所以小妹覺得幾好味啊。