大本瀛日式放題

營業中

休息中

識飲識食嘅，我成日周圍食嘢，今日嚟到而家喺兆萬中心嘅放題唔係講笑真係幾正，應該係話CP值超高餐廳環境⭐️⭐️⭐️係一間唔算好新嘅餐廳聽佢哋同事講都開咗10年，有裝修過，不過見啲牆身係有啲舊，但係坐落去都算闊落。刺身壽司⭐️⭐️⭐️⭐️刺身種類都算多，三文魚色澤分明有油光夠到夠新鮮，厚薄適中唔會話因為係放題所以薄切切。赤蝦好大隻，佢哋仲會挑埋腸，乾淨衛生，唔會食到一口沙。珍寶帶子都好大粒唔會好似出面啲放題剁到碎晒。。其他壽司款火炙壽司樣樣都好食，作為壽司控既我每樣都食咗兩件，其他軍艦紫菜都好脆身唔係腍啤啤。熟食方面⭐️⭐️⭐️⭐️⭐️燒海蝦好大隻啲同事講話係用虎蝦，我相信好少放題會用到，肉身爽口，簡簡單單用海鹽燒已經好好食。另外要提一提個燒牛舌，我想講係未食過一間放題嘅牛舌咁好食，入味之源唔會好乾身燒到啱啱好。羊架都好大件同埋啲同事會好細心提你趁熱食唔係會show好貼心。仲有其他炸嘢同其他放題都差唔多啦，大致一樣樣唔使特別講。服務⭐️⭐️⭐️⭐️⭐️呢度嘅服務係好貼心，每一個位置都好到位，例如食蝦嘅時候佢哋會主動遞紙巾比客人。啱啱坐低佢哋亦都主動拎汽水俾我揀未試過有一間放題會連汽水都攞埋俾你揀，我見到佢哋有啲其他客人生日

呢間大本瀛日式放題餐廳是一個朋友推薦的寶藏，我起初對此半信半疑，但一試之下，果然名不虛傳。這裡的性價比超高，全場均為卡座，預訂時更有驚喜贈送生蠔和海膽。刺身新鮮到讓人驚艷，特別推薦珍寶赤蝦、珍寶帶子、油甘魚、泰式生蝦和三文魚，每一口都令人滿意。刺身師傅的用心和技巧更值得讚賞，不僅味道出色，擺盤也相當用心。至於熟食方面，羊架、牛仔骨、鹽燒牛舌和鹽燒海蝦都是絕佳之選。除了日式料理外，還提供泰國菜，如泰式飛天通菜、泰式炒蜆、泰式炒青口和冬陰功湯，口味酸酸辣辣，令人回味無窮。上菜速度快，員工服務有禮貌，不斷為客人換碟，下次我一定會再來光顧。

款式好多，有刺身、壽司、串燒、天婦羅、一品料理、爐端燒、南亞風味美食、火鍋等，店員上菜快手。🔹️刺身🦐🐟有赤蝦、珍寶帶子、挪威三文魚、北寄貝、日本角螺、泰式生蝦等，好新鮮🫶🫶🔹️壽司🍣花之戀、金龍卷、鐵火卷、牛油果軟殼蟹卷，都好特別呀。🔹️串燒/燒物/天婦羅/一品料理🍢🍤鹽燒珍寶大蝦好香口，芝士黃金焗帆立貝、香蒜焗廣島蠔、天婦羅等幾好。🔹️飲品🥤甜品🍧雪櫃有大把選擇🫶🫶

經過兆萬樓下見到佢哋嘅員工不斷推介這間餐廳還給我一張九五折的傳單，見食物都幾豐富，就決定上去試下，入咗門口已經俾個侍應用不肖嘅眼神對望左3分鐘，可能係我哋太夜入座既關係，不斷聽到壽司嘅師傅嘅對話，不斷係咁話叫我哋唔好食，但係之後見到有個佢哋類似經理嘅男人不斷叫我哋坐低，我哋唯有照食👍第一盤刺身一上枱嘅時候我望到真係呆咗，三文魚黑色之餘，仲要係有少少臭腥味，其他中規中矩啦，小炒既食物全部都咸到苦嘅，汽水都飲咗三罐先解到渴😡最後我哋食咗幾樣嘢，決定埋單走人落樓下食撈麵 ，真係奉勸大家一句千祈唔好喺九點後過嚟呢間餐廳度食嘢會有意想不到嘅驚嚇👎

離晒大譜！一上到去已經聞到勁大浸up味臭味！坐低嘅時候見到周地都係垃圾！d碟同碗又油笠笠！真係頂唔順！問個店員可唔可以坐房佢又話無！明明聽到佢地話執緊！轉個頭又話無！d刺身明顯個色澤又唔新鮮！佢地嘅生蠔仲要勁腥！未食齋聞已經想嘔！d燒物又燶！都唔知點解燒燶到黑色都可以照上比d客！真係唔知以為自己喺垃圾房食緊野啊！以為食緊廁所放題！連小小嘅衛生意識都無學人開餐廳！叫人點食野啊！衛生都做唔好 真係離譜😡😡

今日再來食放題，特別為兩位朋友慶生。兆萬的大本𤅀已幫襯多次。食物質素和服務一如以往都非常好，晤明點解有咁多負評。第一次揀呢間係因為佢可以任揀用餐時間和任食三個鐘。其它放題店要指定時段, 加上店員服務好好，亦是加分原因。今次一行11人，老板已叫不用點刺身，會為我哋先安排各款刺身大船食住先，然後我哋再揀其它食物。所以可以即刻有得食，再慢慢揀其它。特別推介：燒牛舌、燒翠玉瓜、泰式刺身蝦、三文魚、炸年糕、大頭蝦刺身等。仲有軟殼蟹手卷和各類刺身都好新鮮。店員不停為我哋換碟。order紙沒有漏單。另外生日的朋友會送上木糠雪糕蛋糕和插上煙花蠟燭增加氣氛。

呢間大本瀛真真心推介😁😁呢間大本瀛真係好正😆😆！佢係一間日式放題，我去過之後真係非常有驚喜！首先，佢嘅服務真係好好。員工好友善，笑容滿面，好有禮貌。佢地好細心地照顧客人，隨時問我地有咩冇需要，確保我地嘅用餐體驗愉快。其次，佢嘅食物質素都好高。佢嘅日式放題菜單非常多樣化，有新鮮刺身、壽司、炸物、燒烤等等。佢嘅刺身又新鮮，新鮮到令我都捉唔到字形咁形容。每一口都令我口感滿足。炸物同燒烤都非常好味，外脆內軟，口感豐富。最鐘意尼度啲羊架😍😍真係必食！最後，佢嘅價錢都好實惠。相比其他日式放題，佢嘅價錢係相對有性價比😉😉 食得好飽又好味 ！總括而言，呢間大本瀛日式放題，真係好值得一試！佢嘅服務好好，食物質素又高，價錢又實惠。如果你係日本料理嘅愛好者，一定要黎呢度試下啦！我絕對會再去光顧呢間餐廳👍🏻👍🏻👍🏻

平時都食開放題，最鐘意都係呢間，大本瀛日檯放題🤣🤣 呢間放題除咗一邊放題有嘅 刺身壽司，串燒炸物，佢仲包埋泰國菜🇹🇭同埋火鍋😆一次過食晒幾樣嘢！呢度嘅泰國菜水準普遍都好高，尤其係個冬陰功，酸酸辣辣非常開胃！炒青口也是我摯愛，非常有鑊氣！尼度服務都好好，換碟數度非常快！店員唔會有機會俾你張枱有污糟碟🤣🤣 同埋會主動提供乾濕紙巾，汽水飲完都會主動在幫我攞多罐😊😊非常貼心！價錢都好合理，中午去食每個人都係二百幾，時間可以去到六點，同朋友食飯傾偈一流😉😉

今日約咗朋友去旺角食飯，嚟度兆萬樓下，好多人派傳單，最後揀咗呢間，叫大本瀛！入到去坐得舒服，唔會太迫，開始叫野食，大件事，竟然寫紙仔，心唸咪會漏單，算啦入咗嚟，搏一搏啦，刺身正常以上，師傅有心機睇得出，攞盤好靚，數量足！冇雪氣，壽司🍣飯粒大小適中👏👏👏跟住叫熟食，有個姨姨既女人👩🏻推薦我哋食翠玉瓜，燒牛脷，羊架！真係冇介紹錯，不過佢就比較大聲，不過都好有禮貌！飯後就仲有甜品🍧最後總結冇漏單抵讚👍👍食物味道👅中上！題外話，本身唔係食呢間，因為收傳單見另外兩間價錢比較平就去咗樓下，原來個傳單同真實價錢相差好遠！唯有呢張傳單有價錢表比較老實就揀咗呢間，好彩冇揀錯！非常推薦大家去試吓😋😋😋😁💪🏻非試食

位於旺角的兆萬中心食肆林立，一直都有劣食之塔之稱。今日再次向塔頂挑戰，估唔到搵到間質素唔錯嘅放題。這裡仍沿用以往放題的點餐形式-點餐紙，啲感覺真系返曬嚟😂。值得一贊，餐廳職員非常貼心，入座後會向你建議先吃刺身壽司類，刺身並盤盤上菜後也會主動詢問需不需要幫忙拍照。上菜快速又無漏單，也多次主動換碟，也非常有禮，服務態度真系一百分。

刺身類
質素非常不錯，三文魚、油甘魚夠肥美。赤蝦大大只很多蝦膏，其他刺身如甜蝦、珍寶帶子、鮑片、希靈魚、北寄貝、馬刀貝也很新鮮無雪味。特別是泰式生蝦 ，醬汁和泰菜店吃到的一樣，忍不住encore了兩次。

黑松露劍魚腩壽司和黑松露珍實帶子壽司中的黑松露給得很大方，非常有誠意。
熟食和炸物全部都幾好食，熟食方面我推介羊架、牛舌和放題必食的芝麻雞翼，另外炒通菜也很好吃。
我們離開後才在入口處發現雪糕櫃，職員也很貼心提我們記得食埋雪糕先，比我哋一人拎一枝雪糕走。這間放題性價比真的很高，2人才500幾蚊，而且服務非常有禮，整個用餐體驗真的很好👍🏻。


真心推介餐廳👍之前經朋友介紹呢間餐廳（大本瀛），食物款式超多，有刺身，壽司🍣，燒物，炸物，串燒，天婦羅🍤，火鍋🍲，仲有泰國菜，😋大量甜品🍮，雪糕！任君選擇😍😍午市都有放題🤩🤩 3小時任飲任食，都係二百幾蚊，性價比超高。所以我同朋友選擇左午市來食放題。可以慢慢食，地方又闊落，可以同朋友慢慢吹吓水🤪🤪食下野，呢度絕對係一個唔錯嘅選擇！😎（總結）食物質素非常滿意，員工服務100分，非常有禮貌，上菜速度超快，經常幫我哋換碟。

利申先，我唔係打手，純粹講反句公道說話！今日同個姐妹慶生，揀佐食放題！來到呢間大本瀛！我哋一次過叫哂刺身壽司天婦羅炸物同串燒，刺身出得足，沒扣單，點幾多出幾多，完全沒漏單！期間拎汽水，有個職員幫我地開埋，又放低埋飲管，到我飲完，我冇叫，會幫我再拎，好貼心！最後我哋叫埋單，突然播起生日歌！送咗個木槺蛋糕俾我哋，🎂🎂🎂仲話「睇見你送禮物，餐廳送的」！呢度啲員工每一個都好鍋心❤️！期間有個好似經理既人走過嚟，講佐個佢哋比人抹黑，所以我決定幫呢間放題大平反！員工水準有禮貌，食物有水準，值得一試！

是咁的，本來想食放題朋友介紹我哋依間，但係見OpenRice好多負評其實有啲淆淆地，不過個friend話信佢啦，所以就試咗，點知原來冇講到咁差，反而有驚喜🤩嚟到嗰日人多，門口個哥哥安排咗張四人枱俾我同個friend先點刺身刺身足數嘅，都夠凍都算幾新鮮。啲三文魚厚薄都合理，帶子大大粒。壽司方面，啲飯唔算好大嚿，可以一口食得晒，款式都多。其他熟食方面，我覺得焗蠔同帆立貝都唔錯，另外啲小炒全部熱辣辣應該唔係整定嘅。啲泰國嘢都唔差，都幾有風味，個冬陰功可以encore👍整體嚟講，其實我覺得呢個價錢算係咁。好過樓上樓下之前食過升級完之後唔知食咗啲咩落肚🤮🤮瀨晒嘢🥹

【🍣🍤大本瀛日式放題｜放題回憶剎🌀】相信大家都會有屬於自己的放題回憶，以前讀書年代好流行與一大班朋友過時過節一齊食放題，三文魚刺身可以剔到30片，好熱鬧好開心，就好似開Party咁！人大了，朋友各有各忙，食物要求又開始刁鑽，有部分轉食素，有部分晚上要輕食，約放題就越嚟越少。今次我就與朋友重溫放題嘅經典，嚟到旺角嘅放題集中地兆萬中心，仲仍然用緊剔剔紙，鍾意食咩自己剔，刺身船一出就興奮，泰式熟食，日韓雪條，另一個吸引係炸榴槤波波，過足口癮，另外驚喜係飲品種類有唔少紙包飲品，朋友飲咗四包朱奶😂，我都飲到兩罐清涼爽🤪。

呢間餐廳係我食過最滿足嘅放題，今日同女朋友行兆萬中心聽到人講10樓唔錯，就入黎試吓，—入門就有人招待我們入坐，首先—定叫個刺身先啦，估唔到個刺身拼盤咁靚，影相都影咗10分鐘📸，重要有我最鍾意嘅三文魚腩😋厚度適中鮮味十足，連油甘魚係我食過最新鮮嘅，嚟到又唔會話數量少咗。壽司部份有個最鍾意食嘅劍魚腩壽司，啲飯仲係熱，醋味十足👍🏻，見到有三文魚籽軍艦😳嗱嗱臨同女朋友叫多幾件嚟食👍🏻👍🏻，燒物仲有海蝦，羊架全部都係我鍾意食嘅，翠玉瓜燒得剛剛好😋，食到差唔多，佢仲會遞埋啲雪糕比你🍦，以服務嚟講真係未見過好似呢間感，以呢個價錢有咁嘅食物同服務質素真係好少見，最後抱住個肚走真心滿足🥰