PLAYT 咖啡廳

營業中

休息中

放假book咗銅鑼灣柏寧酒店「PLAYT」食自助晚餐。Playt 座落在銅鑼灣栢寧酒店內，交通十分方便，餐廳環境舒適，員工服務態度有禮，食物水準不錯，種類都唔少，第一次嚟食都唔錯。環境好大，放置食物的位置分散在餐廳不同的角落，同類型的會集中在一起，都好分明闊落，職員安排我哋坐窗口位附近。自助晚餐的時間是從6點半至9點半，供應不同種類的食物，冷盤選擇都多，例如凍海產、刺身、壽司、中式點心、多國小菜、乳豬、pizza、串燒、湯麵、湯、甜品、生果等等。想快啲番本揀龍蝦就岩，有膏、肉質彈牙，壽司刺身都正常水準，每款都很新鮮，而且味道也不錯。對於我來說，最愛吃的是凍龍蝦，因為蝦肉結實，而且很鮮甜，唯一的遺憾是生蠔比較細（個人覺得），帶子就吃不出鮮甜的味道。熱盤唔算特別多，不過印式、日式、中式、港式也不乏。甜品最令我失望，真係好少款，無一個值得會食第二次，全部試過就算，勝在夠迷你，同埋唔會好甜。其中有一款雪糕幾特別，就係茅台味雪糕，好香酒味，值得一試，還有佢嘅乳酪軟雪糕都唔錯，最後會有一杯餐茶奉上。總括來說，食物種類尚算豐富，但食品質素好一般。廚師補充食物都算快，侍應服務有禮，而且亦會迅速幫忙清理

慳妹的我一向講求性價比要高，先可以吸引到我去幫襯，而且我對食物頗有要求，除左味道要得，款式當然都要多。另外食物是否新鮮非常重要，尤其我哩位女子咁鍾意食魚生！好耐冇食buffet啦突然好想食! 但又吾想夜媽媽食得太飽咁瞓覺，於是揀左放假嘅時間去食lunch buffet。嘩！柏寧酒店Playt Kitchen Theatre 令我好滿意👍😋，符合晒我以上嘅要求。仲有泰式生蝦，鳳爪，三文魚新鮮肥美，壽司款式好多，甜品竟然有我最喜歡嘅心太軟，雪糕有好多種味道，有我大愛的榴槤味道。其實我今日正係掛住食特色嘢，熟食果邊仲有好多嘢都試吾晒，餐廳已經好好，有兩個半小時我哋，只怪我口水多過浪花🤣，我決定要去多次💃, 大力推介俾各位，真係值得去，我完全以為自己食梗自助晚餐咁！😂😂

今年年初一諗住阿媽唔洗煮食餐下午茶自助餐，其實食咗好多次呢間，一直都覺得唔錯，但年初一食雖然加咗價，但質素同種類比平時差及少，例如平時啲滷味都比今日入味，但炸物就異常出色，例如炸雲吞，煎釀三寶，蜆蚧鯪魚球，都好好食，但scone 就差咗，上次好食！ 欠缺新年特色都係失望，雖然加咗個炸油角，最失望係嗰脾氣差嘅男職員，問餐飲時一啲耐性都無，態度惡劣，我哋未講凍定熱就不耐煩地幫我㨂埋，多謝你咁好招呼，其他職員都很好

和幾位朋友到這裡吃下午茶自助餐，本身常常經過，但還是第一次入去。無影環境🤣食物都多選擇，熱食西式有pizza 烤雞翼(好食) 豬仔骨等，有印度薄片，中式有自選面 燒賣 奶黄包 粥 滷味，生食海鮮就有蝦青口和蜆，日食壽司和魚生(魚生中等水平 不特別特出)。驚喜主要在甜品有好多選擇，cake 雪糕 馬卡龍 朱古力火鍋，食了幾轉，自家製雪糕抹茶味不錯～環境就坐得舒服的，只是桌子間好近，整體有點嘈吵，不是聊天的地方。另外服務生收碟快，最後食到5點15左右時就要清場，略不夠時間。

一年一度既聖誕節，我哋揀左係Park Lane入面既呢間Playt食buffet歡渡佳節，buffet dinner分左兩個時段，分別係5:30-7:30及8:00-10:00，8點一到準時入座食物方面同大部分既自助餐都差不多，比較吸引既生蠔同海鮮冷盤都多種類，但呢度既海鮮係做配給形式，並唔係任攞，喜歡食既話就要排多幾次隊，buffet黎講就真係食得唔算盡興，熱食方面亦不過不失，鵝肝多士亦都擺得好隱蔽，差d就錯過咗⋯呢次buffet最有印象既係呢個茅台雪糕，都幾特別其他地方都未見過，原來係餐廳自家製，轉頭想再添食已經沽清，非常受歡迎！而Playt最令我大開眼界既係，當時間搭正10:00正，職員即時推晒廚餘車出黎收檯，並且每個同事都不斷講住「唔好意思呀我地夠鐘架喇，下次再見吖！」同時全場響起旋風式收拾餐具既砰鈴棚冷碰撞聲音💥💥💥，作為一間五星級酒店內既高級餐廳，竟然上演尤如走鬼一刻既趕客戲碼😮簡直係前所未有既體驗⋯

Annual Dinner去左柏寧食 Buffet，年尾好忙折餐勁。生蠔，細隻，都幾新鮮。刺身，肥美新鮮，三文魚幾美味。冷盤，長腳蟹尚算多肉味道鮮，翡翠螺爽彈，青口正常準。黑松露酥皮湯，黑松露忌廉湯味道淡。芝士、煙三文魚正常水準，燒蝦香口。羊鞍肉質軟嫩，少許羶味，蝦大隻爽口。鮑魚鵝掌，鮑魚爽口，鵝掌口感軟腍，味道濃郁幾美味。燉湯，十分足料。甜品，款式唔多，味道正常水準。芒果拿破崙，入口酥脆有芒果香味。最想試呢個，茅台雪糕必食，酒香突出，綠茶麻糬，綠茶味道濃郁，內有麻糬幾美味。伯爵茶軟雪糕，淡淡的伯爵茶味。食到好飽又食下生果。食物味道不俗，都幾好野食。

終於有時間可以分享大家睇呢個出色嘅PLAYT自助餐喇呢間自助餐嘅位置方便相當方便就係銅鑼灣食物種類繁多最好就梗係有即開即食嘅新鮮生蠔，清爽又香甜，唔食返一打真係唔好走啊凍海鮮除咗一般嘅螺、海蝦同青口之外，仲要有龍蝦蟹腳，refill仲要相當之快手，唔使急唔使同人搶都可以慢慢食當你食完咁多海鮮，想清清個口，就可以去到隔離嘅沙律吧度慢慢食返啲前菜喇，種類唔少呀，真係左搭右搭都有排先食得均專登要提一提嘅，梗係佢呢度嘅西班牙燒乳豬啦，皮脆肉嫩肥瘦適中，香脆可口令人食完一啖就想食第二啖其他嘅熱葷一樣好出色，勁多選擇，總有幾樣會啱你口味自助餐黎講日本嘅刺身同壽司一樣唔會少啦，刺身有帶子、三文魚、吞拿魚等等等等啊，仲要有唔少嘅壽司俾你揀，請唔到假去日本都可以喺度食返夠本食到最尾梗係要試埋佢嗰個出出色色嘅甜品區啦，數十種嘅蛋糕，6款Geloto，再加埋個朱古力噴泉，簡直係要多個胃先搞得掂呀

母親大人生日帶兩老嚟到銅鑼灣柏寧酒店食自助餐🫶🏻咁啱做緊大閘蟹主題，都真係冇令人失望☺️首先每張枱每人會有兩隻清蒸大閘蟹🦀行出去仲有唔少大閘蟹入饌嘅嘢食👍🏻例如蟹粉海皇燕窩羹、蟹粉拌麵、蟹粉蒸蛋白、蟹粉炒年糕等🤤冷盤海鮮都有驚喜，可以不斷出去攞龍蝦、愛爾蘭同法國生蠔🤤刺身方面除咗有我必食嘅三文魚，仲有油甘魚同帶子等等，質素都唔錯👍🏻日本冷盤來講比一般酒店自助餐比較加分嘅係，唔止得普通嘅握壽司，仲會有冷烏冬、麻醬豆腐、螺肉、海草沙律、花之戀、卷物等等🫡中式菜方面，除咗有燒味同點心，比較深刻嘅係佢有個黑蒜頭桂圓紅棗燉雞湯，酸甜松子魚，質素都唔錯。另外自助餐唔少得嘅肉食，都想俾個好評👍🏻佢嘅法式寶雲酥羊架真係非常好，唔會好似出面好多時候食到嘅羊架醃到好鹹，恰到好處。美國燒牛肋骨同香草烤雞都正常發揮☺️Cold cut同沙律吧種類都幾多，介紹都幾清晰，都食得出係新鮮。有驚喜嘅係海鮮燒烤，有蒜蓉牛油烤帶子、照燒魷魚、香辣蝦、泰式烤青口、蜜糖烤三文魚，不斷不斷refill🥹最難搶嘅就係焗蠔！真係好好食！甜品同生果都非常正🥹🥹軟雪糕機有乳酪同伯爵茶味🤤Gelato都有特色味道！茅台、榴槤、紅桑莓、抹茶麻

見KKday 有柏寧自助餐我地四個大人計過應該官網book 抵啲呢個價錢咁多野食性價比好高呀坐得舒服服務又非常好👍🏼第一次拎果塊西冷7成熟好好食又淋又夠肉味第二次拎果塊就過熟了太好款式，凍海鮮同埋好多熱盤都試唔曬沙律好好食、魚生都新鮮甜品反而食得最多有榴連、茅台雪糕😳大滿足！下次會再黎

正值大閘蟹當造，所以最近與友人就去了銅鑼灣柏寧酒店品嚐特設的大閘蟹主題自助晚餐。入座後侍應會每人派發一張換領券去換領兩隻清蒸大閘蟹，每隻都有約４両重，滿滿白膏與蟹黃，蟹味濃郁。除此之外，還有各種不同煮法的大閘蟹美食，當中我較喜歡的是蟹粉海皇燕窩羹、黃金蟹粉蒸蛋白和蟹粉拌麵，既可以省卻拆蟹的煩惱，又能嚐到滿滿的蟹粉的滋味。餐廳還有其他各式各樣美食，例如江南菜酸甜松子魚，即開時令生蠔、龍蝦、雪蟹腳、西班牙烤脆皮乳豬、德國烤豬腳、法式寶雲酥羊架、美國燒牛肋骨、雪燕楊枝金露、即制拿破崙、還有必試的自家製茅台意大利雪糕及無限添飲台式果茶。🦀蟹粉拌麵採用上海幼麵，蘸滿蟹粉，滿滿油香🦀蟹粉蒸蛋白濃郁蟹粉加上鮮嫩蛋白，清香又嫩滑🦀蟹粉海皇燕窩羹蟹粉遇上燕窩，配以足料帶子及海蝦，一個字「鮮」🦀各款即蒸點心款式不多，嚐了其中兩款，小籠包皮略嫌太厚及沒有湯汁；珍珠雞糯米太濕，味道方面有待改善。

今日朋友請我嚟食自助餐，平日午市，大概七至八成滿，現場環境都算闊落，坐得都幾舒服，出入方便，唔會好容易撞到。講返嘢食，選擇頗多，基本嘅刺身區，凍海鮮，即切牛扒都有齊，而中式區，除咗燒臘，小菜，仲有蒸點心，而最意外嘅，係有籠仔蒸海鮮，梗係拎嚟試吓啦。凍海鮮嘅麵包蟹，好多膏啊，籠仔海鮮都好好食，相當新鮮。燒牛肉生熟成都啱啱好，不錯。甜品區除咗有特別嘅茅台雪糕之外，仲有榴槤雪糕，梗係食飯兩杯啦，總括而言午市自助餐算係唔錯。

入秋後，系時候要補一補啦？PLAYT首次同 位元堂 嘅自助晚餐！ 要靚就梗系要由內至外㗎喇．😍我咁貪靚，一定要嚟食啦！呢度工業風裝修，簡約舒適，地方寬敞, 仲可以一邊品嘗美食，一邊欣賞維園景色！除咗必食鮮甜生蠔、羊架、還有一貫各國美食之外，特別講下位元堂呢幾款菜式用左包括「正珍珠末」、「野生蟲草皇」和「寧夏杞子」！中西合璧幾有創意《野生蟲草皇系列》 🤎蟲草淮山杞子螺頭燉雞湯 足料，大大粒螺頭，甕內的湯水清透，加入咗蟲草皇，原盅燉制，真系原汁原味☺️🤎蟲草牛肝菌意大利燴飯竟然諗到將蟲草加入牛肝菌意大利燴飯，又香又好味！🤎野菌蟲草蒸餃黏韌的餃皮，蟲草菇菌餡料，ok好味🤎花寸菇扒鮑魚配蟲草我食左好多碟😬大大只厚厚嘅鮑魚《正珍珠末系列》食完都即刻覺得自己白咗又滑左呀😊🤍珍珠末海皇蒸蛋白 蛋白嫩滑，配上蝦肉和蟹肉,再鋪上三文魚子，好有層次感！🤍珍珠末椰子慕絲呢一道可以講話系令人驚艷的甜點，以珍珠末為主要材料，晶瑩剔透、閃閃發光，慕絲的質地細膩柔滑，真系視覺和味覺嘅享受！《寧夏杞子系列》補益肝腎、益精明目🧡杞子山藥炒玻璃蝦球 大大隻蝦球鮮嫩彈牙，搭配了杞子和營養價值豐富的山藥，幾好味

依間buffet係我食過最多款式嘅其中一間，海鮮方面有兩款即開生蠔（法國同愛爾蘭）🦪仲有龍蝦、雪蟹腳、青口、蝦🦞作為生蠔控，雖然每次只限取兩隻，但職員開得好快，加上我去個晚唔多人食生蠔，基本上可以行多幾轉拎多幾隻返去慢慢歎🤤冷盤方面有幾款芝士同各式嘅 cold cuts，包括煙三文魚、parma ham、意大利肉腸同salami腸等🧀🥓刺身同壽司方面選擇都唔少，有帶子、雕魚、三文魚、八爪魚、花之戀等🍣最令我震驚嘅係平時我食buffet好少食熱盤，但佢嘅熱盤好多款式。除左西式嘅羊架、燒牛肉同意粉外，仲有中式嘅點心、粉麵、燒味同鑊氣小炒、日式嘅和牛壽喜燒同天婦羅，仲有印度咖喱同小食🍛好多都令我忍唔住手，其中西班牙烤脆皮乳豬超好食，我食左四五件🙈中式燉湯好夠火喉，忍唔住飲左第二碗！另外仲有台式果茶無限添飲🍹甜品方面，淨係蛋糕等嘅小甜點都有十幾款選擇，仲未計多款自家製gelato、中西式糖水等，選擇多到令人眼花繚亂🧁🍨見到有茅台雪糕好特別，不過我冇勇氣試🤣鍾意食甜品嘅女仔一定會覺得好滿意！ 平日dinner buffet $758一位，食三個鐘，但網上訂位長期有折，仲要都折好多下，會抵好多😆

#銅鑼灣地膽 今次去柏寧酒店人氣餐廳PLAYT嘅「#PLAYTX位元堂主題自助餐 」，餐牌主打三大極具食療價值嘅野生蟲草皇、正珍珠末同寧夏杞子入饌; 邊食邊養生！ #正珍珠末 有： 💭 珍珠末海皇蒸蛋白：蛋白滑嫩，海鮮鮮甜，加埋珍珠末嘅絲滑口感，太鮮美！💭 珍珠末椰子慕絲：椰香味濃郁，慕絲質地滑順，加埋珍珠末嘅獨特口感，真係一道清新又美味嘅甜品！#野生蟲草皇 有：💭 蟲草淮山杞子螺頭燉雞湯：滋補又開胃！湯底濃郁，雞肉滑嫩，加埋蟲草同淮山嘅滋補功效，令人回味無窮！💭 野菌蟲草蒸餃：餃子皮薄透，內裡包滿新鮮野菌同蟲草，口感鮮甜多汁！💭 花寸菇扒鮑魚配蟲草：鮑魚鮮嫩多汁，花寸菇鮮甜爽脆，蟲草提味，味道層次分明；精緻又美味！💭 蟲草牛肝菌意大利燴飯：牛肝菌香濃，口感細膩，絕對係意大利菜同中藥嘅完美結合！💭 杞子山藥炒玻璃蝦球：杞子同山藥增添香氣同口感，玻璃蝦球鮮甜彈牙，大愛！💭 紅棗圓肉杞子燉桃膠糖水：最後食返個暖笠笠嘅糖水，紅棗圓肉清甜可口、加埋口感滑順嘅杞子同桃膠，秋天食啱哂！大滿足嘅一個養生自助餐！PLAYT地址📍：銅鑼灣告士打道310號柏寧酒店1樓

第一次食柏寧buffet,其實都唔係幾遠，起銅鑼灣E出口行大約5分鐘左右就到，都幾方便易搵，中午就開始入座食了，食到大約2點左右。海鮮區其實基本既野都有，係少左生蠔食，宜樣扣左少少分之外，都正正常常😂前面有好多醬汁可以攞。煙肉ok，多芝士種類食。咖哩種類豐富，牛肉咖哩整得好出色。中式區,佢既叉燒燒得好入味半肥瘦，佢側邊有蒸籠，燒賣同蝦餃好多料。粉麵區既白胡椒雞湯底，一試愛上，少少辣辣地甘，配米粉就最正。雪糕區，最令我估唔到就係有茅台味，宜個真係一大特色，佢既芝士藍莓味好好食，紅桑莓酸酸地，但好好食。整體黎講，其實buffet有既野都有，佢既白酒🍸好好飲，可以一試，宜派做緊魚子醬主題，鐘意食魚子醬既可以試試。