一糖 (屏山)

營業中

休息中

糖水垃圾、態度垃圾總括垃圾鮮芒果河粉極度細碗、首先食物垃圾唔好食糖水係落左oj 橙味汽水落去🙃、店員無禮貌極度大聲係店內嘻哈大笑高頻大叫🙂只有店員聲音 完全無chill感！不知所謂只有一次沒有下次！希望早執早著

外賣，明明app顯示可自取 但去到仲未拎得唔緊要 您多人 等下ok但態度勁差，超無禮貌好似欠左您甘心太軟正常唔差 唔係特別好食亦唔係特別平不會再光顧😬希望您繼續堅持呢種態度 生意一定會興隆👍

食到一肚氣！叫咗朱古力雪花冰，個冰底實到一pat pat, 香蕉係生嘅，仲有少少乾到硬嘅棉花糖，唔知已經放咗幾耐。餐具污糟，根本無洗乾淨。另外叫咗腸粉魚蛋燒賣，腸粉係蒸到硬哂，硬到咬唔到，起哂角，要吐返出嚟嗰種。燒賣魚蛋都係一般正常嘢，係個腸粉十分之差，唔明點解咁都可以拎出嚟。仲有個仙草冰，其實都無乜嘢，係好甜。全程坐室內，幾個男職員大聲傾偈，不停講粗口，室內空間唔太大，其實知唔知咁樣好滋擾？到比錢啦，係cashier個男職員係黑口黑面，一句嘢都無講，連幾錢都無講，莫講話一句多謝。三樣嘢，盛惠$145，永無下次！如果同路人係會咁樣對待同路人的話，Sorry, 你哋唔值得同路人嘅支持。

一行12人食完早飯20：00再去食甜品，我地是第一枱客，呢間已經食咗幾年，一直食開佢嘅抹茶麻薯窩夫👍 今晚都一樣，第一個上枱嘅抹茶窩夫做到外脆內軟👍接住蘋果肉桂窩夫，拖肥香蕉朱古力窩夫，石板街窩夫，都陸續上枱，點知全部都係焗得未夠，外面一d都唔脆😵很令人失望😑還點了鮮果心太軟及芒果乳酸冰😊嘢食差咗之餘，仲最重要最差係店員的態度及眼神十分差😤 無下次😤

喺屏山唔知食咩好同朋友傾偈就走咗入去食甜品見到有個紫薯窩夫都幾特別出邊唔係度度都有紫薯味，佢都做得OK真係有紫薯味， 窩夫都係香脆嘅，整體嚟講都OK唔錯，可以再去

焦糖布丁牛奶冰～咖喱燒賣首先講個燒賣先啦N咖喱汁都濃郁少少椰香味不過燒賣就食落去太粉啦～8$5粒都好平焦糖布甸～雞蛋味濃郁～食落都滑如果唔鍾意雞蛋味嘅朋友落啲焦糖落去中和返雞蛋味就冇咁濃^牛奶冰食落去入口即溶^美中不足嘅牛奶味唔夠濃郁

天水圍咁多年來都冇乜糖水舖，好多都執晒🙈對於最鍾意食飯後甜品嘅我黎講，實在太傷心🥹直至幾年前開左呢間，拯救咗我！佢嘅甜品款式好多，有中式、西式，傳統、新式，就連小食，腸粉、魚蛋、雞翼尖都有😋最出名莫過於佢嘅麻薯窩夫，每次都會點！佢嘅雞翼尖亦都香辣得好好食！🤤佢除咗店內嘅位置，店外嘅一片空間都係屬於佢嘅，就算成班人都唔使驚冇位！🥳仲要鄰近地鐵站，行落去3分鐘就到！疫情之後，舖頭都收好早，甜品舖都係🥲呢間做到凌晨一點，就算夜一夜都可以搵到嘢食！✨ 椰皇燉蛋白（加湯圓） $56👍🏻👍🏻👍🏻最近天氣凍咗決定叫番啲熱嘢食！佢呢個椰皇燉蛋白基本上係我每個冬天都必食嘅🤩暖笠笠，仲會念念不忘～佢嘅燉蛋白好滑，加埋我最愛嘅湯圓，jeng！而且佢椰皇入面嘅椰肉都可以𢳂埋黎食😜一個夠我食好耐🤣✨ 紫薯泥小丸子西米露 $38👍🏻👍🏻呢個第一次點，個紫薯泥混合西米露好好食😚不過我覺得個紫薯泥凍咗少少，如果佢可以整返熱再加落去就好了！如果唔係碗嘢好快就會凍🥹而且小丸子再多啲就更好了！

天水圍名物 ♡ 屯元天人必吃甜品喺正天水圍西鐵站下面 地點方便 同附近朋友閑聊放風好選擇🫶🏻∝🍧芒果乳酸冰✨每次必點的芒果乳酸冰！乳酸冰底超級夠乳酸味 再配上店家的芒果醬汁 好吃～另外會配有一小疊配料和新鮮芒果 這個價錢來說絕對對得起💫∝另外之前食過好多款佢嘅甜品都十分唔錯 喜歡麻糬的必試麻糬窩夫啊🧇∝🪟一糖屏山上璋圍249號, Ping Shan Yuen Long, Hong Kong🏷️#chubby_tinshuiwai

上星期去咗一糖，整體而言，味道真係好好！特別要推薦佢哋嘅朱古力綿綿冰。首先，講下朱古力綿綿冰。呢碗冰真係超級香濃！朱古力味道濃郁，綿綿冰質地細軟，每一口都帶來滿滿嘅朱古力風味。最特別嘅係配上滿滿嘅配料，有棉花糖、香蕉同埋朱古力醬，增添咗層次感同口感。食落去，朱古力嘅香濃味道同綿綿冰嘅清爽口感完美結合。整體而言，一糖係一間非常值得推薦嘅餐廳。佢哋嘅朱古力綿綿冰味道真係好好味。如果你係朱古力迷，呢度絕對係一個必試嘅地方。唔單止味道好，價錢亦都相對平易近人。

相信大家。鍾意食甜品嘅都知道天水圍有一間隱世小店一糖，小弟都食咗唔少次，今次就畀個評論，通常較早七八點左右都比較少人，越夜越多人的，我就比較早過嚟啦。比較少人，今次叫左綠茶牛奶冰同埋西瓜冰綠茶牛奶冰:9/10分。佢呢度有埋芋圓配搭的，而且有綠茶醬唔會太甜，啱啱好嘅甜度就最好食的，份量都唔少啲夠食飽一個人西瓜冰9/10分。每次過嚟都會點西瓜冰，西瓜本身嘅甜到已經夠點解應該沒有另外加糖，而且西瓜足了唔會有加其他嘢。所以非常推薦

呢日同朋友係附近吉吉燒燒烤完，之後見時間尚早就決定再直落一齊去食下糖水😌之後朋友介紹咗呢間，我哋沿路行過去。發現呢丁都幾隱蔽，真係唔係住天水圍唔會知🤣跟住我哋兩大兩細總共叫咗4樣嘢share 食😌不過其中既芒果乳酸冰因為太心急食無影到相🥲呢個牛奶冰既綿綿冰無想像中咁出色，我哋另外仲叫咗個芒果乳酸冰不過無影到相。我哋一致認為呢個冰就好食好多。而跟牛奶冰一齊既焦糖布丁就好好食，好夠焦糖同奶味，食咗半個都唔會覺得「漏」。因為我哋係燒烤完直落食糖水，加上咁熱既天氣，呢杯冰救咗我哋🤣 飲落好夠芒果味，同埋夠解渴呢個個窩夫都有90分，因為入面有麻糬！同埋唔會太乾，加埋cream 同紅豆一齊食都幾夾。因為紅豆本身都偏甜，加埋麻糬窩夫一齊食就岩岩好！而個雪糕就係普通既曲奇雪糕🤣

焦糖Oreo窩夫如果係窩夫的愛好者，絕對唔可以錯過呢間，絕對不會讓你失望，外脆內軟，內搭麻糬，再搭配上雪糕，簡直太正。腸粉和魚蛋這個點心非常開心，尤其是腸粉，切得非常細緻，配上混醬jeng。呢間甜品係天水圍西鐵站附近，雖然需要走一段路，同埋有點隱蔽，但真係值得一試！---## 評分標準食物:4/5環境:3.5/5服務:4.5/5性比價: 👍🏽pp$50-100回購率:👍🏽地址：天水圍屏山上璋圍249號地下1號舖

之前都有買開黎做宵夜，就叫咗個焦糖Oreo味窩夫係真係幾好食，但就第一次食榴蓮玉露，係一個冇味嘅椰汁西米露加兩啖仔榴蓮，而且係勁稀，相信任何一間普通椰汁西米露都會好食過呢碗野，咁就盛為50蚊實在小貴

餐廳正正位處於天水圍西鐵站身後店鋪面積不大但分室內同室外座夏日炎炎 坐室外都需要勇氣💦¯聽說窩夫是他們的拿手當晚聞到隔離窩夫香可惜呢日我食得太飽如果唔係一定會試佢既名物(๑´罒`๑)¯¯¯¯¯¯¯¯¯¯¯¯¯¯¯¯¯¯¯¯ิ 椰皇燉蛋白(凍) + 鮮果$60一食落去就充滿著椰青水味蛋白都燉得普普不過‧‧‧佢份水果就真係少得可憐🥹印象中佢得六件呢個位我會覺得佢好唔值ิ 綠茶牛奶冰 $60小丸子🍡紅豆蓉位處於旁邊小碟🍡都QQ 的～ 而🫘則不會太甜牛奶味滲入去冰度所以冰的部分不會孤單而自助倒落去的綠茶醬都幾濃郁 由於我地坐室外冰都溶得偏快🫠

黎左天水圍真係n咁多次，都係第一次食一糖，真係超有驚喜，因為佢成日夜晚先會做糖水，我好多時夜晚已經返左歸，天水圍真係超級遠，所以一般都唔會咁夜走。但個日朋友話一定要試一糖，我比佢說服左去左，我就叫左個窩夫，因為我唔係成日食好凍既野，我食甜品好少會叫沙冰，多數叫pancake或者窩夫，窩夫一黎到個賣相已經好靚，食落去窩夫出面脆脆的，入面仲熱，甜度岩岩好。朋友就叫左個沙冰再加布丁，個布丁超好味我係咁偷左佢黎食。