Add Some Thai Restaurant

營業中

休息中

觀塘駱駝漆一帶美食林立，位置又鄰近地鐵站，今次搵到間泰西融合菜餐廳 - Add Some Thai Restaurant，一入到店內既環境好舒服，完全唔會有壓迫感，餐廳既員工都非常有禮貌，食物質素都非常唔錯👍見到menu 都非常多選擇，睇睇下見到個二人餐，又頭盤又小食又串燒又主菜又蔬菜又甜品總共六樣野，夠哂豐富，於是就叫左。頭盤揀左個海蝦雜錦海鮮冬蔭功湯，雖然睇落份量唔多，但似落兩個人都飲到兩三碗，而且佢有火煲住佢，湯要夠熱先好飲。佢個冬蔭功非常比貨，絕對唔稀，夠哂濃味，而且又唔會好咸。小食同串燒叫左招牌手打蝦餅同香燒菠蘿串，蝦餅都幾大舊，菠蘿新鮮燒起，熱辣辣又夠多汁。主食叫左脆皮豬手泰皇炒飯，豬手既份量好多，個炒飯飯底色香味俱全，唔會係淡而無味既普通飯底，豬手皮脆卜卜，中意食飯同肉既必須要叫。仲要有蔬菜，叫左馬拉盞炒通菜，份量又係唔細，口味又岩哂我，有辣椒味，又唔會咸，通菜又夠脆，非常抵食。額外叫多左個香燒豬腩仔配青咖哩，仲有配蒜蓉包，豬腩仔好香口，淡淡肉，青咖哩味道幾好，夠辣，配蒜蓉包係一絕。甜品係招牌椰汁千層糕，椰味濃，千層糕有嚼口。飲品好多款選擇，叫左杯泰奶，係泰國既味道👅。最

朋友約在「Add Some Thai Restaurant」晚膳，並訂了位。二人套餐包含頭盤、小食、主菜、小炒和甜品，非常豐富。✨️ 酸辣鳳爪沙律酸酸辣辣的泰式風味，令人開胃。✨️ 椰皇椰青雞湯椰皇椰青雞湯用料足，雞肉鮮嫩，鮮甜清香。✨️ 小食： 招牌手打蝦餅、沙爹雞肉串、香燒菠蘿串、泰式素春卷招牌手打蝦餅非常美味，厚身蝦餅爽滑彈牙。沙爹雞肉串惹味。香燒菠蘿串香甜汁液豐盈。泰式素春卷酥脆不油膩。還有脆口蝦片，豐富✨️ 酥炸軟殼蟹炒黃咖喱配手抓餅兩隻炸至金黃色的軟殼蟹，酥香飽滿。泰式黃咖喱濃郁惹味，以手抓餅蘸點來吃，味道非常好。✨️ 馬拉盏炒通菜脆綠鮮嫩，香口爽脆。✨️ 小食原來朋友知道於Open Rice 在「Add Some Thai Restaurant」訂座，可以$1優惠價格享用小食一份。泰式魚餅、雞翼和泰式素春卷，真的不錯。✨️ 芒果糯米飯配是日雪糕 (2人份)口感軟糯的糯米飯配上椰奶，加上味道香甜的芒果，還有椰味濃郁的椰子雪糕，大滿足。🥥 椰青大大個的椰青 椰青水甘甜可口，椰肉滑溜

講咗成年嘅約會，呢晚終於成事🥳 撞正係朋友仔嘅生日週，梗係要搵啲特別啲嘅菜式同佢賀壽😉 不過考慮到佢對食物獨有嘅喜好，真係有啲頭痕😅 好在我仲記得佢之前提過鍾意食咖喱，咁啱早排幫襯過 #駱駝漆大廈 樓上一間 #泰菜館 Add Some Thai Restaurant，覺得佢嘅食物質素同服務都唔錯，一於帶佢再嚟encore😉餐廳嘅裝飾以木色為主調，天花上掛滿迷你 #天燈，加埋掛喺牆上嘅一閃一閃嘅燈飾，加添一份溫暖感💗 呢晚我哋揀咗個二人套餐，食物都幾豐富㗎🤤頭盤🐤 #酸辣鳳爪沙律 - 酸酸辣辣嘅口味，加埋啲醃製過嘅配菜一齊食，零舍醒胃🥥 #椰皇椰青雞湯 - 飲落口有浸椰子清香，味道都唔錯小食🐤 #一支骨雞翼 - 香脆得嚟非常惹味，搞到我哋要追加先至夠喉🍤 #手打蝦餅 - 啖啖肉，口感大滿足🫔 #泰式素春卷 - 完全冇油膩嘅感覺，咬落口都幾鬆化🐮 #牛柳粒串 - 加埋啲特製醬料上面，有少少微辣都幾香口主菜🦀 #酥炸軟殼蟹炒黃咖喱 - 黃咖喱味道好香，又唔會太辣🤤 除咗主角軟殼蟹，鍋入邊仲有好多蔬菜同薯仔，用嚟撈白飯或者手抓餅就啱晒🌮 配 #手抓餅 - 細細塊又唔會太厚身，啱晒唔食澱粉又咩都

位於觀塘既呢間泰國餐廳，都開業咗好幾年，上一次去都已經好幾年前啦~今日出開觀塘，見到佢地仍然營業，當然要去試下啦~雖然係平日夜晚，但係座位都有八成滿，不過座位間留有幾多空位，唔會感到焗促。因為實在太耐無黎過啦，而家menu同印象中既都有出入，感覺多咗好多選擇，所以今次叫既都係未試過既菜式~甘柚炸魷魚鬚魷魚沙律呢個沙律有d雞肋，唔係話佢唔好食，而係佢唔夠其他菜式吸引~ 柚子汁帶微酸，食落好開胃。魷魚略嫌唔夠鬆脆，同埋沙律只有生菜，如果加多少少其他配料會更好。白雪鮮蜆椰子雞湯呢個湯真係。好。大。煲! 放低果陣唔覺，但飲落真係好多，我地有四個人，一個人起碼可以飲到三碗! 佢個湯好甜，飲落仲食到粒粒椰青，加埋卜卜蜆同菇類，真係好豐富，係會encore既菜式!招牌火山骨又係一道足料既菜! 睇相可能唔覺，但係佢其實有成十條骨咁多! 真係少d人食都唔得XD 佢個湯汁雖然充滿莞茜，但唔會有臭味，唔鍾意莞茜既朋友都唔怕。上湯浸豆苗呢個係一個正常發揮既菜式，無咩特別~甜品拼盤一上菜忍唔住「嘩」咗一聲，因為真係好浮誇XD唔講以為係afternoon tea! 諗住影相靚d所以無叫後上，結果有d後悔，因為原來

為慶祝我呢個黃面婆成為母親第8年，AST 特別安排左呢個泰式母親節飯俾我嘆下～首先叫咗個白雪鮮蜆椰子雞湯，真係好多蜆，青口同菇菇。阿女食到舔舔脷。跟住有個冰火蝦多士！脆卜卜嘅蝦多士上面有椰子雪糕呢個擺到明又係小朋友嘅最愛！我今日嘅重頭戲終於嚟啦！就係招牌火山排骨啦！平時食火山排骨呢就用豬骨嚟煮嘅，有時呢都會有鞋鞋哋嘅肉。今次呢間就用咗豬肋排，成條骨呢都超滑啖啖肉。配合埋個汁酸酸辣辣，仲咁多芫荽，真係好正啊！大癲！真係好啱我呢啲芫荽控去食呀！呢個火山排骨阿女就食唔到啦。不過唔緊要，我叫咗椰香墨魚汁軟殼蟹意粉俾佢。隻軟殼蟹脆到呢～ 阿女唔肯分俾我同爸爸食！佢一個人霸晒！食到超級飽啊佢仲包埋個特別版母親節甜品呀又睇得又食得，掂呀！所以嘢食嘢飲都睇得又食得～ 感恩☺️

位於觀塘的泰西融合菜餐廳。一向都說觀塘多美食，最近朋友帶我去這間餐廳就位於繁忙的駱駝漆大廈內，佔地一整層，空間闊落又開揚；而餐廳的裝潢以簡約木系及園林風為主，氣氛令人份外舒適。⋆_____ᴛᴏᴛᴀʟ ᴏʀᴅᴇʀ______⋆❅ 金柚炸魷魚鬚配韓式柚子醬 $88❅ 白雪鮮蜆椰子雞湯 $92❅ A.S.T招牌火山排骨 (半份) $388❅ 馬拉盞泰皇椰青雞湯通菜 $66❅ A.S.T泰西甜品拼盤 (芒果糯米飯/椰汁千層糕/西式甜點) $218❅ 富士之戀 (蝶豆花梳打) $42❅ 富士山下 (蝶豆花奶蓋) $42 ___⋆ ⋆ ___ ✿  金柚炸魷魚鬚配韓式柚子醬炸魷魚鬚外酥內嫩；配上韓式柚子醬及金柚，清新開胃。.✿  白雪鮮蜆椰子雞湯 鮮蜆椰子雞湯加入大量椰奶，湯底融合了檸檬葉的清香及椰奶的香甜，濃郁開胃! 而雞肉及海鮮的份量也不少呢~.✿  A.S.T招牌火山排骨餐廳招牌菜式之一。排骨佈滿了青辣椒及荽茜醬汁，香香辣辣極之惹味!肉質軟稔肉嫩，輕輕一扯，骨肉便已分離，而且味道不會太嗆辣，不能吃辣的朋友也可以安心吃用。.✿  蒜蓉炒芥蘭芥蘭爽脆翠綠，加入香口的蒜蓉炒勻，鹹香惹味!! .✿ 

觀塘駱駝漆大廈一向都多臥虎藏龍食肆，今次同朋友去咗一間以西式烹調方法結合傳統泰國食材別具一格的泰西融合菜。我幾鍾意餐廳裝修的園林風格，一入去見到好多特色天燈波波燈裝飾，木色主調的枱櫈，環境座位舒適。🔶金柚炸魷魚鬚沙律配韓式柚子醬🔶魷魚鬚炸得好香脆，韓式柚子醬淡淡的清新，沙律菜新鮮，吃這個打頭陣很開胃。🔶白雪鮮蜆椰子雞湯🔶成鍋上份量超多，上枱時放在爐上可以保持溫度，椰子雞味好香濃，仲有好多海鮮材料（蜆、青口、墨魚仔）係入面，更增添鮮味，好好飲我哋每人飲咗3碗😂。🔶A.S.T. 招牌火山排骨🔶餐廳必點招牌菜，排骨份量超多，排骨肉質幾嫩容易撕開，配上大量的芫茜及自家特調酸辣汁，食落好開胃。🔶馬拉盞通菜🔶炒得好惹味，通菜爽脆。甜品：🔶 A.S.T. 特色泰西甜品拼盤🔶就算幾飽都要食甜品，因為呢個拼盤實在太吸引，仲要賣相好靚好啱打卡呀，多款泰式西式甜品一次過可以品嚐。我哋最鍾意係「芒果四色糯米飯」、「班蘭椰汁千層糕」。Drink:🔷富士之戀🔷蝶豆花梳打🔷富士山下🔷蝶豆花奶蓋以蝶豆花為主題嘅特飲，顏色好靚打卡一流。

高CP值之選！要俾個like 佢第一次去，感覺地方空間比正常香港嘅餐廳闊落，唔會背脊撞背脊！門口個哥哥（我估係經理或者係老細）非常親切, 有啲唔慣😂5個人食晚飯，選左個4人套餐。最初驚唔夠嗌多兩個小食結果最後大家飽到食唔晒。食物以泰式為基礎，但個㕑加入自己風格，－D到唔係普通泰菜。頭盤蝦多士加雪糕已經令人驚喜！蝦多士，炸得來唔油，配埋雪糕感覺好特別！椰子雞湯真係好正！濃湯冇漏嘅感覺仲有好多蜆食，5個人每人兩碗都仲有得剩，如果散叫skip咗呢個湯就Miss咗好野啦！招牌火山排骨自己期望最高，如果你喜愛芫荽的話就一定好愛佢，食左兩件己去到7成飽。跟著係上軟殼蟹椰香墨汁意粉，跟平日吃到的墨汁意粉完全兩件事，椰香同墨汁原來可以有新化學效果！停唔到口。最後個甜品見到已經「嘩」一聲！但大家實在真係太飽喇，有兩粒迷你馬卡龍竟然食唔晒，因為D熱辣辣（唔係微波爐）嘅椰汁千層糕更好味！最後仲要讚一讚佢啲drink。真係好full, 寫到呢度先發覺唔記得提佢個沙律同炒菜！成個餐真係好full, 完全feel到設計呢個餐嘅人好有heart同味道好創新，真係好值得支持！埋單每人唔洗2舊，深圳價香港食！希望老板繼

「泰」口胃的一間餐廳呢間泰國Fusion菜，十分有魅力的食物，無論食物同味道適口，各種口味應有盡有，不論是酸甜咸辣，全部一網打盡，而且最讓人眼前一亮。值得一試。😋

Add Some Thai餐廳環境：一出𨋢就見到Add some Thai 字樣，一入到去就覺得好有泰國風味特色，餐廳播放着泰文嘅流行歌，好似要仿真在泰國一樣😎😎😎招牌泰式椰子雞湯泡飯配無骨海南雞平時我好少食泡飯，但見到佢係Add some Thai招牌菜所以一試，原來椰子雞湯連泡飯一齊食係好入味，食落好開胃。(泰) 山椰拿鐵個咖啡同奶味好夠，好濃，飲完好醒神。菠蘿串甜甜地幾好味，做飯後甜品一流👍🏻👍🏻✨

第一，出餐慢6:40完成點餐，7:04沙律到，禁好正常啊但主菜既豬手飯，等到8:10先出到（中途催單左2次），炒通菜都等左55分鐘，7:35先出到Ps 今晚無爆場，有空枱另外唔只一枱出現以上情況，其中一枱直頭唔等哂野食就走人理單第二，漏單叫左侍應可以上甜品(甜品系斑斕糕)，等左15分鐘重未出到，見後面遲過我地叫上既芒果糯米飯都出左，再問之下原來系漏咗🙂‍↕️總結食物質素可以，意大利和金邊粉都好食，但出餐真系太耐啦，令到成餐都感覺唔良好。

味道：⭐️⭐️⭐️⭐️❶金柚炸魷魚鬚沙律 配 韓式柚子醬 $88炸魷魚鬚經過炸製後變得酥脆🐙具有淡淡既鮮味道同嚼勁🦷內部仍然保持著柔軟既質地🦫沙律所用既都係生菜 質地脆嫩 鮮嫩清香💚 配上酸酸甜甜既韓式柚子醬 超開胃😁❷白雪鮮蜆椰子雞湯 $92呢個湯係必叫既item之一！💋蜆既份量超多同時又肥美又無沙👍🏻湯底係用左鮮美既雞湯 湯汁濃郁鮮甜😈仲加入左椰子 令湯汁多咗一份濃厚既椰香同滑順💖❸A.S.T. 招牌火山排骨（辣） $388火山骨超大份 堆積到好似山丘咁🌋餐廳好貼心咁準備左手套比我哋用手拎住食🖖🏻排骨肉質軟腍濕潤 而醬汁就酸酸辣辣好開胃🌟岩曬三五知己share一齊食😈❹馬拉盞通菜 $66通菜炒得剛剛好 保持了蔬菜的鮮嫩口感🥦馬拉盞的香料讓整道菜更加風味獨特🌿❺A.S.T 甜品拼盤 $218呢個甜品拼盤真係超豐富😍有泰式椰汁糕、芒果糯米飯、雪糕、馬卡龍、芝士蛋糕、泡芙🤗簡直係一次過滿足晒你六個願望
椰汁糕 甜度岩岩好 口感軟糯🪡芒果糯米飯 芒果香甜又多汁 沾上椰奶一齊食 層次豐富🤤芝士蛋糕 芝味濃厚 口感濕潤🧀❻富士山下（蝶豆花奶蓋）$42呢杯睇落都幾打卡able📸蝶豆花茶具有淡淡既花香🌸奶

肉碎生菜 肉碎食落唔新鮮有陣蘇味叫咗個魚餅完全是喺凍肉店 買完然後煎俾你同埋豬頸肉炒金邊粉豬頸肉係幾大份但係啲金邊粉炒得唔夠入味唔似真正嘅泰式炒金邊粉咁樣覺得只係求其攞咗啲金邊粉炒咗就俾你食出邊嘅泰國餐廳 佢收50蚊一碟冇包野飲 午市 都幾貴其實泰國嘢都幾難整得難食但呢一間都係我幾深刻難食嘅泰國餐廳嘢飲特色嘢飲就$24一杯普通嘅凍檸茶同埋奶茶就$12 都5算抵最尾朋友同我都食唔晒碟野就走環境方面幾好不過星期日嘅晏晝都冇咩人食就知道唔係幾好食同埋價錢真係唔平所以應該唔會再去

夏天天氣濕焗悶熱，份外想食泰國菜。 好開心今晚又發掘了一間性價比高的泰國餐廳。 就是位於觀塘駱駝漆大廈的 <Add Some Thai Restaurant >。 餐廳的天燈及七彩波波閃燈很漂亮。 而餐廳食物的選擇亦相當多，價錢合理-🇹🇭泰皇椰青雞湯🥥 $88最驚喜是原來是一大鍋的份量😳 鮮香的雞湯與椰青水混和，清甜不膩，有淡淡的椰香。 雞件份量相當多，雞肉嫩滑富咬口-🇹🇭泰式明爐青斑 $268熱騰騰原條青斑呈上。 青斑肥美多肉又嫩滑！ 配料還有大量肉碎、芽菜及豆卜。最正是個湯底！用多款泰式香料如香茅、南薑、芫荽及青檸等材料，餚製成酸酸甜甜的湯汁，愈吃愈開胃！-🇹🇭A.S.T 串燒拼盤 $178 拼盤包羅萬有，十分豐富：有豬肉、雞肉、牛椰、羊肉、菠蘿、雜菇串及泰式炸蝦片！ 串燒跟沙嗲永遠是絕配，令人回味😍 彈牙肉質烤到略帶焦香，再點上淡淡惹味沙爹醬，令人滿足

泰味盛宴：一家不容錯過的泰國餐廳餐廳的主菜是一場視覺與味覺的盛宴。火山骨，一道色澤誘人、香氣撲鼻的菜品，肉質鮮嫩多汁，辣味恰到好處，讓人一試難忘。雪糕蝦多士則是一道外冷內熱、十分開胃的小吃，每一口都是對味蕾的極致挑逗。軟殼蟹墨魚意粉，以其獨特的口感和豐富的海鮮味贏得了我們的喜愛。服務方面，餐廳的員工熱情周到，從點餐到上菜，每一個細節都體現出他們對顧客的關懷。總體來說，這家泰國餐廳提供了一個愉悅的用餐體驗，從食物到服務都難以挑剔。因此，我會給這家餐廳一個大約8.5/10 的高分。無論是對於泰國菜的愛好者，還是尋求新口味的食客，這裡都是一個值得一試的好地方。