相馬日式火鍋 荔枝角

營業中

休息中

已經第三年嚟食大閘蟹放題，因為媽媽鍾意食，食過第一次覺得好抵就再嚟，而且不停有改善，第一年得一個煲，火鍋同蟹唔可以同時食，要食夠一樣再換煲。第二年食，終於廚房蒸好晒蟹，客人淨係食火鍋。今次第三年食，新野就係多咗蒸海鮮，不過係一次，唔係放題。任食就大閘蟹，廚房蒸好，每次每人最多叫2隻，4人即係每次可叫8隻，上得好快，10分鐘內有。任食火鍋有牛、豬、雞，海鮮有帶子、沙白、蜆、螺、小聖子、蟹棒、青口、廣島蠔、大頭蝦、海蝦、水魷、鮑魚。出面自助吧有大量汽水、韓式台式罐裝飲品、大量醬汁、沙律、蔬菜。先上蒸海鮮有龍蝦、帆立貝、蟶子、沙白、花甲、藍青口、虎蝦、鮑魚、魚啲海鮮都幾鮮味，冇腥冇臭，龍蝦肉蝦肉都彈牙唔霉，龍蝦鉗都有肉跟住會上花膠雞湯好多花膠飲完就會上火鍋湯底，可以開始點火鍋肉同配料，蟹就當然一坐低已經即刻叫左火鍋，胡椒豬骨湯美國特選牛肩胛火鍋海鮮蠔比較腥，其他ok，叫得最多係帶子主角大閘蟹唔好expect太大隻，因為始終任食又無限時食，上得好快，叫完大約10分鐘就會有，所以食完先叫都得，幾個鐘一定食到夠。同埋幾乎全部都係公，即係唔會好似乸咁一搣開勁多膏好靚咁。但每隻都有膏，唔會空空如也，都

係社交平台 見到相馬午市做緊限時優惠 138免加一任食雞煲海鮮3個鐘。咁抵點可以唔試下呀？約左2個FD黎，位置本身好易搵😂係D1出口左手邊就係😂但我地跟住google map 兜黎兜去搵左勁耐😂一上到去，個場好大，冇咩人，好暗。個雞煲好香好入味，菜類，菇類，丸類，豆卜響鈴，粉面，汽水 自助bar 任拎，豬肉，牛肉，雞肉，貝殼類，蟹柳等 掃QR code 任叫～最正係有妹多豆卜響鈴冬菇等等，蚊雞煲好入味，一流。唯一缺點就係d生菜就唔多新鮮同好碎。牛肉ok, 食左兩碟牛已經飽，所以最尾豬肉我地冇食到。最尾埋單真係每人138免加一。抵到爛。

睇介紹短片見好似幾好食就諗住約朋友一齊去試吓，平日$418加一服務費任食龍蝦餐，現場去到發現環境比較舊，跟他們拍的短片有出入！點知食第一樣食物「茶碗蒸」已經賴嘢，菇及蟹柳都係酸既，跟住蒸海鮮d龍蝦肉銀到飛起。話任食打邊爐其實係要你食左雞煲，之後食蒸海鮮才可以打邊爐任食蒸龍蝦🦞，有啲搵笨成份！ 打邊爐任食材料唔多新鮮，款式唔多選擇，如果收呢個價錢我直接去打邊爐會抵食過佢好多，起碼材料新鮮而且多選擇！

睇到廣告話有無限時任食龍蝦火鍋放題所以嚟試下，估唔到大部分嘢都極難食😧蝦/龍蝦全部都好韌唔新鮮，豆腐有生粉味，其他嘢都好一般。寧願你唔好搞無限時，整多d新鮮食材算，試過一次無下次

今日第一次去食雞煲火鍋放題，感覺真係勁差！侍應多個客不特止，仲要服務態度勁惡劣。啲單落完之後出唔到不特止仲要等成個鐘先至有火鍋食。雞有啲仲要係唔熟嘅，火鍋配料，唯一得蜆係幾好食，其他都好一般。仲要唔幫手收碗同碟搞到成枱粒粒亂都冇人理我哋。想食雪糕，要我哋同個侍應講話想要個「不」雪糕嘅殼，佢先施施然響廚房度攞出嚟俾我哋，個雪櫃仲要係爛嘅，而且食物選擇種類極少，牛肉唔新鮮，可一不可再，總括而言就係唔會再試，而且真係唔抵食，呢個價錢其實可以食到好多嘢。

有曱甴！！謹慎！！上IG見到呢間舖宣傳得好誇張，終於有得食海鮮放題，有啲心郁郁。點知所有宣傳都係假！！一入到去好大浸油煙味 仲要得幾台客超靜但係啲服務員都唔係好主動地下超級油 出面啲嘢食好似擺咗好耐咁自助區入邊啲嘢食好少選擇，啲野食全部冇遮冇掩，見到都唔想夾嚟食。一坐低就比個湯同茶碗蒸，個茶碗蒸冇味囉剩係得浸牛油味，拮落去嘅時候有啲硬，啲蛋好老。個湯就得啲味精雞粉味，個花膠完左一啖都唔想再食。隔咗一陣就上咗個雞煲，個雞煲呢啲雞就夾雜咗啲龍蝦鉗，又要我哋自己搞個煲，（比左個計時器我地）個雞煲勁x難食，有陣怪味，啲雞又硬又冇味，入面仲有勁多豆卜。之後問個職員可唔可以到下一樣嘢，職員就叫我哋揀湯底，咁我哋以為辣湯底，點樣都唔會難食得去邊。一上到嚟有陣手好臭嘅天椒味。個海鮮煲正正常常，但係啲龍蝦硬到咬唔郁。個刻已經好想走，唔想食了。之後到打邊爐方面，個職員已經攞走咗個蒸爐，隔咗勁耐先有QR code，不過我哋聞到湯底嗰陣味已經唔想食，所以求求其其點咗啲嘢嚟食。然後，我哋試咗個湯底，個煲入面嘅嘢最後都係冇食到，因為真係好冇胃口，勁唔想食。之後我哋再嗌其他小食，嗌咗單骨雞翼，燒蝦，燒菠蘿，炸芝士丸

當晚特登來吃，被龍蝦同蒸氣鍋燒到了當日星期一，去到時發現只有幾台客地面頗油，走路時要小心去到的時候會先吃花膠湯、蒸蛋、雞煲和蒸氣鍋花膠湯就是如圖，每碗一塊，湯較稀，不太似煲花膠原本煲湯，花膠偏硬，未煮淋蒸蛋來到時發現裡面還是蛋汁，叫佢地再整，第二次來到時熟到蛋都硬了當我們表示想叫一些串燒類，想要落單的qr code，蒸氣鍋都食到一半了但佢地表示要完全食哂先可有qr code蒸氣鍋嘅海鮮都唔錯龍蝦都係彈牙雞煲就普通，裡面有龍蝦的鉗，原來蒸氣鍋沒有鉗是來這裡了呀湯底和qr code終於來到之後就是不太好的食材東風螺很腥，已經肉很粉，不爽，似乎是開始變質油炸類食物不知道為什麼有很重的油益味，感覺要換炸油了看照片後方就知個湯飲了一口就冇人再飲過其他麵、丸和菜在外面拿，沒甚麼特別雪糕是大桶自己「筆」，但放雪糕勺的碗子裡的水似乎很久沒換水飲品是最滿意的因為有可樂

本身睇琴廣告好似好吸引咁 於是就走黎試下一黎到飲左個花膠雞湯，都算可以之後食左個蒸蛋，蛋都滑既到到去食個雞煲，個味認真麻麻食完之後佢比左個蒸海鮮食啲蜆有沙🤮 啲蝦霉到咬一啖就掉鮑魚就不過不失到去打邊爐同任叫龍蝦啲牛肩有牛味都可以再到手機落龍蝦，叫4-5轉先黎一次？我認真吾知啲同事系比錯枱定真系禁隔離枱啲人都已經疑惑系咪比錯🤷🏻‍♀️因為太少人黎所以枱號都記錯？啲同事全部匿埋一2邊吾系做禁想搵個人都要自己行過去搵人真系試完一次吾想曬時間去再食又吾系特別好味情願比貴少少出去食其他自助餐

成日見到朋友去日本旅行，又提醒咗我好想食日本菜，尤其係日本海鮮。見網上介紹間日式蒸海鮮火鍋放題餐廳，所以特登叫埋同事放工一齊去試下，呢間餐廳叫相馬，餐廳環境乾淨舒適，裝修又靚，仲好多日式擺設，真係好似去左日本💁🏻‍♀️首先好欣賞火鍋材料選擇多，有非常靚仔既蓮藕，舊舊都十分完整，食落拉到好多蓮藕絲添！🙌🏻跟住最吸引係follow ig 有得任食牛舌，真係好抵！牛舌質素高，肉質軟嫩，滑溜可口，配埋火鍋湯好惹味，每食一啖都食到停唔到口，真係越諗越回味啊🙆🏻‍♀️最先食既任食羊腩煲，羊腩油脂細膩，非常香口。配埋大量既蔥，直頭係人間美食，羊肉肉質咬落爽口彈牙，吸收晒煲內既汁，每啖咬落帶有濃濃羊肉味嘅汁流晒出嚟，越食越滋味🙋🏻‍♀️繼續再食蒸海鮮有扇貝、沙白、海蝦、貴妃蚌、魚，食完羊腩煲，再食清蒸海鮮，感覺清新，成個人喚然一新，可以繼續再戰任食火鍋💁🏻‍♀️然後戰鬥任食火鍋，有美國特選牛肩胛、豚肉、雞腿肉。肉類都新鮮又好味，特別最愛美國特選牛肩胛，牛味濃郁，十分香口，帶有牛脂更感美味🤰🏻啱啱睇返啲相又想再戰了，真係超抵食，已經約定同事下次食慶功宴🥳

早年幾前食過這家放題覺得不錯!剛好上月有朋友生日再次幫襯!跟以前簡直兩回事!食物質素差個一個點!雞煲雞肉是沒味只是靠個汁!沒想到連海鮮想失望原全不夠新鮮d蝦是梅的!鮑魚細到好似蜆一樣!連燒物也差到不堪一擊!天婦羅d蝦也是梅的!蝦多士是番炸所以食到成口油!炸流心之芝丸個皮是硬皮!想着燒一字雞翼沒那麼差!有5款每款都點了少量!殊不知連燒雞翼也放不落口!總之4佰幾蚊位完全不值!簡直食垃圾落肚!永不會再回頭!

同班朋友睇廣告好似好吸引 ，點知去到門口感覺唔對路，入到去痴笠笠又黑地下又濕 ，環境相當差！ 諗住食物質素會好，點知同環境一樣差食物好污糟，完全唔想拎出面火鍋區既食物主題話係龍蝦雞煲，全部得龍蝦腳，又難食又梅，去到食火鍋食材都唔新鮮，無晒胃口。甜品可以食下，但儲存放式太恐怖，為免肚痛都係skip左呢部份。價錢仲要388一位，俾100蚊就差唔多！

今日約咗閨蜜係荔枝角附近食飯，就系呢間超級正既馬相喇！每次來都食得好飽，而且食物既質素都好高。【暖羊羊海鮮火鍋放題--先飲胡椒花膠湯--任食惹味羊腩煲--蒸海鮮--任食肉類海鮮火鍋】🍊首先要介紹個美國牛肩胛 🍊真系覺得肉質鮮嫩🍊牛肉🥛味非常香濃，同個湯底出奇地夾，配搭埋一齊之後，唔會覺得好漏。另外，🍊多款海鮮任食，連鮑魚也可以，鮑魚肉質真系好爽口，因為夠新鮮所以點少少醬油已經好味爆燈！真系可以涮餐飽🍊 🍊蔬菜都唔錯架，脆肉瓜，玉米等等，全部都系任食，超新鮮🍊羊腩煲🍊 🍊，超級濃味，夠曬惹味！真係值得一試！🍊任食🍊次次都一定係叫佢。食物評分：8/10        環境評分：9/10                 總體評分：8.2/10

相馬做馬既放題真係抵食到爆，先係暖胃既花膠湯，跟住係任食既羊腩煲，再到蒸海鮮，跟住又係任食既肉類海鮮火鍋，仲有其他炸物串燒甜品飲品，應有盡有！胡椒花膠湯💯一個好有驚喜嘅花膠湯，胡椒配花膠，補身得黎又暖胃，成個湯辣辣地，冬天飲就啱晒，花膠亦都好大隻，好彈牙，充滿膠質，超級鮮味！任食的羊腩煲💯羊腩煲係任食嘅，真係啱晒一班鍾意食羊嘅朋友，羊肉唔會太騷，適量嘅羊味，而且肉質好嫩好腍，點埋自家製嘅腐乳，味道更好！任食的牛💯有唔同嘅任食肉類，好似雞肉豬肉牛肉呢啲都係任食，而且牛肉嘅質素好高，有美國牛小排，每一塊都好肥美，但又唔會太過多肥膏，有適量嘅油香，肉質軟嫩香甜！任食的海鮮💯海鮮有蒸海鮮，而火鍋亦都有任食嘅海鮮，蒸海鮮就最保持到海鮮嘅原汁原味，本身啲海鮮都好新鮮，好似扇貝咁好大隻，好鮮甜，將海鮮香甜嘅原汁都保持鎖住，味道好好！

最近老公上網見到有人介紹荔枝角有間羊腩煲海鮮放題唔錯😻，裝修四正之餘又光猛，於是放工去試一試👏🏻任食惹味羊腩煲⭐️冬天必食既羊腩煲，暖笠笠，羊肉鮮味十足，脂肪分布平均，羊肉味超濃郁，超正。仲要無限添食，超級回味！😽香噴噴蒸海鮮⭐️款式多又新鮮，有我最愛既鮑魚、沙白、海蝦同扇貝。蒸完後保留住海鮮既鮮味，肉質柔嫩又彈牙，尤其我最愛既鮑魚口感爽滑，超鐘意呀😻美國牛肩胛 ⭐️色澤新鮮明亮，而且肉質仲好滑溜，放落火鍋後，肉質依然能保持水平，非常優質，最重要係可以任食，超抵食😸海鮮火鍋配料⭐️任食既材料中仲有蘿蔔同牛丸都非常推介！蘿蔔吸晒啲海鮮同肉嘅精華，非常入味、牛丸十分彈牙。海鮮有廣島蠔、日本帶子、黃蜆、灰蜆、螺、青口、海蝦、蟹棒、水魷，海鮮嘅款式勁多選擇，海鮮多之餘仲可以保持到新鮮，確實令人印象深刻😼每次係屋企打邊爐都好想再快啲食，超難得羊腩煲、海鮮、火鍋都可以任食，真係超抵食😻

同小朋友系附近上完興趣班，甘大家都肚餓了，又想食火鍋，就選擇左呢間馬相。暖羊羊海鮮火鍋放題一定首選喇，胡椒花膠湯好好味，小朋友都飲左好多，羊腩煲好多羊肉，食到好飽。這裏牛的選擇也不少！我們選擇左美國牛肩胛。上枱時見到牛的紋理清晰。單單呢一點，未食都已經知道這質素會不錯。口感覺比見到更加高質素。肉質鮮嫩，牛的回香仍然在口中回味一段時間。海鮮有好多蝦，蜆同埋帶子等等，全部都好新鮮。蝦肉爽口之餘仲好多醬汁。青口肉質Q彈，入口即溶。另外仲有雞腿肉同埋羊腩煲都系每日新鮮之作！總體來講食物高質，菜色擺盤精緻，用餐環境都幾有乾淨，今次食得好滿足。🥂