瑞峰軒

營業中

休息中

同屋企人嚟呢度食飯，因為平時去開另一間覺得太悶，今次就過嚟呢度試吓不過覺得個環境唔係好夠大枱，同埋佢張凳唔係張張都有軟墊好硬，跟住同埋餐廳場同埋地下嘅位置覺得有少少污糟，大食落叉燒，燒肉同埋啲魚都好食同埋啲魚好滑，燒肉個皮夠脆叉燒都好食，不過就韌咗少少

呢間新開就同屋企人放假黎試吓，叫左一個冬瓜盅，一個生炒骨，白飯魚炒蛋，蒜蓉炒聖瓜，蒸蝦，冬瓜盅味道尚可，白飯魚煎蛋味道就一般般，比較出色就是蒜蓉炒聖瓜，整體黎講，是一般般的

同父母去食，見乳鴿平平地就叫咗一隻試味，點知隻乳鴿仲有一條完整嘅毛，完全未掹走。同阿姐講返，本身諗住提下佢算數，點知佢同我講隻隻都有，sorry都冇聲，完全係你食就算唔食大把人食嘅態度，除左個名將骨算係好味小小，幾易咬同都幾香，其他完全係0cp值，下次都唔會再嚟，當d客係咩？之前嚟食都冇咁伏，係咪因為疫情關係越做越差呢？

奶奶生日，想食中菜，就來這裡飲啤酒食小炒慶祝。✨豉椒炒涼瓜：涼瓜切得很薄，有鑊氣，很入味，亦都不苦，食下食下都食了好多片！✨胡椒豬肚雞：十分重胡椒味！雞湯味亦濃！令我一飲再飲，飲了兩碗已經感覺到好滋補，覺得身體好暖！最出色是豬肚很淋，很容易入口！枝竹和酸菜都好好食，十分入味！✨例牌燒鵝：想不到例牌都幾大個份量，三個人食剛剛好！ 燒鵝很香，肉質嫩滑，亦十分厚肉！✨芝士龍蝦伊麵：十分推薦這道菜！龍蝦爽口，鮮甜！芝士汁香濃，味道也剛好，不會過鹹和過淡！芝士汁十分掛麵，所以伊麵底真是超好食！✨哈爾濱啤酒：第一次飲，也不錯！😉

星期日放假，嚟到昌運同朋友食晚飯。以前既「好x村」已經成為第二間新店瑞峰軒。入面擺左好多枱，客同客之間靠好近食物方面都多選擇，質素不過不失。避風塘鮮魷好細一碟，但幾彈牙，可惜蒜同辣椒都欠奉，唔夠香。蜜汁叉燒燒得唔錯，但略為有d厚，口感爭少少。金銀蛋莧菜不過不失，上湯夠清甜。粉絲大蝦d蝦有少少霉，粉絲唔太夠入味翠塘豆腐話雖如此係較清淡既菜，但唔知廚師係咪無落鹽，真心淡左少少。4大1小埋單600幾蚊，價錢合理，想食小菜可以一試

作為一個大埔友，我志願係試哂所有喺大埔嘅餐廳😌今日黎到昌運，試下呢間開左幾個月嘅小茶樓～大概1點半，我倆黎到瑞峰軒，雖然店鋪唔算太大但唔洗等位，而且2人可坐4人圓枱～我地一共叫左4樣野：乾炒牛河！一上菜⋯⋯😮好大碟，先$58，2個人食每人足2大碗🙂味道方面好夠咸，牛肉大大塊夠入味，河粉夠滑唔算勁油，實屬水平之上😋蒸排骨價值$18.8，排骨偏林肉味少許，略嫌顏色淡不夠吸引～鮮蝦咩菜餃🤔餃包出奇地薄👍🏻餡料夠多好飽滿，味道不咸清清地～重點推介白灼菜芯苗！大大碟先價值$15😁上菜後見到咁大碟，我不斷懷疑自己睇錯價錢落錯單！埋單後先確定無錯堅15蚊！而且菜味濃估計用雞湯灼！呢碟菜起碼有半斤！堅扺食😋👍🏻食飽後發現下午菜由2點開始！價錢又再平少許，而且唔洗等到2點半，下次一定會試試😆

約聚會諗唔到食咩，咁就提議左去試下屋企樓下新開嘅酒樓瑞峰軒食。無訂位，等左一陣就入得。相影得唔係好多，但都食得幾多小菜，叫左燒味拼盤，川味回鍋肉等等。最後唔夠飽叫多個龍蝦伊麵，啲龍蝦好大隻，芝士唔會太肥，好快就已經食晒。川味回鍋肉唔算好辣，但就好香口。蝦餅炸得好脆，好足料，送飯無得頂最好就係唔洗限時交枱，食完飯仲可以慢慢睇手機同朋友傾下計，店員都好好人。價錢亦都唔係話好貴，酒樓黎講已經算係好平好抵食，每人都係百零蚊左右埋單。

同朋友聚會唔係食放題就係打邊爐我就提議不如去下酒樓食下小菜啦見到大埔新開左間酒樓就打算入去試下菜點知發現d 小菜全部都好好味我地叫左芝士龍蝦伊麵 避風塘炒鮮魷 川味回鍋肉 胡椒豬肚雞 同燒味拼盤再問下d 職員有咩招牌 佢話雞煲翅所以就再加多個雞煲翅我想講每樣都好好味芝士龍蝦伊麵濃而不膩，龍蝦份量都好足川味回鍋肉辣但黎又好香 岩哂鐘意食辣既我🤪燒味拼盤個燒肉脆卜卜 送飯一流最後係個雞煲翅 雞湯味好濃 然後d 翅一梳梳果然係真材實料呢間酒樓真係太邪惡我怕成日去既話終有一日會變肥仔😫

今日係母親大人生日，我就想去酒樓食個晚飯慶祝下，畢竟老一輩人都係鐘意食中式。問題就黎喇，相信大家如果揀食中餐一定會諗起美心，稻香，富臨呢d大集團酒樓，而未入去食都一定知道有龍蝦伊麵，XXXX羹，炒斑球，鮑汁螺片浸菜苗等等，食到5想食了，太重複和單一。所以我就想試下小本經營既小店話5定有驚喜，我就揀左最近新開張而又近既呢間鋪: 瑞峰軒 錦我就book左3位 8點，8點到 等多5分鐘就有位，入到去比想像中細，不過裝修好新，員工都有禮貌。 之後我就叫左個冬瓜盅，個冬瓜盅好足料，差5多淡淡都有蝦肉或雞肉，個湯都好甜，飲完喉嚨係舒服既而5係好口渴。 之後仲有菠蘿咕嚕肉都5錯，層炸粉好薄，肉係爽既。仲有一個雜菜粉絲煲，好大煲，多到有d粉絲都浸5到上湯，味道都幾好，5會太淡味。 之後仲有其他餸，5講哂喇，留翻d神秘感。總結而言，係幾好食既，以後食中餐可以留意下非集團式經營既店，有驚喜嫁

舊生約聚會，提議試下大埔新開嘅酒樓，約左瑞峰軒食晚飯。舊生約聚會，提議試下大埔新開嘅酒樓，約左瑞峰軒食晚飯。約左8點，無訂位，8點半就入得座，都算快了！侍應推介粉絲蝦煲，本身我都鐘意食海鮮嘅，一於試下啦。黎到嘅時候香噴噴，啲蝦🦐超大隻，粉絲好入味，送飯一流😋一聚會就有傾不完嘅話題，我地吹水吹到間酒樓打佯都無催我地走一定save起呢間酒樓，下次要再去😜約左8點，無訂位，8點半就入得座，都算快了！侍應推介粉絲蝦煲，本身我都鐘意食海鮮嘅，一於試下啦。黎到嘅時候香噴噴，啲蝦🦐超大隻，粉絲好入味，送飯一流😋一聚會就有傾不完嘅話題，我地吹水吹到間酒樓打佯都無催我地走一定save起呢間酒樓，下次要再去😜

話說大家通常記得母親節而忘記咗同父親慶祝父親節，突然間醒起即刻去附近酒家睇吓有冇位，中午飯嘅時候見到呢間新開嘅，因為當日已經係父親節所以經理話六點前有位，仲講到明話想一晚做三輪生意所以早啲食早啲走阿爸話同啲朋友飲茶OK，同埋仲話要食燒味，因為見到幾靚。叉燒半肥瘦確實唔錯跟住望住個魚缸嘅物體就話要食龍蝦伊面，父親節價錢梗係唔平啦！分量比較細，龍蝦冇乜肉。跟住叫啲小菜，都係普通嘅粟米斑塊、沙嗲肥牛。食物味道OK！椒鹽豬扒得兩塊，然後再切開爸爸最緊要就係飲支啤酒慶祝下我哋六點鐘點菜，6點15分所有餸已經到齊，然後喺急速嘅情況下6:45已經完成左晚餐，因為職員不斷都會行嚟行去，係咁收碟，催促嘅感覺。最後我哋主動叫佢送糖水，未夠七點已經買單走人

晚市時間8點零鐘到，等枱等左10分鐘左右，唔耐唔快咁啦。因為我都係第一次去，所以就問店員有咩推介，店員全程都幾熱心推介，真心覺得態度唔錯👍🏻另外野食都有番咁上下，本人尤其鐘意食佢個炸子雞，係真係食到外脆內軟滑嘟嘟個種feel~廢事打太多似打手，等你地自己去試😂.Btw我係真係幾滿意呢間野專登開個openrice ac黎留正評，店家見到我下次黎可唔可以比個discount😏.唔夠字留正評，咁唯有寫下我係點搵呢間野🤓是咁的，有幾個台灣朋友黎玩，咁我緊係盡下地主之誼順便比佢地試下啲香港特色，所以就諗住帶佢地去飲下茶啦，等第日去開台灣叫佢地帶我去飲茶都方便啲嘛🤤.點知佢地玩過龍，見面個陣都已經夜晚，但佢地仲一心諗住飲茶，話通常台灣飲茶都係夜晚飲喎🙊，夜媽媽你話我去邊度搵茶你飲先得架？咁佢地就話去感受下飲茶既地方係點都好，所以就係我住個頭求其搵左間酒樓入去，然後就去左呢間瑞峰軒。

呢個餸好好味，d酸菜味道剛剛好不會太淡不會太濃，d雞肉同豬肚都好好食好入味！我本身都唔鍾意寫呢d評語，但我個日胃唔舒服，食完舒服咗好多，聽返朋友講，原來係因為裡面有胡椒，呢個係暖胃既食材，所以有呢個作用。超推薦胃所以上來寫下無唸過係出面食飯都可以令到個胃舒服，好多時係出面食飯好多食物都唔可以叫，好麻煩 今次真係好驚喜！然後燒鵝都係好好味！唔會太肥，燒得岩岩好！好juicy，d肉又係好入味我覺得呢兩個好值得試下！

新開諗住試下，一入去好熱情招待，因為得四五張枱坐左人，點左四個餸，雞，菜，滑蛋蝦仁都唔錯，點知一食肉餅，咸到有少少那喉，咪叫小姐換左佢，小姐態度超好，”唔怕，幫你取消” 真係麻煩哂點知個男經理企係我去隔離入緊電腦，小姐叫佢幫忙取消，點知個男經勁大聲講「肉餅係咸架啦，送飯架麻，你同佢地講啦(重覆幾次講)」本來我地唔開聲，一聽到，真係開口話佢，咁對客真係好唔掂，佢仲可以一句sorry都無佢個樣繼續黑面(入門口好好招待就係佢) 救命🆘。。呢啲店。。真係無下次