古琴雅苑 (太子集團中心)

營業中

休息中

古琴雅苑 📍尖沙咀北京道12A號太子集團中心15樓👦話說細佬返咗深圳食咗個好正嘅片皮鴨套餐🪿，🫠搞到我哋都挑起咗想食片皮鴨呢個癮，🏡所以就全家去咗古琴雅苑食番餐🍽️。平日嘅晚市原來都好多人，建議提早book位，否則可能都要等好耐💁🏻‍♀️🌸🌼最近佢哋做緊一個春日尋味套餐，幾乎全場都係食緊呢個餐😂 🤔其實都幾抵嘅，套餐包咗半隻北京填鴨再加好多其他item，四個人食必定捧住個肚走, 💵而且叫咗套餐之後就直接可以免茶界及加一！👍🏻👍🏻⚜️春日尋味 歡聚古琴 套餐 $1398⚜️🔹雞絲粉皮 ：媽咪最喜歡，因為麻醬好香夠多！🔹拍開洋黃瓜：好稱職嘅開胃菜，黃瓜亦都好爽脆🔹松花皮蛋拌豆腐：豆腐非常之香滑，一片片賣相都好靚
🔹烤北京填鴨：主角終於出現，半隻北京填鴨其實已經足夠四個人份量，配搭咗大量醬汁同配菜，例如青瓜、京蔥、哈蜜瓜，秘製蜂蜜黃梅醬同京醬，令到口感同味道都好豐富！片皮鴨外皮香脆肉嫩，而且餅皮都好煙韌！
🔹農家醬爆牛肉：炒牛肉辣辣地好惹味
🔹津白雲吞湯：例牌津白雲吞湯，平均一人都有兩至三粒雲吞。飽滿大粒又多蝦，好食！🔹風味松子魚：酸甜嘅炸松子魚好香口🔹乾煸四季豆：平時食中餐必叫，撈飯一流🔹上海炒年

放假約左朋友去尖沙咀食北京填鴨，古琴雅苑位於尖沙咀北京道太子集團中心15樓，餐廳裝修簡約典雅帶點兒中國色彩，落地大玻璃將尖沙咀街景進入眼簾，座位寬敞坐得舒適。餐廳主打烤北京填鴨，廚師選用上乘食材和配料入饌，服務員招呼到位。烤北京填鴨半隻 $218餐廳廚師選用上乘的北京填鴨, 用北京傳統掛爐烤製，配料有京蔥、青瓜、哈蜜瓜、京醬、秘製的蜂蜜黃梅醬和煙韌的餅皮。肥瘦均勻的烤鴨皮脆肉嫩，夾著爽口又甜酸的配料，層次感好滿足。南翔小籠包 $82/6件配有薑絲浙醋，小籠包入口爆汁，皮薄餡內肉質鮮嫩。風味松子魚$258鮮紅色松子魚上桌非常耀眼，內有洋葱、西椒、蕃茄、葱花和松子。松子魚炸到皮脆，魚肉沾滿醬汁，酸酸甜甜，越食越開胃。暖冬窩心蟹粉扒豆苗 $178豆苗被蟹粉蓋滿，豆苗新鮮嫩滑無渣，蟹粉食落鮮甜。高力豆沙香蕉 $72甜品高力豆沙香蕉內有豆沙餡料，微甜，入口好鬆軟。

今日早收工去左古雅琴苑食lunch 估唔到質素咁好佢哋有烤北京填鴨，個鴨皮脆又香，肉質嫩滑，真係好好食㗎！🤫🤪🤪仲有鴨卷餅，鴨肉夠鮮嫩，加埋餅皮脆口，夠味道🥬🥬🥬酸菜魚都好正，魚肉鮮嫩，酸菜酸酸地，啱啱好味🐟🐟🐠蟹粉扒豆苗都唔錯，豆苗清脆，蟹粉鮮甜，好開胃🦀🦀仲有小籠包，皮薄餡多，湯汁夠鮮美，一口咬落去真係好滋味。🤪🥰古雅琴苑嘅食材都好新鮮，每一樣菜食落去都好有彈性同口感，真係食得出佢哋嘅用心同態度。🩵而且，呢度嘅環境真係好優美，裝潢有格調，音樂舒服，好適合嚟呢度拍拖同埋傾偈。🥰🩵🥰職員嘅服務態度亦都好好，主動同迅速，好貼心。🔥總括而言，古雅琴苑係間好正嘅中餐廳，食物好味道，環境舒適，服務一流。如果你想食中菜同埋享受愉快嘅用餐體驗，真係值得一試！😬😬

今晚去食晚飯，叫了個二人餐，鮑魚完全無味道，急凍嘢都算，但要處理好，才比客人食嘛！北京片皮鴨唔乾身不香口，肉鬆四季豆咸到要去洗腎，桂花糕個味怪怪地，比較正常些是個湯，同埋個上海炒年糕，我已經列佢入黑名單，唔會再幫襯，因為唔抵食，二人餐都要1千元多d, 真係好懷疑，佢咁多人比好評，係唔係打手！我都係實話實說，如果你地想去試下，寧願散叫都唔好叫餐，因為質素實在太差！

每次想食片皮鴨都會揀佢！因為佢包嘅配料同醬料都十分齊備，岩晒三心兩意嘅我除咗常見嘅蔥同青瓜，佢仲有埋哈密瓜而醬料方面除咗甜麵醬同砂糖，佢仲有埋酸梅醬鍾意點夾都得！！片皮鴨⭐️⭐️⭐️⭐️⭐️鴨肉同鴨皮比例好好。唔會太瘦或太油入口有肉感外仲會有鴨油香，十分滿足！除咗片皮鴨，佢其餘菜式都有一定水準前菜包括有雞絲粉皮⭐️⭐️⭐️⭐️⭐️個麻醬好香，粉皮唔太厚仲有啲晶瑩剔透撈埋雞肉同青瓜好清爽，作為前菜唔太晾胃恰到好處醉雞⭐️⭐️⭐️酒味略嫌唔太出眾，雞肉亦不算太滑味道只係不過不失，覺得可以留quota食其他嘢皮蛋豆腐⭐️⭐️⭐️由於小妹唔食皮蛋所以比較唔中肯，但豆腐係夠滑夠嫩配汁都酸酸地頗開胃！蒜香青瓜⭐️⭐️⭐️⭐️蒜香味夠突出，配咗蝦肉食落彈牙份量十足上海菜必叫小籠包，當然一定會叫埋啦小籠包⭐️⭐️⭐️⭐️⭐️皮薄肉汁多，上檯時熱辣辣，入口爆汁建議唔好太心急一上菜就食！唔係辣親就唔好啦～松子魚⭐️⭐️⭐️⭐️魚炸到夠脆夠香，份量都好足，個汁唔會太酸鍾意食魚嘅必叫！所有菜式基本上都係水準之上，就算唔係想食片皮鴨都可以黎試吓佢其他小菜，而鍾意食片皮鴨就當然不能錯過！

酒糟烤北京填鴨（半）- 鴨卷餅- 烤鴨配料兩個人食，又想試吓其他嘢食，所以就淨係叫咗半隻，少食多滋味！首先要講吓佢嘅配料，鴨卷餅非常之多，而且每一層都隔住牛油紙，絕對唔會出現黐住嘅情況。另外每一片鴨肉都會有脆皮。配料方面都有好多唔同嘅選擇，可以按個人喜好加入， 或者淨係食鴨片都可以 南翔小籠包（6件）皮薄得來唔會好容易穿，入邊嘅湯一咬就爆曬出嚟，大愛🥰金腿濃湯津白呢個有驚喜，本身諗住食多啲菜，所以叫，都冇泡太大嘅期望，但係佢嘅濃湯真係真材實料，忍唔住忍多幾啖之餘，又唔會因為味精好重而覺得口渴。

🦆🫓烤北京填鴨配京式卷餅:配菜有大蔥絲、黃瓜絲和酸梅醬、甜醬、蜜瓜、砂糖，烤鴨外皮脆卜卜，搭配著熱辣辣嘅蒸卷餅，口感豐富，好夠新鮮！🐓雞絲粉皮：雞絲尚算滑溜，入口凍冰冰，無雪味，粉皮口感柔軟滑嫩，每條都沾上配搭嘅黃瓜絲和麻醬，花生味香濃，清爽又juicy。葱油拌麵：朋友推介呢款葱油拌麵，賣相簡單樸實，估唔到麵條卻香氣四溢，啖啖都充滿葱油香味，別具濃郁風味，鍾意惹味嘅人士，作為呢餐嘅主食就啱晒！

再次幫襯，同屋企人食生日飯鴨依然好食，食到唔停，酒糟肉有酒香，但皮無原味咁脆，原味比較油香。松子魚大條夠脆香，酸甜度剛好。木桶飯睇落普通，但有驚喜。服務態度好好，職員有笑容，細心。OpenRice 訂座有小食送，生日亦有壽包送。

兩個人撐枱腳都要order一隻先夠喉😁烤北京填鴨配京式卷餅烤鴨皮金黃酥脆，入口有汁，帶微微咸香，同圓潤嘅京式餅皮好夾，餅皮又薄又柔軟，口感綿密，用蒸籠上，keep到夠熱。將烤鴨肉和蔥絲等配料包裹在卷餅中，層次豐富。個人就至愛搭配砂糖+烤鴨醬，鴨肉鮮味會更突出🙌🏻沙窩雲吞雞份量都幾多，一煲能裝滿8👍。有半隻鮮雞可以食，雲吞算尚大粒，外皮薄而有彈性，內餡鮮嫩多肉，湯汁清甜，帶有淡淡雞肉香氣，有回甘。

16/4 （星期二）夜晚同朋友慶祝生日，菜式正正常常，值唔值就見人見智。令我印象深刻莫過於樓面服務、大廈設施和員工行為及態度。樓面主管：連飯、餸都未上齊，就話上壽包甜品；連最基本幫客跟單都唔識；訂座餐前小食，可以食完炒飯先上，真心勁！大廈設施和員工行為及態度：-壞𨋢，全晚得返一部𨋢。係餐廳等，個個都排隊等𨋢。係位廚房師傅夠膽由隊尾插入隊頭。開口叫佢排隊仲要怒啤？！連做人既基本禮貌都無，仲話做服務業！

未試過寫食評，估唔到第一次就寫咁差嘅經歷。今日第一次去，點咗五個餸，分別係雞絲粉皮、干扁四季豆、片皮鴨、蟹粉豆腐煲、蜜汁火方。片皮鴨和火方尚算可以，雞絲粉皮除咗鹹到一個點完全食唔到有麻醬味。干扁四季豆嘅四季豆係完全淋晒，鹹到苦！最離譜係蟹粉豆腐煲，係啲豆腐上面求奇打個芡，落幾粒蟹粉就算！侍應全部都淨係比完反應你轉頭就唔見人！如果以上嘅情況係一般茶記或者大排檔我絕對唔會要求嘅多，始終價錢比較平嘛！大佬叫咗五樣嘢收咗成千幾蚊，仲要咁嘅服務態度係咪要講吓先？我個人認為真係離晒譜！

同事話最近去咗北京玩識咗唔少好正嘅填鴨，可惜我冇得放假旅行周圍走～，如果唔係我都好想去。為咗彌補冇得去旅行嘅可惜，今晚收工就捉咗朋友仔去陪我食返隻烤鴨過下口癮。～呢間烤鴨店係朋友推介嘅，地點幾方便，距離尖沙咀地鐵站行過嚟大概5分鐘左右，幾啱返工人士收工過嚟食。七點幾嚟到已經差唔多全場爆曬，好彩仲剩返一張2人枱。～整體環境幾舒服，見到好多一家大細都嚟食，加上佢哋有各式各樣嘅套餐，人多會更加抵食。～至尊拼盤🍽 $208：見到佢哋餐牌有好多款小食，心郁郁款款都想試。所以就直接叫咗呢個拼盤，一個拼盤裏面有香醋青瓜、麻醬雞絲粉皮、水晶餚肉、四喜烤麩同醉雞等。青瓜酸香解膩、餚肉緊實彈牙，烤麩就非常入味，醉雞雞件滑溜，雞皮同埋雞肉之間仲有一層上湯啫喱，最後雞絲粉皮嘅重點就係濃滑麻醬，真心好香。～烤北京填鴨🦆（半隻$218）：餐廳會首先比一口酥客人，其實就係隻鴨酥酥脆嘅外皮，攞嚟點砂糖食，好似食緊零食咁，好得意。跟住隨鴨送嘅醬料比坊間嘅北京填鴨多，最特別就係有哈密瓜同蜂蜜黃梅醬。蒸到熱辣辣嘅面皮，包裹住去脂肪嘅嫩口填鴨，加入醬料後，入口甜甜鹹鹹，一咬下去油香滿嘴，令人不能自拔。其實冇得去旅行，都唔係咁

今日同屋企人黎到位於尖沙咀嘅哩間中菜餐廳。餐廳環境闊落，有大量圓桌座位及卡位。餐牌上面有二人、四人及六人套餐可以選擇～🍵桂花烏龍 $18 一位🥕餐前小碟 $18🔥烤北京烤鴨 $438 一隻餐廳嘅烤鴨相當高質，店員會先放低唔同既配料，包括鴨卷餅、京蔥、青瓜及哈密瓜，仲有砂糖及京醬。烤鴨外皮香脆，肉質細嫩，入口鬆化，配埋配料同醬一齊食，口感豐富，而哈米瓜同青瓜可以減低油膩感，值得一讚既係烤鴨既所有配料都可以無限添加～除左烤鴨肉之外，店員會另外用碟裝一口酥，即係烤鴨皮，哩碟烤鴨皮非常酥脆，點砂糖黎食真係一流👍🏻🐠風味松子魚 $258松子魚肉質實淨嫩滑，醬汁酸酸甜甜，非常開胃，仲有唔少菠蘿同果仁，啲醬汁仲超岩撈飯食添。🥬金腿濃湯津白 $95娃娃菜索晒湯汁嘅味道，味道清甜，正好中和北京烤鴨嘅油膩感～

同好友相聚，北京道最就腳，今晚就係我至愛填鴨。正餐前小食，甜酸蘿蔔-爽口有酸開胃烤北京填鴨半隻-一籠熱熱簿餅，再有一小碟鴨皮，店員先介紹可用砂糖同甜酸醬食最一流，果然口感酥脆，入口即溶，再有4款配料醬汁。主角出場填鴨，皮香肉香填鴨，油脂分布平均，加入青瓜及京蔥及令口感提升。好好👍🏻味南翔小籠包-湯汁不算太多，但勝在皮簿，滿滿口感。一籠有6粒。不錯高力豆沙香蕉-每粒都脹卜卜，外層灑滿糖霜，食落麵團極之綿軟，內裡有豆沙及香蕉，綿滑好滋味腰果露-腰果先炒至香濃，有少少蕉香味，口感滑溜紅糖桂花湯圓-薑湯帶有桂花香味，甜度適中，湯圓細細，入面是芝麻餡料，香口。

古琴雅苑有一段時間冇食烤北京填鴨,突然間想食便約友人飯聚,想起之前食過吾錯的古琴雅苑.餐廳位於尖沙咀旅遊商業區北京道太子集團中心15樓,,餐廳裝修簡約,設計帶有點中式元素餐廳玻璃幕牆設計,有大玻璃窗可飽覽尖沙咀海景和市景,餐廳座位寬敞,坐得又舒服,餐廳主打京滬菜,最出名是烤北京填鴨,餐廳入饌上乘食材,服務員招呼殷勤友善。烤北京填鴨半隻Roasted Peking Duck廚師用北京百年傳統掛爐烤製,選用上乘的北京填鴨,有鴨卷餅和多種烤鴨配料,烤鴨食落皮脆肉嫩,夾著配料一起吃,感覺有不同的口感。至尊拼盤至尊拼盤有醉雞,粉皮,手拍青瓜,烤麩和水晶肴肉,醉雞酒味不太濃,肉質嫩滑,手拍青瓜有蝦肉,青瓜新鮮爽甜,烤麩夠入味,水晶餚肉點薑絲醋汁,酸酸地非常好味。