Walter Bistro (智選假日酒店)

營業中

休息中

Walter Bistro 位於觀塘智選假日酒店(Holiday Inn) 一樓，它們的半自助午餐好抵吃，由12點食到2點半，職員服務態度好好🥰 佢哋知道我哋用晒啲紙巾，佢立即加返好多俾我哋用。另外，餐廳環境好舒適💗設計優美。我們今次淨係食自助餐，食咗好多美食，例如有南瓜湯、壽司、沙律、辣蓮藕、辣木耳、朱古力蛋糕、士多啤梨蛋糕、西瓜、菠蘿同埋熟食。我哋飲咗幾杯橙汁，味道好新鮮，另外，佢哋嘅咖啡都好好飲。每人都係百幾蚊食一餐，好抵吃。我們下次一定會再來。

今天來吃網友介紹的下午茶，竟然令人超級失望！說有的巴馬火腿配蜜瓜多士及鵝肝燉蛋沒有了….說給我一份窩夫，是什麼等價交換？！最過份的是雪糕來的是溶化了的，與今天3x度高溫天氣是十分配合，但是是酒店室內！？經理竟然說是雪葩，雪葩是溶的嗎？但包裝明明寫是雪糕🤣3x度高溫下食溶了的食糕，恐怕今天餘下時間在馬桶渡過！ 拒絕了！後來補了來升級H 牌子雪糕，但都是70%溶化狀態！ 其他的甜點亦沒什麼可取！！！回家途中，肚子已開始抗議！

間餐廳係間酒店入面，成日都間唔中都會做Tea set優惠，今次係用抹茶主題🍵覺得好吸引，所以約個friend一齊去食🥳一般來講覺得鹹點比甜點更出色🤩不得不讚scone 嘅抹茶醬係好濃郁嘅抹茶甘香👍🏼仲有無限抹茶waffle食。仲最仲唔到唔可以食到唔咁飽😋味道⭐️⭐️⭐️環境⭐️⭐️推介⭐️⭐️

平時食個沙律加杯咖啡都要佰鬆啲🤑，嚟Walter Bistro 食個Semi Buffet Lunch 都幾好，坐得舒舒服服，就算唔點主菜，食自助沙律吧都係$108起，款式唔好要求太高。🥢沙律吧🥗，粟米，南瓜蓉，蘋果沙律，木耳，蓮藕，紅腰豆，紅菜頭，蕃茄仔，青瓜，壽司🥢熱盤🔥炒飯，意粉，雞翼，蕃茄蛋，清炒白菜仔，排骨，咖喱魚蛋蘿蔔，薯仔排骨，白麵包，餐湯🥢甜點區新鮮菠蘿，西瓜，切餅😀包一杯餐飲，都係$108起📝咖喱魚蛋蘿蔔，蘿蔔入味，魚蛋質地麻麻地；蕃茄炒蛋，個汁太甜，雞蛋少；雞翼，曇花一現，只係見到一次，無機會試，個樣望落都唔錯；炒飯比較乾身，偏硬，一般；沙律菜正常，新鮮；南瓜好食，南瓜味香濃，夠軟林👍蘋果OK爽；新鮮菠蘿，鮮甜多汁👍📝平平哋，都唔錯， 可以一試，唯每盤食物都沒有菜牌，要揭開先知係咩😅可以改善下就好啦😊

觀塘區某酒店內buffet dinner468買一送一可加50加main course, 因為都夠食所以無加服務同食物質素都好🉐坐得舒服地方細所以唔係好多人同你爭海鮮質量唔錯, 有即開生蠔蝦,青口同啲螺都好ok青口size 大, 蝦也爽口!煙三文魚都好好每位送燉湯一碗, 昨日係花旗參湯最特別係個雪糕, 非常非常好食!佢嘅薑味雪糕係我食過最好食嘅!仲有特別嘅火麻仁雪糕, 非常香芝麻味!佢哋講3月份仲有買一送一, 有興趣就早啲book啦!

我和4位朋友星期六去食，環境很整潔，服務員服務好，只是切刺身及開蠔是同一人，人手比較緊張。雖然說半自助餐，但食物非常足夠，蠔是即開即食，其他食物都很有質素，不用再加錢加餐。我是預訂先付每位訂金$100，4位成人(468x2)+(46.8x4)=1123.2

剛巧見到呢間酒店自助餐買一送一，咁就決定去試一試，一入去覺得環境好舒服，服務員都好細心。一入座就送上燉湯（個湯幾好味）。另外可以額外加幾十元可以點一道主菜，咁就決定加兩個主菜(牛扒及煎鱸魚），由於有老人家，所以就嘗試麻煩侍應幫忙叫廚房盡量揀一塊較淋牛扒，最後個主菜牛扒煮得非常好食。至於鱸魚算係鮮甜，但略唔多咸。整體食物選擇唔多，但食物味道都算滿意，而且地方整潔，侍應有禮貌。如果同朋友聚舊/同陪老人家食自助餐，呢間都算一個不錯選擇。

今日和朋友於觀塘Walter Bistro食半自助晚餐！入座時餐廳附送每人2隻生蠔和燉花旗蔘湯,生蠔食落新鮮肥美,含海水味,花旗蔘湯味道甘味,內有瘦肉,食落肉味香濃,餐廳有刺身,壽司,冷盤,熱盤,切肉,沙律和甜品,三文魚刺身肉質鮮甜,冷盤煙三文魚和芝士鹹度適中,凍火腿和巴馬火腿味道香濃,青口入口鮮盤,熱盤有洋葱朱扒,豉油雞,煎朱柳和炒西蘭花和椰菜花,洋葱朱扒和煎朱扒肉質食落軟焾,豉油雞肉質鮮嫩,炒西蘭花和椰菜花食落新鮮爽口,切肉有朱扒,食落肉味香濃,沙律有長通粉和蘋果沙律,長通粉食落爽口,蘋果沙律口感清甜,甜品面包布甸味道爽滑,朱古力杯味道香濃,朱古力雪糕甜度適中,主菜我點了西冷牛扒配薯蓉,西冷牛扒我點了七成熟,肉質味濃,薯蓉香滑,最後餐飲我點了凍奶茶作結,茶味飯落香滑,餐廳座位闊落,食物美味,現在餐廳有買一送一優惠,價錢合理,適合三五知己聚會好地方

因為附近上班，中午與同事10人去食半自助餐，自助的食品，比想像的更差，中式熱菜全部炒埋一碟，青菜全部是黃色的，我點的豬肩肉，咸過金華火腿，同事點的西冷牛扒，刀切不開，牙咬到軟，captain 服務態度非常惡劣，後來才主動話俾八折，還有想吾到，酒店地方，地板滑潺潺！真係冇下次😒

朋友果然冇介紹錯，這個,自助餐$468，有85 折，小朋友半價，有齊海鮮魚生熱食甜品👍🏻生蠔非常新鮮，鹹水味重，食了很多隻！海鮮有青口、鮮蝦、螺和蟹，superfresh。🦀️有膏，🦐鮮甜，螺肉大粒，青口鮮味又大🎉我也喜愛吃沙律，材料有很多，薯仔蘋果南瓜新鮮蔬菜當然有，最喜歡也有紅菜頭魚生💯。新鮮，帶子、三文魚、八爪魚、吞拿魚齊備，大快朵頤火鷄大大隻也在呼喚我，肉質不「鞋」。聖誕食火雞十分應節那麼豐富的自助餐還可以加主菜，只是$50要主菜。我們叫了牛扒和羊扒，均非常美味，絕對不hea！

平時食自助餐多數在尖沙咀和銅鑼灣，今日朋友介紹說觀塘有間酒店的自助餐，質素甚佳而且價錢不貴朋友果然冇介紹錯這個自助餐$468，有85 折，小朋友半價，竟然有生蠔吃，而且是法國生蠔，非常新鮮，鹹水味重，superfresh又有其他海鮮包括青口、鮮蝦、螺和蟹。雖然不是貴價自助餐，但所有海鮮均十分新鮮。我特別欣賞螺，大大粒肉質又嫩滑💯聖誕節臨近當然不能沒有火鷄。這裏的火雞肉笑得很香而且雞肉完全不「鞋」，十分美味🎉魚生也10分新鮮有三文魚、八爪魚、吞拿魚和帶子，全部都10分鮮甜，絕對是上佳貨色👍🏻👍🏻鱸魚煎得很香又健康又美味我們那晚很貪心，加了$50要主菜。主菜有多款，竟然可以選牛扒和羊扒，$50簡直超值。肉呢而且牛扒和羊扒都煎得很好，沒有過熟，廚師的廚藝甚佳👍🏻自助餐還有很多食物例如沙律、甜品、各種凍肉，熱食例如燒鴨、白切雞總括來說這個自助餐性價比十分高

假日智選住過兩間， 將軍澳同銅鑼灣各有一間，觀塘見到第三間，原來講開先知道，銅鑼灣嗰間已經結業， 其實都有啲意外，疫情這幾年，各方面都轉變好大，所以唔覺講開先知道原來， 觀塘呢間開咗已有三年 ，地方闊落乾淨，企理，真係 彷彿唔使去咁遠，又可以食好嘢嘅感覺返曬嚟，補償番某啲失落感 ，呢個半自助式自助餐 真係好正，主菜我哋叫咗一個，香煎魚柳配薯蓉和痛蔬菜 ，我就係燒肉眼牛扒配薯條及蔬菜 ，兩個主菜各有特色。老火湯一人一盅，未食主菜先呢兩隻 大閘蟹先啲肥膏好正 ，真係比我想像中淨係食呢三樣嘢都已經非常滿意， 仲有出面嘅擺設嘅嘢 材，係意外咁多呀， 中西美食都有 ，仲有日本嘅，刺身呀等等，唔使講重有係必備呀沙律，沙律 十幾款，重有四款汁醬，真係非常 滿意，仲有啲日本壽司，都係成枱四五碟，十款咗多，唔夠仲我仲其他可以揀，兩個一人一盅唔使爭， 仲有南瓜湯係我至愛呀。 仲有刺身，再加埋啲芝士餅 parma ham 簡直係我至愛，食完又食淨係芝士，我都已經食咗兩碟 ，仲有啲生凍水產，青口鮮蝦同埋田螺， 生蠔每次攞兩件，我都識咗三次。刺身我就好簡單咋食咗，吞拿魚，三文魚 同埋 帶仔每樣兩件， 這一餐 淨

三年前疫情前曾經去過呢度食自助餐，但估唔到三年後再嚟可以差咗咁多，食完完全唔知自己食咗啲咩嘢，屋企人一路食一路彈，真心覺得自己今次完全帶錯左佢哋嚟食自助餐。除非你係超級鍾意食生蠔，諗住可以一個人食一打，如果唔係我真心覺得佢嘅質素連大X樂都不如。6人食左$2400左右，平均$400。但換黎全個自助餐係得4款熱食，4款凍海鮮，生蠔，外表唔吸引嘅魚生、壽司。極生燒牛扒，甜品只得兩款蛋糕，兩款果撻　，兩款布甸。有一半係難食嘅。特別有幾樣食物係非常差，紅豆沙係水豆分離😵。芒果布甸全無芒果味。中湯淡如水。焗麵包布甸，上面係麵包，下面係焗蛋，味道奇怪。另一樣係餐廳人手只得4位，他們工作包括執枱，切牛扒，拎生蠔，眼見同一位職員放生蠔上枱轉頭切牛扒，同時處理生熟食物。飲品亦只有每人一杯。餐廳11月份係做半自助餐，包一主食，但12份突然轉回全自助餐，但自助種類同11月份食評眼見一樣，如果一早知道餐廳已改為全自助餐一定不會訂座，只怪自己預訂前沒有致電查詢。

呢日亞女公司要佢去觀塘上在職培訓課程，放學後約我出去食半自助晚餐順便逛吓街，難得咁有心，梗喺應約啦大閘蟹半自助餐每位奉送大閘蟹一只及燉湯一盅，大閘蟹爆膏，蟹肉鮮甜燉湯花旗參燉排骨湯，清熱降火，啱晒捱夜一族，嗒落甘甜烤肉眼扒配薯仔及新鮮時蔬肉眼扒紋理細緻，肉質軟腍，味道濃厚香煎多寶魚及新鮮時蔬多寶魚肉質彈嫩，魚皮富膠質，口感滑溜鮮美生蠔生蠔喺任食，但每人每次限取兩只，保證即開即食，非常新鮮，蠔肉飽滿肥美，入口滑嫩鮮甜刺身刺身有四款選擇，三文魚、帶子、八爪魚及吞拿魚，除了吞拿魚外，以上三款都喺我喜歡食的除了以上生蠔同刺身外，仲有冷凍海鮮包括有海蝦、翡翠螺同青口；另外還提供十數款沙律食材及不同醬汁給客人自由配搭冷盤有火腿、煙三文魚及軟芝士，用嚟配搭克力架餅乾就至夾，其次還有巴馬火腿可以配蜜瓜，一鹹一甜互相中和，味道平衡熱葷熱葷中、西都有，不過以中式為主，有南乳豬手、金牌燒鴨、豉油雞、燒腩仔同酸菜魚；西式方面有大蝦炒意粉同麵包布丁，個人覺得酸菜魚同燒腩仔都唔錯壽司如果想有飯到肚嘅可以試吓餐廳嘅壽司同反卷，都有好多款選擇甜品餐廳提供幾款迷你蛋糕、奶凍及水果選擇；最特別喺雪糕同雪條喺採用本土品牌香

觀塘智選酒店，觀塘區好方便交通，其他分店我都住過，價錢便宜，地點又方便，香港station真係唔錯㗎，呢間開咗三年，今日去嘗試下佢嘅半自助餐先。優惠期到11月尾一人正價第二位半價，二人就真的好抵呀。Dinner Buffet$458Dinner buffet(2nd)$229環境乾淨又光猛，仲有佈置聖誕氣氛添，酒店式超正👍坐位又闊落，侍應生又有禮貌，坐下已經遞上每人一隻大閘蟹，超開心啊！大閘蟹肥美多膏和熱辣辣嘅中式湯，味道好似有啲補品味。跟住每人一個主餐有牛柳和鱸魚。牛柳份量都好大件，五成熟軟淋淋又juicy 鱸魚煎得好香，魚肉好滑好鮮甜呀。其實半自助餐好豐富呀，有新鮮刺身和壽司/冷盤/沙律/甜品/熟食等等，食自助啲已經好豐富好飽，仲有法國生蠔任食，我都食咗半打，中式湯熱辣辣，仲有老公鍾意飲嘅南瓜湯好濃郁又滑。冷盤我最鍾意嘅青口/凍蝦同東風螺。帶子/三文魚/吞拿魚鮮甜好大件啊！老公就鍾意芝士/煙三文魚/哈密瓜和餅乾，食咗兩碟。雪糕都好特別龜苓膏和紅棗茶味。👍最後甜品係唔小得啦配酒店咖啡 唔錯呀。總結:環境與食物都一流👍重有呢個優惠😍