四季‧悅 日本餐廳 (Manhattan Place )

營業中

休息中

呢間餐廳原本已經食過好多次，今次由7:30入座，原本可食到9:30，係8:45職員提我哋9點last order，順手擺低埋張單叫我哋買，我哋就即刻拎張卡出嚟俾錢啦，同時朋友就即刻落單叫埋想食嘅嘢，但係由埋左單（8:45）之後到9:30中間既45分鐘都冇嘢食上過，等到忍唔住去問職員啲嘢食仲會唔會嚟，佢答原來廚師一早已經走咗，廚房已經冇人可以提供食物😓好無奈，原來係客人仲可以嗌嘢食嘅時間，廚師已經離開，對一間餐廳嚟講，都幾唔負責任，之前食過好多次，一直覺得呢間餐廳價錢合理，又坐得好舒服，又適合同朋友食飯傾偈，但今次食唔飽咁離開，真係好失望😓

四季‧悅 日本餐廳 - 九龍灣📍九龍灣宏泰道23號Manhattan Place 1樓101-103號舖朋友公司附近有間抵食日式放題，原來就係金鐘都有一間既四季悅。不過今日狀態麻麻，上到去都係叫左套餐食，留返下次再黎食放題。啲套餐睇落都幾有質素，而且包左前菜、海鮮三文魚籽茶碗蒸、大蜆麵豉湯、甜品、飲品。前菜有三款：冰鎮梅醬蕃茄、麻醬豆腐、漬物和牛。三樣都清清地，開胃一流，由其是梅醬蕃茄，好fresh. 海鮮三文魚籽茶碗蒸茶碗蒸係熱辣辣咁上枱，蛋係滑到隔時係口到漏走，入面仲有一舊雞肉、蟹柳、冬菇同大大粒既三文魚籽，好豐富。大蜆麵豉湯呢個麵豉湯粒蜆係我見過嘅麵豉湯入面最大粒既，真係超級肥美厚肉，仲要無砂，有驚喜。岩鹽板A4薩摩和牛厚燒120克配御飯 - $358一大舊岩鹽板上面放左燒過既和牛，粉紅色既鹽板好岩打卡用。和牛有燒過既蕉香味，牛既油脂唔算太多，唔會食到一口油，有少少鹽既調味，如果想多啲變化，可以點埋佢既燒汁，係蒜香甜甜地既，兩個口味送飯都一流。時令手握壽司9貫 - $328擺盤都好靚仔，9件壽司都係左靚料既，有大蝦、吞拿魚、吞拿魚腩、海膽、同其餘幾款魚類。飯既份量唔大，所以可以好

喺九龍灣有一間日式料理餐廳除咗主菜單佢哋都仲有放題食不過上次就去試咗單點佢哋嘅料理首先，鹽版牛配飯，真係一絕！😍牛肉嫩滑多汁，仲有啲鹽香，同埋飯嘅口感真係非常好食！❤️🙆🏻‍♀️如果你係牛肉控，一定要試下呢個！而焗三重芝士黑豚石鍋飯都出色～啲黑豚肉已經夠鮮美，再加埋三款唔同嘅芝士😍😍焗熱落去，啲芝士嘅香味同黑豚肉嘅食落去非常邪惡😆焗芝士年糕都係咁吸引啦😄年糕一焗，啲芝士就會流曬出嚟，又軟又滑🫶🏻我哋仲試咗啲小食🙆🏻‍♀️月見免治雞肉棒同煎廣島蠔！雞肉棒外脆內軟，真係滋味☺️至於煎廣島蠔，啲蠔新鮮肥美，煎至金黃，仲有啲醬汁落去😍😍🫶🏻總括嚟講，呢間位於九龍灣嘅日式料理餐廳，真係值得一試！下次都想試吓佢哋嘅放題😆👍🏻

今日喺九龍灣MegaBox同朋友行完街，想食日本嘢，同時又已經食厭咗MegaBox嘅餐廳，朋友就介紹我喺MegaBox對面一間叫四季悅嘅日本餐廳，入面環境唔錯，食物亦都幾好😋🥩岩鹽板A4薩摩和牛厚燒120克 $358 A4級嘅和牛，入口即溶，油脂分布均勻，放喺岩鹽板上面再點上少少岩鹽，令到和牛嘅味道更明顯，配埋御飯食可以減低油膩感，鍾意食和牛嘅朋友一定要叫🐠銀鱈魚西京燒配御飯 $268 新鮮熱辣辣燒起嘅銀鱈魚，皮脆肉嫩，而且燒得非常惹味，銀鱈魚新鮮好味，仲好厚肉，係性價比極高嘅一個set，隨餐仲會奉上前菜同埋茶碗蒸，前菜有冰頭漬、豆腐同埋番茄，非常清新，令人食得非常滿足🐟燒白鰻魚(2串)$76 明太子雞翼(2隻)$56 餐廳仲有啲即叫即燒嘅串燒可以叫，咁今次就叫咗燒白鰻魚同埋明太子雞翼，全部都係新鮮燒起，雖然可能要等五至十分鐘，但絕對係值得等待，因為材料新鮮，調味一流，令人食得非常享受📍九龍灣宏泰道23號Manhattan Place 1樓101-103號舖 - 四季‧悅

四季‧悅 日本餐廳 (Manhattan Place ) (九龍灣)九龍灣宏泰道23號Manhattan Place 1樓101-103號舖。雖然係觀塘番工，但係都比較少係九龍灣食野。四季悅相信係金鐘番工嘅朋友都會聽過，因為都開左好多年，估唔到九龍灣原來都有wor。九龍灣分店環境再好d，整體空間好大。劍魚腩刺身（$36）、三文魚腩刺身（$32）刺身新鮮肥美，用上鮮磨wasabi。岩鹽板A4薩摩和牛厚燒120g ($358)和牛燒香之後放上岩鹽板，每舊食之前都輕輕係岩鹽上沾一沾，我覺得唔洗再用醬汁成件事已經好足夠，A4和牛油脂好香，簡單配上白飯就已經好好。龍蝦天婦羅配御飯（$308）成條龍蝦尾起肉再做天婦羅，呢件事勁奢華～ 龍蝦肉口感彈牙，即炸外層炸漿唔會太厚。#gpigkowloonbay

四季‧悅日本餐廳喺九龍灣嘅Manhattan Place，位置係Megabox對面，距離地鐵站遠少少，遠離塵囂，係商廈去入面。我地揀咗啲串燒，有（1）明太子雞翼，價錢$56。呢道菜係兩隻炸雞翼，上面包住咗好香濃嘅明太子醬汁，味道好鮮美。雞翼炸到酥脆，再加上明太子嘅鹹香味，真係一個好好味嘅開胃菜，仲有（2）日本冬菇同（3）燒雞軟骨，每串價錢分別係$26同$36。呢兩串燒都烤得啱啱好，冬菇口感鮮嫩，燒雞軟骨就香脆可口。前菜嘅意式風乾火腿沙律係一個清爽嘅開胃菜，火腿嘅鹹香同沙律嘅新鮮蔬菜好搭。另外湯以有大大隻蜆，味道唔會好鹹。仲有紫蘇蝦，酸酸甜甜，胡麻豆腐同枝豆。另外蒸蛋亦啱啱好，唔會好水。主菜我地揀咗特級牛肉壽喜燒配御飯，價錢$268。呢道壽喜燒本身係煮好上，無明火效果，但自己倒生蛋，保持口感。特級牛肉煮得好軟滑多汁，加埋酥脆嘅外皮同甜甜嘅醬汁，每一口都好有口感。御飯份量都好足夠，搭配呢道菜真係完美。流沙海老配御飯，價錢$328，用鹹蛋黃裹蝦肉係幾新穎嘅做法，大隻蝦肉質鮮嫩，用鹹蛋黃配搭嘅口感特別，令人驚艷。配上御飯，呢道菜絕對係一個好味嘅享受。另外，我揀咗Kirin同宇治茶梅酒，價錢分別

好耐好耐無食放題，原因可能係人大左食量細左，價錢貴左，食物質素差左。由於呢度做特價，兩舊幾水，一次大同聚會，一次家庭聚會都揀左呢度。回頭，係因為1）闊落，我地兩次都有小朋友，好坐既，張枱夠位擺野既2）食物唔Hea，唔係MK求其炸定唔熱都上枱，刺身都係似樣3）服務員唔會黑口黑面。每次壽司上枱，都提我地食左紫菜先 （當然唔黑面，同佢唔忙都有多少關係既）唔識個老細，不過相信佢係有心做既，想佢做到，但又想佢唔好咁好生意，等我地可以靜靜地食飯，香港人，就係咁乞人憎，夜市已死，係有原因既，哈哈

仔仔生日，預早個多星期 book檯食日本放題，今次試吓四季。悅，就係咁便遇上人生第一次。按預約時間到餐廳， 在餐廳門外等了數分鐘都沒有人理會，唯有走入來找 waitress ，不知為何 ？問了數次有沒有book枱， 同他講咗經openrice book枱, 搞了數分鐘後終於可以安排檯, 問他可否安排卡位, 佢哋話哪張卡位是預來給員工坐的, 這間餐廳對員工十分好, 仲好過客。 坐下數分鐘亦都沒有人理會, 唯有自己起身去找waitress 問怎樣下單, 終於再等數分鐘後 ，有人拿來QR code, 話用QR code落單。這裏飲品只有盒裝或罐裝飲品， 選擇甚少。 食物方面選擇算多， 但不知為何 ，好像入了一間被整蠱的餐廳， 除了刺生， 每樣東西都很難食！ 炸物有油益味， 而且炸到很乾和很硬！ 那個炒牛肉粒， 我都不知用什麼形容詞好了 ，大家可以挑戰一下！ 食咗大半個鐘， 終於忍唔住埋單走人！ 之後去咗Aeon 畀仔仔在超市內任買補數， 這間四季悅 ，唔會有下次了！

我都算比較少出去食lunch，所以可能有好多餐廳我都未試過，但係日日lunch出去食都唔知食乜，今日有同事推介呢間日本嘢我有印象之前都曾經諗過不過結果冇去食，今次真係有機會，結果有少少失望囉佢應該係同一間日式餐廳，分咗兩part，一part就比較親民啲，另一part就係高檔日式料理，我哋梗係食啲低層次啲啦！不過佢嘅空間感十足，座位都好闊落，而且唔會黐住隔離張枱。不過我就麻麻哋佢喺門口落咗單先入去坐，格局唔應該咁囉。其實我之前都已經事先睇過OpenRice有咩食，點知埋到去都係有選擇困難症，另一個同事推介我同佢一樣食壽司set (包烏冬）$148，最終俾錢我又改變主意，跟咗另一個同事食角切魚生丼$118你問我點解改變主意，可能一部份係因為價錢啦，另一原因係我唔想又食壽司又食烏冬，不過其實角切魚生好似聽聞麻麻哋，將啲頭頭尾尾切粒質素都應該一般，事實都係咁樣樣，種類又唔太多，麻麻哋嘅三文魚就好多😩三文魚子又唔係鮮橙色㗎喎🫣早知食咖喱飯啦，明明之前睇咗都諗住叫呢樣嗌咗少飯其實都冇分別，嘥咗啲飯。其實咁嘅質素要過百蚊都真係有啲貴🙁可能又加上自己心情麻麻，食咩都無味

終極大伏😂食之前都見到OpenRice有負評，不過冇諗到竟然差到餐廳到不如！！放題會cut人單：講緊係頭一個鐘，真係正常食量 唔係亂叫（平時有啲其他嘅強項放題可能都會漏少少，呢間係大概4張落完先嚟得1張，佢個訂單系統係會將所有落單嘅item擺埋一堆，想追單嘅時候客人就睇唔返咩時間落咗咩食物😀）我哋明白可能餐廳比較忙所以都好好禮貌，但竟然催咗幾次都係冇到，第一個職員話我地落得多，第二個職員話師傅整緊可能砌埋咗一盤出，第三個就話啱啱先見到張單（明明落咗大半個鐘 仲要落咗兩次），我哋又唔想落完又落，陣間佢一次過上一大堆嘢，我哋食唔晒會浪費，點知後尾應該嚟咗1/3都冇😓我們咁多個都冇諗過竟然食放題都會食唔飽嘢唔算好食，職員態度好一般，價錢係人頭$300左右，揀佢都係貪坐得夠闊落泊車又方便，今次當買個教訓算，食放題真係要食返啲連鎖餐廳，如果唔係就食返啲普通餐廳好過😂起碼食得飽又唔洗受氣先

喂喂喂，等我講下今晚去嘅呢間食堂真係正！我同閨蜜行過見到佢哋嘅牛肉火鍋set界街都算有名，所以我哋二話不說就入去開戰啦。首先，跟佢哋嘅招牌點咗份薩摩和牛，呢塊牛肉真係夠晒漂亮，肥瘦相間，色澤都靚瞪眼👀。下鍋一煮，小心輕翻唔使太耐，嗐，入口即溶，咁滑嘅質感，估唔到平民價錢都食得起咁嘅上等貨色！而家講下湯底，我揀咗個鴛鴦湯同時滿足番茄同魚湯兩種味蕾。陣陣鮮香自個魚湯飄出，飲一啖簡直清新過人；番茄湯就濃郁中帶點甜，啖啖都開胃！啲海味鮮蝦呀，赤貝呀，新鮮夠晒彈牙，個個都爽口得嚟又鮮甜。唔話你知，呢度嘅野菜盛仲多到你小菜一碟咁解決，啲菇類多到揀到你眼花撩亂，齊齊嘜落鍋，個湯都更加添香。最後，落個麵條收尾，湯都飲得差唔多咋，麵又Q彈，簡直係完美！真心話你知，呢次嚟食絕對冇失望，好評之下次去食都要叫上幾位friend一齊歎！透真添，食嘅開心，嗌得舒服，啱晒想搵個地方放鬆一餐嘅你🍲🥢🎉。

再次光臨呢間餐廳，刺身仍然新鮮，炸物好吸引！唯一唔同係少咗一啲食物，印象中第一次嚟食時選擇比較多，不過以價錢計性價比都好好了！起碼環境舒適，唔似出面放題餐廳坐得好迫！呢樣係會令你再幫襯嘅重點之一！

火鍋放題的食物非常少選擇。 有點似大家樂火鍋的材料。以這價錢，就算俾埋優惠都“伏”。 不過佢既日式放題就好得多，刺身食材好新鮮，以那價錢食刺身，壽司都ok。 可能是位置問題，食客不多。 坐得舒服的。

老朋友歡聚，摸酒杯談心之選。睇地址好似好唔就腳，其實係響Mega Box後一條街，食飯有泊車優惠。剛約老友食放題，第二個開始六折，除番開唔駛$300。食足兩小時，唔駛翻枱經理無催埋單，讚！與坊間劏房速食放題簡直天淵之別。朋友未到，先自酌一番。（清酒，梅酒）朋友到齊，大吃一頓。牛肉飯，亞仔狂食，翻本了。（亞仔未夠3歲，免費）。炸雞翼，佐酒之選，略嫌炸得太乾。呢碟串燒蝦我一個人食哂。全場最好味，燒豬大腸，估你唔到。佐酒小食雞軟骨。四洲集團既甜品，無乜特別，另外有可樂雪碧。

餐廳位於九龍灣MegaBox隔離Manhattan Place，$388 正價，第二位起六折。本身大廈係商業大樓，無其他商戶只有兩三間餐廳，店舖寬敞，座位闊落，三個人安排咗張特大卡位。可惜太肚餓，率先嚟嘅刺身，壽司全部無影相，飲品有四州粒粒橙綠茶汽水，仲有我至愛梅酒，梅酒無冰扣分，甜品芝士蛋糕雪糕雪條，其中蕨餅好好食😍炸物幾參差，最好食係軟殼蟹，又脆又啖啖肉，個魷魚圈就一般什菜豆腐煲係壽喜燒湯底，有encore燒物有誠意既，炸大腸少見有得食