來泰巷

營業中

休息中

因為自己唔食辣，所以好少食泰國菜同韓國菜，墨西哥菜更加念都唔洗念! 所以哩間來泰巷開業咁多年都從未幫襯過，而樓下四周圍嘅餐廳已經食勻哂，唔好食嘅當然唔會幫襯，好食嘅又食到厭，於是唯一一間未幫襯過嘅餐廳，今次就推門入去幫襯.另外女友小熊見佢推介嘅咖哩軟殼蟹賣相好吸引，一早已經想食，所以必點!另外點咗海南雞半隻，雞肉豬肉沙嗲串，泰式薄餅，油飯，泰式奶茶受椰汁冰.軟殼蟹內脆外軟份量足無偷工減料，最欣賞係果D咖哩汁，正確應該叫咖哩醬，雖然有D辣 (小熊話唔辣囉!) 但味道濃郁質感又夠，所以叫咗泰式薄餅嚟點咖哩汁，一流! 推介!食哩份泰式薄餅，令我念起灣仔三六九上海餐廳果份把鬼蔥油餅! 又貴又少又難食，來泰巷嘅薄餅好得多! 份量又多過佢，口感又夠鬆軟，價錢仲要平成20蚊! 用薄餅點咖哩汁，當然亦都用嚟撈油飯食啦! 油飯本身帶少少黃彊味，唔強烈，再點咖哩汁就更惹味.濃郁嘅唔單只咖哩汁，椰汁同泰式奶茶都超濃郁，係我飲過最濃郁嘅椰汁，飲品有驚喜.海南雞嫩滑，連最易柴口嘅雞胸都好嫩口，咁先對得住隻雞㗎嘛! 餐廳提供嘅醬汁酸中帶辣 (小熊又話唔辣囉!) 唔係唔好味，如果醬汁帶甜更夾自己口味，最好緊係提供我

一行入來泰巷已經好鍾意，成間店都顯示同社區有緊密連繫，牆上面畫有社區地圖，每張枱旁邊都放咗唔同單位製作嘅社區印刷品，食客睇嚟亦以熟客居多，一路食一路同店員閒話家常，成個 vibe 超正💜。叫咗個來泰巷咖哩雞麵，咖哩汁杰身椰汁味濃唔太辣，係我鍾意嘅味道。碗麵雖然只有一隻雞髀，但 size 都唔細，仲啖啖肉，好食。跟餐仲有碗蘿蔔湯，正常味道，清清哋，正好中和濃烈嘅咖哩味。我最鍾意試奇怪嘢，於是叫多杯粉紅飲品😆。店員話入面係梳打，蛇皮果，奶同糖水，佢見我話唔鍾意太甜，就落少咗糖水。杯嘢勁粉紅，本來有啲可怕，但飲落又ok喎，唔識形容個味道，不過我諗唔落奶可能更清新更好。店員哥哥話呢個配方係泰國人教，如果我下次再叫可以試下走奶喎😆。

上網睇到人介紹冬蔭公煲仔飯，專程嚟試下。好彩即日訂到位，嚟到發覺都幾full。煲仔飯味道唔錯，不過有別於一般煲仔飯，比較濕潤，屋企人嫌唔夠乾身，我就幾鍾意食。叫咗個招牌菜炒皮蛋，皮蛋切件炸過再加肉碎炒，幾得意嘅，不過味道就一般，冇皮蛋香。其他食物都唔錯嘅，注意口味偏重同辣，唔食得辣嘅話可能要落單時講定。飲品都係泰式偏甜，加冰會好啲。餐廳舖位唔大，但係枱同枱之間唔會逼。整體簡潔乾淨，員工好有禮貌，下次會再去試下其他野😋

早前ig推介位於土瓜灣的泰來巷，星期六放工後，專程約朋友去食下！當日7點左右去到，地方唔算好大，等左3分鐘左右已經有位！同朋友兩個人去到，被安排坐二人枱當時一直孭住背囊，職員好友善地俾張椅子我放袋食物方面：叫左冬蔭功湯！足料好味😋唔算好辣，岩哂唔食得好辣又想食泰國野的我😝炸魚餅新鮮炸起，好食😋煲仔飯都好正呀，少少的飯焦，脆脆的餐送的甜品好有驚喜！掛住食品記得影相🤣有機會會再去試埋其他野食🤭而家好多人離港，真心覺得要支持一下小店💪🏻幫襯下🥹

既然區內群組推介這家泰國餐廳很地道，哇！就先試一試外賣自取。可以預先打電話，職員有禮貌，提醒10分鐘後到取，去到餐廳已做好。埋單$118。陰功海鮮炒飯（走青），海鮮很少，飯炒得不錯的，粒粒分明，不算辣。送一碗例湯，回到家開餐，湯仍然是熱的，湯內有 1 小粒白蘿蔔及2小粒甘筍，可想而知味道會如何，真搞笑。試了一口，真的喝不下去了，浪費了。芒果糯米飯，芒果新鮮，及格；醬汁沒有椰汁味，糯米飯尚好。實在找不到再惠顧的理由，不好意思。

10月2日仍然是公衆假期，土瓜灣很多小店都關了門，跟朋友找了好幾家才找到有開門的餐廳，就是這一家來泰巷。一進去就發現已經滿座，但店員很友善，將一張四人桌分開成兩張二人桌，所以很快就可以坐下來點餐開吃。1、香葉辣肉碎飯（$62）這道菜非常香辣惹味，使用了大量辣椒爆炒，只能吃到3小辣的我表示需要拌飯才可以吃完整碟飯，咬到辣椒籽的時候辣得鼻水直流呢。口味其實挺正宗，而且炒得很香，燶邊煎荷包蛋也值得一贊，喜歡吃辣的朋友不要錯過。2、青咖喱鷄絲撈米綫（$58）用咖喱撈米綫我還是第一次試，青咖喱的口味非常甜，椰汁味道也蠻重的，不算很濃稠，所以不太能掛湯，但米綫已經浸泡得染成青綠色，是煮得入味的。我喜歡將青咖喱和米綫同時放到湯匙上吃，味道蠻配的。只是米綫煮得過軟，而且泰式茄子煮得過生，咬下去完全不入味，而且口感是爽脆的，因此扣了不少分數。

第一次光顧，只見得一個員工，但繁忙時候，對每一個客都好細心，好有禮貌，好有耐性解答嘅問題，呢樣係值得欣賞，因而家好少侍應會咁做，食物方面好好味，下次會再黎試其他嘢食

約左朋友喺土瓜灣交收，好日都唔去土瓜灣，難得一去，當然上網睇下有咩好食。見到有幾間都唔錯，中式、西式、泰式都有。好似好耐冇食過泰國野，所以最後揀左呢間。果然冇揀錯，一間唔起眼既舖頭，但味道好正中，唔似九龍城一般泰國食店。夏天食煲仔飯真係第一次，呢個冬蔭功海鮮煲仔飯好味到呢。。。又唔會好辣，冬蔭功味道又夠香，重點係有飯焦。蝦餅皮蛋又係第一次食，原來皮蛋加蝦餅係咁好味。炸到好香口既蝦餅，上面放皮蛋，脆得黎又食到皮蛋香。去開土瓜灣既朋友，值得一試。

聽聞呢間由土瓜環街坊開嘅小店係由泰國人做廚師，所以特登搵個星期五晚去試吓。食物惹味，個人口味覺得偏重手。招牌雞髀麵係夠入味，但隻雞髀其實有啲overcooked，期望肉質滑啲。用餐期間，不斷見有熟客入舖同似乎係老闆嘅收銀打招呼落單。舖內氣氛唔知點解好似好祥和咁。呢枱幾兄弟食住等齊人，嗰枱兩個師傅啤住吹水，佢哋唔嘈之餘仲為間舖增加咗啲「深宵食堂」嘅氣氛。雖然自己只係快食，但都有休息咗嘅感覺。

有日去完土瓜灣探朋友。。經過見到間泰國野好似好地道咁。。咁就入左去試試佢😏點個有意外驚喜‼️佢保持住泰國野食嘅傳統之餘。。加左少少自己嘅諗頭。。煲仔飯就香港嘅地道野食加埋泰國嘅海南雞飯。。個效果又幾好咁。。飯焦加埋滑捋捋嘅雞。。ᗰᗩTᑕᕼ埋一齊又有另一番風味。。我仲叫左個蝦餅皮蛋。。個名就好似好豐富咁。。所以都叫左黎食。。佢將蝦膠包住個皮蛋再炸。。我本身都好驚佢會炸都好乾。。但出黎啱啱好。。外脆內軟👍🏼👍🏼泰國嘢。。我梗係有叫埋生菜包啦👍🏼👍🏼都係我鍾意嘅味。。呢間好想再去食埋其他野。。值得推介👍🏼..🥚泰式炸蝦餅皮🥗香辣肉碎生菜包🍲海南雞煲仔飯..📍 來泰巷 (土瓜灣)土瓜灣馬頭圍道370-376號海潤大廈地下5號舖..@thealleyrestaurant_hk ..=•=•=•=•=•=•=•=•=•=•=•=•=•=•=•=•=•=•=•=•=•=•=#cafe#cafehopping#cafehoppinghk#coffeeshop#coffeeshopcorner#coffeeshopvibes#discoverhongkong#foodiesofinstagram#food

今日我同老婆突然想食泰國野， 但星期六去九龍城實在太多人排隊，而我哋又非常肚餓，搵吓搵吓搵到土瓜灣既來泰巷。一入去地圖呀，你好友驚喜環境鼻血，九龍城嗰啲泰國嘢好得多定係睇吓餐牌竟然有好多平時冇見過嘅泰國菜，同老闆傾偈，原來佢哋嘅師傅全部係泰北人，所以好多菜式都係佢哋自己家鄉菜，香港唔係好多地方有泰北菜食，一於試試佢。我哋叫咗個咖喱麵😋😋😋😋😋，泰式火車炒飯😋😋😋😋😋同生菜包😋😋😋😋，我唔解裏面喺香港真係第一次食，咖喱味好濃好好食。另外火車炒飯都好有驚喜好有鑊氣，估唔到一間小店可以做到呢個水準。生菜包又係我鍾意嘅味道，夠酸好開胃。老闆就突然之間俾咗佢哋當日自己師傅親手做嘅甜品，椰汁蛋花糕俾我哋試，估唔到蛋花可以做甜品。我哋仲叫咗個芒果糯米飯，一上枱出晒煙，好好食😋😋😋😋😋估唔到喺土瓜灣可以搵到啱口味嘅泰北菜一定要試吓！

今次跨區做尖，做完247勁肚餓🤤閒閒哋喺樓下側邊睇下有無野食，就揾到呢間🦭🇹🇭🌟豬肉雞肉沙嗲串🍢豬肉同雞肉最難就係可以燒到佢唔乾身，今次呢間泰國店做到水準，充分咁將串燒入邊嘅肉汁燒出嚟，配自家製嘅沙嗲醬，形成外邊鬆脆，裏面鮮嫩多汁。好似同返咗泰國我家鄉冇分別。海南雞飯🐔海南雞飯，最重視係雞皮同雞肉嘅比例，冇意外地，來泰巷並無將雞皮整到好似啫喱咁，十分加分！用雞油撈過既海南雞飯形成獨特嘅口感。粒粒飽滿同雞肉一齊食係最大滋味。

土瓜灣一間泰式小店價錢相宜味道不錯老闆和藹可親性價比極高本身冇太大期望但係呢兩個菜都有額外驚喜泰式豬手飯雜菜粉絲煲，好好食兩個人嘅晚餐，買單計時$150 非常相宜

【九龍城區】【來泰巷ข้างซอย】大家見到個餐廳名就知我去咗食泰國嘢喇，不過假設嘅嘢唔好太多，間嘢係喺十八區行政劃分裡面係屬於九龍城區，但其實佢係喺土瓜灣，屯馬線土瓜灣站行出嚟冇耐就可以見到。唔好見到「九龍城」同個「泰」字，就標咗去九龍城。驚引起讀者誤會嘅指引性文字都係擺第一段好，起碼想搵九龍城泰國嘢而仆咗入嚟嘅朋友都會知間嘢係喺土瓜灣。而呢排講得多都覺得自己煩嘅，就係呢間其實都係之前諗住 explore 土瓜灣而食，但又未食到第二次嘅餐廳，寫埋唔使心掛掛。睇開我寫嘢嘅朋友都應該不止一次聽我提起過自己並唔太熱衷食越泰等東南亞菜，反而每一次嘅理由都係五花八門。今次係因為本身想食呢間隔離嗰間茶餐廳，但係佢好似有啲拒人於外咁嘅感覺，作為小毒毒有啲怕呢啲氣場，咁就入隔離呢間食。時間唔多嘅情況下叫咗個「來泰巷咖哩麵（雞）」，嘩幾香濃嘅泰式咖喱味，脆麵幾增加到口感嘅層次，件雞係一隻雞髀，所有食材同個咖喱好夾，而且隻雞髀啖啖肉。$58 嘅價錢我個人就覺得都幾抵食，冇諗過呢碗嘢咁令我滿意，難得。隨餐奉送一碗「例湯」，真係好例湯，大家諗住例湯兩個字，闔埋眼諗吓，無錯，就係嗰個味喇。跟住我係用 $20 加

平時做完gym就會係附近搵食今日突然發現原來樓下就有間泰國嘢！門口細細真係一啲都唔起眼經過咗咁多次都睇唔到🧐🧐🧐入到去發現好唔同架喎！幾闊落同埋好乾淨 整整齊齊都好舒服香港地小人多租金咁貴有時真係唔可以俾門口誤導😹😹😹😹叫咗個招牌咖喱麵同埋冬陰公海鮮炒飯個咖喱麵有推介logo就會對你有期望㗎啦咖喱味係有嘅～但係略嫌味道有點淡反而炒飯好有驚喜!味道好新鮮同特別唔係一般食到嘅味道 調味有落過苦工喎🤓🤓好食好食另個有個小插曲 食食吓預到個好rude嘅客人Waiter都好有禮貌好有耐性去處理即刻加分總括嚟講食物質素對得起價錢😙😙抵食