斗滾 (適安大廈)

營業中

休息中

其實喺 社交平台已經見過呢間啲相好耐好多次，每次都比個海鮮拼盤震撼到（心諗有無咁誇張呀）~依家終於有機會試到啦！第一式: 招牌大亂斗 (即係雞煲🐔)，套餐首先會奉上雞煲，有大中小辣，BB辣或走辣。店員都好貼心地介紹要煮幾耐唔使估估下，雞煲食落少少辣幾滋味，雞肉亦都夠嫩滑。雞煲係任食，但記得唔好係第一步就用曬啲 quota ，要忍口留手 lol第二式: 海鮮盛宴🦐🐟 🐚呢個一上枱係忍唔住嘩咗出嚟，勁大堆頭嘅蒸海鮮有人頭嘅鮑魚，花蜆，扇貝，龍躉，海蝦，同讚岐烏冬…簡簡單單用蒜茸粉絲蒸已經好滿足，個烏冬同粉絲吸曬海鮮嘅精華千祈唔好放過第三式: 養生燉湯，用烏雞、元肉，元貝，紅棗，杞子，瘦肉煲嘅湯清甜唔油膩夠晒鮮味，用嚟打邊爐感覺都健康啲第四式: 火鍋隨餐有每人一份手切牛頸脊🐮 但Follow 社交平台 同埋留言比佢哋就可以任食啦！鮮紅柔嫩油花豐富，食落肉質夠腍又有肉味，正~ （佢哋仲有好多嘅火鍋配料可以自助拎，不過牛頸脊當前實在係要食多幾碟）最後甜品有椰汁雪燕，滋潤養顏嘅 perfect ending價錢唔貴而且無限時，個個都食到捧住個肥腩仔走🐽 真係大滿足

早前一早已經繳付訂金預約了12人位，準時到達。然而到達時卻發現座位擠逼。當時房以及大部份店面空置。我們向侍應詢問後侍應表示有另一組人數相約的客人booking，需要留房給他們而我們12人不能使用。我們故而轉向詢問卡位，侍應竟然表示12人組合需要坐6人+4人枱！！而卡位的兩張6人枱，需要留給稍候晚市可能​的6位+6位walkin客人。難怪我們感到擠逼！追問之下侍應更表示並非6人逼一張4人枱，而是其中兩副碗筷需要放在兩張枱的罅隙上，而兩張枱並非平齊，碗筷傾斜。這顯然非正常的碗筷擺放位置、亦完全不合理。不僅座位overlap，在靠近走廊一側的兩個座位亦有一半在走廊上。每每侍應、顧客走動均會碰撞。在上第一個雞煲時，我們詢問後才得知需要每兩分鐘自己翻炒一次。牛肉火鍋如圖。在此不作贅述；

母親節訂左25人房位，去到佢比兩張枱加埋18個位，叫我地自己坐25人，位就擺左25個，但我完全唔知點可以坐到25人🤬🤬🤬攪左一大輪之後大約35-40分鐘，話要我地搬出去分開3張枱坐，母親節一班人慶祝既意義去左邊？另外所有服務員既態度係我前所未見咁差🤬🤬唔知以為我地得罪左佢咩野🙄一坐低枱面盒紙巾上一班客整污糟左，我叫個服務員幫我換一盒，佢隨手扯起第一張，話咁就得嫁啦，入面無污糟嫁ma🙄係無問題嫁啦🙄🙄🙄救命🆘我地叫左個雞煲中辣，另一個服務員拎住個雞煲問邊叉個叫中辣🤬🤬入到去d 位逼到跟本行唔到路，又坐得唔舒服，母親節做唔掂咁多張枱就唔好強行開咁多張枱，出黎比錢食飯仲要受氣🤬🤬仲要比$700幾蚊加一服務費，我唔知道我地得到咩服務😳

在半個月內已經revisit 兩次，重點如下：💥招牌大亂鬥 -雞煲無限添加，確定吃完會上下一道菜，後面也不能回購雞煲，大家要拿捏吃量哈💥海鮮盛宴 -蒜茸粉絲蒸海鮮配烏冬面，按人頭每人一份鮑魚、蟶子皇、大扇貝、花甲、海蝦及班腩片，極鮮味十足💥養生燉湯 -材料很多很多。。。有成隻烏雞、豬骨、蟲草花、紅蘿蔔、粟米、桂圓等等，先喝兩碗吧🉐💥手切牛頸脊放題-只需社交平台點贊或跟蹤官方帳號, 就可以送上一盤又一盤的牛頸脊，不過每一盤的質素可能有點不一樣，我們從第三盤開始送來的比較高質💥最後就是火鍋配料放題-30款以上的火鍋配料，特別記得有鴨血、水魷魚、豬皮、蝦滑、墨魚滑、炸魚皮、響鈴卷、廚師腸、午餐肉、蜂巢豆腐、萵筍、海鮮菇、秀珍菇、芋絲、鴨血、鵪鶉蛋、皮蛋、出前一丁等等等等💥還有甜店椰汁雪燕 、10款以上的罐裝飲品放題，酒精飲品另外收費，不過每瓶也只是$20多，好合理

朋友太太極力推薦這間食店，於是星期日與另外三位朋友6:30pm嚟到西環分店。店內裝修不是太講究，但感覺舒服，亦不太擠迫。這裏飲品任飲，有很多選擇。職員先為我們送上雞煲，然後教我們用計時器計時，經幾次翻熱後終於食得，我們選擇了BB辣，雞嫩滑惹味，很快就吃掉了一煲。職員問我們是否想再來一煲，我們決定留肚吃海鮮及牛肉，所以拒絕了。然後職員為我們送上一碟海鮮拼盤，不同的海鮮鋪滿在一塊荷葉上，實在非常美味。吃完職員便問我們下一轉火鍋想要老火湯底抑或椰皇燉湯做湯底？我哋決定試椰皇燉湯。燉湯到了，大家先喝一碗，椰皇湯果然非常鮮甜，然後就開始打邊爐。這裏有很多自助火鍋配料，牛肉在你社交平台讚好了此店之後便可以任食。快樂不知時日過，不經不覺吃到九點幾十點，最後仲有甜品送，冇得頂！這裏其中一個好處是不限時任食，所以大家都食得非常滿足，決定下星期日再嚟幫襯😂😂😂

呢排好想食雞煲就約埋朋友一齊去食，一行四人聽聞呢間都好full，我哋book到西環分店，有分2層既，6點食到8點交枱，我哋做咗15分鐘去到都俾我哋入$268加一一位，埋單$300有找雞煲嚟到係已經煮熟咗嘅雞，加生嘅洋蔥，加埋啲醬汁，可以揀大中小辣，職員會叫你分四次炒，每次炒2分鐘，會俾埋個倒數計時器你雞煲炒完真係超級香，我哋仲會加埋啲想濃味啲嘅材料落去一齊炒，例如午餐肉、牛柏葉，好正提一提你哋，呢間街都係無限任添！我哋都嗌多咗兩次之後到你食嚿雞煲就可以同佢講食火鍋，跟住職員就會上個海鮮拼盤俾你，份量因人數而定，本身冇得refill既，不過見到可以加錢嗌一嚟到，嘩！我哋當日就有每日一隻鮑魚，一隻大蜆，兩隻扇貝，蝦，龍躉片，少少蔬菜同烏冬(我哋嗌咗多烏冬)全部蒜蓉蒸，都幾鮮幾好食！之後就真係到打邊爐啦，佢都有幾款湯底揀嘅，不過職員就好推介燉湯，當日係五指毛桃煲烏雞，一嚟到感覺真係好足料，竟然有半隻烏雞喺入面湯好好飲，但係打邊爐嘅戰鬥力已經開始下降，因為真係已經好飽打邊爐嘅材料都幾多，下次試吓食少啲雞煲留肚先飲品櫃唔記得影相，大約都有10款飲品，有無糖茶，有汽水，仲可以自費啤酒最後仲會送每人

Have you ever craved an extraordinary dining experience that combines reservation-only exclusivity and incredible value? Look no further than Pot of Soup, where my family and I recently had the pleasure of indulging in an unforgettable hotpot feast. From the moment we stepped into the restaurant, we knew we were in for a treat.

相約八位同事一起嘻哈；斗滾的四式火鍋非常吸引！第一式雞煲：因有兩個煲，固可照顧唔吃辣的同事！一煲中辣非常惹味；共叫了四個雞煲呀！第二式的蒜蓉蒸海鮮，出埸非常搶鏡：八人是一大盤：嘩！一睇就好吸引，食落更好好味：有鮑魚；聖子；扇貝；蝦；蜆；中間還有滋味烏冬！正！第三式有兩煲湯：黑雞中药兹保湯及蘿蔔牛腩湯！第四式才正統打邊鑪，已經飽了大半了！汽水任飲，火鍋食物任食！今次的三小時特式火鍋，真是又飽又悦目又興致！吃飽後還有椰汁官燕糖水，簡直一流！

相信好多人食過斗滾 但係我都要黎吹奏下先🥹 （利申：發誓唔係廣告🙏🏼 ）最平連加一300蚊都唔洗 就有得食雞煲海鮮仲有打邊爐 仲要無限時🥹🥹 環境唔可以話好鬆動 但係絕對唔算迫 同埋放題黎講幾乾淨！ ❤️ 侍應哥哥都好搞笑😹😹 （話說 聽講斗滾尖沙咀分店因為太多人book 要早半個月至一個月book 仲限時一個半鐘⋯🫣 西環分店時間鬆動好多！✨ 💲268 （星期一至四）/ 💲298 （星期五至日）➡️ 雞煲 ▫️雞煲可以任食！因為店員建議我地要每隔兩分鐘揭蓋炒一炒 炒足四次 所以等到好肚餓🥲 但係值得既～ 雞煲可以揀唔辣或者四款辣度🌶️ 我地食完bb辣覺得完全唔辣😹 以為小辣淨係辣小小 但係對我地黎講好辣啊🥵 不過就好惹味～推介大家落一堆配料落去一齊炒🥹➡️ 海鮮拼盤▫️相信大家都對斗滾既海鮮拼盤唔陌生 一定喺STORY見過😹 拼盤有鮑魚 扇貝 海蝦 蟶子 等等既海鮮 雖然係計人頭 無得任食 但係都好正🥹 本身驚啲海鮮唔新鮮～ 但係好鮮甜 再加埋蒜蓉粉絲&烏冬 真係唔可以唔試🫶🏻🫶🏻➡️ 燉湯▫️蟲草花竹絲烏雞燉湯好清甜🥹🥹 絕對唔係味精例湯味！ 飲完就會用個湯做打邊爐湯底～➡️ 打邊爐▫️都係嗰啲大路打

任食套餐十分抵食，包括雞煲及火煱飲品任食點！首先，每人一份蒸海鮮，包括蒜蓉蒸扇貝，聖子，鮑魚及海蝦等等海鮮。呢個套餐已包括蒸海鮮一人一份，唔需要額外點。而中間比較特別嘅係讚岐烏冬，配上海鮮及蒜蓉汁，比較特別。任食雞煲可選擇唔同辣度，同普通餐廳一樣，食完可以任加。係打邊爐之前，會先上烏雞湯湯底，大家喺呢個時候好落任何火鍋配料住，可以先品嚐烏雞湯嘅清甜。喺飲完湯之後，可以選擇唔同嘅火鍋配料。如果大家follow餐廳社交平台仲可以有免費牛頸脊任叫。牛頸脊十分新鮮，非常建議一試。成個套餐每人只係需要$298+10%

呢間嘢真係好爆好多人，早幾日book位都好難book到靚時間，就好奇到底有幾好食。食物種類好豐富，會先食雞煲，然後再食海鮮之後再打邊爐，雞煲即炒即食好嫩滑，而且調味啱啱好唔會太濃味或者太清淡，仲可以無限任食超級抵鮮每個人頭一款，賣相睇落超級吸引，食落都好食有鮮味，清甜。最後打邊爐我哋叫咗竹絲雞煲湯底，個湯可以飲咗先係足料嘅煲湯味絕對唔係用味精湯底，好驚喜，而且牛肉好有牛味仲可以無限任食，成件事個質素非常好。重點以一間任食餐廳嚟講員工嘅服務質素非常之好，而且價錢都唔貴，會介紹多啲朋友嚟食。

行過茫茫人海，搵到間令我心心眼既食堂，佢個牛肉好吃到爆燈！麻麻哋的辣度、嫩滑的肉質，字眼都唔足以形容我有幾投入。食手切牛肉，彈牙得來唔肥膩，畀左個讚👍。蒸鮮海鮮就真係令人眼前一亮，新鮮得嚟，蒜頭香氣掃晒夠分量，海味爆煲，咸香夠晒撈！扇貝、鮑魚啲海鮮，逐樣都係粒粒皆辛苦！蒸海鮮上桌時候，店員仲躊躇熱情幫我地影相，勁貼心！然後我地叫咗個清湯，湯底，清甜得黎又帶胡椒味，飲到夠晒提神，心情都大晒好轉。唯一小小就係，豆腐唔夠入味，可能因為我地揀咗唔辣，衰咗少少。不過，呢個小插曲亦都影響唔到我哋嘅食慾。坐低嘅位置固然係啲狹窄，但咁窩心招待、勁夠味嘅食材，搞到我同隔籬檯嘅客人都邊食邊嗌好食。最後，出面嘅配料醬料飲品都幾啱心水，尤其係椰汁血燕，甜甜地最啱做收尾。下次再黎，要再食番次，感受下係唔係真係一試難忘！🍲🥢👅

市面上的海鮮餐廳自然是越開越多，主打海鮮蒸氣鍋、火鍋、放題、海鮮粥或自助餐，想得到的幾乎通通都有。今次我推介嘅呢一間價錢好貼地，而且好好味，我哋一家食完之後，都好難忘會再去在open rice 擁有不錯的口碑。店家的海鮮蒸鍋提供多款海鮮，包括鮑魚、海蝦、蟶子、扇貝、蜆、生蠔等等，並鋪滿大量蒜蓉及粉絲。與其他海鮮蒸氣火鍋店不同，沒有依照海鮮類別分層進行蒸煮。我地既評價係海鮮蒸鍋性價比超高，認為海鮮非常新鮮，味道鮮甜，粉絲吸收了海鮮的湯汁精華後，非常美味。凡like佢嘅社交平台 可以任食手切牛頸脊肉，我哋食咗十幾碟😆

首先來一個非常之惹味的雞煲，之後就係蒸海鮮，海鮮非常之新鮮。而且店員態度非常好，我們12位因為有一位朋友遲嚟，店員主動詢問是否需要留起海鮮，待朋友嚟到時即叫即蒸！非常之細心，難得！外面放了不少打邊爐食物和小食，供客人不斷自取。中段仲有燉湯，最後就係打邊爐。我哋優惠價叫咗象拔蚌刺身同埋龍蝦刺身都非常之新鮮抵食！整晚其他枱都有食客生日，全個餐廳嘅人都一齊唱生日歌氣氛非常之熱鬧！真心推介俾大家！不過提提大家要預早預約比較好！

約埋班friends聚一聚，之前朋友食過都話正，所以就book衣間再encore, 我就第一次嚟食。一嚟到侍應就問你雞煲要辣定唔辣，我哋就揀咗小辣，雞煲嚟到時，侍應就教你每隔2分鐘就要炒一炒，佢哋都好貼心，準備計時器俾你計時，我哋就冇計時，只係耐唔耐炒一炒，炒熟就食，啲雞好嫩滑，豆卜也入味，由於要食其他嘢，所以再冇添加雞煲。嚟到第二式：海鮮盛宴確實係打卡位，有好多海鮮款，款款都新鮮好味，中間仲有烏冬。食完海鮮嚟到第三式：養生烏雞湯個湯真係好正，飲得出冇味精，我哋四個人，每人都可以飲到兩至三碗👍👍👍嚟到第四式：火鍋火鍋有丸類，菜類，菇菌，餃子🥟，蓮藕片，粟米，響鈴，炸魚皮，間中也會添加手打墨魚滑，當然最重要就係唔少得牛頸脊，既然可以無限添食，識食梗係唔食肉丸，我哋添食咗好多碟牛頸脊👍👍👍食完已經好飽足，最後仲上埋椰汁雪燕糖水，個糖水都好有誠意，落足料好味！最後補充：佢哋飲品都係任飲，由於掛住傾偈同食嘢，所以冇乜點影相😅！