曼谷泰菜 (已結業)

沙田新城市廣場雖然多餐廳，但大部分價錢都不便宜，而且人山人海有排等。這家泰國菜的價錢相對是優惠點，亦比較少人排隊。味道是中規中矩吧，也不算難食。拼盤份量合理，不太差。

服務態度甚差我們共11人，他們給我們長枱，叫餸後發覺長抬沒有位置放食物及不容易夾餸，而剛好有圓枱，便要求𨍭圓枱，但等了十多分鐘仍未有人去執枱，我們已多次追問，他們仍未有所行動，還用很差的態度說我們沒有給他們時間去安排，最後因為食品陸續送上，所以沒有轉枱了。

上星期放假去左新城市行街，夜晚7點幾去到餐廳等位，等左成大半個鐘勁肚餓，兩個人叫左4樣野食，有豬肉生菜包，豬頸肉撈麵，青咖哩蝦球同埋辣肉碎炒四季豆。生菜包同撈麵冇乜特別。青咖哩就好明顯唔夠九龍城廉價泰國菜咁濃香。而四季豆既味道本身唔錯，但炒得唔夠林。賣單400幾蚊，唔算貴既，但味道真的唔夠小店好。

男朋友話想食泰國菜，沙田又冇乜泰菜選擇，即管一試，點知中伏😠，伏到一個點😡😡😡叫左3個菜，諗住食住先唔夠再叫，好彩叫住先姐！1. 原個菠蘿炒飯，飯係凍嫁又濕既，好似小朋友飯仔咁，得幾粒勁細既菠蘿，個原個菠蘿好似返用咁，極差😤😤2. 明爐酸辣烏頭，魚唔新鮮，就算d配料淨係夠多蒜都食得出，個湯又偏咸，得個酸但又唔辣3. 咸肉炒芥蘭苗，唔係苗係大芥蘭囉，咸肉係燒肉，味道冇乜特別，好在夠熱囉。2個人食左$500，難食又唔飽，仲要收呢個價錢😡😡😡早知坐的士去九龍城求其一間泰菜，又或者去食快餐店都冇咁嬲，本人好少寫食評，但我真心希望唔好有人再中伏

第一次來呢間食午餐前的時段燈光不太多夜晚來應該情調都不錯的呢度有個特式..............所有野都係快!職員好快走過來落單好快收走餐牌好快就上菜好快就上齊全部菜好快就收曬餐具埋單就當然都係好快俾張單你埋呢個速度有好有唔好啦好既，就係你餓底都唔怕好快有得食唔好既就係............你覺得成餐飯都好趕...............講下食咗咩先~芥蘭炒牛肉 $82牛肉熟的程度剛剛好不過芥蘭就略嫌老咗少少整味不會太鹹，清清的味道仲食到菜的鮮甜味 泰式扎肉湯粉 $56白蘿白清甜，但較硬，信義妹鐘意更稔的札肉份量算多河粉夠滑鹹度適中不過信義妹愛辣，若果加埋辣就更好啦~ 冬蔭功海鮮籠尖粉 $76初初一上枱就係有種嚇一嚇的感覺咁稀咁清既!?!!?好彩試味後都可以雖然冬蔭功湯底未稱得上濃鮮辣但都叫做有陣陣的香茅跟少少既辣香海鮮有蝦、青口、魷魚，賣相就一般味道就不太沾到冬蔭功的味道，較清籠尖粉比較似米線，可惜煮的時間不夠有部份未熟 香芒椰汁糯米飯 $52呢個係整餐最值得一讚的糯米煙韌，淋上椰汁，透出淡淡清香熱熱的放入口，有種幸福的感覺芒果夠香甜，凍凍的，一熱一凍口感提升 整體餐廳都似趕多幾

海南雞飯吾正宗不得止，d雞“鞋”過你“鞋”底，完全冇味，飯比你翻叮都吾夠熱，d雞舊舊大舊到冇砍開一樣。。甘樣收人$88？仲有個香葉蝦球炒飯，成碟凍既，油淋淋，叫完一分鍾即刻到，其實呢d甘簡單既炒飯即刻整都吾難啫！第一次食到甘難食既泰國菜，仲要碟碟收人$88，憑乜野，檢討下啦。。仲話有幾間分店，黑名單啦。。

好耐未食過泰國菜 突然好想食我嘅至愛柚子沙律 就去左哩度食星期六喺新城市特別多人又諗唔到等位都算快7:00去到等左大約15分鐘就有位喇可能星期六多人等位只有個半鐘時間食就要交枱不過3個人食都夠時間嘅🤗·金柚子蝦球沙律非常好食！柚子清甜多汁，蝦新鮮，小小辣，好醒胃！· 椰青焗海鮮飯 推介原個椰青焗飯，椰香味好重，味道式中，好味之選！· 串燒沙嗲半打揀左牛同雞，佢唔會好似岀面嘅泰菜咁淋滿沙嗲醬，呢個只有小小喺面，再配一個香辣醬· 炭燒豬頸肉份量唔細 燒完肉汁都仲好多tim! 鐘意食辣嘅一定要點個醬汁，夠晒辣· 冬陰公湯點左個細小辣，湯就一般，唔夠香濃· 芥蘭炒牛肉好香 牛肉好淋，個汁唔太濃味 好食

閒日在沙田市中心7樓的食肆找地方晚飯不算難，泰國菜就剛好有這間曼谷泰菜。兩口子胃口不大，只能點個小食拼盤、一個菜和一個炒粉。四款泰式小食，春卷餡料感覺不豐富，包豬肉，較乾身，皮亦較硬；魚餅很香冬蔭公香料味，爽口略彈牙，不錯；蝦餅熱辣辣外脆內彈牙，是四款小食之中最好味的一款；最後兩件雞肉粒就較脆、硬口，如果可以鬆軟一點會更好。蝦醬炒通菜很夠味而不咸口，通菜亦算鮮嫩，兩口子都覺得滿意。因為三個菜都很快上枱，炒金邊粉我們等了約10分鐘才吃，開始變乾，筆者趕快擠點青檸汁然後和碎花生伴勻。金邊粉入口算是彈牙，味道比預計來得淡，亦沒有想像中的鑊氣，看來較適合老人家胃口。蝦球算大而且有四、五個，亦有鮮甜味，為這道菜加添不少吸引力。筆者另外點了個青檸梳打($32)，比想像中淡，應該是刻意不加太多糖，青檸夠香夠味，兩口子分飲，健康清新。整體來說合格，但因地點關係，未計加一已達$300，性價比略低。

病了好幾天，吃藥吃到胃口不佳，整個人沒氣沒力。但再不吃多一點，身體好像很難復原。為了讓自己吃得多一點，又因為不想走路，所以選擇了一程車便到的新城市廣場，位於7樓的曼谷泰菜。一心就是想吃泰式炒金邊粉，所以點了這個泰式大蝦炒金邊粉。說實話，賣相認真一般，也炒得比較濕身，個人會喜歡乾爽一點的炒金邊粉。配料算不少，有4隻大蝦、炒蛋、蔥、菜甫和花生等。金邊粉的軟硬剛好，酸酸甜甜的，很醒胃。再點了一個清邁雜菜粉絲煲，意外地份量不少，雖然材料很雜，但看起來不算太剩餘物資的感覺。而我非常喜歡的粉絲份量也很多，整個雜菜煲的味道也很好。這一餐不到2百元正，以在新城市廣場內，真的算便宜，份量也不算少，可以再去。

約左成日個月，今日終於同朋友仔夾到時間去試下呢間位於沙田既泰國菜。。。由於，我遲到既關係，當我去到餐廳時⋯朋友們已經發辦叫曬野了😭😭好彩～佢地叫個啲都係我會食姐😎第一味⋯（串燒沙嗲-半打［雞肉、牛肉］）雞肉串燒，燒得剛剛好，不會太鞋，再配埋呢個酸酸辣辣既秘制醬汁，感覺好夏天。至於牛肉串燒⋯可能燒既時間有啲長，所以入口有啲韌，勉強接受啦第二味～（泰式小食拼盤［小］）呢個有少許驚喜！驚喜在⋯佢個疑似迷你糭個度，之前係第二度食個啲佢入而堅係包左糯米，但呢度佢裡面全部都係雞肉，而雞肉落左少許辣椒粉去醃製，入口辣得黎又會令人幾開胃第三、第四味～（蒜蓉包+黃咖哩鮮雞煲）食泰國野⋯叫蒜蓉包？是常識吧！佢個蒜蓉包勁新鮮，客人落左order先整，所以送到客人口中既時候都係脆卜卜至於呢個咖哩呢⋯真係令我有啲失望既！因為佢椰漿落得太多了，蓋過左咖哩原有既味道，而雞肉雖然夠曬滑，不過食唔出有咖哩既味道但以4個人既份量黎講，就有啲少喇！第五味～（泰式炒蝦球金邊粉）呢個味道有啲奇怪⋯因為同我原先以為「會食到」辣既味道有啲出入，應該係話呢個金邊粉係完全唔辣之餘仲要係甜既所以小朋友應該都會幾岩食！第六味～點指以上咁單

呢間泰國菜館都開咗好一段時間，初初開業食過，但印象中係一般。隔咗咁耐再嚟食，結果都係一般。先講『冬蔭公湯』，材料都幾足，蝦味夠鮮，香料味道算好出，不過偏酸咗而且唔辣，只算是微辣等級。「沙嗲」就燒得幾香，醃得夠入味，肉質算淋，唔會靱。「海南雞」鷄肉肉質偏嚡，無咩鷄味。「菠蘿炒飯」呢個ok, 幾香，有腰果，蝦，肉鬆，和菠蘿炒飯混合來吃，味道幾配合，亦炒得幾乾身。

黎到沙田八点半，见冇乜人，唔洗排队就入黎吃，结果伏道不得了。冬阴功微热，虾竟然都未熟，而且超咸超咸，没有辣味，更加没有香茅味。烧鸡还不错，鸡质几好。冬阴功太伏。。

同好朋友每年一度既團拜，今次揀左曼谷泰菜，是值新正頭，度度都人山人海，呢邊算唔等得太耐，好彩有朋友捱義氣先去攞飛。食親泰國菜我必點生蝦刺身，但可惜今日暫停，侍應話唔係咁靚今日無供應。不過無得食，總好過食質素差既蝦既。豬肉生菜包，豬肉辣辣地，有新鮮生菜包住食！另外仲有小食拼盤，忘記左影獨照，蝦餅同春卷各款都唔錯！炒芥蘭就一般，芥蘭唔靚，有渣。蝦醬臘腸炒飯都幾好食，不過就好似唔太有蝦醬味囉。個元寶仔係朋友車公廟買返黎，擺落去影相又幾過癮。糯米釀雞翼，我本人覺得怪怪地，可能因為Ｄ糯米飯有花生，我唔鍾意食花生。雖然枱與枱之間無乜空位，但張枱都夠大，叫多幾個餸都放到，我地大約7點幾入座，最尾都坐到成10點無趕我地走，期間侍應都好親切幫我地影相同埋加水，服務幾好。

人山人海的沙田等得無咁耐就想到泰國餐廳，選擇食健康d,叫多了菜。蝦醬通菜沒有蝦醬味，有少少蒜蓉味似普通清炒通菜, 可惜煮得太熟太淋,沒有口感可言。椰菜苗反而够入味，不辣不油, 口感爽脆,配飯一流.金邊粉少油配上大蝦彈牙, 但味道淡左好多, 相對乾身, 配上花生碎檸檬的酸汁,幾開胃.生菜飽有驚喜, 同以往辣味重的不一樣,肉碎夾雜少許菇碎, 調咸味剛剛好,生菜包住食, 生菜夠新鮮,十分爽口!出色的係串燒，燒到肉邊香脆, 肉味濃郁, 配上沙爹汁，哇!簡直想叫多杯啤酒啤啤他!!

本已在3月假期與父母享受柔閒午飯，但現才有興緻與大家分享，因這餐廳給我有好好印象。 放假2點後才午膳， 父喜歡泰菜，所以選擇這間。(曼谷泰菜), 環境舒適所以試一試。1. 木瓜沙律﹕  清爽可口，微酸微辣，非常開胃清新。2. 菠蘿抄飯﹕  雖然菠蘿味不重，但雞肉腰果和抄飯配合美味。3. 耶菜花﹕     口感偏硬，父親食不了，所以退口廚房再煮軟一點。服務不錯，立即跟進，再上桌的也添滿滿一碟。4. 咖哩軟殼蟹﹕ 軟殼蟹本身材枓素質不錯，炸的火喉合當。咖哩偏甜微辣，味道可口，但上菜時熱度不夠，幸好未影響味道。