花斑茶社 (黃埔天地)

營業中

休息中

同朋友一齊送咗小朋友番學，冇事做想2個媽媽去飲杯嘢，傾吓偈！走去花斑茶社 一人買咗一杯嘢飲坐係food court嘆吓，解解渴🫶🏻見到有新出飲品，忍唔住叫咗：〰️ 清爽青葡萄烏龍茶🍇｜$28揀烏龍茶係因為佢飲上嚟口感甘潤不苦澀，加埋爽甜青葡萄，倍感解渴😚〰️ 完熟蘋果冰茶🍎｜$28朋友揀咗配四季春，有淡淡花香味、甘甜且易入喉，所以飲起嚟同時擁有烏龍茶韻味+綠茶嘅香氣，非常獨特！當然配埋蘋果肉粒，口感更顯豐富！舒舒服服咁坐咗個幾鐘，互相交流湊小朋友心德，又可以暢所欲言一番，過咗個輕鬆嘅下午！

啱啱行過見到花斑茶社新出品-奶蓋黑糖珍珠麥精豆奶😌鍾意飲維他奶麥精嘅一定唔可以錯過。佢個味道好香好夾。細細個飲麥精嘅味道出返晒。黑糖珍珠又唔會好甜。再加上奶蓋，味道啱啱好。

今日去接朋友收工，帶上佢最中意既手搖先！🍽️ $36 宇治抹茶紅豆鮮奶抹茶非常濃郁甘香，揀少甜岩岩好！紅豆煲到淋淋的，好綿滑加埋鮮奶，係完美組合🍽️ $28 鳳梨冰茶🍽️ +$8 芝士奶蓋🍽️ +$5 寒天呢杯係俾我自己既，我極愛寒天，所以見到有就一定會加😏寒天唔錯，好有咬口，份量都多茶底係綠茶，同鳳梨都幾夾少甜都係偏甜，可能因為有果糖飲完會好開心🤣🤣🤣♨️ 環境/服務有打卡位乾淨企理👍有鏡仔相！！！不過唔知依家仲有冇～

位於黃埔的茶飲店。花斑茶社本來就有很多分店，雖然不至於"總有一間在左近"，但至少在我的生活社圈內老是常出現，久而久之，便成了我不停回訪的茶飲店，也是我最喜愛的本地茶飲店之一。花斑茶社最近和本地創作品牌「胡氏這一家」 合作，紙杯自然換上了可愛的包裝 ，而餐廳處處也不乏胡老太的身影，很是可愛 ♡ ⋆_____ᴛᴏᴛᴀʟ ᴏʀᴅᴇʀ______⋆° 桂花烏龍奶茶+寒天 ★ $33° 鳳梨綠茶 ★ $28  ___⋆ ⋆ ___✨ 桂花烏龍奶茶+寒天 🍹這杯已經回購多次了~其實每次我都告訴自己下次要試新口味，但最後又又又又是點了這杯桂花烏龍奶茶(笑。桂花的淡雅清香與奶茶的濃郁超級配搭，自己私心很喜歡這種口味~香甜不膩，且口感順滑。 另外加配寒天，Q彈煙韌~ 非常推介～✨ 鳳梨綠茶 🍹鳳梨味芳香突出，酸酸甜甜，清爽開胃！水果配茶本來就天作之合，果味清香，茶味餘韻回甘!而且茶底更有鳳梨碎粒，每口都吃到果粒，口感更豐富~尤其在這個濕熱的天氣喝這個更清爽喔~❤️

係黃埔行街行到熱熱地，走咗去「花斑茶社」買杯嘢飲解吓渴先！見佢新推出兩款果茶，夠晒清新🧊好有衝動飲吓，係呢個轉季日子解解渴！#荔枝玫瑰烏龍荔枝味係我心水，配埋玫瑰烏龍就好夾！陣陣嘅花果香嘅荔枝玫瑰烏龍茶，唔造作，仲可以安神又養顏。#完熟蘋果冰茶可以配四季春or紅茶，我就揀咗四季春，清香嘅茶底，仲有埋豐富蘋果肉，口感豐富！

本人於三月二十六日和朋友在店購買兩杯飲料，當前店外未有太多客人。十五分鐘後不斷有比我後的單號已經取得飲料，本人就向當時黑衫店員詢問，他只本示等等，並入水吧詢問，之後再無任何回覆，只有在按電話。五分鐘後再向另一店員詢間，佢亦只有表示等等。最後本人等了二十五分鐘才領得飲料，當時黑衫店員將飲品放在枱上並指向飲料，連最基本道謝或歉意亦無表示，只有回到收銀位置持續黑面。起初我向該店員投訴，他完全沒有理會。及後本人要求該店員道歉，他只表示已向水吧追單，已負自己責任。最後本人在店爭論，並再三要求道歉，他才不情不願地道歉。對本人希望向經理及提供其他渠道投訴，他亦沒有回答。態度之差，實在令人驚訝及難以接受。其中一杯飲品，更沖調及擺放超過15分鐘才一併和漏單的飲品一同給予。飲品內的冰早已溶掉，稀釋了原本的奶茶，味道甚是惡劣。是次的體驗，無論是飲品品質，員工態度，等候的時間，都和本人一直以來光顧，存在很大落差，以後還是不了。

熱桂花烏龍奶茶加珍珠$30見到好似好正，但份量比我想像中細；第一口就飲到茶味，不過唔算濃，珍珠咬口正常。正體不過不失，但就無乜驚喜，這個質素覺得貴咗少少，試過就算😜

味道清香不膩，感覺可以飲多杯！而且選擇較多仲可以食埋甜品平時同朋友都好鍾意食飲完之後都開心晒再加上珍珠唔會好甜同埋配料充足仲可以加唔同嘢外賣送上嚟味道一樣咁好！絕對好味道

天氣又回暖, 加上疫情搞到民不聊生, 確實需要一杯甜野調濟下心情. 今次我揀左黃埔新開嘅花斑茶社試一試!1. 黑糖珍珠厚鮮奶 $32同其他鋪頭一樣, 黑糖鮮奶系列係無得揀甜度. 原本都驚死甜, 不過一飲就發覺甜味都係來自黑糖, 好香而且有微微焦香, 拍得住老虎堂幸福堂哩啲熱門店. 珍珠方面夠q彈, 大大粒有咬口, 同黑糖融為一體, 加分! 奶方面都名副其實夠厚, 飲哂一杯非常飽肚, 當一餐都得! (當然卡路里都係🤣)2. 黑糖珍珠烏龍奶茶 (加芝士奶蓋, 微甜) $36哩杯個賣相同上一杯差唔多, 不過我更加中意! 用烏龍奶茶代替厚鮮奶, 多左份茶香. 由於黑糖珍珠已經偏甜, 所以強烈建議大家叫微甜就好, 咁就可以飲到烏龍茶嘅香! 不得不提個芝士奶蓋同哩杯超夾, 雖然要加8蚊不過我覺得好值, 芝士嘅咸味同個黑糖味出奇地match, 提升左個味道層次👍🏻👍🏻👍🏻推介！黑糖系列確係高質，下次試下其他野飲先！

🙋🏻‍♀️朋友之前講過花斑茶社好好飲，今日行過見到我就買咗杯試吓，第一次飲緊係揀招牌嘅黑糖珍珠烏龍奶茶，🤤 果然冇令我失望！🥤黑糖珍珠烏龍奶茶 （熱、微糖）🌟🌟🌟🌟🌟❤️ 茶香奶滑，黑糖有淡淡焦香味，而且Q彈爽口。- 茶味好出、好香，奶滑，比例好- 珍珠煮得啱啱好，好彈牙😆 我超怕珍珠煮唔熟或者煮到淋晒- 本身唔鍾意太甜、叫微糖加黑糖珍珠就啱啱好，又唔會死甜。- 熱飲另一番風味，而且對身體都好d😜。好好飲🥰 我已經諗定下一次要試邊款喇！值得Encore！👍🏻環境乾淨企理，店員都好有善有禮。問過店員先知，原來茶店會不定期搞應援活動，都幾特別🤣。今次我去嘅時候係姜濤。上咗花斑專頁到睇~🌱原來花斑茶社係一個香港嘅茶飲品牌，傳承地道台灣茶製作工藝，選用咗100%台灣直送新鮮葉尖，而且黑糖珍珠亦係100%人手現炒，難怪做到「鮮香醇」嘅茶同有淡淡黑糖焦香味嘅珍珠🤤。

放假同朋友行街街，行到咁上下有啲口渴，就去supermarket 隔離既花斑茶社買野飲😊去到舖頭，原來一班姜糖為興祝姜濤生日，喺度做慈善應援，義賣姜濤立牌外，仲將成個舖貼滿姜濤既相🤩 （打卡位見文末）咁一場黎到，投入下氣氛，要咗杯🍑白桃烏龍（微甜去冰）🍑出面嘅白桃烏龍，好多時係infused tea，白桃味果茶，但花斑既白桃烏龍，入面居然有粒粒白桃粒🍑！烏龍茶味香得來，仲可以真真切切咁食到白桃🍑果肉粒，完全冇香精味，入口非常清爽解渴😋同行朋友就叫咗增肥之選～🧋黑糖珍珠厚鮮奶🧋根據朋友描述，因為花斑係用明治4.3鮮牛奶🥛，所以味道非常濃厚，再加上黑糖珍珠好Q，唔會淋pat pat，飲完絶對係大滿足🤩總結：花斑茶社既飲品非常真材實料，係值得推薦嘅良心茶店💛

花斑茶社開咗好多分店，而家連黃埔都有喇🥳呢間鋪喺Aeon商場入面，鋪面闊落光鮮，好易就搵到了☺️初次試佢地d野飲，所以就揀咗佢地店鋪都推介嘅味道💁🏻‍♀️黑糖珍珠烏龍奶茶 ($28) 揀咗少糖少冰，烏龍茶炭焙香氣突出，茶味香濃，奶茶入口順滑，唔會苦澀😃黑糖珍珠本身都好有甜味，而且佢地用嘅係大粒珍珠，咬落有飽滿Q彈嘅口感，飲完大滿足❣️宇治抹茶紅豆鮮奶 ($36) 呢杯經典嘅日式飲品，揀咗正常糖同冰，第一啖感覺已經超級驚喜😻雖然無減糖分，但仍然保留到抹茶獨特嘅甘甜香味，微甜軟稔嘅紅豆中和返抹茶嘅回甘，鮮奶味又夠濃滑，口感清香滑順，抹茶控們必定滿意🥰兩杯飲品都好出色，下次一定會再試埋其他推介😃現時店鋪只係收PayMe或者現金💵如果想懶惰一下可以揀電話WhatsApp落單，仲可以有買4送1優惠添🤩最後不得不提嘅係佢地喺鋪位隔離留咗個打卡位📸三面牆都貼滿Anson Lo嘅相😍神徒們一定唔可以錯過👶🏻😸

路過Aeon驚覺開咗花斑茶舍，即刻買返杯黎飲天氣涼涼地氣管唔係幾舒服，唔敢飲凍野，又唔想用腦，所以直接問店員有咩係有熱飲，店員好有禮貌同耐性，仲主動問想飲咩類型嘅飲品佢可以介紹下最後揀左熱黑糖珍珠烏龍奶茶微糖 $28雖然嗌左熱，但其實只係暖啱晒即刻飲我覺得呢個溫度啱啱好，太熱好易令珍珠overcooked 無晒咬口奶同茶比例恰到好處，茶底有微微回甘，珍珠都幾煙韌亦唔會過甜，整體來講好滿意翻兜指數:4/5📍 花斑茶社 (黃埔天地) (紅磡)紅磡黃埔天地第5及6期AEON Style地庫B10號舖