植幕宵 (已易手) 新餐廳

上網見啲食家話呢間蝦拉麵好掂，今日去開尖沙咀，就記得要黎試下。去到舖頭對面街，見到落左閘，好失望，行過去閘前睇下張告示講咩，原來搬左對面街，即係正正我地頭先企果個位置。好彩行過去望一望，唔係就走寶了！舖頭唔大，咁岩都仲有張人枱，所以可以即刻入座。店員細心話今日淨係蝦拉麵，其他款式都冇晒。冇所謂，我地原先都諗住係食蝦拉麵，另外仲加左個醬油青口小食。先講拉麵，店員放低拉麵後，會喺你面前落蝦油，落完之後已經聞到好香蝦味。食麵前先飲啖湯，好濃郁，同埋個湯好杰身，仲有啲蝦米粒。拉麵本身唔會煮到好淋，夠爽口。最欣賞係麵入面兩隻蝦，蝦身已經脫晒殼，肉質鮮嫩，彈牙。醬油青口反而冇咩驚喜，醬油有少少辣辣地，都好食既。我地冇額外叫飲品，食完麵過左兩個鐘，都唔口渴，証明冇落味精，非常欣賞。去開尖沙咀既朋友，不妨一試。

從來不寫食評的我，今天破處為這小店寫食評，如有任何用詞不當請見諒。今日特登碰運氣去尖沙咀嘗試這小店的出名拉面，因過去每次去到都看到排長龍，不想排隊就離開。今日去到門口看見關了門，本來失望而回，但發現門口貼了張通告，告訴新店開在對面馬路，轉身180度看見一間主色調為紅色的店舖，看不到店名，在門口猶豫了一陣（看到布局和以前啲所知的差不多）才進去，發現店舖改了一個新名字叫＂幕多＂，仍然以蝦湯拉麵為主打，點了一個蝦湯拉麵和蠔湯拉麵，告訴蠔湯是由廣島蠔打碎熬煮，再加上兩隻美國桶蠔在面上，當蝦湯拉麵和蠔湯拉麵送到桌上，鮮香撲鼻一擁而上。先學一口蝦湯，非常濃郁鮮味，蠔湯亦做得非常鮮甜，帶點微辣（不知道是否蔥段發揮作用或是因為加了少許胡椒粉）。個流心蛋是額外加的，亦都非常厲害。整體兩碗拉麵都非常漂亮美味。蠔拉麵100% K.O.一滴湯不留，可能本身對蠔有一份熱愛。另外老細非常層次和型仔，忍唔住要求和他拍個照，沒有拒絕。bonus是天佑（電視藝員和主持）非常高大靚仔，在店舖里 幫忙，亦和他打了卡。記得新店在舊舖的對面，改了名叫＂幕多＂請多多支持本地小店！

星期六剪完頭髮，差不多12點，城中熱話的蝦湯拉麵差不多開門，一於急急腳去碰碰運氣。去到門口非常好彩，剛剩一個位，個位好似留給我這個有緣人。餐廳大約有7-8個位，入到去已經滿室蝦湯味。我叫了一碗醬油蝦濃湯拉麵加糖心蛋。拉麵放到我面前，碗內有2隻中蝦及一大堆櫻花蝦。急不及待飲啖蝦濃湯，感覺好似一隊蝦兵步操進入口內，蝦的鮮味充滿口腔內歷久不散。湯頭鮮味程度好似食左個蝦家族，蝦爸爸，蝦媽媽，蝦BB，全部係我個口游緊水，逐漸游向我個胃。麵質軟硬程度恰到好處，是我喜歡的彈牙質感。奇怪同枱無人有蝦殼落地，原來廚師已經剝咗殼，爽。爽。爽。蝦肉帶有淡淡的醬油味，醬油推高蝦的鮮味並且不太咸。紅紅的糖心蛋黃，流心程度剛剛好，不會太稀爛或死實，加上蛋味濃郁，一試難忘。最後向廚師道謝，烹調了一碗用心的拉麵給我，忍不住跟他說”我今日好幸福。”

唔食拉麵唔排隊嘅肚波食完表示，愛了🫶甜到濃嘅蝦湯拉麵，正！・・・・・・・・・・・・・・・・・・・・🍜 醬油蝦濃湯拉麵 HK$118 (流心蛋+HK$15)・味道：蝦湯煲到好濃，但個濃唔係沾麵嗰種鹹，係鮮甜🤤！煲到有顆粒嘅濃，誇！加咗蝦油一秒level up，必加💥～食得出蝦用咗豉油辣油醃，超入味。個入味係真係入咗隻蝦到唔係蝦殼，已剝蝦殼上，細心😚！蛋都好食，成粒蛋黃都係流心的～好surprise食完佢行咗陣都唔使飲水💧，因為真係唔係走鹹香嘅濃郁，真材實料desu。・口感：個蝦可以放係熱湯到咁耐都係爽嘅，jeng～拉麵偏粗有咬口嗰種，微掛湯～**可以免費加麵底🤩，大食人士唔使擔心～廚師仲特登畀咗另一款醬油湯我哋試，呢個清啲但一樣咁鮮甜！・・・・・・・・・・・・・・・・・・・・🤰性價比：高～🤰9衝度：9衝～🤰結論：街頭已經聞到陣醬油蝦味，唔會搵唔到位置XD 味道同香味一樣咁正！正正子desu🤘全店一麵走天涯，sa個lute先🫡・・・・・・・・・・・・・・・・・・・・環境：小店8個位左右，真係好細好逼😶‍🌫️。行路動線好kick，客人職員每經過一次都要左攝右攝，拎住碗麵要咁行嘅話都幾危🥶。

一間小店專注做好一款拉麵🍜近來這間店的醬油蝦濃湯麵人氣旺盛正午營業已經有人龍排隊探店🦭炎炎夏日都阻擋不到大家的熱情🍜醬油蝦濃湯拉麵+溏心蛋 $118 +$15他們的拉麵底是標配正常軟硬度的曲麵，蝦湯底鮮味極濃，醬油的甜味剛好突顯蝦的鮮甜，帶有少許薑汁香氣，湯汁混有打碎蝦肉加上櫻花蝦，上枱後店員更會淋上秘製蝦油，啖啖精華😻麵上兩隻大蝦好細心已經剝殼，以微辣醬油醃製，彈牙爽甜🦐大食的朋友還可以加點替玉㊙️替玉是免費的，湯頭是較清澈的醬油蝦湯，較前清甜，還會撒上櫻花蝦和蝦油，誠意十足啊💯‼️-🍜 植幕宵 🏡地址: 尖沙咀漆咸圍2-4號金時商業大廈5號舖☎️電話: 從缺🕙營業時間: 12:00-15:00; 18:00-21:00 (Mon-Wed;Fri-Sun)———————————————🌿以上圖文由Bobowannaeat版權所有，轉發需授權喔🌿鍾意我的分享請 ᴄᴏᴍᴍᴇɴᴛ, ʟɪᴋᴇ, ꜱʜᴀʀᴇ & ꜱᴀᴠᴇ ❤️🌟繼續關注我的貼文請𝙁𝙤𝙡𝙡𝙤𝙬 @bobowannaeat (ㆁωㆁ*)

之前見到有社交媒體網站介紹🦐拉麵，而我本人超愛蝦🫶🏻就搵晚收工去咗食😋餐廳比較細🤔大概有8-9人坐位，差唔多等咗45分鐘至1個鐘左右🕰️醬油蝦濃湯拉麵 ⭐️⭐️⭐️⭐️⭐️ $118啱啱上枱就聞到陣櫻花蝦味😋蝦湯底+櫻花蝦+2隻新鮮蝦=用盡蝦材料嘅蝦拉麵💯落埋自家製蝦油🦐成個湯底昇華咗🫡麵身係偏彈牙嘅口感🤔食到尾啲麵都唔會好淋👍🏻湯底偏濃稠但清爽，濃蝦味又唔腥🥹最緊要係！！食完唔會口渴！好少食完濃湯拉麵唔口渴💮完全感受到老闆真材實料🏆本身見蝦尾咁完整✨仲以為未剝蝦殼原來蝦身已經剝好咗🥹無痛食蝦真係好正🫶🏻醬油生蠔 ⭐️⭐️⭐️⭐️⭐️$38蠔身大隻🤔醬油漬完唔會好咸👍🏻食到蠔嘅鮮甜味💯我去食個日見到幾個客食完都加單蠔😋夢王溏心蛋⭐️⭐️⭐️⭐️⭐️ $15食到一半見到有支夢王蛋旗仔🚩就加多咗隻溏心蛋🙋🏻‍♀️蛋味濃就大家都知，最重要係煮得夠流心😍總結：食物體現到老闆嘅心機同真材實料🥹全部食物都好有水準👍🏻唯一係個人比較鍾意食淋嘅麵😛希望可以揀麵嘅軟硬度，同埋始終係小店，少位置同坐位比較窄🫣等嘅時間都比較耐，但睇性價比嚟講真係無得挑剔🫶🏻鍾意食蝦嘅一定要去食🦐💯

今日 我終於有機會入到一間絕無味精 喺門口已經聞到 超級濃香鮮蝦味嘅一間隱世拉麵店 位於 尖沙咀漆咸圍 植幕宵其實我經過呢間鋪頭都兩次 但係因為佢哋一係就排長龍 一係就遇唔啱開門時間所以今天我特登 去搵機會食佢哋嘅招牌 濃香蝦湯麵 真係沒有失望 只有更多的期待 就係佢哋嚟緊嘅新口味點都好講返呢碗麵首先你可以 選擇 拉麵或者刀削麵 可以多蔥或者走蔥 我朋友就揀咗拉麵 我就食刀削麵 我試咗我朋友嗰一碗的少少拉麵 非常彈牙好有質感 配搭上蝦湯 直情係一種享受至於我的刀削麵 口感煙韌 配搭蝦湯 直情係上等佳餚 不可多得講下個湯 佢哋每天都會用新鮮嘅鮮蝦淆製 湯嘅味道 比起龍蝦湯更鮮甜 加上真材實料 沒有味精 飲完都感覺不到口渴再配搭上乾紅椒絲 櫻花蝦 令到成個湯 好有層次感 重中之重 就是 食之前加的蝦油 這種自家製蝦油是用九節蝦 慢火炒 再採用上等嘅油煉製而成 齒頰留香 真係 好耐冇試過一種咁有風味嘅感覺輪到蝦麵上的兩隻 九節蝦 鮮甜無比加上玫瑰露 又彈牙 又香甜 我忍唔住再加多三隻至於隻溏心蛋 係採用日本夢王雞蛋 深橙色嘅蛋黃 蛋味濃沃 直情正呀佢哋嘅小食唔多 一時有鮑魚 但是今天沒有

小店人氣幾旺盛，晚市六點開始已經有食客排緊隊。店內位置唔多，大概有八個座位。主食選擇就只有醬油蝦濃湯麵一款，然後可以再追加配料。 醬油蝦濃湯麵 ($118)• 麵底可以選擇拉麵或者刀削麵。•我揀咗拉麵、多蔥同追加咗糖心蛋(+$15)。• 湯底蝦味濃郁，周圍遍佈櫻花蝦乾，帶啲咸香味。• 油感適中，飲落去唔會好膩。• 拉麵會包三隻已經剝好殼、去角嘅鮮蝦，肉質好彈牙。• 麵嘅口感偏向軟腍，有丁點發脹feel，個人中意硬身彈牙款。• 追求口感建議揀刀削麵。• 整體係一個蝦味濃郁，但又唔係死咸嘅拉麵。• 改善埋麵質就非常好。 醬油生蠔• 口感好飽滿，蠔味唔算好濃，不過就同醬油好夾。• 醬油辣味集中喺蠔嘅裙邊位。

這碗日炒60斤蝦殼足料濃蝦湯搭配日本曲麵，絕對是一道讓人驚豔的美食！食得出係炒蝦殼炒至差不多焦的鮮味。曲麵的掛湯能力也很高，配再濃的濃湯，也不怕吃不到麵味。獨特口感和湯汁的濃郁蝦味相得益彰，讓人一口接一口地欲罷不能。炒蝦殼而熬製更是令湯汁更加濃郁，每一口都能感受到充滿濃郁的蝦香，蝦殼的熬製更是經過60斤的用心，整碗湯麵的味道非常豐富，令人回味無窮。這道湯麵絕對是一道令人垂涎三尺的美食，值得一試！見字飲湯，飲湯才是真正的靈魂了！

早兩月已經喺媒體知道呢間蝦麵專門店嘅存在，亦好佩服有人肯咁純粹咁堅持用人手同每日幾個鐘去熬製一個蝦湯底，相信喺日本都未必有拉麵店會咁做，所以千方百計搵機會去試，今晚，亦體會到顧客嘅熱情。 夜晚7點10分到達，門前已有人龍，數數店內僅有7個位(吧檯本來有兩個位，但如果坐埋客，會阻塞厨房嘅出路，所以坐晒得七個位)應該要等一轉。 排緊隊都已經聞到好濃烈嘅蝦香味，現場所見，食客都好體諒，用餐完都即時騰空座位以便其他客人幫襯。呢次排咗45分鐘先到我入座，如果大家想食，不妨早少少到，除咗節省排隊時間，亦可避免食品沽清。 當日店家只賣一款蝦湯底。可選拉麵或刀削麵。配菜本來可以揀溏心蛋、鮑魚、蝦同海螺，不過除溏心蛋外乜都賣晒，所以只係試到溏心蛋。店內見到夢王嘅旗仔，應該店內賣嘅都係呢款高級日本蛋。店內亦有供應汽水、波子汽水及啤酒等飲品。醬油蝦濃湯麵$118期待以久嘅蝦麵由老闆兼厨師DOMINIC雙手捧上枱，已見到濃稠嘅蝦湯底，蝦味撲臉而來，已經令我食慾大振，隨後DOMINIC手持一個日式小茶壺過嚟，話添加一啲鮮蝦油比我試吓，建議先呷一啖蝦湯先，再試吓加咗蝦

話說有一日睇到YouTube介紹呢間舖頭，望落好似好正，轉登搭車出嚟去試一到舖頭門口，已經排晒長龍，原來舖頭比較細，唔可以招呼到咁多人🥲等咗半個鐘，終於入座，其實咪入座之前喺舖頭門口已經聞到好大浸蝦湯嘅味道，作為蝦湯控嘅我，梗係要試吓佢嘅醬油濃蝦湯拉麵，雖然呢度既蝦湯麵剩係得蝦湯可以揀，哈哈😂！醬油濃蝦湯拉麵首先我第一啖就係試咗個湯先，真係好濃郁，試得出真係落咗唔少蝦落去煲，仲食到有唔少蝦肉碎！麵方面，我覺得就係中規中矩，如果啲麵可以索到多啲湯，我會覺得更加好😄如果唔鍾意食拉麵嘅朋友可以叫刀削麵，不過我同朋友冇叫，唔知味道係點啦😂至於嗰兩隻蝦用咗醬油去醃，醬油味好香，應該有玫瑰露，睇落普普通通，但係食落真係有驚喜😍！總括嚟講，我覺得係好食嘅拉麵，希望遲啲可以擴充經營，舖頭大啲，咁佢應該會列入我既常食店舖名單之一😎

d 麵糊好將口，完全唔好食，又鹹d 湯底，完全唔符合期望，仲要d 蝦好腥味，唔夾個湯，希望佢可以改善下麵底， 同埋完全冇醬油味，唔會再黎，因為口感真係好奇怪，希望佢會改善

醬油蝦濃湯麵🍜蝦湯好鮮好夠蝦味又夠濃 湯底真材實料👍拉麵同刀削麵都好煙韌蛋都好有誠意🤩本身想叫埋鮑魚但兩點幾賣哂下次早啲去😍佢哋仲會問我地夠唔夠食唔夠食可以免費加底😍希望佢地可以做大啲咁可以多啲位坐👏

植幕宵又一排隊店，舖頭位於尖沙咀韓國街果邊，比較不顯眼的位置，一入舖頭果條街，遠處見到有人龍就知已經搵到間舖，假日晚上七點幾，等咗大概半個鐘頭就入得，舖仔細細，基本上得三個地方可以坐客食嘢，但好彩好多食完都立即走，食物又唔會整好耐，所以都算快入得，店內其實都獨孤一味賣濃湯蝦麵$118，但可以選拉麵或刀削麵，蝦麵湯香濃，喺出邊排隊即使戴咗口罩都聞到佢嘅香味，濃得嚟又唔會好鹹，可以免費加麵，拉麵口感適中，唔會煮到好淋身，啲蝦剝晒殻，方便食用，加錢要鮑魚$30同蛋$15，鮑魚都大隻，淋身入味，蛋做到流心，顏色鮮色，服務好好，整體來講不錯.#拉麵#🍜#蝦#🦐#濃湯#ramen#ラーメン#尖沙咀#排隊#蛋#egg#たまご#shrimp#えび

三月底我和 boyfriend 看 YouTube 片介紹蝦湯拉麪專門店「植幕宵」以及其老板 Dominic，看完即想一試。三月卅 (週四) 晚決定去試。當晚老板和三名全男班員工共四人，招待我們的侍應生彬彬有禮，令我們感到如在家中一般。我們點了兩碗醬油蝦湯拉麪 (蔥的分量可以自行選擇，我們註明要多蔥)，另加兩隻流心蛋。原本也希望試試鮑魚，可惜當晚鮑魚已經售罄侍應端來蝦湯麪，另加的流心蛋置於麪中一併上枱。蝦湯十足真材實料，蝦味濃郁。用的蔥是近蔥頭的白色部分而不是平常拉麪館使用的綠色部分，更加入了乾紅甜椒 (paprika) 絲，令已經更濃烈的蔥味再添一股香味。另外，湯也加入了少許花椒。本來小弟是最不喜歡正常麻辣的，但那少少的花椒，帶來微微的麻辣感，卻突顯了蝦湯的鮮味這個湯的濃稠度非常高，輕而易舉地掛上麪條。麪條不錯，唯一美中不足的，是分量偏少，而且不設替玉 (追加麪)，可惜。他們也提供刀削麪，但我們沒有試，因此無可置評。兩隻鮮蝦味道鮮美，連頭但去殼，不用自己慢慢剝殼，值得一讚！好物尋歸底，原來我們最後吃的流心蛋，正是最後的驚喜！他們全隻蛋完整奉上 (不少拉麵館把流心蛋切半奉上，這種做法是