翡翠拉麵小籠包 (已結業)

來到杏花新城，有不同的食肆可供選擇。發現久遺了的拉麵店，所以就選了這間來一個午餐。點了菜肉雲吞湯拉麵，味道不錯，麵質也好。最美味的是湯底有一陣藥材味，在寒冬下品嚐，特別有一種暖胃的感覺。再配一杯羅漢果茶，突然覺得整個人都舒泰了不少，很寒冷的身體注入新能量。

今日放假同男友專登揸車入杏花新城去行下outlet,睇下買唔買到心儀貨品！！聽講outlet d野特別平，但我地行曬咁多鋪頭都冇野睇🉐️中最後就落番地下黎左呢到食野.因為假日關係我哋嚟到已經推滿晒人，所以就企左係到等位啦，慶幸都唔係等左好耐 就到我地了入到去即刻坐低點菜，野食都好快送上如果有𣿬豐信用卡仲有優惠添🙊涼伴海蜇 ：咬落去好彈牙好爽口 正肴肉 ：食落去幾特別 整得味道岩岩好清牛肉湯麵：D麵完全冇味 好難食紅油抄手：有d辣辣地幾過引 食上海菜必點：小籠包 咬落去超多湯又夠皮薄糖醋青衣柳 酸酸甜甜好開胃魚塊炸得夠脆 但偏硬左d😩食落去淡淡魚肉 尚算OK

想食上海菜，途經呢區原來呢度都有分店，唔駛等好耐就可以入座！叫了呢碗酸辣面，湯底濃味稠杰，味道酸中帶辣，見到面層橙紅色辣油唔講得笑，愈食愈辣兼有少少㖕口，個人黎講可以接受！材料都幾豐富，包括豬紅、荀、旦絲、肉絲等，面方面唔會煮到變面糊，口感分明！另外叫多個小籠包，皮唔太薄，咬下去充滿湯汁，點少少醋食，味道唔錯！

朋友話行杏花商場，我真係O爆咀，有乜好行？？原來係有四份一改做運動Outlet，咁不如去睇吓、買吓，行到累，就地揀幾年冇食的翡翠拉麵。點之……原來一切已過去，包括服務和味道。青菜煨面，今晚唯一一道我可以欣賞的。雪菜咸肉炒年榚，雪菜味道還可以，年榚為咗方便大家入口，煮到好腍好腍……乜，年榚的口感不是應該有點韌，才有點口感的嗎？宮廷醬茄子，當初滿期望的一道菜，我也不知道這是不是應該是涼盤，可能只是我感覺是涼的吧？不過茄子也不需要熱到吐番出來吧？怪我不懂欣賞這道菜。上海小籠包，皮頗薄，內埋用料多，但是真是太多，弄到很容易在拿起時就弄穿，精華就這樣流走了…………可能我真的太耐沒吃過翡翠拉麵了，我真的已不懂欣賞這裡的味道，所以連點菜和埋單也等了很久，服務員也不看我一看，可能地下比我更吸引。

杏花邨平日Lunch 時間， 唔驚無位。Special Lunch Set Menu 包個點心，一個主菜，同杯嘢飲。 好抵食又飽， 如果唔食太多，4個人叫3個餐夠晒。我地試左個上海粗炒麵，五香牛肉拉麵，同菜肉雲吞湯拉麵。小食要左脆皮春卷同蒸鮮肉包。整體好足料，拉麵份量多，牛肉都份到一人一大舊。雲吞有5件，食完一件都飽啦。上海粗炒麵雖然望落唔大碟，但食落都唔少。反而味道上就淡左少少，尤其係牛肉拉麵，個湯好清完全無五香味，要加辣油先好dd。小食都不過不失，菜肉包一客兩件，啖啖肉，春卷4件，好脆。跟餐包杯豆漿

醉豬手，酒味香濃，豬手軟冧，好味！ 略帶酒香，色香味俱全。炒菜夠鑊氣，菜冇渣，而且菜本身都好新鮮，鮮甜清爽。瑤柱蛋白炒飯，炒得好乾身，唔會鹹，再加埋粒粒菜，加強咬口，好味道呀!

同長輩聚餐，諗爆頭都唔知應該去邊食，後來記起杏花村有翡翠拉麵，而且唔太要等位，所以就決定去嗰度。星期五晚，比平時多人，但我地一行七人等左10分鐘左右都入得。我地叫左好多嘢食，都係啲例牌嘢，小籠包，擔擔麵，嫩雞煨麵，醉雞，雞絲粉皮呀咁。上菜速度都幾快，不過小籠包黎到唔算熱，只係暖，唔知係咪已經一早蒸定，因為後黎我地再加單嗰陣就等左15分鐘先黎到。啲食物都係不過不失，服務還可以啦。下次如果諗唔到食咩都可以再黎。醉雞嫩雞煨麵豆苗排骨麵雞絲粉皮酸辣湯拉麵小籠包

連鎖餐廳食物質素一般都正正常常嘅如果唔好食可能係大廚今日心情唔好😂😂😂😂😂今日同屋企人一行四人黎呢個商場商場又開始番新，得最下一層d餐廳無咩影響不過就有一陣裝修味又好似天拿水咁所以選擇坐餐廳入面嘅位無咁勁不過入面冷氣就勁d😅😅😅😅😅點左個宋嫂魚羹。。。好咸一般般前菜點左呢個叫烤夫？忘記名lu不過味道都好一般叫左個鍋巴配蕃茄酸汁如果鍋巴可以再炸得香脆d會更好生煎包有肉汁在入面，一咬落去都不錯只係不夠熱上海粗炒都比較咸甜品嘅豆沙鍋餅係最正嘅 甜度剛好又新鮮煎熱辣辣👍🏻👍🏻👍🏻小籠包忘記影相但都好好味

這個星期中午，我到了杏花村一趟，想嘗試下這間以拉麵和小籠包主打的餐廳，這間餐廳有茶位和加一服務費，在區內算貴，但因為中午有特價午餐，所以我仍決定到這兒試下。這次我的午餐配搭是百步蔥油餅和五香牛肉拉麵， 餐飲是熱豆漿，未上菜之前可一邊飲普洱茶，一邊等待食物。首先來的是百步蔥油餅，蔥油餅看上去是圓圓的，很像冬甩，食起來外面鬆軟，餅層的粉皮較厚，但餡餅味道很好，雖然感覺膩了點，但蔥味很濃郁清新，令蔥油餅減少了油膩感。跟著是五香牛肉拉麵，起初我對這碗五香牛肉拉麵感畏懼，因為牛肉看起來好像生的，但既然點了，無理由唔嘗試，於是只得硬著頭皮試一口，食落原來是熟的，但基於心中擔憂，覺得味道一般，拉麵很彈牙，感覺跟平日食到機器打的不同，應該是人手打的，風味十足。最後說的是熱豆漿，新鮮熱辣的豆漿，很好飲，可能因為有一段時間未飲過豆漿，覺得豆漿豆味很香，味道不俗。總的來說，這午餐很飽，而且很豐富，但中午設有茶位和加一，以中午餐而言價錢比較偏貴。

今次介紹好抵食既下午茶，每位$38，包一碗麵、一個小食同一杯飲品。﹝但呢個下午茶只限星期一至五，茶錢全免，但仍要加一。﹞朋友揀咗酸辣拉麵，酸辣味中，十分醒胃。我揀咗菜肉雲吞，初時覺得冇咩味，加咗少少鹽後就即刻好味番晒，菜肉雲吞唔會因為係下午茶而縮細咗。迷你豬肉包同迷你豆沙包都係剛蒸好上菜，熱辣辣既包一定好食，唔會差得去邊。最好味既竟然係熱豆漿，又係熱辣辣，唔太甜。整個下午茶既份量適中，食完啱啱好。

肥妹生日同屋企人食個晚飯由於大家都太懶 唔想走動太遠所以近近地食個小籠包算啦去得翡翠拉麵 點可以唔食小籠包唔洗講 有品質保證 皮薄 肉夠軟滑仲要個湯仲喺裏面 熱辣辣嘅鱔糊 鱔爽口 夠入味 我覺得濃左少少但兩老就好喜歡 因為好送飯仲叫左五柳魚 偏酸 而個汁唔夠稠唔可以突顯到個炸魚嘅口感仲有炒年糕 可能我食比較清淡我覺得上海菜都係較濃味 同多油雖然配左青菜 但此終油較多服務尚可 但結賑需時姐

好耐好耐以前呢度係delifrance後來因為佢實在太貴執左變翡翠拉麵小籠包同阿媽食午餐要了一個午市套餐50蚊 有麵 有一籠點心點了一個椒鹽小黃魚呢度d麵 湯有些面有些硬但椒鹽小黃魚實在好吃金黃焦脆建議如果想醫肚子only就食午市套餐不過不失想食多d好味的再點多d同阿媽黎埋單100幾蚊

前幾日病左就落杏花邨睇醫生。見仲要等成個鐘就落左佢條美食街睇下有咩食啦，先見原來對比起我上次嚟已經開多左好多間食肆。跟住又發現原來開左間翡翠拉麵小籠包，鐘意食上海野嘅我就迫不及待入左去啦。我就嗌左個紅燒牛肉麵，同埋一客小籠包啦。麵嘅湯底算唔錯啦，唔會太淡，麵質亦十分ok。只係牛肉唔夠嫩，好難先咬得開令成個麵整體減左好多分。小籠包味道係幾好嘅，但就略嫌入面嘅湯唔夠多同埋熱啦，但肉嘅味道都算幾好，唔錯啦。埋單價錢算係合理啦，整體服務都幾好嘅，可能係因為我用餐時間並唔係繁忙時間啦，入面嘅食客人數亦都唔算好多，同其他分店比，呢間算係不過不失啦!

翡翠拉麵小籠包上海炒年糕其實之前食過幾次都覺得幾好食不過今次就燶左少少 食落有陣燶味 老抽亦都好似落多左少少 顏色頗深但係整體上唔錯肉絲冬茹黃芽白同埋年糕比例岩岩好全部都好入味每淡都可以有餸同埋年糕仲有兩棵小唐菜百寶素鵝香脆既腐皮入面包住醬油煮過既雜菌點埋酸酸地既喼汁 層次,味道,口感都好豐富份量好足夠 一碟有成十二舊我相信呢間鋪頭唔單只百寶素鵝好食我好期望下次再黎會食到更多好野

因為這天要到柴灣去上一個食物攝影的工作坊, 要在杏花村轉車, 所以午飯順理成章就在杏花村解決。這一邊的食店選擇不算少, 但我好像很久沒吃過翡翠拉麵小籠包這個品牌, 見到有位, 沒有多想就決定來吃。被安排到店裡坐 (不是"露天" 的位置), 正是人來人往的通道, 感覺有點繁忙但我也不是很挑剔, 算了吧。食物方面其實也不用多費心, 因為我只需要挑素菜的來點就可以了。涼拌素八仙這一類功夫多多的涼菜還是上館子吃比較省事, 色彩繽紛的蔬菜跟豆干都切絲, 再用麻油等拌勻, 很是爽口開胃。蒸素菜包也是少不了的, 包身又軟又甜, 餡料裡切細的菜和冬菇等也有用麻油拌過, 所以也是香香的, 當然熱騰騰的包子是怎麼也會好吃的了!原來真正的食物攝影不是像我這樣的三腳貓功夫, 技巧上我還要多多鍛鍊, 現在大家還是對我不太吸引的照片多多包涵好了!