146
21
13
| 餐廳: | 彩福皇宴 (置富都會) |
|---|---|
| 資訊: |
為鼓勵食肆透過提供食物份量選擇和採取減少廚餘措施，與顧客共同從源頭減少廚餘，環境保護署推出了「咪嘥嘢食店」計劃，參與食肆如符合評核準則將獲「咪嘥嘢食店」認可資格和獲發「咪嘥嘢食店」的標誌及標貼，以供張貼於店舖內和宣傳，供顧客識別。此計劃全年均接受申請，申請費用全免。
詳情可瀏覽：https://www.wastereduction.gov.hk/zh-hk/waste-reduction-programme/food-wise-hong-kong-campaign
| 餐廳: | 彩福皇宴 (置富都會) |
|---|---|
| 資訊: |
為推動全港減鹽減糖新飲食文化及新生活態度，環境及生態局、降低食物中鹽和糖委員會及食物環境衞生署食物安全中心推出了「少鹽少糖食店計劃」，參與食肆會提供少鹽少糖選項予顧客，部份更會提供特定減鹽減糖菜式。參與減鹽減糖食肆會獲發計劃標誌，以供張貼於店舖內，供顧客識別。詳情可在此瀏覽：https://www.eeb.gov.hk/food/cn/committees/crss/restaurants.html
影片
營業時間
今日營業
08:00 - 16:00
18:00 - 23:00
星期一至日
08:00 - 16:00
18:00 - 23:00
以上資料只供參考, 請與餐廳確認詳情
一班舊同事晌疫情幾年都無約齊過出嚟聚一聚，就趁農曆年咁就梗喺乘機出嚟食番餐啦！因為就番大家關係，所以，定喺星期五晚，然而，好多酒樓都會有時限，結果，偏少少搵到嚟「都會廣場」嘅「彩福」，無時限之餘，又就得到部分住喺新界東嘅老友。雖然成日聽到話啲人北上搵食，不過，今晚嚟到「彩福」都算喺幾爆場。因為我哋有排傾，坐咗成晚，眼見有啲細枱翻咗一、兩轉。至於呢度嘅環境，同傳統酒樓差唔多，燈火通明，唔好見張相以為地方得咁細，其實有一邊間咗俾人搞宴會。同枱嘅舊同事對食都無乜要求，所以，我哋都喺叫返啲慣常小炒，本應佢有一張大嘅點菜紙，不過，忘記影低。大家眼見呢幾張餐牌都喺當其時「求其」影，實際當然唔止咁少款式。片皮鴨 $288呢道菜要預訂，唔訂未必無，訂咗就穩陣啲。由於我哋坐咗晌個角落位，所以，阿姐晌出面遠少少位置度片隻鴨，用咗隻「鴨仔」碟，配上大蔥、青瓜、甜麵醬，成份片皮鴨幾有睇頭。隻鴨燒得幾唔錯，皮脆肉嫩，油香豐腴，加埋啲配料以餅皮捲起嚟食，好有風味。不過，負責片皮嘅阿姐絕對好業餘，因為片到厚薄不一，有啲直情得層皮，有啲就連住嚿厚肉，多多少少都影響咗個口感。七彩炒鴨絲 $88叫得片皮鴨，無理由唔加少少錢揀二食，不過，話就話「七彩」，應該改為「銀翠」，因為喺以銀芽同韮菜去炒鴨絲。實際嚟講，炒得夠鑊氣，都幾好食，而且，大大碟夠份量。上湯焗西澳龍蝦 $388話晒當喺賀年，梗喺食豪少少，所以，揀咗一客龍蝦，並加埋伊麵底（+$30）。講明喺澳洲貨，又標明會有幾重，感覺都有信心啲，出嚟嘅成品亦都好唔錯，睇落絕對足秤，龍蝦肉非常之爽彈，而且好鮮甜，用咗上湯焗，無芝士咁「漏」，不過，略嫌啲伊麵有少少碎濕濕。鹹菜胡椒豬肚鯛魚片煲 $118除咗個龍蝦，揀多個海鮮類菜式，就喺呢個魚片煲，最搞嘢喺襯埋個鹹菜胡椒豬肚湯，感覺好似一個價錢食兩度菜咁，更好嘅喺呢個煲熱住食，啱晒呢排天寒地凍嘅日子。本身個鹹菜胡椒豬肚湯已經幾好食，加上啲鯛魚片好嫩滑，份量亦唔少，呢道菜可以講喺性價比高。石鍋珍菌百福豆腐 $98老友們食嘢都喺相對比較健康，所以多菜少肉，蔬菜類菜式都會揀多啲。先喺呢個石鍋豆腐。因為用上滾熱燙嘅石鍋盛上，所以由頭食到尾都夠晒熱焫焫，而裡面有好多菇菌，啲豆腐又夠滑，個醬汁調味道啱啱好，確喺唔錯。金銀蛋浸菜心 $96另一度蔬菜菜式就要清淡啲嘅，就揀金銀蛋浸時蔬，時蔬就揀咗菜心，因為阿姐話今日啲菜心靚，又即管試下，食落又確喺幾甜，而金銀蛋大家都知喺乜唔多講。原個椰皇燉燕窩 $52甜品方面呢度有好多選擇，不過，原個椰皇需要預訂，同樣地，無訂嘅話唔一定無，視乎當晚供應情況。我哋就預訂咗兩個，再加埋其他甜品一齊共享。講返個椰皇，打開蓋都睇得到非常足料，啲燕窩唔會碎濕濕，而下面嘅椰皇燉奶熱呼呼，好嫩滑，非常清甜，陣陣椰香，食完真喺好潤。紅豆桂花糕 $24一般嘅桂花糕賣相都比較晶瑩，但呢份桂花糕外觀就比較沉實啲，因為加咗紅豆，又喺可以講一個價錢食到紅豆糕同桂花糕。啲紅豆煮得幾綿，而且夠香甜，加咗桂花所以滲出陣陣桂花香，味道都幾夾。金箔芝麻卷 $30一碟有成6件，都只喺買$30，晌酒樓中都算抵食，再者加咗少少金箔，睇上去自然貴氣好多。而入口個人嚟講，都真喺算唔錯，口感夠挺身，咬落又帶點爽口，最重要就喺芝麻味夠濃郁。若非有啲老友住得遠，否則我哋仲有排傾，始終太耐無見，同埋今晚又喺最齊人，喺難得嘅機會。不過，依家已經復常番晒，相信第時出嚟再聚嘅日子都會多啲。
繼續閱讀
近近地到紅磡置富都會吃個晚餐, 鮮菠蘿拔絲咕嚕肉 $120非一般的咕嚕肉, 放了部分菠蘿外皮, 令賣相加分, 有新鮮菠蘿肉🍍及車厘茄🍅, 咕嚕肉非常香脆金牌脆皮燒雞(半隻) $38燒雞皮脆肉嫩又香口, 早前吃過之後實在回味無窮, 而且這價錢實在抵吃, 太心急吃了竟然忘記影相雲耳百合炒全齋 $95足料好味, 有雲耳, 百合, 蓮藕, 三色椒, 翠玉瓜及腰果黑糖薑茶糖不甩 $26黑糖薑茶味道濃郁滋養桃膠燉紅蓮 $28真材實料, 甜度適中, 非常滋潤很喜歡這裏粉藍色主調的裝潢🤩, 座位寬敞舒適, 招呼又好, 最重要是食物質素有保證, 價格又相宜
繼續閱讀
彩福皇宴 - 紅磡置富都會今晚喺紅磡食晚飯 見到彩福有晚飯優惠二選一 有蒸魚$88/燒雞$38選擇 都幾抵食 所以一試金牌脆皮燒雞 呢個炸子雞做得好出色 外皮香脆 內裏嫰滑有肉汁 再點埋鹹鹹地嘅南乳汁增添鮮味鮮菠蘿拔絲咕嚕肉 咕嚕肉當日就正常發揮 不過不失 仲配埋非常Juicy鮮菠蘿 真味帶子小炒王 呢個小炒王都有幾多材料 有帶子 蝦乾 腰果 韭菜花 紅黃甜椒 再用XO醬伴炒 而且夠鑊氣原個椰皇燉燕窩 食完小菜食甜品 呢個椰皇燉燕窩清清地感覺滋潤又養生 面頭仲有滿滿既燕窩彩福皇宴 (置富都會)紅磡都會道6號置富都會8樓821-822, 858號舖27660886#相機食先 #手機食先 #foodie #food #foodpic #foodphoto #yum #yummy #delicious #tasty #hkfood #香港美食 #美食 #hkig #ighk #彩福皇宴 #紅磡置富都會 #酒樓
繼續閱讀
小時候，總覺得紅磡是很遠的地方，時至今日，它是交通會聚中心，四通八達！這區的餐廳有著頂級交通優勢。環境靚，早些年有親戚在這裏擺婚宴，記憶猶新 ！優惠套餐推介，抵食組合 👍點了一家大細都喜愛的鮮菠蘿🍍拔絲咕嚕肉 $120菠蘿香甜味美，咕嚕肉甜酸開胃，外出用膳的熱門首選菜式再來金沙黃金蝦拼南瓜🎃 $108南瓜清甜唔硬，配合鹹蛋黃的沙沙口感，正！👍👍蝦隻肥大有肉，要是去殼就更理想 😂😂😂啫啫大澳蝦乾唐生菜煲 $108啫啫香氣撲鼻，生菜🥬爽脆，蝦干鹹香惹味 😋😋清蒸沙巴龍躉斑 $88，特價優惠菜式，性價比高！龍躉仔肉質鮮甜成一梳梳的，加上蔥絲豉油，平凡美味的家常菜。價錢公道，交通方便，是家常便飯的理想酒樓！
繼續閱讀