影片
更多
2023-05-09
58 瀏覽
終於可以回復正常生活，同朋友Happy Hour 完就去搵食，行左陣就見到呢間新開既隱世小店居酒屋岩哂我地，夠哂多選擇.坐低,waitress 就好細心咁問我哋想飲茶定水，岩岩Happy Hour 完，緊係揀杯凍茶解一解，清淡微甜既煎茶，先解身上既俗氣，悶熱心情全消居酒屋當然就要點串燒! 一口氣就叫左幾款必食.本身諗住等上齊d食物先至起動，但waitress好貼心咁提醒即燒需時慢烹，凍左唔好食.雞腎 Chicken Kidneys $35必備既串燒，口感彈牙，唔會過熟咬落去實而韌，唔會過生咬唔開，火喉岩岩好雞肝 Chicken Livers $35抱有好高期望，因為店員話佢地用日本雞肝, 所以燒到岩岩熟。果然無令我失望，先食到第一層燒汁，咬落去第一下係外脆內軟，中間湧現肝臟獨有「粉」既口感同甘香味，聚而不散，燒汁又唔會蓋過雞肝，有口感之餘又唔會鬆散化開全粉。牛舌心 Beef Tongue Core $68朋友食後感：坦白講，本身我對佢無乜特別期望，因為係好多地方都係common dishes，但食落去，我先知道我錯了，佢係非一般既牛舌，平時出邊食牛舌一係過熟咬極都咬唔斷好似𡁻擦膠咁，一
終於可以回復正常生活，同朋友Happy Hour 完就去搵食，行左陣就見到呢間新開既隱世小店
居酒屋岩哂我地，夠哂多選擇.
坐低,waitress 就好細心咁問我哋想飲茶定水，岩岩Happy Hour 完，
緊係揀杯凍茶解一解，清淡微甜既煎茶，先解身上既俗氣，悶熱心情全消
居酒屋當然就要點串燒! 一口氣就叫左幾款必食.
本身諗住等上齊d食物先至起動，但waitress好貼心咁提醒即燒需時慢烹，凍左唔好食.
雞腎 Chicken Kidneys $35必備既串燒，口感彈牙，唔會過熟咬落去實而韌，唔會過生咬唔開，火喉岩岩好
雞肝 Chicken Livers $35抱有好高期望，因為店員話佢地用日本雞肝, 所以燒到岩岩熟。果然無令我失望，先食到第一層燒汁，咬落去第一下係外脆內軟，
中間湧現肝臟獨有「粉」既口感同甘香味，聚而不散，燒汁又唔會蓋過雞肝，有口感之餘又唔會鬆散化開全粉。
牛舌心 Beef Tongue Core $68朋友食後感：坦白講，本身我對佢無乜特別期望，因為係好多地方都係common dishes，但食落去，我先知道我錯了，佢係非一般既牛舌，平時出邊食牛舌一係過熟咬極都咬唔斷好似𡁻擦膠咁，一係就熟得滯咬唔開，le個牛舌咬落去似咀嚼牛根既感覺，可以一口咬斷既爽口，咀嚼間既煙韌但又唔會痴牙，面頭既調味鹽適當地帶出成個牛舌既鮮味。
日本秋葵 Okra $38燒得岩岩好，又唔會太鹹。
甜薯 Sweet Potato $28所有串燒都調味非常到位，燒既程度亦非常適中剛好，好怕串燒成日會鹹到利都痛.
灸燒拖羅蓉赤身卷 Negi Toro + Akami Roll $188第一次試灸燒既拖羅蓉，賣相非常吸引，幾瓣菊花花瓣配以三文魚子做襯托，然後就係灸燒既拖羅蓉，中間再包左蟹子同赤身，
口感細膩，多種不同口感。
炙燒左口魚版裙邊 Seared Flounder Fin $28/pc輕輕一燒，魚油即刻入口噴出，肉質鮮嫩，油脂濃郁！
辣炒牛肉烏冬 Spicy Stir-fried Beef Udon $108用上稻庭烏冬，較薄較幼，唔會太油之餘又唔會黏埋一舊。微辣既後勁，口感岩岩好。
張貼
