影片
更多
2024-05-02
15 瀏覽
平時好鍾意去大館行下~亦好鍾意搵啲有live music 嘅餐廳或酒吧！今次就去咗依間可以一覽大館嘅靚景意大利餐廳~餐牌入面可以單點，亦可選套餐。分別有3 Courses $398 & 4 courses $498。我地就點咗 2份 3 Courses 。可以喺餐牌上自選： 1 Antipasti or Insalate + 1 Pizza or Pasta + 1 Dolci而部分食品需要加錢轉配～Borgo Alla Terra Chianti $480黎到一間咁有情調嘅餐廳，當然要飲返杯～我個人都幾鍾意意大利嘅紅酒，Chianti 好易入口，唔會太dry ，比較fruity. Cheese Breadstick $ 98［分數:7/10]簡簡單單嘅芝士麵包條，一共有四條，有少量巴馬臣芝士，麵包好鬆軟，配埋羅勒醬就更加惹味～Vitello Tonnato $198［分數:7.5/10]小牛肉配上吞拿魚醬，另外再加咗幾片芝士～小牛肉有啲似火腿，同吞拿魚醬味道都幾夾，對我黎講加埋巴馬臣芝士一齊食，絕對加分！Quattro Formaggi $218 (+$38 with Dinner
平時好鍾意去大館行下~亦好鍾意搵啲有live music 嘅餐廳或酒吧！今次就去咗依間可以一覽大館嘅靚景意大利餐廳~
餐牌入面可以單點，亦可選套餐。分別有3 Courses $398 & 4 courses $498。我地就點咗 2份 3 Courses 。可以喺餐牌上自選：
1 Antipasti or Insalate + 1 Pizza or Pasta + 1 Dolci
而部分食品需要加錢轉配～
Borgo Alla Terra Chianti $480黎到一間咁有情調嘅餐廳，當然要飲返杯～我個人都幾鍾意意大利嘅紅酒，Chianti 好易入口，唔會太dry ，比較fruity.
Cheese Breadstick $ 98［分數:7/10]
簡簡單單嘅芝士麵包條，一共有四條，有少量巴馬臣芝士，麵包好鬆軟，配埋羅勒醬就更加惹味～
Vitello Tonnato $198［分數:7.5/10]
小牛肉配上吞拿魚醬，另外再加咗幾片芝士～小牛肉有啲似火腿，同吞拿魚醬味道都幾夾，對我黎講加埋巴馬臣芝士一齊食，絕對加分！
Quattro Formaggi $218 (+$38 with Dinner Set)［分數:8/10]
雖然平時鍾意食肉，但Pizza對我嚟講，芝士絕對緊要過啲餡！所以就揀咗衣款加入咗幾款唔同芝士嘅Quattro Formaggi ！批邊好夠鬆軟，而芝士味當然濃郁非常，但鹹度相對比較高~不過配埋紅酒邊食邊飲都唔錯！
Salmone e Panna $218［分數:7.5/10]
另一道主菜就揀咗煙三文魚長通粉，同樣加咗芝士去提味，另外仲白酒、白蘭地同忌廉做個醬汁，好香好creamy~
Tiramisu Classico $118
［分數:8.5/10]
喺意大利餐廳，當然要試佢地嘅Tiramisu～芝士入口香滑，再配上層滿滿嘅可可粉，同中間2層加入咗espresso 嘅蛋糕，各方面嘅味道都好平衡。
Cannolli $128［分數:8/10]
第一次試呢款甜品~ 一份有3個，酥脆嘅脆筒入面係香滑嘅忌簾芝士，另外再有乾果、開心果同朱古力碎。有啲似港式嘅甜奶油脆筒，但衣款嘅忌簾就比較傑身同有感覺更豐富。
張貼
