Berrygood (已結業)

去完附近的教堂探sister之後，本來想飲cafe既，但係又經過呢間野，覺得佢幾chic就試下啦。呢間野淨食yoghurt，味道得原味，青蘋果味同swirl，即係兩溝，但配料就大把，花多眼亂呀。佢ｄyoghurt分三種size，最細個隻35蚊，得一隻配料，中個隻就多3蚊，但有兩種喎，咁梗係食中個隻啦。我地叫左藍莓、消化餅、raspberry syrup同chocolate chips的swirl。藍莓個味太搶，搶左ｄ青蘋果味，消化餅又整得唔夠碎，太大舊。raspberry syrup有ｄ似麥記的士多啤梨醬，但就唔會搶左ｄ青蘋果味，chocolate chips亦好脆。杯yoghurt真係好好味，地方又好坐，可惜杯野唔夠大，價錢貴，唔算太抵食，兼且個位好隔攝，所以都唔係太多客，真係驚佢執粒。服務方面，有兩個好似賓賓的人主理。一個就幾好，好有心機介紹，另一個面黑黑咁，見我地猶豫不決咁睇ｄ配料，就猛催人order。