Hakawa Chocolate (已結業)

偶然路過呢間鋪頭，我本身都係朱古力精，所以見到主打朱古力仲有72%同100%coco 選擇，咁就緊係要試一試佢啦。我選咗72%先，因為如果真係好濃的話around 70%係穩陣之選。全玻璃窗，睇到晒係用鮮奶加埋佢地精準磅重嘅朱古力粉混合加熱做成。飲入口，係真係液態嘅朱古力，好濃好稠，唔會有「水」嘅感覺。如果你唔係朱古力精鍾意「品」朱古力嘅香味、苦澀、酸度的味我會建議加返D糖。但我就覺得咁樣好啱朱古力精黎參拜。我鍾意咁嘅style, 我下次會試埋佢個100% 因為要balance 酸同苦同埋口感係有技巧的。