JAR Just-a-Restaurant (已結業)

原來尋日係我地電腦最叻個位同事生日，今最我地一班同事當然孖佢一齊去食生日飯啦！去邊好呢？諗左好多間，有SOHO 嘅森壽司 (肥妹無得Book位)，L Place 嘅 Linguini Fini (好滯)，又諗過柏廷坊 Twyst (成日食)，所以最後去左 SOHO 嘅 798 Unit & Co.- JAR (Just-A-Restaurant).個 Menu 同我上次黎食無變，只係個 Salad Bar 少左個煙三文魚。食物始終都要有返咁上下實力先可以係SOHO區立足咁多年。一講起 798，我第一件事就諗起佢用麻帶袋載住熱辣辣嘅麵包，又香又軟，配埋牛油簡直一絕！另外我記得上次同事食嘅 Burger, 厚到無論，所以今次一於建議壽星仔試試。我因為朝早食左個雞球大包做早餐，所以就同班靚女同事一樣點左個 Spring Chicken，無咁滯。個 Burger 一流！正過 Triple O，個雞又燒得剛剛好，滑流又唔乾！讚！百幾蚊有咁嘅質素，又食你到飽，仲有甜品，你仲唔行動？！