MEATS (已結業)

是次午市時段去食無用左restaurant week offer, 有兩個appetiser, taco fish and beef, 主菜揀左牛扒同煎三文魚，最後甜品係chocolate brownie with ice cream. 個到既環境就正常啦無咩特別，服務就麻麻地，上菜速度都算快既。首先taco fish其實唔錯喎！個炸魚整得好脆好香口，加埋d覆覆地既醬汁一流呀。至於個beef食落質感就似Parma ham既，但加左汁所以偏咸，不過個牛係幾好食。至於main, 個牛整得ok, 唔會overcooked而肉味都夠重既，兩個main都配左side dish係菜，分開上既，牛就仲有薯條又係另上。煎三文魚ok既，個皮煎到好脆，但肉可以再淋小小，薯條就係幼身，無咩落鹽幾好食。最後甜品就不過不失啦，唔會話死甜，食落還好但未話好好食。整體上其實佢大大份係好抵食既，食完都好飽，不過食一次就夠，未必會再黎試多次。