西貢金雞海南雞

營業中

休息中

九龍城假日，無論大舖小舖都大排長龍，估唔到呢度唔洗點排隊質素都唔錯喎！以後去九龍唔洗淨係諗到泰國菜喇！呢間海南雞飯都唔錯，雖然係快餐店形式，但呢個錢價，係超值左既。我地5個人，叫左個4人餐，加碗油飯，好夠飽，又冇野剩，真係好抵食！香手刴咸魚蓉肉餅，香脆可口，咸魚加上薄薄既肉飯，煎得非常香口，送飯當然一流啦！油飯有少少炸香既蒜粒，令本身都好香既油飯更加惹味。例湯就一般，那天係南瓜湯。馳名滷水西貢狀元蹄，都几大隻下，煮得又夠淋，見到D骨膠原就好開心喇! 雖說是滷水，但又唔係好食到滷水味，但好味就夠啦！至於主菜呢，起晒骨賣相已經好吸引，雞皮有少少肥，但肉滑就好香滑。