金牛火鍋飯店 (已結業)

火鍋真的百吃不厭,但香港好食又抵食的店舖真的選擇不多,金牛絕對是首選,雖然此店完全不起眼,很多人可能平日成日經過都未必會入去食,確實金牛環境簡陋,座位擠迫,但食物水準真的好過很多同區出名火鍋店,我特別推介金牛的海鮮湯底,這個真的非常抵食,一個海鮮湯底百幾蚊,居然會有2隻超多膏奄仔蟹,仲有新鮮大蜆,再加幾隻海蝦(無錯,絕對係游水海蝦,唔係基圍蝦)如果散叫這個價錢可能只叫到一兩款海鮮,這裡的牛也超讚呀,鮮紅色的手切牛保證新鮮,而且很香牛味,絕對不是雪藏貨呀!我平日不好肥牛及肉類都忍不住一食再食!雖然我只去過2次,但2次都保持水準,火鍋料又新鮮!不會因為人多就會份量減少或質素下降!真心推介!小店真的有小店好呀!連鎖店沒有人情味,這小店就不同呢,職員見我們只得2個人叫得太多,立即阻止說太多了,先吃後如果不夠再叫吧,不然便浪費食物又浪費金錢呢!但如果想去試吃朋友最好訂位,如果即興的話,便要早些去了,不然一定沒位啊!因為店舖確實很細,我看到這家店不會因為做生意而趕客,亦不會催促你結賬走呀!我看到周圍很多熟客都一邊吹水,一邊慢慢食,老闆間中也會和熟客閒話家常呢!