更多
2009-07-01
31 瀏覽
全篇: http://hk.myblog.yahoo.com/goodboy_philip/article?mid=35360好唔好食又睇落去 284 回: 即叫即燒乳豬@新斗記大家有無試過唔見左野? (廢話!!) 最近我唔見左兩張裝住好多相既 CARD, 裡面有好多令人睇完流口水既閃卡...OH NO...講番今次食咩野先? 友人 F 生日, 大家去左佐敦新斗記食乳豬, 好唔好食?又睇落去?有一堆食客等緊位, Book 左七位, 等左十幾分鐘就坐得低喇!無無聊"忍"下相...大門口隔住玻璃可以望到入面點樣燒乳豬架! 即叫即燒咁就包保原汁原味啦!地址: 佐敦長樂街18號18號廣場地下及1樓撚手小菜...令我諗起古天樂既: 省姐撚! 撚軚撚!人未到齊幫可樂賣廣告先!鹵水鵝掌翼: 係店內名菜, 不過鵝掌鳳抓呢類要 "輪" 既個人就唔太喜歡...鎮店鹵水乳鴿皇: 另一名店內菜, 乳鴒鹵得入味, 肉亦鮮嫩皮也很滑。窩貼小棠菜: 窩貼煎得洽到好處, 好咬好咬!0者0者唐生菜煲: 超熱好香! 一定要趁熱食!椒鹽鮮魷: 鮮魷非常非常爽口彈牙! 外層炸得鬆化! 椒鹽味道合心意! 好味!薑蔥美國桶蠔煲:
http://hk.myblog.yahoo.com/goodboy_philip/article?mid=35360
好唔好食又睇落去 284 回: 即叫即燒乳豬@新斗記
大家有無試過唔見左野? (廢話!!) 最近我唔見左兩張裝住好多相既 CARD, 裡面有好多令人睇完流口水既閃卡...OH NO...講番今次食咩野先? 友人 F 生日, 大家去左佐敦新斗記食乳豬, 好唔好食?又睇落去?
有一堆食客等緊位, Book 左七位, 等左十幾分鐘就坐得低喇!
無無聊"忍"下相...大門口隔住玻璃可以望到入面點樣燒乳豬架! 即叫即燒咁就包保原汁原味啦!
地址: 佐敦長樂街18號18號廣場地下及1樓
撚手小菜...令我諗起古天樂既: 省姐撚! 撚軚撚!
人未到齊幫可樂賣廣告先!
鹵水鵝掌翼: 係店內名菜, 不過鵝掌鳳抓呢類要 "輪" 既個人就唔太喜歡...
鎮店鹵水乳鴿皇: 另一名店內菜, 乳鴒鹵得入味, 肉亦鮮嫩皮也很滑。
窩貼小棠菜: 窩貼煎得洽到好處, 好咬好咬!
0者0者唐生菜煲: 超熱好香! 一定要趁熱食!
椒鹽鮮魷: 鮮魷非常非常爽口彈牙! 外層炸得鬆化! 椒鹽味道合心意! 好味!
薑蔥美國桶蠔煲: 成煲上熱辣辣 "支支聱", d 油仲彈下彈下, 蔥爆蠔好香!
香蔥連薑爆, 個"顯" 打得好好味, 隻蠔亦有肉地, 都係好味既餸! d 汁撈飯又係一流!
金牌即燒乳豬: 登凳! 即叫即燒既乳豬出場喇! 乳豬皮切得好簿, 熱辣辣唔在講, 咬下脆到 "擦辣擦辣" 聲! 推介!
如果想食肉既, 揭開豬皮個底就見到架喇! 題外話, 講起豬皮諗起舒淇 , 佢近牌談及有關黎明既說話: "我已經將同佢一齊既記憶刪除!" 真係好厲害! 要 "刪除" 一個深愛過既人真係要好大既力氣!
燒鵝瀨粉: 呢個燒鵝瀨令我諗起興記既好味燒鵝瀨, 新斗記既燒鵝肉好味到要舉起個 "十分" 分牌, 不過個湯底就普通左 d, 如果可以以興記既湯底加新斗記既燒鵝肉咁就 perfect 喇!
臨離開時見到 黎明....個老闆, 個阿爸, 個老婆, 睇你知唔知道邊個?
埋單千一每人二百唔使, 味道仲唔錯!
環境: 3.5 (店分兩層, 中式裝修, 有房有廳, 坐得舒服。)
衛生: 3 (ok!)
服務: 3 (正常)
設計: 3 (MENU 圖片文字清楚)
味道: 3 (整體唔錯, 對每一味餸都無投訴! 即燒既乳豬當然係必食之選!)
價錢: 3 (餸菜每味由 $60-$130 不等, 半隻乳豬 $258。)
最終評分: 3 晚飯小菜都係一個好選擇!
新斗記,燒乳豬,乳豬,日本,好孩子
張貼