神燈海鮮酒家

營業中

休息中

夜晚佐敦收工，搵下有咩食既期間，見到呢間個名幾特別既酒家，又見到門口特色小菜介紹，就入黎試一試。餐牌上有個「環球三蝦祭」，就叫左其中兩個：「星洲麥皮蝦」同「法式蜂蜜芥末蝦球」。呢兩味蝦確實有驚喜，「星洲麥皮蝦」用原隻大蝦(唔係蝦仔^^)、「法式蜂蜜芥末蝦球」就用蝦球(唔係蝦粒^^)，所以食落d蝦既口感係爽口彈牙、實肉有鮮味。雖然兩味都係蝦🦐🦐🦐但食法完全唔同。 「星洲麥皮蝦」原隻大蝦配上麥及蛋炒埋，食落口有少少奶油味又加上有麥皮既甜香，口感脆香，但記得趁熱食，放耐左麥皮就無咁脆口。 「法式蜂蜜芥末蝦球」蝦球被薄薄既炸漿包住，再配上特製既醬汁。雖然醬汁有芥末，但不會嗆喉，加上蜂蜜既甜，有種微酸帶甜既感覺。 「鮮沙薑豬手粒」豬手切成細細粒，一口一粒，特別之處係用上鮮沙薑帶出沙薑味而不是比碟沙薑醬你點，所以沙薑味更香更有新鮮感。 「神燈小炒王」除左有豬板筋、四季豆、腰果、蝦乾，仲加左馬蹄同埋油炸鬼，油炸鬼十分脆口，馬蹄又夠爽甜，而加埋少少微辣，鑊氣夠加上口感非常豐富。 「即燒古法金錢雞」傳統懷舊菜式，瘦肉、雞膶，肥豬肉串成，即叫即燒，雖然有一大舊肥肉，但配埋柚子汁後，油膩感減去，多一份甘香。