佳記甜品 (已搬遷) 新店位置

好久之前已試過B仔(大坑渠)那間有3次之多，感覺好迫夾，而涼粉甜品等又不凍唔新鮮的，點食呀！？印象真的麻麻。今天遠度而來探親友，吃飽一頓豐富味美嘅晚餐後來一個B仔涼粉，今次唔係大坑渠那間了，而係試試又新街那間。估唔到依家B仔人氣仲咁旺，簡樸風味依舊，舖外全街都係摺枱 ，我們7人好不容易才等到位子呢。B仔涼粉果真名不虛傳，一大個鮮果涼粉放在眼前，足夠我們分享了。涼粉唔算有乜特別，但尚算冰凍！生果賣相十足 : 有奇異果、香蕉、哈密瓜、西瓜、椰果、蜜瓜、木瓜、士多啤梨、火龍果、大樹菠蘿等。生果鮮甜，配上少許淡奶，好味！每人可以分到足一碗，幾抵食啦。Overall黎講，B仔涼粉冇咩驚喜，只係合格 ( 比起之前已進步返多少)。環境其實不大好也不乾淨 (因在馬路邊)，背後亦很多人等位，而服務員態度亦一般，但一家人可以坐埋分享大甜品、吹下水，feel so good！