那個ㄋㄚˋ ㄍㄜ (東寶大廈)

營業中

休息中

平日下午唔駛排隊，便入去試試。便當同麵類都好大份，排骨遮蓋整個便當，裡面仲有配菜，好滿足。味道有台灣的味道，可是很重味精，食咗唔止口渴，仲覺得氣促胸口悶，好唔舒服，要大量飲水。飲品個杯好靚，但味道一般，茶底好澀，又無咩茶香味。服務就麻麻，店裡只得兩檯客，其他檯都無人坐，但堅持要齊人先俾入。無論外賣或有長者都要企喺門口等，完全唔識得變通，第一印象已經唔好。仲有，最離譜係客人喺度食嘢，幾個侍應大大聲喺附近講屎尿屁，聽到即刻想反胃。我唔介意你哋傾計，但請顧及客人感受，尊重客人也尊重自己。