影片
更多
2013-08-27
8 瀏覽
大圍開咗好多新舖頭，要試晒佢都有排試，今日就揀咗呢間屋子。門口望入去覺得裝修幾靚，一大扇木趟門，兩旁係落地玻璃，但呢個設計有一個缺點……佢哋嘅餐牌放喺左邊玻璃，度木門又係趟去左邊，照餐牌嘅燈又唔算太光，哄埋少少睇咁啱又有人開門的話都幾危險，見過有位女士差啲俾度門撞到，開門嗰兩位後生仔可能唔為意左邊發生咗咩事，又開多兩次門望下入面有冇位，應該兩邊都要有告示提下客人。入到去覺得有少少細，唔可以好Relax咁坐但都叫做OK嘅。一行兩人，叫咗個和風沙律、海老天婦羅冷烏冬同埋炸牛肉餅。先上枱嘅係烏冬，上面鋪咗好多菜，雖然同個沙律重疊咗……但食多啲菜都好嘅健健康康，之後係底下嘅烏冬，彈牙有嚼勁，真係做得唔錯，但成碗嘢嘅敗筆喺兩隻蝦天婦羅度，首先，真係好細隻，我上到嚟睇返人哋啲相，啲蝦好大隻喎，對比我嗰晚食嘅，大約得一半咁大（都未必有添），其次，可能個漿粉開得唔好，一望落去，舊嘢好扁，唔係普通天婦羅咁向四方八面鬆開，個皮好硬，要用力咬落去，同鬆脆嘅天婦羅完全係兩回事，非常差。至於個沙律，普普通通，冇咩缺點亦冇咩驚喜。炸牛肉餅，可能之前嗰兩隻天婦羅令我太失望，所以我對佢冇咩期望啦，但呢個又整得幾好食喎
今日就揀咗呢間屋子。
門口望入去覺得裝修幾靚，
一大扇木趟門，兩旁係落地玻璃，
但呢個設計有一個缺點……
佢哋嘅餐牌放喺左邊玻璃，
度木門又係趟去左邊，
照餐牌嘅燈又唔算太光，
哄埋少少睇咁啱又有人開門的話都幾危險，
見過有位女士差啲俾度門撞到，
開門嗰兩位後生仔可能唔為意左邊發生咗咩事，
又開多兩次門望下入面有冇位，
應該兩邊都要有告示提下客人。
入到去覺得有少少細，唔可以好Relax咁坐但都叫做OK嘅。
一行兩人，
叫咗個和風沙律、海老天婦羅冷烏冬同埋炸牛肉餅。
先上枱嘅係烏冬，上面鋪咗好多菜，
雖然同個沙律重疊咗……
但食多啲菜都好嘅健健康康，
之後係底下嘅烏冬，
彈牙有嚼勁，真係做得唔錯，
但成碗嘢嘅敗筆喺兩隻蝦天婦羅度，
首先，真係好細隻，
我上到嚟睇返人哋啲相，啲蝦好大隻喎，
對比我嗰晚食嘅，大約得一半咁大（都未必有添），
其次，可能個漿粉開得唔好，
一望落去，舊嘢好扁，
唔係普通天婦羅咁向四方八面鬆開，
個皮好硬，要用力咬落去，
同鬆脆嘅天婦羅完全係兩回事，非常差。
至於個沙律，普普通通，冇咩缺點亦冇咩驚喜。
炸牛肉餅，
可能之前嗰兩隻天婦羅令我太失望，
所以我對佢冇咩期望啦，
但呢個又整得幾好食喎，
份量又夠，炸得鬆脆，
可能個天婦羅真係漿粉累事。
之後就叫咗兩杯嘢飲，
同埋一個栗子窩夫，
由於兩杯飲品好普通……我對佢哋已經冇乜印象，連名都唔記得。
相對地個窩夫整得好好，
外脆內軟，又夠香，上面嘅栗子茸亦都夠濃唔失禮，
呢度嘅甜品可以再試。
題外話/補充資料：
可能樓面得一個嘅關係，好多時佢做到踼晒腳都冇乜心情同時間留意細節，
兩個人share一個麵，叫咗佢幾次先拎到個碗仔，
另外做到木無表情，睇得出佢好緊張了……
(以上食評乃用戶個人意見 , 並不代表OpenRice之觀點。)
張貼