醬堡 (已結業)

見呢間burger舖都開咗一陣，趁而家wfh就買個lunch 嚟試下。一入去嘅時候聞到好香嘅burger味，但拎到返屋企試咗第一啖之後就好失望🥶《川式麻辣醬堡套餐: 配薯條+生果盒》Burger: 自己本身好鍾意食辣野，本身對呢一個麻辣X漢堡包嘅配搭都幾大期望，但食咗第一啖就知賴嘢😫以為係醬汁出事？nonono! 係塊牛啊！從來未食過一個burger入面嘅牛係咁乾...🥲食曬成個包，所有汁都來自個sauce同蕃茄，成塊牛一滴汁都冇...冇諗過一個60幾蚊嘅burger仲乾過金拱門嘅包😰薯條: 粗薯條，普通，唔香口亦冇乜調味。冇薯條嗰種食完一條想再不斷食嘅感覺。不過可能因為我係拎返屋企食，所以影響咗薯條嘅質感。生果盒: 入面所有生果都好唔新鮮...🤢啲提子好似係超級市場就快過期特價買返嚟嘅質素...後悔自己懶健康唔揀汽水而揀咗生果盒🤣真心建議店主用心搞返好個食物質素，最首要改進嘅一定係舊牛(認真舊牛真係唔合格🙅🏻‍♀️)。作為一間賣burger嘅餐廳，如果連最靈魂嘅食材都做唔好，真係唔會令人再返嚟幫襯。生果個方面，如果冇budget入靚生果不如索性唔好要，俾多d錢去買d高質嘅牛肉會仲好。唯