影片
更多
2014-03-10
496 瀏覽
時值2月14情人節，雖然仲係孤家寡人，不過現充梗係唔會俾自己一個人過，咁就約朋友去食情人節大餐，因為好遲先搵地方，所以好多地方都Full Booking，偶然見到Baby Mushroom仲有位，而且套餐價錢唔算太貴，就快快手去落訂Book位。$388 情人套餐酥皮焗黑松露野菌忌廉湯 ，酥皮焗得幾脆，而且唔會厚身得好過份，湯非常足料杰身，味道濃鬱，預想以外地好。情人節特飲 ，另外加錢試嘅，因為餐前想飲啲嘢又唔想飲酒，就試吓呢款由唔同果汁混成嘅特飲，味道係幾特別，一開頭有少少唔慣，不過飲飲吓覺得都唔錯。意大利特式雜盤 ，由蕃茄多士、風乾火腿、沙樂美腸三樣小食組成。多士入口香脆，配上意式蕃茄沙津唔錯，不過沙律入面生洋蔥較多，一下咬中會覺得好辣口。沙樂美腸有少少梅，而風乾火腿亦比較咸，不過以咁嘅價錢我絕對會接受。香草牛油扒海鮮配意大利飯 ，海鮮配料雖然每種只一一、兩件，不過款色算多，而且剛剛好唔Overcook，意大利飯幾入味，水準OK。肝醬野菌焗牛柳 ，相比起意大利飯我比較欣賞呢個肉食，牛柳半生熟鮮味猶存，肝醬味道獨特，野菌味融入其中，配上牛柳幾夾，比較可惜牛柳份量唔多，食完仲想食啊！心心
$388 情人套餐
酥皮焗黑松露野菌忌廉湯 ，酥皮焗得幾脆，而且唔會厚身得好過份，湯非常足料杰身，味道濃鬱，預想以外地好。
情人節特飲 ，另外加錢試嘅，因為餐前想飲啲嘢又唔想飲酒，就試吓呢款由唔同果汁混成嘅特飲，味道係幾特別，一開頭有少少唔慣，不過飲飲吓覺得都唔錯。
意大利特式雜盤 ，由蕃茄多士、風乾火腿、沙樂美腸三樣小食組成。多士入口香脆，配上意式蕃茄沙津唔錯，不過沙律入面生洋蔥較多，一下咬中會覺得好辣口。沙樂美腸有少少梅，而風乾火腿亦比較咸，不過以咁嘅價錢我絕對會接受。
香草牛油扒海鮮配意大利飯 ，海鮮配料雖然每種只一一、兩件，不過款色算多，而且剛剛好唔Overcook，意大利飯幾入味，水準OK。
肝醬野菌焗牛柳 ，相比起意大利飯我比較欣賞呢個肉食，牛柳半生熟鮮味猶存，肝醬味道獨特，野菌味融入其中，配上牛柳幾夾，比較可惜牛柳份量唔多，食完仲想食啊！
心心雙印 ，朱古力心太軟水準唔錯，不過另外個樣我真係食完仲未知係咩嚟sosad......
題外話/補充資料：
雖然係小店，不過老闆真係好有Heart，絕對值得一讚，而且情人節係人都會想做多啲生意，不過店鋪仍安排2人坐4人位，而且環境都叫有佈置，加上點蠟燭，真係談心好地方。而且我都食得幾耐，旁邊換咗三轉人我都未食完，但係都係無趕人，而且仲不時見老闆幫其他情侶影相，真係Nice。BTW因為通道同我好近，所以有時會聽到老闆叫伙計用心啲勤力啲Ser客，哈哈。Over All 真心希望呢間Cafe可以長做長有。
(以上食評乃用戶個人意見 , 並不代表OpenRice之觀點。)
張貼
