瑞士餐廳

營業中

休息中

餐廳裝潢有點歐洲小鎮感覺，特別係一入去見到好大隻牛牛裝飾有點可愛，另外餐廳面積幾大，座位好闊落，坐得幾舒服。蕃茄蓉芝士火鍋今次特別啲揀咗蕃茄口味，帶點微微酸味，而芝士底係用傳統芝士，加入白酒提升香氣，個人覺得酒精感覺幾強烈，麵包粒配芝士咸咸香香，好有趣呀！😆另外仲有其他配料可以配搭芝士火鍋，我地加點薯仔、蘑菇及西蘭花，蘑菇同芝士好夾呀！蘇黎世燴雞肉配蘑菇忌廉汁呢個菜式係瑞士傳統菜式，燴雞肉好嫰滑，蘑菇忌廉汁幾香滑濃郁，旁邊配搭甜甜蕃薯及紫薯蓉，個人覺得雞肉份量再多啲更好。😝蘋果金寶最後仲點咗甜品蘋果金寶，面頭嘅crumble焗到好香脆，帶點肉桂香，而餡料嘅蘋果及提子乾份量幾多。