ROJO

營業中

休息中

有情有義！ 朋友升職加薪約埋食餐飯， 慶祝一下，就是最有意義。平時日本菜、中菜、一般西餐食得多，食西班牙菜也幾好喎。近近地就朋友放工加上OpenRice又見有優惠，事就這樣成了！餐廳唔算好大但都有情調搭夠，同場有幾枱係二人世界，呢度嘅情調，你懂的！頭盤我要Padron Pepper炸西班牙青椒+蒜粒，簡簡單單嘅香口嘢食最啱我！青椒細細隻，唔辣，煮咗又香又甜又多汁，加埋蒜頭好香好惹味，西班牙人真係識食！Huevos Rotos (Broken eggs)溫泉蛋、燒新薯、脆西班牙火腿， 聽個名都知道威水食落就更加好味，配搭有料到，味道好營養高。Seafood Paella主菜當然要西班牙海鮮飯，直情係海鮮大薈萃。海鮮夠新鮮，整體味道更堅，飯係至正，飯粒煙韌又吸收哂海鮮嘅美味，香氣撲鼻心神醉，諗起都會流口水！Sauteed Mussel with chorizo, tomato sauce一個人都可以盡慶，因為一個人已經可以KO全碟。蕃茄+辣腸真係可以無敵，如果可以俾多幾塊多士更perfect!Mixed Berries Napoleon 夠脆夠甜又新鮮，世一甜品我食先，食完快活過神仙。