影片
更多
2024-04-22
147 瀏覽
見有谷友介紹天水圍站下多左間茶餐廳，咪黎試下囉，記憶所級，呢個位得間糖水舖同咖啡店，唔知呢間茶記幾時開嘅呢。沿住輕鐵站行落黎就見到222餐廳了，唔難搵，門口仲有位可泊車添。五點鐘黎到，仲有下午茶喎😆晚市嘅客飯、西式都可以叫了，睇下食咩好先。⭐例湯店家好快送上例湯，熱辣辣正喎，無味精又足料，飲落鮮甜味濃，好飲過唔少湯店😆想叫店家添飲呀！⭐鮮茄焗豬扒飯叫左個焗豬扒飯試試，即叫即焗大約十五分鐘左右上枱，好香啊😋豬扒軟腍入味，好大塊，已切一件件都舖平整個兜㗎。醬汁甜甜酸酸幾好味，仲有唔少蕃茄塊同菠蘿粒，飯炒底，粒粒金黃又香口，高水準之作喎。不過食到尾覺得啲飯略鹹，可能咁啱果個位啲鹽無炒均，扣分～🤣⭐凍檸茶個餐送熱餐飲，凍飲加$2，叫左杯凍檸茶走甜，意外地居然有青檸加黃檸檬，夠冰凍，正好解解膩👍可能仲係新店又加上落雨，堂食得兩、三枱，但外賣單就響個不停，小店加油💪
沿住輕鐵站行落黎就見到222餐廳了，唔難搵，門口仲有位可泊車添。
五點鐘黎到，仲有下午茶喎😆晚市嘅客飯、西式都可以叫了，睇下食咩好先。
⭐例湯
店家好快送上例湯，熱辣辣正喎，無味精又足料，飲落鮮甜味濃，好飲過唔少湯店😆想叫店家添飲呀！
⭐鮮茄焗豬扒飯
叫左個焗豬扒飯試試，即叫即焗大約十五分鐘左右上枱，好香啊😋
豬扒軟腍入味，好大塊，已切一件件都舖平整個兜㗎。醬汁甜甜酸酸幾好味，仲有唔少蕃茄塊同菠蘿粒，飯炒底，粒粒金黃又香口，高水準之作喎。
不過食到尾覺得啲飯略鹹，可能咁啱果個位啲鹽無炒均，扣分～🤣
⭐凍檸茶
個餐送熱餐飲，凍飲加$2，叫左杯凍檸茶走甜，意外地居然有青檸加黃檸檬，夠冰凍，正好解解膩👍
可能仲係新店又加上落雨，堂食得兩、三枱，但外賣單就響個不停，小店加油💪
張貼
