一點心 (通菜街)

營業中

休息中

五點九就黎到，見到門口有幾個人，以為要等位，原來係等外賣的人。唔洗等就有位，都有三四張空枱。原本俾佢個餐包吸引黎，點知佢張點心紙劃左，無得叫兩個人叫左四個點心。叫左無幾耐，啲野食就到，分開叫可能會好啲，始終比較鍾意食啲熱騰騰既點心。豐料珍珠雞真係幾大隻同埋幾多料，有雞，叉燒，冬菇同肉碎，糯米飯夠林，但又唔會好濕。兩個人分唔會好溜。蟹籽燒賣還好啦，幾鮮味，豬肉肥瘦適中，不過就無咩蝦，所以有少少實。炸兩腸腸粉片幾滑，如果叫其他腸粉應該會幾好味。但個炸兩就好一般，有啲un，得少少位係脆。可能因為炸兩皮有啲厚呱。。。叉燒包兩大個，麵包夠軟綿，餡料又夠，食完呢個都幾飽。不過男友食個個啲餡有燶味，應該係煮燶左個餡。整體感覺不錯，但地方較少和擠迫，廁所要去後巷。