牛陣 (已結業)

之前係尖沙咀食過，感覺不錯，於是今日下午去太子食Lunch,唔使等位，每人叫一個$108餐,當碟豬食完後，問職員想添一碟，職員拒絕，話我地唔係任食餐，但之前我地食過明明係任食，咁就算喇，隔左陣隔離枱埋單，點知發現價錢唔arm,原來佢地係食$68 set lunch,但職員安排左$148既餐比人食，之後果個拒絕添野比我地既職員行埋來同我地講，我地係任食餐，佢睇錯左，我地可以任食任飲，呆左，不知所謂，我地只添左一碟豬肉，點知成碟豬得2塊食得，其它全部係肥肉，埋單價錢又唔arm,問個職員，職員睇都唔睇又唔用腦話要加一，唉~我地夠知要加一啦，係佢計左我地每位$148，而唔係$108。唉，職員服務真係好差，一定唔會返轉頭。請著咁既職員真係倒公司米。